Schema gi a Diniwroko Konmakandra
Wiki di e bigin 14 yuli
10 min: Wan tu sani fu a gemeente. Wan tu sani di teki puru fu Wi Kownukondre diniwroko. Gebroiki den rai na tapu bladzijde 4 fu hori tu demonstrâsi di e sori fa fu pristeri A Waktitoren fu 15 yuni nanga na Ontwaakt! fu 22 yuni na ini a kontren fu a gemeente. Meki a preikiman hori a demonstrâsi disi neleki fa sani e waka trutru na ini a preikiwroko. Pristeri ala tu tijdschrift na ini den demonstrâsi, aladi yu e taki fu wán tijdschrift nomo.
15 min: Na sortu fasi wi e kisi wan moro bun libi te wi e anbegi Yehovah? Takimakandra nanga den arkiman. A tru anbegi na a moro prenspari sani di e meki sma abi wan koloku libi di e gi den wan marki na ini a libi. (1) A e sori wi san wi kan du te problema miti wi èn te wi e broko wi ede nanga a libi (Fil. 4:6, 7). (2) A e yepi wi fu abi maniri di e plisi Gado (2 Petr. 1:5-8). (3) A e yepi wi fu gebroiki wi ten nanga den sani di wi abi na wan fasi di e tyari wini gi sma na heri grontapu (1 Tim. 6:17-19). (4) A e gi wi wan trutru howpu gi a ten di e kon (2 Petr. 3:13). (5) A e meki wi kisi wan bun banti nanga Yehovah (Yak. 4:8). Luku fa sani e difrenti fu den sma di no sabi noso di no e anbegi Yehovah.
20 min: „Sori warderi gi a sari-ati fu Gado”.a Te yu e taki fu paragraaf 3, dan gi wan eksempre fa yu kan tyari den tijdschrift doronomo gi wan sma. Teki na eksempre fu Wi Kownoekondre Dienst fu oktober 1998, bladzijde 8. Aksi wán noso tu preikiman di abi ondrofeni, sortu pristeri den gebroiki di ben wroko bun fu bigin bijbelstudie. Gi ala sma a deki-ati fu poti en leki marki fu abi wan bijbelstudie.—om-O bladzijde 93.
Singi 176 nanga lasti begi.
Wiki di e bigin 21 yuli
10 min: Wan tu sani fu a gemeente. Raportu fu moni afersi.
10 min „Nyun kring konmakandra programa”. Lezing èn takimakandra nanga den arkiman.
25 min: Waka baka na eksempre fu den apostel nanga den fosi Kresten di ben preiki nanga deki-ati. Wan takimakandra nanga den arkiman di teki puru fu na Anbegi Gado-buku, bladzijde 170, 171. Aksi den arkiman fu gi piki tapu den aksi fu paragraaf 7 èn meki den taki tu fu den bijbeltekst di kari. Suku wan tu bijbeltekst di yu kan leisi na a takimakandra. Poti prakseri na san wi kan leri fu den tori disi èn fa a e yepi wi fu si a preikiwroko di wi kisi fu du na wan yoisti fasi.
Singi 201 nanga lasti begi.
Wiki di e bigin 28 yuli
10 min: Wan tu sani fu a gemeente. Memre den preikiman fu gi den preikiwroko raportu fu a mun yuli. Gebroiki den rai na tapu bladzijde 4 fu hori tu demonstrâsi di e sori fa fu pristeri A Waktitoren fu 1 yuli nanga na Ontwaakt! fu 8 yuli. Pristeri ala tu tijdschrift na ini den demonstrâsi, aladi yu e taki fu wán tijdschrift nomo. Sori na ini wan fu den demonstrâsi fa a preikiman e gi kotoigi na wan okasi.
15 min: Sani di a gemeente abi fanowdu.
20 min: „A e gi prisiri fu preiki makandra na ini wan grupu”.b Te yu e taki fu paragraaf 3, dan taki tu fu na Aksi Boksu na ini Wi Kownukondre Diniwroko fu september 2001. Taki syatu nanga wan Gemeente Bukustudie opziener. Aksi en sortu seti a ben meki gi a bukustudie grupu fu en èn sortu wini den kisi fu di den e preiki makandra na ini wan grupu.
Singi 36 nanga lasti begi.
Wiki di e bigin 4 augustus
12 min: Wan tu sani fu a gemeente. Taki fu den sani di wi sa pristeri na ini a mun disi. Hori wán noso tu syatu demonstrâsi di e sori fa fu pristeri den brochure. Taki fu „Gebroiki a koni di yu abi fu taki wan tra tongo fu yepi moro sma” èn gi den sma di man taki wan tra tongo a deki-ati fu aksi a sekretarsi moro fu a tori disi.
18 min: „Fa fu pristeri buku na presi pe sma e taki difrenti tongo”.c Gebroiki den aksi di skrifi. Te yu e taki fu paragraaf 3, dan hori wan demonstrâsi di e sori na wan makriki fasi fa fu pristeri publikâsi na den sma di e taki wan tra tongo na ini a kontren fu a gemeente; hori a demo disi soso te wan gemeente no de fu yepi den sma di e taki a tongo dati.—km 7/02 bladzijde 1, paragraaf 4.
15 min: Yonguwan e prèise Yehovah! Wan lezing èn takimakandra nanga den arkiman èn sosrefi wan takimakandra nanga wan tu preikiman. Wi e prisiri taki na den konmakandra wi e yere den yonguwan gi piki di sreka bun na fesi. A de wan prisiri fu si taki den de fayafaya èn taki den e go na fesi na a Theokrasia Diniwroko-skoro. Den e sori trutru bribi fu di den e gi bun kotoigi na ini a diniwroko. Den e tyari densrefi na wan fasi di e gi Yehovah glori (yb88-O bladzijde 53, 54). Fu di den e go na fesi na yeye fasi meki taki den kan kisi moro grani na ini a diniwroko na ini a ten di e kon. Taki syatu nanga tu noso dri Kresten yonguwan di e prisiri fu teki prati doronomo na a diniwroko. Prèise den yonguwan na ini a gemeente fu a moi muiti di den e meki fu prèise Yehovah.
Singi 49 nanga lasti begi.
[Futuwortu]
a Den sani di yu e taki na a bigin no musu teki moro leki wán miti. Go doro baka dati nanga wan aksi-nanga-piki takimakandra.
b Den sani di yu e taki na a bigin no musu teki moro leki wán miti. Go doro baka dati nanga wan aksi-nanga-piki takimakandra.
c Den sani di yu e taki na a bigin no musu teki moro leki wán miti. Go doro baka dati nanga wan aksi-nanga-piki takimakandra.