Schema gi a Diniwroko Konmakandra

Wiki di e bigin 10 oktober

Singi 17

10 min: Wan tu sani fu a gemeente. Wan tu sani di teki puru fu Wi Kownukondre diniwroko. Efu a fiti gi a kontren fu yu, dan yu kan gebroiki den rai na tapu bladzijde 8 fu hori demonstrâsi di e sori fa fu pristeri A Waktitoren fu 15 september nanga na Ontwaakt! fu 22 september. Baka ibri demonstrâsi yu kan poti prakseri na wan tu moi sani di kon na fesi na ini a fasi fa preikiman pristeri a tijdschrift. Boiti dati, poti prakseri tu na tra artikel di kan hari sma prakseri na ini a kontren drape.

15 min: Yu abi a gwenti fu leisi? Wan takimakandra nanga den arkiman di teki puru fu wan tu pisi fu a Diniwroko-skoro-buku bladzijde 21-26. Sortu sani wi kan leisi? (blz. 21, a faki) Fu san ede a de prenspari gi wi fu leisi den publikâsi di wi e kisi? (blz. 23, par. 2) San na wan prenspari sani di o meki taki wi tan abi a gwenti fu leisi? (blz. 26, par. 3, 4) Fa yu e meki ten fu leisi na Ontwaakt! nanga A Waktitoren? Sortu wini yu kisi fu disi?

20 min: „Tan taki fu a Wortu fu Gado sondro frede”.a Aksi den arkiman fu fruteri na ini sortu muilek situwâsi den musu teki deki-ati fu gi kotoigi sondro frede. San yepi den fu du disi?

Singi 78 nanga lasti begi.

Wiki di e bigin 17 oktober

Singi 36

10 min: Wan tu sani fu a gemeente. Gebroiki pisi 3 fu na inibere pisi fu Wi Kownukondre diniwroko fu september 2005, èn luku baka wán noso tu penti di e sori fa wi kan gebroiki Bijbel bun te wi e hori bijbelstudie.

15 min: Luku bun nanga den takru sani tapu na Internet. Wan lezing di wan owruman e hori. A teki puru fu na Ontwaakt! fu 8 december 2004, blz. 18-21.

20 min: „Sori switifasi gi trawan​—Fu di yu e broko yu ede nanga den”.b Aksi den arkiman fu fruteri fa wi kan sori switifasi gi trawan te wi e teki prati na a preikiwroko. Tra fasi de tu fa wi kan sori taki wi e broko wi ede nanga den sma gi suma wi e preiki, ma wi sa go luku den fasi dati na ini tra Kownukondre diniwroko di musu kon ete.

Singi 2 nanga lasti begi.

Wiki di e bigin 24 oktober

Singi 68

10 min: Wan tu sani fu a gemeente. Leisi a raportu fu moni afersi èn sosrefi den brifi di a bijkantoro seni fu sori taki den kisi den bijdrage. Gebroiki wan fu den fasi fa wi kan hori takimakandra, soleki fa a skrifi na ini na inibere pisi fu Wi Kownukondre diniwroko fu yanuari 2005, noso gebroiki wan tra fasi di e fiti na a kontren fu unu. Hori wan demonstrâsi di e sori fa wi kan du a pristeri fu a mun november.​—Luku Wi Kownukondre diniwroko fu yanuari 2005 blz. 8, par. 5.

15 min: Sani di a gemeente abi fanowdu.

20 min: Sori nanga a fasi fa wi e weri krosi èn e moi wisrefi taki wi e hori wisrefi na den markitiki fu Gado. Lezing èn takimakandra nanga den arkiman di wan owruman e hori. A lezing teki puru fu A Waktitoren fu 1 augustus 2002, bladzijde 17-19. Aksi den arkiman fu fruteri fa wi e kisi na okasi fu gi kotoigi te wi e weri krosi èn e moi wisrefi na wan fasi di fiti.

Singi 153 nanga lasti begi.

Wiki di e bigin 31 oktober

Singi 209

10 min: Wan tu sani fu a gemeente. Memre den preikiman fu gi den preikiwroko raportu fu a mun oktober. Efu a fiti gi a kontren fu yu, dan gebroiki den eksempre na tapu bladzijde 8 fu hori demonstrâsi di e sori fa fu pristeri A Waktitoren fu 1 oktober nanga na Ontwaakt! fu 8 oktober. Sori na ini wán fu den demonstrâsi san yu kan taki fu go baka wan tra leisi na a ososma, fu di yu e poti prakseri na a faki „Na ini a Waktitoren di o kon”.​—Luku Wi Kownukondre diniwroko fu oktober 1998, blz. 8, par. 7, 8.

15 min: Tyari tijdschrift doronomo gi sma fu meki taki den wani kon sabi moro. Lezing èn takimakandra nanga den arkiman di teki puru fu Wi Kownukondre diniwroko fu mei 2005, bladzijde 8. San wi kan du fu bigin tyari tijdschrift doronomo gi sma? (par. 1) Fa wi kan sreka wisrefi fu hori difrenti takimakandra fu wán bijbeltekst nomo? (par. 3) Fu san ede wi musu du moro leki fu leisi a bijbeltekst nomo di wi ben abi na prakseri fu leisi? (par. 4) San yu kan du so taki wan sma di e teki tijdschrift doronomo kan tron wan bijbelstudie? (par. 5) Hori sosrefi wan demonstrâsi pe wan preikiman abi wan takimakandra fu wán bijbeltekst nanga wan fu den sma pe a tyari tijdschrift doronomo.

20 min: Yonguwan di abi lespeki, aladi den e tan hori steifi na a bosroiti di den teki. Wan lezing di wan owruman e hori. A lezing teki puru fu A Waktitoren fu 15 september 2002, bladzijde 23, 24 na a ondro edeprakseri „Weigri na wan lespeki fasi fu teki prati”. Seti sani na fesi so taki wán noso tu yonguwan e fruteri nanga sortu sani den ben kisi fu du na skoro èn san yepi den fu lusu den problema disi na wan bun fasi.

Singi 222 nanga lasti begi.

Wiki di e bigin 7 november

Singi 39

5 min: Wan tu sani fu a gemeente.

20 min: Fa fu poti moro prakseri na den konmakandra. Lezing èn takimakandra nanga den arkiman di teki puru fu A Waktitoren fu 15 september 2002, bladzijde 12-14, paragraaf 11-14. Luku baka sortu rai ben gi na ini na artikel, èn aksi den arkiman fu fruteri san yepi den fu kisi moro wini fu den gemeente konmakandra.

20 min: „Leri fu taki-go-taki-kon moro bun nanga trawan”.c Teki wan tu preikiman èn aksi den fu fruteri fa den ben man taki-go-taki-kon nanga sma na ini a kontren drape di e denki tra fasi fu di den kisi difrenti kweki noso leri.

Singi 50 nanga lasti begi.

[Futuwortu]