Fruteri sma fayafaya fu den tru tori fu Yesus

Wi o de nanga moro faya te wi sabi fa wi musu fruteri sma den tru tori fu Yesus. Yesus na a moro prenspari ukuston fu a fondamenti pe a bribi fu wi bow na tapu (Ef. 2:20). Sondro Yesus wi no ben o abi a howpu fu libi fu têgo (Tori 4:12). Fu dati ede a prenspari taki ala sma kon frustan san Yesus o du fu meki den sani di Gado abi na prakseri kon tru. Furu sma e bribi sani di no skrifi na ini Bijbel. A de wan sari taki den no o man kisi den blesi di Gado Wortu e pramisi den sma di e poti bribi na ini Yesus. Te wi de fayafaya gi a tru anbegi, dan wi o wani yepi reti-ati sma fu kon sabi soifri suma na Yesus, taki en nanga Gado no de a srefi, èn sortu frantwortu Gado gi en. Yu o fruteri sma fayafaya fu den tru tori fu Yesus, na a ten fu a Memrefesa?