Bigin nanga a mun disi a mindriwiki konmakandra no o abi dri difrenti eksempre gi a preikiwroko moro. Na presi fu dati, a Kresten libi nanga preikiwroko Studie-buku o abi eksempre di e sori fa fu hori takimakandra na ini a preikiwroko. Den eksempre disi o abi wan aksi di wi kan poti fu bigin a takimakandra, wan Bijbeltekst, nanga wan aksi di kan opo a pasi gi wi fu tyari wan gobaka. Wán felem nomo o de ibri wiki fu sori fa wi kan hori takimakandra. Ibri preikiman kan bosroiti srefi sortuwan fu den buku di wi e gebroiki fu studeri nanga sma, a wani gebroiki. A kan bosroiti tu o ten a o sori na ososma a buku. A kan du dati na a fosi takimakandra, noso na wan gobaka. Boiti dati, a studie-buku o abi eksempre gi tu gobaka. Disi o yepi wi fu meki moro muiti fu gi leri na ’ala den wan di abi a yoisti denki fu man kisi têgo libi’.—Tor 13:48.
Toewijzing gi den studenti: Efu a no taki tra fasi, dan den studenti musu gebroiki den eksempre disi di e sori fa wi kan hori takimakandra na ini a preikiwroko.