Schema gi a Diniwroko Konmakandra

Hori na prakseri: Wi Kownukondre diniwroko sa abi wan Diniwroko Konmakandra programa gi ibri wiki na ini den mun te fakansi de. Den gemeente kan kenki a programa te a de fanowdu, so taki den kan go na a „Waka nanga Gado” Distrikt Kongres. Pe a de fanowdu, gebroiki 15 miniti fu a lasti Diniwroko Konmakandra bifo a kongres, fu taki spesrutu fu sani di teki puru fu na inibere pisi fu Wi Kownukondre diniwroko fu a mun disi. Taki fu den pisi di fiti a gemeente. Na ini oktober wi sa gebroiki wan heri Diniwroko Konmakandra fu luku den edepenti fu a kongres programa ete wan leisi. Ibriwan fu wi kan sreka wisrefi gi a takimakandra dati, fu di wi alamala sa skrifi den prenspari sani di wi sa yere na a kongres. Wi kan skrifi sosrefi wan tu sani di wisrefi wani fiti na ini wi libi èn san wi wani gebroiki na ini a preikiwroko. Dan wi sa man gi trawan deki-ati fu di wi e fruteri den fa wi ben man gebroiki den rai di wi kisi na a kongres.

Wiki di e bigin 12 april

Singi 93

10 min: Wan tu sani fu a gemeente. Wan tu sani di teki puru fu Wi Kownukondre diniwroko. Gebroiki den rai na tapu bladzijde 8 fu hori tu demonstrâsi di e sori fa yu kan pristeri A Waktitoren fu 15 maart nanga na Ontwaakt! fu 22 maart. Pristeri ala tu tijdschrift na ini den demonstrâsi, aladi yu e taki fu wán tijdschrift nomo. Sori na ini ibriwan fu den demonstrâsi, wan difrenti sani di yu kan du te wan sma wani tapu a takimakandra fu di a e taki: „Mi abi furu fu du.”—Luku a pikin buku Fa foe bigin èn go doro nanga bijbel takimakandra, bladzijde 11.

15 min: „Gi Yehovah den moro bun sani”.a Te yu e taki fu paragraaf 4, dan aksi den arkiman fu taki na sortu spesrutu fasi wi kan sori lobi gi sma te wi e du wi diniwroko.

20 min: „Meki wi alamala makandra hei a nen fu en”.b A gemeente sekretarsi musu hori a pisi disi èn a musu gebroiki den aksi di skrifi. Taki na sortu kongres a gemeente o go. A ten te a programa o bigin, skrifi na ini na inibere pisi fu Wi Kownukondre diniwroko fu december 2003. Efu a de fanowdu, dan yu kan taki fu tra prenspari sani di kari na ini na inibere pisi. Tapu a takimakandra fu di yu e poti tu, noso dri aksi fu na artikel „Yeye nyanyan na a reti ten”, di wi sa luku na a Diniwroko Konmakandra fu tra wiki.

Singi 91 nanga lasti begi.

Wiki di e bigin 19 april

Singi 55

8 min: Wan tu sani fu a gemeente.

17 min: „Abi a srefi fasi fu denki leki di fu Yesus”.c Gebroiki den aksi di skrifi. Te yu e taki fu paragraaf 4, dan aksi den wan di de na ini a yepi-pionierwroko fu taki sortu blesi den kisi di den du dati.

20 min: „Yeye nyanyan na a reti ten”.d Gebroiki den aksi di skrifi. Te yu e taki fu paragraaf 2, dan aksi wán, noso tu sma na ini publiki fu taki fu wan moi kongres pe den ben go. Tapu a takimakandra fu di yu e poti tu, noso dri aksi fu na artikel „Wi musu de santa na ini ala san wi e du”, di wi sa luku na a Diniwroko Konmakandra fu tra wiki.

Singi 80 nanga lasti begi.

Wiki di e bigin 26 april

Singi 46

12 min: Wan tu sani fu a gemeente. Raportu fu moni afersi. Memre den preikiman fu gi den preikiwroko raportu fu a mun april. Taki fu den sani di wi sa pristeri na ini mei. Gebroiki den rai na tapu bladzijde 8 fu hori tu demonstrâsi di e sori fa fu pristeri A Waktitoren fu 1 april nanga na Ontwaakt! fu 8 april. Pristeri ala tu tijdschrift na ini den demonstrâsi aladi yu e taki fu wán tijdschrift nomo. Sori na ini wan fu den demonstrâsi fa wan preikiman e gi kotoigi na wan sma nanga suma a e wroko, noso nanga suma a e go na skoro.

15 min: Sani di a gemeente abi fanowdu.

18 min: „Wi musu de santa na ini ala san wi e du”.e Gebroiki den aksi di skrifi. Aksi den arkiman fu taki fa den ben si taki a bun fasi fa wi e tyari wisrefi na den kongres, e tyari prèise gi Yehovah. Tapu a takimakandra fu di yu e poti tu, noso dri aksi fu na artikel „Wi krosi nanga a fasi fa wi e moi wisrefi musu de krin èn a musu de fu prèise”, di wi sa luku na a Diniwroko Konmakandra fu tra wiki.

Singi 38 nanga lasti begi.

Wiki di e bigin 3 mei

Singi 48

10 min: Wan tu sani fu a gemeente. Taki syatu fu sani di sma gwenti fu du na ini a fakansi, soleki fu go na a distrikt kongres, fu go na ini a yepi-pionierwroko, fu seti sani moro bun na den oso, èn kande fu go koiri pikinso. Efu a gemeente abi kontren pe den no e preiki so furu, dan taigi den arkiman sortu sani seti fu wroko na den kontren dati. A de fanowdu fu seti sani bun so taki wi alamala no e frigiti fu hori na osofamiri studie, fu go na den gemeente konmakandra, nanga a preikiwroko te wi e go nanga fakansi, noso te wi e du tra sani di wi no gwenti fu du ala dei (Odo 21:5). Memre ala sma taki awansi den de na oso noso na wan tra presi, den musu gi den preikiwroko raportu.

15 min: „Yonguwan—Leisi Gado Wortu!”f Seti sani na fesi so taki wán, noso tu yonguwan e taki sortu sani den seti fu leisi Bijbel èn sortu wini den e kisi fu dati. Gi den yonguwan deki-ati fu poti leki marki fu leisi a heri Bijbel. Taki wan tu sani sosrefi fu a Diniwroko-skoro-buku bladzijde 10, paragraaf 4.

20 min: „Weri krosi di fiti èn de wan eksempre ini a fasi fa yu e moi yusrefi”.g Gebroiki den aksi di skrifi. Efu ten de ete, dan yu kan leisi èn taki fu den bijbeltekst di skrifi.

Singi 164 nanga lasti begi.

[Futuwortu]