Schema gi a Diniwroko Konmakandra

Wiki di e bigin 11 februari

Singi 168

10 min: Wan tu sani fu a gemeente. Efu a fiti gi a kontren fu yu, dan gebroiki den rai na tapu bladzijde 8, noso gebroiki tra fasi fu demo fa fu pristeri A Waktitoren fu 1 yanuari nanga na Ontwaakt! fu yanuari.

15 min: Yu man dini pe moro preikiman de fanowdu? Lezing èn takimakandra nanga den arkiman, di teki puru fu A Waktitoren fu 15 yuli 2003, bladzijde 20. Taki sosrefi fu bladzijde 111, paragraaf 1 te go miti bladzijde 112, paragraaf 1 fu a Wi orga-buku. Hori wan syatu takimakandra nanga wan sma di froisi go na wan presi pe moro preikiman de fanowdu. Sortu problema den kisi èn fa den lusu den problema disi? Sortu blesi den kisi?

20 min: Yepi nyunwan fu tron moro bun preikiman. Baka te yu taki wan tu sani na a bigin di no e teki moro langa leki wán miniti, dan abi wan aksi-nanga-piki takimakandra fu A Waktitoren fu 1 december 2005, bladzijde 31. Gebroiki den aksi fu a studie-artikel. Te yu taki fu paragraaf 18, dan hori wan demonstrâsi pe wan ososma no e agri nanga wan nyun preikiman di e wroko makandra nanga wan preikiman di abi ondrofeni. A nyun preikiman no man gi na ososma wan bun piki, èn na ososma e tapu a takimakandra. Te den e gowe fu na oso, a preikiman di abi moro ondrofeni e prèise a nyun preikiman fu a muiti di a du, èn a e sori en fa a kan gebroiki a Bijbel takimakandra-buku, so taki a o man gi na ososma wan bun piki wan tra leisi.

Singi 50

Wiki di e bigin 18 februari

Singi 17

10 min: Wan tu sani fu a gemeente. Wan tu sani di teki puru fu Wi Kownukondre diniwroko.

10 min: Sani di a gemeente abi fanowdu.

25 min: „Wi e sori taki wi abi wan tranga bribi!”a A dienst-opziener musu hori a takimakandra disi. Tapu a takimakandra aladi yu e taki fu den bun sani di a gemeente du na ini a dienstyari di pasa.

Singi 194

Wiki di e bigin 25 februari

Singi 81

10 min: Wan tu sani fu a gemeente. Memre ala den preikiman fu gi den preikiwroko raportu fu a mun februari. Leisi a raportu fu moni afersi èn sosrefi den brifi di a bijkantoro seni fu sori taki den kisi den bijdrage. Sori na ini wan demonstrâsi fa fu gebroiki a spesrutu papira fu gi wan famiriman, noso wan birtisma wan kari gi a Memrefesa.

20 min: „Wi musu de nanga tangi te wi o memre a lusu-paiman fu Yesus”.b Efu nofo ten de, dan yu kan aksi den arkiman fu taki wan sani fu den bijbeltekst di kari.

15 min: Sreka yusrefi fu pristeri den nyun tijdschrift. Wan takimakandra nanga den arkiman. Baka te yu taki syatu fu A Waktitoren fu 1 februari nanga Ontwaakt! fu februari, dan aksi den arkiman sortuwan fu den artikel den denki taki o hari a prakseri fu den sma na ini a kontren, èn fu san ede den e denki so. Aksi den arkiman fu kari spesrutu sani di skrifi na ini den artikel di den wani pristeri. Sortu aksi den kan poti fu bigin wan takimakandra? Sortu bijbeltekst na ini na artikel den kan leisi? Gebroiki den rai na ini Wi Kownukondre diniwroko, noso wan fu den eksempre di den arkiman gi, fu demo fa wi kan pristeri ibriwan fu den tijdschrift.

Singi 119

Wiki di e bigin 3 maart

Singi 223

10 min: Wan tu sani fu a gemeente. Taki fu den prenspari penti na ini a faki „Sani di wi musu hori na prakseri gi a Memrefesa”.

20 min: Yu kan bigin wan bijbelstudie na ini maart? Wan takimakandra nanga den arkiman. Na ini maart wi sa pristeri a Bijbel leri-buku nanga a marki fu bigin wan bijbelstudie. Kari wan tu moi sani fu a buku. Taki fa wi kan pristeri a buku disi te wi o go baka na wan sma di ben arki wi di wi gi en wan kari gi a Memrefesa, te wi o go baka na wan sma di ben teki tijdschrift, èn sosrefi te wi o pristeri a buku disi oso-fu-oso baka 22 maart. (Luku km 8/07 blz. 3; km 3/06 blz. 1, par. 3; km 1/06 blz. 3-6). Demo wán noso tu fu den eksempre dati.

15 min: Gebroiki Bijbel te yu e piki den aksi di sma e poti. Lezing èn takimakandra nanga den arkiman, di teki puru fu a Diniwroko-skoro-buku, bladzijde 143, 144. Hori wan syatu demonstrâsi pe wan preikiman e gebroiki Bijbel fu gi piki tapu wan aksi di sma na ini a kontren gwenti aksi.

Singi 145

[Futuwortu]