Den Mati fu Gado E Tan Farawe fu Sani Di Takru

Satan e kori sma fu du takru sani. Wan sma di wani de Gado mati, kwetikweti no musu lobi den sani di Yehovah no lobi (Psalm 97:10). Dya na wan tu sani di den mati fu Gado e tan farawe fu den:

Sondu di abi fu du nanga seks. „Yu no musu du sutadu” (Exodus 20:14). A no bun tu fu abi seks te yu no trow ete.​—1 Korentesma 6:18.

Drungu. „Drunguman . . . [no] sa kisi a kownukondre fu Gado.”​—1 Korentesma 6:10.

Kiri sma, Puru Bere. „Yu no musu kiri sma.”​—Exodus 20:13.

Fufuru. „Yu no musu fufuru.”​—Exodus 20:15.

Lei. Yehovah kwetikweti no lobi „wan tongo di e lei”.​—Odo 6:17.

Ogri Di E Du Nanga Tranga èn Atibron Di Yu No Man Dwengi. „[Yehovah] no lobi wan sma kwetikweti, di lobi ogri di e du nanga tranga” (Psalm 11:5). „Den wroko fu a skin [de so srefi] . . . faya atibron.”​—Galasiasma 5:19, 20.

Dòbel. ’No moksi unsrefi moro nanga iniwan sma di de wan sma di abi bigi-ai.’​—1 Korentesma 5:11.

A Lobi Di Sma Kwetikweti No Lobi Sma fu wan Tra Ras Noso wan Tra Kulturu. „Tan lobi den feanti fu unu èn tan begi gi den wan di e frufolgu unu.”​—Mateus 5:43, 44.

Den sani di Gado e taigi wi na fu wi eigi tanbun. A no ala ten a makriki fu no du takru sani. Nanga a yepi fu Yehovah èn nanga a yepi fu den Kotoigi fu en, yu kan sorgu taki yu no e du sani di Gado no lobi.​—Yesaya 48:17; Filipisma 4:13; Hebrewsma 10:24, 25.