WI KRESTEN LIBI
Sori bun maniri te yu de na a mofodoro fu wan sma
Ala ten ’grontapu e luku’ fa Kresten e tyari densrefi (1Kor 4:9). Dati meki a no musu fruwondru wi taki son ososma de na baka den fensre e luku wi, noso den e tanapu na baka den doro e arki wi. Son oso abi wan kamera nanga mikrofon di e meki taki den ososma man si wi, den man yere wi, noso den man poti tapu video san wi e taki noso e du. Sobun, meki wi taki now san na wan tu fasi fa wi kan sori bun maniri te wi de na sma mofodoro.—2Kor 6:3.
A FASI FA YU E TYARI YUSREFI (Fil 1:27):
No luku go na ini na oso fu a sma. Na so yu e sori lespeki gi en. No nyan, dringi, bel, noso sms te yu e tanapu na fesi a doro fu na ososma
DEN SANI DI YU E TAKI (Ef 4:29):
Te yu de na sma mofodoro, dan no taki sani di yu no wani meki na ososma yere. Son preikiman si taki a moro bun fu no taki tori nanga makandra te den de na a mofodoro fu den ososma. Dati e yepi den fu prakseri bun san den wani taigi na ososma