Schema gi a Diniwroko Konmakandra

Wiki di e bigin 13 yanuari

Singi 69

10 min: Wan tu sani fu a gemeente. Wan tu sani di teki puru fu Wi Kownukondre diniwroko. Gebroiki den rai na tapu bladzijde 4 fu sori fa wi kan pristeri A Waktitoren fu 15 december nanga na Ontwaakt! fu 22 december. Ini ala den tu demonstrâsi den musu pristeri A Waktitoren nanga Ontwaakt! makandra, ma a preikiman musu poti prakseri na wán fu den tu tijdschrift nomo.

15 min: Wini den sondro wan wortu. Lezing nanga takimakandra nanga den arkiman. A tumusi bun fasi fa wan Kresten e tyari ensrefi na wan moi fasi fu gi kotoigi. Disi naki na ati fu son patna di no de na bribi fu tron anbegiman fu Yehovah (1 Petr. 3:1, 2). Taki fu ondrofenitori di de fu feni na ini A Waktitoren fu 1 yanuari 1999, blz. 4; A Waktitoren fu 1 oktober 1995, blz. 9, 10; nanga a Jaarboek 1995, blz. 46. Sreka sani na fesi so taki tu noso dri sma kan taki wan sani fu den winimarki di den kisi fu di den ben waka na baka den rai fu Bijbel di abi fu du nanga a tori disi.

20 min: „Libi akruderi a gi di wi gi wisrefi abra na Yehovah”.a Te yu kaba luku paragraaf 3, dan yu kan taki syatu nanga wan yongu sma di dopu kaba noso nanga wan dopu tini. Sortu tesi miti en sensi a teki dopu? San ben yepi en fu kakafutu gi den tyalensi dati? Sortu wini a kisi fu di a gi ensrefi abra na Yehovah?

Singi 22 nanga lasti begi.

Wiki di e bigin 20 yanuari

Singi 44

8 min: Wan tu sani fu a gemeente. Raportu fu moni afersi.

15 min: Yu e ondrosuku den Buku fu Bijbel ala dei? Wan lezing nanga wan takimakandra nanga den arkiman. Gi ala sma deki-ati fu gebroiki a brochure Ondrosuku den Buku fu Bijbel ala dei​—2003 na wan bun fasi. Taki fu den rai di skrifi ini „Wan tu wortu na fesi” na tapu bladzijde 3, 4. Gi rai di e sori fa osofamiri kan taki makandra fu a deitekst. Taki fu tu noso dri eksempre fu a deitekst nanga den komentaar di wi o luku tra mun, fu sori sortu wini wi kan kisi te wi e luku a deitekst ibri dei. Hori wan syatu demonstrâsi di e sori fa wan masra nanga en wefi e taki makandra fu a deitekst nanga a komentaar fu a dei dati.

22 min: „Leri trawan a soifri tongo”.b Te yu kaba luku paragraaf 6, dan meki wan preikiman di abi furu ondrofeni demo fa wi kan bigin studeri Bijbel nanga wan sma na en doromofo te wi e go baka na en. A preikiman musu gebroiki wán fu den pristeri na ini na inibere pisi fu Wi Kownukondre diniwroko fu yanuari 2002, bladzijde 4, èn a musu taki makandra nanga na ososma fu wan paragraaf na ini a San Gado aksi-brochure. Na a kaba fu a demonstrâsi, dan a preikiman e poti wan aksi gi na ososma di abi fu du nanga a tra paragraaf. A e meki mofo fu piki na aksi dati te a o go baka na a sma. Gi ala sma deki-ati fu luku efu iniwan sma na pe den e tyari gobaka, ben sa wani studeri Bijbel na a fasi disi.

Singi 68 nanga lasti begi.

Wiki di e bigin 27 yanuari

Singi 92

10 min: Wan tu sani fu a gemeente. Memre den preikiman fu no frigiti fu gi den preikiwroko raportu. Gebroiki den rai na tapu bladzijde 4 fu hori tu demonstrâsi di e sori fa wi kan pristeri A Waktitoren fu 1 yanuari nanga na Ontwaakt! fu 8 yanuari. Na a kaba fu ibri demonstrâsi a preikiman musu gi na ososma a traktaat Yu Ben Sa Wani Sabi Moro fu Bijbel? Wán fu den ososma e teki a traktaat, ma a trawan e weigri fu teki en. Tyari syatu kon na krin fa wi kan go baka na sma pe yu ben prati tijdschrift makandra nanga a traktaat.​—Luku Wi Kownukondre diniwroko fu november 2001, blz. 4, par. 10.

15 min: Sani di a gemeente abi fanowdu.

20 min: Yepi trawan fu kon krosibei na Yehovah. Wan lezing nanga wan takimakandra nanga den arkiman. Ini februari wi sa pristeri a nyun buku Nader dicht tot Jehovah (Kon krosibei na Yehovah). Taki fu den bigin wortu gi den leisiman di de na tapu bladzijde 3 èn poti prakseri na wan tu moi penti fu a buku. Ibriwan fu den fo pisi fu a buku e poti prakseri na wán fu den moro prenspari eigifasi fu Yehovah. Wán kapitel de di e sori fa Yesus ben sori na eigifasi dati èn wán kapitel e taki fa wi kan du dati tu. A buku abi 17 prenki fu wan heri bladzijde di e sori wan tu Bijbel tori. Den faki di nen „Vragen ter meditatie” (Aksi fu san yu kan prakseri dipi) e yepi wi fu prakseri fu tra prenspari sani di abi fu du nanga wan tori. Taki fu a faki di nen „Difrenti fasi fu pristeri a buku Nader dicht tot Jehovah”, èn meki wan preikiman di abi furu ondrofeni demo wán fu den pristeri disi.

Singi 124 nanga lasti begi.

Wiki di e bigin 3 februari

Singi 9

15 min: Wan tu sani fu a gemeente. Taki fu a pisi tori „Aksi di opo kon”. Gi den preikiman deki-ati fu gebroiki a papira di nen Te bezoeken anderstalig adres (S-43) te den miti sma di e taki wan tra tongo. Disi ben tyari kon na krin kaba ini a brifi fu 15 oktober 1998 gi ala den gemeente. Moro furu a de so taki wi musu gebroiki a papira disi, srefi te a sma no wani sabi moro fu a Kownukondre boskopu.

12 min: Teki na eksempre fu a bribi di den abi. Taki nanga wan owruman di e dini Yehovah getrow èn nanga sakafasi furu yari kaba (Hebr. 13:7). Fa a ben kon leri sabi a waarheid? Sortu problema a ben musu wini fu di a ben teki a waarheid? Sortu seti na yeye fasi, noso sortu deki-ati di a kisi, ben yepi en fu go na fesi? San a ben du fu man dini leki opziener ini a gemeente? (1 Tim. 3:1) San yepi en fu tyari den frantwortu di a abi ini a gemeente, na wrokope èn ini en osofamiri, na wan yoisti fasi? (1 Tim. 5:8) Fa a e denki fu a spesrutu grani di a abi fu yepi trawan ini a gemeente?

18 min: „Wan wroko di musu du nanga sakafasi”.c Te yu e taki fu paragraaf 3, dan aksi den arkiman fu gi eksempre di e sori san wi kan du te wan sma ini a kontren fu wi grofu, noso e spotu wi, e haritaki nanga wi, noso e atibron. Te yu e taki fu paragraaf 4, dan taki sosrefi fu wan tu sani di teki puru fu Inzicht, Pisi 1, bladzijde 420, paragraaf 6.

Singi 133 nanga lasti begi.

[Futuwortu]