„Mi o teki a buku fu yu efu yu teki a di fu mi”

Disi na san son ososma e taki. Ma wi no e teki kerki buku di no e leri san tru, soso fu meki sma teki den publikâsi fu wi. Sobun, fa wi kan piki a sma? (Rom. 1:25) Wi kan taki: „Grantangi taki yu wani gi mi a buku. Ma san a buku disi e taki fu a fasi fa den problema fu libisma o lusu? [Gi a sma na okasi fu piki. Efu a aksi yu fu leisi a buku fu en fu feni a piki tapu na aksi, dan yu kan taigi en taki yu no e prati wan buku gi en sondro fu sabi san skrifi na ini. Dan yu kan leisi noso taki fu Mateyus 6:9, 10.] Yesus ben taki dati Gado Kownukondre o meki a wani fu Gado pasa na grontapu. Fu dati ede a wan-enkri kerki buku di mi e leisi e taki fu Gado Kownukondre. Mi mag sori yu na ini Bijbel san na wan tu sani di Gado Kownukondre o du?”