Fa fu preiki moro bun​—Preiki nanga yepi fu kamera noso intercom

FU SAN EDE A PRENSPARI: Fu di moro nanga moro ogri e pasa, meki son sma e bosroiti fu poti kamera noso intercom na den oso. A sani disi kan meki en muilek gi wi fu preiki gi den sma, fu di wi no e si a sma te wi e taki nanga en, aladi a e si wi. Den rai di e kon now o yepi wi fu man taki nanga moro overtoigi te wi musu preiki gi sma di abi den sani disi.

FA FU DU EN:

• Abi a yoisti denki. Furu sma di abi kamera noso intercom de kabakaba fu taki nanga wi

• Hori na prakseri taki furu fu den kamera e bigin felem kaba fosi yu druk a schel fu na ososma. A kan tu taki na ososma e luku èn e arki san yu e taki te yu e kon na tapu en dyari

• Te na a ososma e piki yu, dan luku a kamera neleki yu e taki nanga a sma. Taki na wan switifasi èn leki fa yu gwenti. Taki den sani di yu ben o taki efu yu ben miti a sma. Efu na ososma no e piki yu, dan no libi wan boskopu na baka

• Te yu kaba taki nanga na ososma, dan hori na prakseri taki a man si èn yere ete san yu e taki