Aksi di opo kon

◼ A fiti fu suku den tori di o kon na fesi na a Theokrasia Diniwroko-skoro, èn fu prati den gi trawan?

A no abi trobi efu wi e du disi gi wi eigi osofamiri èn gi wan tu bun mati. Ma wi no musu prati den tori disi gi ala sma, èn wi no musu seri den tu, bika disi ben o meki taki wi e pasa den wet di e taki suma abi a reti fu tyari den sani disi kon na doro.—Rom. 13:1.

Son leisi te sma e kisi wan lezing na a Theokrasia Diniwroko-skoro, dan den e kisi soso a nen fu a lezing. A no skrifi pe den kan feni den tori di de fanowdu fu meki a lezing. A ben o bun fu skrifi finifini pe den kan feni den tori fu meki a lezing disi? Noso a ben o bun fu suku den tori dati gi den sma disi? Nôno. A no ben o bun tu fu suku den piki fu a Syatu luku fu a Theokrasia Diniwroko-skoro fu gi dati na trawan, bika disi no ben o yepi den fu memre den prenspari penti. Den studenti srefi musu ondrosuku sani. A skoro na wan prenspari fasi fa Yehovah e gi wi leri fu yepi wi fu taki nanga „a tongo fu den wan di kisi leri”.—Yes. 50:4.