Gi kotoigi leki wan osofamiri ini januari
1 „A pipel fu yu sa pristeri ensrefi nanga den heri ati tapu na dei fu yu srudatimakti.” Den wortu dati fu Psalm 110:3 de wan bun fasi fa e skrifi fu Yehovah actief organisatie ini a ten disi, fudi mansma, umasma nanga pikinnengre abi wan faya prati na a meki bekenti fu a bun nyunsu fu a kownukondre. Ini a mun januari dan furu osofamirman sa abi moi okasi fu meki na dienst fu den ’nanga den heri ati’ kon moro bigi fudi den e meki prati di den abi na ini na velddienst kon moro bigi. Efu wi wani ’bai na yoisti ten’, dan wi sa mu meki definitief plan èn musu seti wi ten bun afesi. — Kol. 4:5; 1 Kor. 9:26.
2 Fu san-ede yu no e meki na gi fu kotoigi de wan famirman afersi. Go sidon makandra èn luku den mogelijkheid fu du moro velddienst ini a mun januari. Te ala osofamirman e du wan sani, dan yu sa kon ferwondru na wan switi fasi fu si omeni bun e kon nanga dati. — Odo 11:14; 15:22.
3 Furu yonguwan kan gebroiki na ten di den de fri fu skoro dorodoro te den e teki prati na a velddienst tapu den grontapu feistidei. Efu yu de wan yonguwan di e go na skoro, yu kan moksi yusrefi dan na den furu tra yonguwan di ini januari sa de ini na yepi pionierdienst? Efu yu kan du dati dan yu sa abi furu blesi. Mama kande abi na prakseri dati fudi den pikin fri fu skoro, disi de wan tumsi moi okasi fu psa makandra nanga den pikin fu den moro ten na a velddienst. A de mogelijk gi unu, papa nanga mama, fu de makandra nanga unu pikin na ini na yepi pionierdienst, ofu yu kan te ala osofamirman e wroko makandra, yepi dati pikinmoro wan ofu kande moro memre fu na osofamiri go ini na yepi-pionierdienst? Yu sa du wan spesrutu muiti fu de ini januari ibri weekend na ini na velddienst? Fa disi ben sa de tapu ala sma ini yu osofamiri wan dekati sani di sa tyari sani kon na wan!
MEKI DEFINITIEF PLAN
4 Baka te yu e luku den mogelijkheid fu du moro dienst leki osofamiri bunbun, dan yu mu meki definitief plan èn wroko tranga na dati fu du den. Teki wantu momenti fu skrifi gi ibri osofamiriman marki èn wan aladei velddienstschema. Kande disi skrifi poti na tapu na theokratis kalender fu na osofamiri. Prakseri taki efu yu no meki wan schema, na ten sa kon èn go èn yu no sa doro kande na marki fu yu.
5 A no de fu taki dati na dienstopziener fu yu gemeente sa wani meki plan now fu gi kotoigi na ini grupu na ini a pisten disi. Disi sa de spesrutu so gi na nyunyari dei di e fadon a yari disi tapu freida. Sani kan seti na weekend disi gi velddienst. Wi e gi na rai te den seti disi e meki fu hori spesrutu a prakseri ososma di kande e sribi lati na mamanten fu den feistedei. Wantu gemeente abi bun winimarki fu bigin tapu feistedei moro lati a mamanten dati nanga velddienst leki fa a gwenti de, èn dan go agen na bakadina.
6 Ondrofeni ben sori dati januari moro leki ala tra mun de wan mun pe froktu e kon gi na preiki fu na bun nyunsu. Nofotron moro sma de na oso èn den de na ini wan moro bun fasi. Den sma di lobi fu dini Gado, nofotron de klarklari fu taki fu yeye afersi. Wi wani gebroiki den omstandigheden disi bun dorodoro fu meki na bun nyunsu bekenti èn pristeri wisrefi na a fasi disi leki osofamiri ’nanga wi heri ati tapu na dei fu Yehovah srudatimakti’.