Fa fu preiki moro bun​—Leri den Bijbelstudie fu sreka densrefi

FU SAN EDE A PRENSPARI: Te Bijbelstudie e sreka densrefi, dan den o man frustan moro bun san wi e leri den èn den o man memre den sani dati moro bun tu. O moro den man frustan èn man memre san den e leri, o moro esi den o go na fesi. Srefi baka te den dopu den o abi fu sreka densrefi gi den konmakandra èn gi a preikiwroko. Disi o yepi den fu „tan na ai” (Mt 25:13). Dati meki te den Bijbelstudie sabi fa fu studeri èn te den gwenti studeri, dan dati o tyari wini kon gi den. Na a bigin kaba wi musu yepi den Bijbelstudie fu wi fu kon abi a gwenti fu sreka densrefi gi a studie.

FA FU DU DATI:

• 

  Yu musu de wan bun eksempre (Ro 2:21). Sreka yusrefi gi ibri studie èn hori a sma na prakseri (km 11/15 5). Meki a si fa yu sreka yusrefi

• 

  Gi en deki-ati fu sreka ensrefi. Te yu e bigin studeri nanga a sma, dan meki a kon frustan taki a prenspari taki a e sreka ensrefi. Fruteri en tu sortu wini a o kisi. Sori en fa a kan feni ten fu sreka ensrefi. Son preikiman e meki a studenti gebroiki a buku fu den so taki den kan si sortu wini a abi te den sreka densrefi. Prèise a studenti te a sreka ensrefi

• Sori en fa fu sreka ensrefi. Na a bigin kaba, son preikiman e teki ten fu sori a Bijbelstudie fa fu sreka wan les, fosi den e bigin studeri nanga a sma