Sori Taki Yu Lobi Gado

Efu yu wani hori wan mati bun, dan yu musu taki nanga en. Yu e arki en, en e arki yu. Yu e fruteri trawan bun sani tu fu a mati fu yu. Na so a de te yu de wan mati fu Gado. Luku san Bijbel e taki fu disi:

Abi a gwenti fu taki nanga Yehovah na ini begi. „Horidoro na ini begi.”​—Romesma 12:12.

Leisi Gado Wortu, Bijbel. „Na Gado ben meki sma skrifi ala den Buku fu Bijbel nanga yepi fu en santa yeye èn den bun fu gi leri, fu piri-ai gi sma, fu poti sani kon reti.”​—2 Timoteus 3:16.

Leri trawan fu Gado. „Go fu dati ede, èn meki disipel fu sma fu ala nâsi, . . . èn leri den fu du ala den sani di mi komanderi unu.”​—Mateus 28:19, 20.

Kon krosibei na den mati fu Gado. „A sma di e waka nanga koni sma, sa kon koni.”​—Odo 13:20.

Go na den konmakandra na a Kownukondre zaal. „Meki wi poti ai na makandra, so taki wi e tranga makandra fu sori lobi èn fu du bun wroko, . . . [ala di wi e] gi makandra deki-ati.”​—Hebrewsma 10:24, 25.

Gi yepi so srefi fu horibaka gi a Kownukondre wroko. „Meki ibriwan sma [gi] soleki fa a bosroiti na ini en ati, no nanga a firi fu no wani du en noso na ondro dwengi, bika Gado lobi wan sma di e gi nanga prisiri.”​—2 Korentesma 9:7.