Schema gi a Diniwroko Konmakandra
Wiki di e bigin 8 november
10 min: Wan tu sani fu a gemeente. Wan tu sani di teki puru fu Wi Kownukondre diniwroko. Teleki 14 november wi sa du a spesrutu kotoigiwroko fu prati a brochure Tan na ai! Baka dati, wi sa pristeri a buku Teki leri fu a Bigi Leriman na ini a mun november. Luku syatu baka na ini Wi Kownukondre diniwroko fu mei 2004, bladzijde 3, di e sori fa fu pristeri a buku.
15 min: Kisi wini dorodoro fu a Diniwroko Konmakandra. Takimakandra nanga den arkiman di teki puru fu a Bediening-buku, bladzijde 73-75. Na sortu feifi fasi a Diniwroko Konmakandra e yepi wi fu go na fesi leki Kresten dinari? Teki eksempre fu a programa fu a mun disi. Sortu wini wi e kisi te wi sreka wisrefi na fesi? Fu san ede wi musu go na a Diniwroko Konmakandra doronomo? Sortu eksempre Bijbel e gi fu a konmakandra disi?
20 min: „Tan hori na prakseri taki a ten syatu!”a Taki sosrefi fu A Waktitoren fu 15 yanuari 2000, bladzijde 12, 13.
Singi 19 nanga lasti begi.
Wiki di e bigin 15 november
10 min: Wan tu sani fu a gemeente. Efu a fiti gi a kontren fu yu, dan yu kan gebroiki den eksempre na tapu bladzijde 4 fu sori na ini tu demonstrâsi fa wi kan pristeri A Waktitoren fu 15 oktober nanga na Ontwaakt! fu 22 oktober. Yu kan gebroiki tra demonstrâsi tu di e sori fa sani e waka trutru na ini a preikiwroko.
15 min: Yu sabi taki wan sma de koloku te a e gi trawan sani? Wan lezing di teki puru fu A Waktitoren fu 1 november 2004, bladzijde 19-23.
20 min: Gebroiki a nyun brochure fu yepi sma di wani sabi moro. Lezing èn takimakandra nanga den arkiman di a dienst-opziener e hori. Wi musu go baka na ibri sma di teki a brochure Tan na ai! fu yepi den fu kon sabi moro. Luku bladzijde 2 pe den tori fu a brochure skrifi, èn taki syatu san de na ini a brochure. Yu kan du dati fu di yu e poti prakseri na den spesrutu pisi di de na ondro den nen di skrifi nanga fatu letter. Yu kan gebroiki den spesrutu pisi disi fu go moro fara nanga a takimakandra di yu ben abi nanga a sma na a lasti leisi. Fu eksempre, efu yu ben taki fu bladzijde 3, 4 di yu ben go na a sma a fosi leisi, dan yu kan gebroiki a spesrutu pisi na tapu bladzijde 5 di nen „Gado e broko en ede nanga wi trutru?”, fu go baka na a sma wan tra leisi. Taki fa wan preikiman kan du dati. Taki sosrefi fu wan tu tra spesrutu pisi, soleki den wan na tapu bladzijde 6-8 nanga bladzijde 17, 18, noso tra pisi di fiti na ini a kontren fu yu. Hori wan demonstrâsi di e sori fa wan preikiman e tyari wan gobaka, aladi a e gebroiki wan fu den spesrutu pisi na ini a brochure. A preikiman musu leisi èn taki fu wán noso moro bijbeltekst di skrifi. A preikiman e tapu a takimakandra fu di a poti prakseri na wan tra spesrutu pisi na ini a brochure fu san a sa taki a tra leisi te a sa go baka na a sma.
Singi 66 nanga lasti begi.
Wiki di e bigin 22 november
10 min: Wan tu sani fu a gemeente. Raportu fu moni afersi.
15 min: Sani di a gemeente abi fanowdu.
20 min: Bigin wan bijbelstudie nanga den sma di teki a nyun brochure. Lezing èn takimakandra nanga den arkiman di a dienst-opziener e hori. Taki syatu fu a demonstrâsi fu a Diniwroko Konmakandra di pasa, di ben sori fa wan preikiman tyari wan gobaka. Taki fu a spesrutu pisi fu san a preikiman ben taki na a kaba fu a gobaka dati. Efu a kan, dan meki den srefi preikiman demo fa den e gebroiki a pisi tori fu san den ben taki, te den e go baka na a sma. Baka dati, wan fu den preikiman e gebroiki a kafti na bakasei fu a brochure fu pristeri a sma wan bijbelstudie. A e seti sani so taki den kan luku les 1 fu a San Gado e aksi-brochure te a e go baka na a sma. Gi ala sma deki-ati fu meki muiti fu bigin bijbelstudie nanga den sma di ben teki a brochure Tan na ai!
Singi 58 nanga lasti begi.
Wiki di e bigin 29 november
10 min: Wan tu sani fu a gemeente. Memre den preikiman fu gi den preikiwroko raportu fu a mun november. Hori wan demonstrâsi di e sori fa fu pristeri A Waktitoren fu 1 november nanga na Ontwaakt! fu 8 november.
10 min: Aksi di opo kon. Wan lezing di wan owruman e hori.
25 min: „Hori bijbelstudie di e go na fesi—Pisi 3”.b Gebroiki den aksi di skrifi. Baka te yu taki fu paragraaf 3, dan sori na ini wan syatu demonstrâsi fa wan bijbelstudie e hori na ini a San Gado e aksi-brochure, les 5, paragraaf 1. Na ini a demonstrâsi a paragraaf leisi kaba èn a studenti piki na aksi kaba. A preikiman nanga a bijbelstudenti e leisi èn taki fu Yesaya 45:18 nanga Preikiman 1:4. A preikiman e poti wan tu makriki aksi so taki a studenti man fruklari san ibriwan fu den bijbeltekst abi fu du nanga a tori fu san den e taki.
Singi 178 nanga lasti begi.
Wiki di e bigin 6 december
10 min: Wan tu sani fu a gemeente. Taki fu den sani di wi sa pristeri na ini december. Hori wán, noso tu demonstrâsi di e sori fa wi kan pristeri a Moro bigi man-buku.
20 min: „Yu kan yepi?”c Taki nanga wan, noso tu preikiman di warderi en di den kisi yepi nanga deki-ati fu trawan.
15 min: Ondrofenitori fu a presi drape. Aksi den arkiman fu fruteri ondrofenitori fu den gobaka di den ben tyari na sma di teki a brochure Tan na ai! Seti sani na fesi fu hori wan demonstrâsi fu wan moi ondrofenitori. Prèise ala sma fu di den horibaka gi a spesrutu seti fu prati brochure.
Singi 101 nanga lasti begi.
[Futuwortu]
a Den sani di yu e taki na a bigin no musu teki moro langa leki wán miniti. Go doro baka dati nanga wan aksi-nanga-piki takimakandra.
b Den sani di yu e taki na a bigin no musu teki moro langa leki wán miniti. Go doro baka dati nanga wan aksi-nanga-piki takimakandra.
c Den sani di yu e taki na a bigin no musu teki moro langa leki wán miniti. Go doro baka dati nanga wan aksi-nanga-piki takimakandra.