Schema gi a Diniwroko Konmakandra
Wiki di e bigin 8 maart
10 min: Wan tu sani fu a gemeente. Wan tu sani di teki puru fu Wi Kownukondre diniwroko. Memre ala sma fu tyari a nyun brochure ’Zie het Goede Land’ na a Diniwroko Konmakandra di wi sa hori tra wiki. Gebroiki den rai na tapu bladzijde 6 fu hori tu demonstrâsi di e sori fa yu kan pristeri A Waktitoren fu 15 februari nanga na Ontwaakt! fu 22 februari.
15 min: Gebroiki den traktaat fu bigin wan takimakandra. Wan takimakandra nanga den arkiman. Furu tron, a moro muilek sani na ini a preikiwroko na fu bigin wan takimakandra. Wi kan gebroiki den traktaat fu bigin wan takimakandra te wi e preiki oso fu oso, na bisnis presi, èn na presi pe ala sma kan go. Luku syatu tu, noso dri traktaat di kan hari sma prakseri na ini a kontren drape. San wi kan taki na a bigin te wi e pristeri den traktaat disi? Fa wi kan gebroiki den prenki? Sortu aksi di fiti wi kan poti gi den sma? Na ibri traktaat yu musu poti prakseri na wán paragraaf, di yu kan luku te na oso-sma sori taki a wani sabi moro. Sori na ini wan demonstrâsi fa wi kan bigin wan takimakandra nanga yepi fu wan traktaat. Meki a preikiman taki syatu fu wan paragraaf fu a traktaat èn baka dati a kan tapu a takimakandra fu di a e pristeri a Sabi-buku.
20 min: „Lobi Yehovah, un alamala di de loyaal”.a Te yu e taki fu paragraaf 3, dan aksi den arkiman fu taki fa den ben gi sma wan kari fu kon na a Memrefesa.
Singi 131 nanga lasti begi.
Wiki di e bigin 15 maart
10 min: Wan tu sani fu a gemeente. Luku den moro prenspari penti fu „Sani di wi musu hori na prakseri gi a Memrefesa”. Meki bekènti o ten a Waktitoren-studie sa hori na ini a wiki fu a Memrefesa.
15 min: Taki fu den spesrutu sani di wi o du na a ten fu a Memrefesa. Takimakandra nanga den arkiman di a dienstopziener e hori. Taki fu den spesrutu sani di seti. Fruteri wan tu ondrofenitori di e gi deki-ati. Gi den sma di kan go na ini a yepi-pionierwroko, deki-ati fu du disi na ini april nanga mei. Taki syatu fu wan tu sani fu na inibere pisi fu Wi Kownukondre diniwroko fu februari.
20 min: Kisi wini fu ’Zie het goede land’. A nyun brochure disi kan yepi wi fu frustan sani moro bun te wi e leisi èn e studeri Gado Wortu. Te wi e gebroiki a brochure disi, dan wan prenspari sani di wi musu luku na a register (bakasei fu a brochure di e sori na tapu sortu karta yu kan feni wan presi). Leisi Yesaya 63:1, di e sori taki Yehovah e komoto fu Bosra. Aksi ala sma fu suku Bosra na ini a register fu a ’Goede land’-brochure. Fruklari san „Bosra 11 G11” wani taki nanga yepi fu a pikin faki na tapu bladzijde 34. Suku Bosra nanga Edom na tapu a karta pe den presi disi de fu feni. Gebroiki a register fu suku a pasi di Yesus ben waka fu Yerusalem go na Sikar (Yoh. 4:3-5). Suku na a srefi fasi, a presi Betsata pe watra ben de (Yoh. 5:1-3). Suku wan, noso tu moi eksempre di teki puru fu na alawiki leisipisi fu Bijbel fu a Theokrasia Diniwroko-skoro. Aksi den arkiman fu taki pe den kan feni den presi disi na ini a brochure èn aksi den na sortu fasi wi kan kisi wini te wi e luku den karta. Poti prakseri syatu na den karta di de fu feni na ini a brochure èn sori sosrefi fu sortu pisi ten den karta e taki. A karta na tapu bladzijde 18, 19 e sori moro furu presi fu Bijbel ten. Gi ala sma deki-ati fu gebroiki a brochure ’Zie het goede land’ bun.
Singi 63 nanga lasti begi.
Wiki di e bigin 22 maart
10 min: Wan tu sani fu a gemeente. Raportu fu moni afersi. Memre ala sma fu leisi den pisi fu Bijbel gi a Memrefesa di de na ini Ondrosuku den Buku fu Bijbel ala dei—2004 nanga a Kalender 2004. Wi musu leisi den bijbeltori disi na ini a pisi ten fu 30 maart te go miti 4 april.
15 min: Sani di a gemeente abi fanowdu.
20 min: „Wan feti fu asi-tyariman di abi fu du nanga yu”.b Efu ten de ete, dan leisi èn taki fu den tekst di skrifi.
Singi 181 nanga lasti begi.
Wiki di e bigin 29 maart
10 min: Wan tu sani fu a gemeente. Memre den preikiman fu gi den preikiwroko raportu fu a mun maart. Taki fu den sani di wi sa pristeri na ini april. Gebroiki den rai na tapu bladzijde 6 fu hori tu demonstrâsi di e sori fa yu kan pristeri A Waktitoren fu 1 maart nanga na Ontwaakt! fu 8 maart.
15 min: Gebroiki a Jaarboek 2004 na wan bun fasi. Lezing èn takimakandra nanga den arkiman. Taki fu wan tu edeprakseri fu „Een brief van het Besturende Lichaam” (Wan brifi fu a Tiri Skin), fu a heimarki fu a raportu fu heri grontapu, èn fu wan tu ondrofenitori di e tranga a bribi fu wi. Gi ala sma deki-ati fu leisi a heri buku na ini a yari disi.
20 min: A waarheid e meki osofamiri kon na wán. Lezing èn takimakandra nanga den arkiman. Den sma di wani sabi moro fu waarheid, son tron e draidrai fu dini Yehovah fu di den e kisi gens fu den famiri. Fruteri wan tu fu den ondrofenitori di e kon now: A Waktitoren fu 1 yanuari 2002, bladzijde 14-15; A Waktitoren fu 1 december 2002, bladzijde 8; A Waktitoren fu 1 september 1999, bladzijde 32; A Waktitoren fu 1 yanuari 1999, bladzijde 4; nanga Ontwaakt! fu 22 februari 1998, bladzijde 31. Sori taki furu tron na osofamiri libi e kon moro bun te soso wán memre fu na osofamiri e hori ensrefi na Bijbel gronprakseri.
Singi 130 nanga lasti begi.
Wiki di e bigin 5 april
10 min: Wan tu sani fu a gemeente.
20 min: Wi e kisi bun nen te wi de krin na skin sei. Wan lezing di teki puru fu A Waktitoren fu 1 yuni 2002, bladzijde 19-21. Hori wan demonstrâsi di e sori fa wan owruman e sori wan pionier fa a kan yepi wan bijbelstudenti na wan switi fasi, fu si taki a de prenspari fu krin en oso nanga en dyari. Gebroiki les 9, paragraaf 5, fu a San Gado e aksi-brochure.
15 min: Fruteri ondrofenitori di abi fu du nanga a Memrefesa èn nanga a fasi fa den preikiman ben du moro na ini a diniwroko na ini maart.
Singi 25 nanga lasti begi.
[Futuwortu]
a Den sani di yu e taki na a bigin no musu teki moro leki wán miniti. Go doro baka dati nanga wan aksi-nanga-piki takimakandra.
b Den sani di yu e taki na a bigin no musu teki moro leki wán miniti. Go doro baka dati nanga wan aksi-nanga-piki takimakandra.