San yu o du te yu no abi fu wroko na wan fesadei?

Fu di furu sma de na oso fu di den no e wroko tapu kerki fesadei noso te a kondre abi fesa, meki disi e gi wi na okasi fu du a preikiwroko. Den gemeente e kisi a deki-ati fu sreka spesrutu sani fu preiki tapu den dei disi. Efu furu sma na ini a kontren fu wi o sribi moro langa, dan a bun fu hori den preikiwroko konmakandra moro lati. Un musu meki bekènti na a Diniwroko Konmakandra sortu spesrutu sani a gemeente seti fu preiki na den fesadei èn un musu gi ala sma deki-ati fu horibaka gi a preikiwroko. A no de fu taki dati den fesadei e gi wi na okasi fu rostu èn fu du sani gi wisrefi. Ma a ben o bun fu poti ten na wan sei fu du a preikiwroko. Dan yu o kisi krakti baka fu di yu ben e du santa diniwroko.​—Mat. 11:29, 30.