Eksempre di yu kan gebroiki

Fa fu bigin Bijbelstudie tapu a fosi satra na ini yuli

„Pikinmoro ala sma na ini wi birti wani libi langa èn koloku. Dati meki wi wani sabi fa yu ben o piki na aksi disi: Yu denki taki wan dei den koniman fu grontapu nanga den datra o man yepi wi libi fu têgo? [Gi a sma na okasi fu piki.] Luku san skrifi dyaso.” Sori a sma a lasti bladzijde fu A Waktitoren fu 1 yuli, èn taki fu den sani di skrifi na a fosi aksi èn sosrefi wan fu den Bijbeltekst di kari. Gi a sma den tijdschrift èn seti sani fu go baka na en fu taki fu a piki tapu a tra aksi.

Hori na prakseri: Yu musu hori a demonstrâsi disi na a preikiwroko konmakandra fu 6 yuli.

A Waktitoren 1 yuli

„Furu sma nanga suma wi e taki, abi den eigi kerki. Ma tra sma e taki dati den no e bribi nowan kerki moro. San yu e prakseri fu kerki? [Gi a sma na okasi fu piki.] Yesus yepi wi fu sabi sortu kerki bun. [Leisi Lukas 6:44a.] A tijdschrift disi e taki fu wan tu fu den takru froktu di kerki meki. A e piki na aksi tu: Wan kerki de di wi kan frutrow?”

Ontwaakt! yuli

„Wi e kon na den birti fu wi fu taki fu wan bigi problema, èn dati na kruktudu. Son sma e go demo na strati fu di den wani taki a sani disi musu kaba. Yu denki taki den sma di e go demo, man tyari kenki kon? [Gi a sma na okasi fu piki.] Luku san o meki taki sani o kenki trutru na grontapu, soleki fa Bijbel e taki. [Leisi Mateyus 6:9, 10.] A tijdschrift disi e piki na aksi disi: A e yepi fu demo na strati?”

Gado abi bun nyunsu gi wi!

„Wi e go na den sma na ini yu birti fu sori den wan moi sani di skrifi na ini Bijbel. Furu sma nanga suma wi taki, e aksi densrefi fu san ede wan lobi Gado no e du noti aladi so furu pina de na grontapu. Yu denki taki di Gado meki grontapu, a ben wani taki sma ben musu pina?” Gi a sma na okasi fu piki. Baka dati, go na lès 5, leisi èn taki fu den fosi tu paragraaf nanga den tekst di skrifi skoinsi. Gi a sma a brochure, seti sani fu go baka na en èn fu luku a tra aksi di skrifi na ini fatu letter.