Wi musu sreka wisrefi fu man gi bun leri

Bijbel e taki fu tu okasi pe sma ben poti a srefi aksi gi Yesus. Aladi a ben de a srefi aksi di abi fu du nanga têgo libi, toku Yesus no piki na a srefi fasi. Na presi fu dati a fiti a piki fu en na a sma di poti na aksi (Luk. 10:25-28; 18:18-20). Aladi a kan de so taki wi sabi den tori bun di wi e studeri nanga sma, toku wi musu sreka wisrefi èn wi musu hori a studenti na prakseri te wi e du dati. Sortu tori muilek gi en fu frustan èn san a feni muilek fu bribi? Sortuwan fu den Bijbeltekst di kari wi musu leisi nanga en? Omeni paragraaf wi o studeri nanga en? Kande wi musu sreka wisrefi fu fruteri wan agersitori, kande wi musu fruklari wan sani moro bun, noso kande wi musu poti wan tu aksi fu yepi a studenti fu frustan wan tori. Boiti dati, wi musu hori na prakseri taki na Yehovah e meki sani gro èn na en e meki den tru tori fu Bijbel naki sma ati. Dati meki wi musu aksi Yehovah fu blesi wi te wi e sreka wisrefi gi a studie, fu blesi a studie, èn fu blesi a muiti di wi e meki fu yepi en go na fesi.​—1 Kor. 3:6; Yak. 1:5.