Meki plan now gi yanuari
1 Bifosi wi pruberi trutru fu doro wan marki, wi musu meki plan. Fu eksenpre: wi wani go kande nanga fakansi, pe a fisiti fu wan kongres de na ini tu. Ini a tori dati wi kan abi na ini a meki fu plan fu kibri moni, fu kisi tanpresi, fu meki den gi wi oto wan bun sorgu gi na rèys, èn so sani moro. Ala den plan disi de fanowdu efu wi wani fu doro wi marki. — Odo 21:5.
2 So srefi a meki fu plan de fanowdu efu wi wani fu man abi wan prati na a yepi pionierwroko. Na heri grontapu tindusundusun brada nanga sisa fu wi e seti sani fu na diniwroko disi èn e koti furu winimarki gi den srefi. Na ray di e kon now kan yepi yu kande te yu e meki plan, kande na tra mun kba, fu abi wan prati na a yepipionierwroko.
3 Suku wan pisten di fiti na ini san yu kan seti en so taki yu kan kobroyki na moro bigi pisi fu yu ten na a velddienst fu doro na marki fu 60 yuru. Disi ben sa kan abi na ini a kobroyki fu wan pikinso fakansi ten di den gi yu. Yonguwan na skoro kan meki kobroyki fu na skoro fakansi fu tanapu ini na yepipionierwroko.
4 Son mun e gi okasi fu moro furu ten gi na velddienst. Taki nanga trawan di kande man fu wroko makandra nanga yu, kande leki yepipionier ofu leki preykiman. — Odo 20:18.
5 Meki wan praktis schema so taki yu kan kobroyki ten na so wan frustan fasi leki a kan. Meki plan fu kobroyki wan bigi pisi fu yu ten na a doro fu doro wroko. Preyki na strati èn wenkri fu wenkri, kan poti tapu schema neleki gobaka nanga beybristukawroko. Luku tu efu a kan fu preyki bakadina ofu mofoneti, èn wroko makandra nanga den gemeente seti fu velddienst a mindri wiki èn na a kba fu na wiki. A hori baka gi èn a wroko makandra nanga wi brada nanga sisa kan gi deki-ati na ala tu sma. Tan tyari na afersi ini begi na fesi fu Yehovah (Kol. 4:2). Aksi fu en tiri aladi yu e meki plan fu abi wan prati na a yepipionierwroko.
6 Furu sma ben nyan bun fosi fu na furutenwroko leki yepipionier, èn dati gi den tranga fu tron gewoon pionier. Ibri dey e tyari wi moro krosibey na a kontru fu den bigi pramisi fu Yehovah fu na kba fu na gadolowsu seti fu sani disi èn a kownukondre fu regtfardikifasi e kon moro krosibey nanga yepi fu Krestes Yeyses. Fa a de wan blesi fu de wan fu den sma di kan nyan bun fu na prisiri fu na wan ofu tra fasi fu furuten wroko! Meki plan fu dati a fesi, èn meki a de so taki Yehovah blesi den muyti fu yu.