Na Gado e meki taki wi e pina?

A piki fu Bijbel

Bijbel e sori krin taki a no Gado e meki wi pina. Yehovah no ben wani taki wi musu pina. A fosi man nanga uma opo densrefi teige Gado, fu di den ben wani bosroiti gi densrefi san bun èn san ogri. Den no ben arki Gado, dati meki den kisi furu problema.

Teleki now wisrefi e firi den takru bakapisi fu a bosroiti di den teki. Dati meki wi no kan taki dati na Gado e meki libisma e pina.

Bijbel e taki: „Te tesi e miti wan sma, a no musu taki: „Na Gado e tesi mi”, bika nowan sma kan tesi Gado nanga ogri sani èn Gado srefi no e tesi sma tu.” (Yakobus 1:13) Ala sma kan kisi fu du nanga problema di e meki taki den e pina, srefi den wan di Gado feni bun.