Aksi boksoe
◼ Fa wi moesoe si na jepipionierdienst?
Jepipionierdienst wi moesoe si leki wan grani ma so srefi toe leki wan serjoesoe frantiwortoe. Ibri moen tintin doesoen preikiman e poti foe dini leki jepipionier èn sonwan e doe so dorodoro. Wi e gafa den faja preikiman disi, foe di den situwâsi e gi den na okasi foe gi ibri moen den siksitenti joeroe di aksi foe den ini velddienst foe di den dini leki jepipionier. Owroeman nanga so srefi trawan moesoe gi deki-ati na preikiman di aksi foe a jepipionierdienst, foe si a poti foe den leki wan serjoesoe sani èn foe wai pasi gi ibri firi foe wan mi-no-ke fasi.
Ne leki den gewoon pionier, den wan di gi densrefi leki jepipionier foe wan noso moro moen moesoe bereken den kostoe fosi (Luk. 14:28). Disi wani taki toe foe si a fesi efoe den kan froewakti ini reidelekfasi, taki den man foe gi a ten di aksi foe den ini a velddienst sondro foe no sorgoe boen foe den tra kresten frantiwortoe. A bosroiti foe wan sma foe de leki jepipionier moesoe teki, baka te a loekoe en persoonlijk situwâsi ondro begi. A no moesoe de so taki en firi di a kisi e poesoe en foe di trawan ben gi den nen. A moesoe de wan bosroiti foe san a sma denki boen èn pe wan schema tapoe papira meki foe kan doro den marki. A de prenspari foe den leisi a aanvraag boen èn bosroiti ini en eigi ati taki a kan gi piki na wan opregti fasi tapoe san den e aksi.
A no de foe taki dati a e aksi ekstra moeiti. Son moen ini a jari boen srefisrefi foe „abi foeroe foe doe” ini a preiki foe a boen njoensoe (Tori. 18:5). Disi abi na ini toe a ten foe na Memrefesa, ini maart nanga april, èn den moen te a kringopziener e fisiti a gemeente. Foeroe preikiman e dwengi densrefi nanga prisiri foe hori densrefi na wan pikinso span schema, so taki ini den pisiten disi foe spresroetoe aktiviteit den kan abi ekstra prati na a preikiwroko, nanga warderi taki foeroe blesi de nofotron a bakapisi (2 Kor. 9:6). Foeroe preikiman e doe tranga moeiti foe pionier ini den fakansi moen èn ibri tra moen foe a jari di abi feifi foeroe weekend. Ma ala di den e gi den nen foe dati, den e warderi a fanowdoe foe hori densrefi na a gronprakseri ’Meki joe ija wani taki ija’, foe di den e doe ala san den man foe gi ibri moen, te den e dini leki jepipionier, raport foe siksitenti noso moro joeroe.—Mat. 5:37.
Preikiman di kande no man foe pionier, kan jepi foe di den e pristeri densrefi foe wroko nanga den jepipionier èn meki fasti mofo nanga den. A de wan jepi foe tan moro langa ini a dienst nanga den pionier efoe a kan. Den pionier sa warderi en spesroetoe foe abi tra preikiman di e horibaka gi den te froekoe mamanten, lati bakadina nanga mofoneti. Jepipionier de breiti foe kisi a kari foe wroko makandra nanga trawan ini a meki foe gobaka èn e opo oso-bijbelstudie. Den trawan di kan horibaka gi den jepipionier seiker sa koti a bigi kolokoe di e kon foe gi.—Tori. 20:35.
Wi e warderi a faja foe den foeroe jepipionier srefisrefi. Den sma di man foe go nanga den kan froewakti foeroe blesi (Odo 10:4). Oten joe kan abi wan prati baka ini den prisiri foe moro aktiviteit leki jepipionier?