Schema gi a Diniwroko Konmakandra

Wiki di e bigin 10 mei

Singi 193

10 min: Wan tu sani fu a gemeente. Wan tu sani di teki puru fu Wi Kownukondre diniwroko. Efu den rai di skrifi na tapu bladzijde 4 fiti gi a kontren fu a gemeente fu yu, dan yu kan gebroiki den fu hori tu demonstrâsi di e sori fa yu kan pristeri A Waktitoren fu 15 april nanga na Ontwaakt! fu 22 april. Yu kan pristeri den na wan tra fasi tu. Gebroiki ibriwan fu den demonstrâsi fu sori san yu kan du te wan sma wani tapu a takimakandra fu di a e taki „Mi abi mi eigi kerki”.—Luku a pikin buku Fa foe bigin èn go doro nanga bijbel takimakandra, bladzijde 9, 10.

15 min: Yu taki kaba nanga yu wrokobasi? Lezing èn takimakandra nanga den arkiman fu na artikel „¿Yu Sa De Drape?” di wan owruman e hori, èn di teki puru fu Wi Kownukondre Dienst fu yanuari 2000, bladzijde 1. Taki wan tu sani fu a Diniwroko-skoro-buku, bladzijde 67.

20 min: „Unu musu bradi un ati”.a Taki wan tu sani fu na Anbegi Gado-buku, bladzijde 150, paragraaf 14.

Singi 18 nanga lasti begi.

Wiki di e bigin 17 mei

Singi 188

10 min: Wan tu sani fu a gemeente.

15 min: „Sori taki yu de nanga tangi na ati”.b Efu ten de ete, aksi den arkiman fu gi piki tapu den tekst di kari. Te yu e taki fu paragraaf 3, aksi wán noso tu preikiman di ben de na ini a yepipionier-wroko no so langa pasa, fu fruteri sortu blesi den kisi fu di den ben du dati.

20 min: Wi e sorgu gi makandra (1 Kor. 12:25, 26). Lezing èn takimakandra nanga den arkiman di teki puru fu a Bediening-buku, bladzijde 158, 159, na a ondro-edeprakseri „Zorg voor elkaar”. Aladi a pipel fu Yehovah e libi na ala sei fu grontapu, toku wi de na ini wánfasi. Wi alamala musu begi gi wi brada nanga sisa ibri dei. Wi de klariklari tu fu yepi den na materia sei te a de tranga fanowdu. Leisi èn taki fu den moro prenspari tekst, èn taki fu wán noso tu ondrofenitori di de fu feni na ini den publikâsi fu wi.

Singi 100 nanga lasti begi.

Wiki di e bigin 24 mei

Singi 128

12 min: Wan tu sani fu a gemeente. Raportu fu moni afersi. Sori na ini wan demonstrâsi fa fu pristeri A Waktitoren fu 1 mei nanga na Ontwaakt! fu 8 mei. Fiti ibri demonstrâsi so taki a kan hari a prakseri fu wan sma na ini a kontren fu yu di de fu wan tra kerki.

15 min: „Poku di kan meki wi firi bun”. Lezing èn takimakandra nanga den arkiman. Taki wan tu sani di teki puru fu a Jaarboek 2002, bladzijde 175, nanga a Waktitoren fu 1 februari 1997, bladzijde 27, paragraaf 1, 2.

18 min: De srekasreka fu gi kotoigi na ibri okasi. Lezing èn takimakandra nanga den arkiman di teki puru fu Wi Kownukondre diniwroko fu yuni 2003, bladzijde 3. Sreka sani na fesi so taki wan tu preikiman kan fruteri san den ondrofeni di den ben e gi kotoigi na ibri okasi. Hori wan syatu demonstrâsi di e sori fa wi kan gebroiki a traktaat Yu Ben Sa Wani Sabi Moro fu Bijbel? èn a brochure Goed nieuws voor alle natiën, fu preiki na ibri okasi.

Singi 211 nanga lasti begi.

Wiki di e bigin 31 mei

Singi 26

8 min: Wan tu sani fu a gemeente. Memre den preikiman fu gi den preikiwroko raportu fu a mun mei.

17 min: Libi—Wan presenti di wi musu warderi. Takimakandra nanga den arkiman di teki puru fu a Redeneren-buku, bladzijde 33-35. Taki wan tu sani fu na Ontwaakt! fu 22 mei 1993, bladzijde 10, 11. Efu wan sma feni taki wan uma abi a reti fu du san a wani nanga en eigi skin, dan fa yu ben o fruklari gi sowan sma fa Yehovah e prakseri fu puru bere? Fruteri fu ondrofenitori di de fu feni na ini a Waktitoren fu 1 yanuari 2000, bladzijde 4, paragraaf 4, 5.

20 min: „Fa fu prati a buku Teki leri fu a Bigi Leriman”. Na ini yuni wi sa pristeri a buku disi. Poti prakseri na den moi penti di de na tapu bladzijde 7, paragraaf 1-3, fu a buku. Aksi den arkiman fu fruteri san den lobi fu a buku. Taki fu den rai di e sori fa wi kan pristeri a buku. Tyari kon na krin san wi kan taki fu den prenki te wi e pristeri a buku. Meki wan yonguwan hori wan demonstrâsi fu a fosi fasi fa wi kan pristeri a buku, èn meki wan bigisma hori wan demonstrâsi fu wan fu den tra fasi fu pristeri a buku. Efu yu ben o abi moro bun bakapisi nanga wan tra fasi fu pristeri a buku, dan yu kan taki fu en, èn yu kan demo en na presi fu wan fu den fasi fu pristeri di kari dyaso.

Singi 24 nanga lasti begi.

Wiki di e bigin 7 yuni

Singi 136

10 min: Wan tu sani fu a gemeente. Taki fu den moro prenspari penti fu „Wan fasi fu yepi sma”. Kari wan tu fu den difrenti tongo di sma e taki na ini a kontren fu unu.

15 min: Sani di a gemeente abi fanowdu.

20 min: Gebroiki bun agersitori te yu e gi leri. Lezing èn takimakandra nanga den arkiman di teki puru fu a Waktitoren fu 1 september 2002, bladzijde 22-24. San na den fo sani di e meki taki wan agersitori bun? Fu san ede a bun fu gebroiki makriki agersitori? Pe wi kan feni bun agersitori? Luku wan tu fu den eksempre di kari na ini a faki na tapu bladzijde 23, èn taki fu den sani di e meki taki den agersitori bun.

Singi 133 nanga lasti begi.

[Futuwortu]