Sani di yu kan fruteri fu den tijdschrift

A Waktitoren 15 mei

„Yu denki taki wan fasi de fa wi kan kon sabi Gado? [Gi a sma na okasi fu piki.] Yu sa agri nanga mi taki a no makriki fu bribi na ini wan sma di wi no sabi so bun. Fu dati ede Bijbel e gi wi deki-ati fu suku Gado. [Leisi Tori fu den Apostel 17:27.] Den pisi tori disi e sori wi fa wi kan kon sabi Gado moro bun.”

Ontwaakt! 22 mei

„Den tiriman fu grontapu pruberi ala sortu sani fu lusu den problema fu wi. Now den e pruberi fu tyari ala den kondre fu grontapu kon na wan, so taki den kan wroko makandra. Na ini a tijdschrift disi yu kan leisi fa a nyun sani disi di den e pruberi fu du, kande abi krakti tapu yu libi nownow kaba. Ma yu kan leisi tu san Bijbel ben taki na fesi kaba fu a lusu gi ala problema na heri grontapu.” Baka dati yu kan leisi Mateyus 6:9, 10.

A Waktitoren 1 yun.

„Sani di pasa no so langa ete e meki taki furu sma aksi densrefi fu san ede sma e dede so fruku, aladi den no du ogri. Oiti yu aksi yusrefi fu san ede sma e dede? [Gi a sma na okasi fu piki, èn dan yu kan sori en a faki na bladzijde 7.] Yu ben sa wani sabi san Bijbel e taki fu wan fu den sortu anansitori disi di furu sma e bribi?” Efu a kan dan yu kan leisi wan fu den tekst di skrifi na ini a tijdschrift.

Ontwaakt! 8 yun.

„Furu sma feni taki kerkileri nanga sabidensi no e kruderi nanga makandra. Sonwan fu den e feni srefi taki wan sma di sabi sani fu sabidensi, no kan bribi na ini Gado kwetikweti. Fa yu e prakseri fu a tori dati? [Gi a sma na okasi fu piki.] Na Ontwaakt! disi e taki fu a pisi tori disi na wan tumusi moi fasi.”