WI KRESTEN LIBI

Fa trowpaar kan kon abi wan moro bun trowlibi

Abraham nanga Sara na bun eksempre gi trowpatna fu di den ben abi lobi nanga lespeki gi makandra (Ge 12:11-13; 1Pe 3:6). Ma a trowlibi fu den no ben de sondro problema èn den kisi tesi na ini den libi. San trowpatna kan leri fu na eksempre fu Abraham nanga Sara?

Taki nanga makandra. Te yu trowpatna no taki na wan switifasi nanga yu fu di a bruya noso fu di a e fuga, dan no firi wan fasi wantewante ma pruberi fu frustan fa a e firi (Ge 16:5, 6). Meki ten gi makandra. Taki èn du sani fu sori yu patna taki yu lobi en. Ma a prenspari taki unu e studeri nanga makandra, begi nanga makandra, èn dini Gado makandra so taki a matifasi di un abi nanga Yehovah e tan bun (Preik 4:12). Te a trowlibi e waka bun, dan dati e gi Yehovah grani fu di en na a sma di seti a trowlibi.

LUKU A FELEM FA FU MEKI A TROWLIBI KON MORO BUN. BAKA DATI, PIKI DEN AKSI DISI:

Sortu sani na ini a felem e sori taki sani no ben e go so bun na ini a trowlibi fu Shaan nanga Kiara?
Fu san ede a prenspari taki trowpatna e taki krin nanga makandra?
Fa na eksempre fu Abraham nanga Sara yepi Shaan nanga Kiara?
San Shaan nanga Kiara du fu sorgu taki sani ben e go bun baka na ini a trowlibi fu den?
Fu san ede wan masra nanga wan wefi no musu fruwakti taki ala ten sani o go bun na ini a trowlibi fu den?

Prenki: Pisi fu a felem ’Fa fu meki a trowlibi kon moro bun’. Shaan nanga Kiara e du muiti fu tranga a trowlibi fu den. 1. Wan fu den e sidon te na a wan sei fu a bangi èn a trawan e sidon te na a tra sei. 2. Den e hori makandra anu 3. Den e prisiri fu wroko makandra na ini a preikiwroko. — Yu kan tranga a trowlibi fu yu!