Syatu luku fu a Theokrasia Diniwroko-skoro

Na a Theokrasia Diniwroko-skoro, wi sa abi wan takimakandra fu den aksi di e kon now. Wi sa du disi na ini a wiki fu 28 februari 2011. A skoro-opziener sa teki 20 miniti fu luku baka san wi ben leri fu den lezing di ben hori na ini den wiki fu 3 yanuari te go miti 28 februari 2011.

1. Sortu wroko Heskia du di a bigin tiri, èn fa wi na ini a ten disi kan teki na eksempre fu en? (2 Kron. 29:16-18) [w09 15/6 blz. 9 par. 13]

2. Fa 2 Kroniki 36:21 e sori krin taki a profeititori di skrifi na ini Yeremia 25:8-11, kon tru? [w06 15/11 blz. 32 par. 1-4]

3. Fa Esra 3:1-6 e buweisi taki den 70 yari di Yerusalem ben o de wan brokopresi, kon na wan kaba na a yoisti ten, soleki fa Bijbel e sori? [w06 15/1 blz. 19 par. 2]

4. Fu san ede Esra ben skreki srefisrefi di a kon sabi taki den Dyu ben e trow nanga den sma fu den tra kondre? (Esra 9:1-3) [w06 15/1 blz. 20 par. 1]

5. Sortu fasi di den „heihei sma” ben abi wi musu luku bun nanga dati? (Neh. 3:5) [w06 1/2 blz. 10 par. 1]

6. Na sortu fasi Granman Nehemia de wan moi eksempre gi Kresten opziener? (Neh. 5:14-19) [w06 1/2 blz. 10, par. 3]

7. Neleki den Israelsma na ini a ten fu Nehemia, fa wi kan luku bun taki wi no e frigiti „na oso fu wi Gado”? (Neh. 10:32-39) [w98 15/10 blz. 21, 22 par. 12]

8. Te wi e luku a libi fu Nehemia, dan san wi kan aksi wisrefi? (Neh. 13:31) [w96 9/15 blz. 17 par. 3]

9. A de so taki Ester ben abi seks nanga Kownu Ahasferos? (Ester 2:14-17) [w06 1/3 blz. 9 par. 3]

10. Fu san ede Mordekai ben weigri fu boigi gi Haman? (Ester 3:2, 4) [w06 1/3 blz. 9 par. 4]