PISI 9

O ten a Paradijs o kon?

Den problema di de na grontapu e sori krin taki heri esi Gado Kownukondre o du wan sani. Lukas 21:10, 11; 2 Timoteyus 3:1-5

Den problema di de na ini den lasti dei—dòbel, feti, siki, angriten, trangayesi papa nanga mama, nanga ogri di e pasa na ini na osofamiri

Furu fu den sani di e pasa na ini a ten disi, na sani di Bijbel ben taki na fesi. Bijbel ben taki dati sma ben o lobi moni, den ben o trangayesi papa nanga mama, den ben o du ogri-ati sani, èn den ben o lobi prisiri.

Bigi gronseki ben o de, sosrefi feti, angriten nanga siki di ben o panya na ala sei. Den sani disi e pasa nownow.

Wan Kotoigi fu Yehovah e preiki a bun nyunsu fu a Kownukondre gi wan man

Boiti dati, Yesus ben taki dati a bun nyunsu fu a Kownukondre ben o preiki na heri grontapu.—Mateyus 24:14.

A Kownukondre o puru ala ogridu. 2 Petrus 3:13

Den ogrisma e kisi pori na ini Armagedon, baka dati Satan nanga den ogri yeye fu en e kisi strafu

Heri esi Yehovah o pori den ogri sma.

Satan nanga den ogri yeye o kisi strafu.

Yesus e sidon na tapu en kownusturu na hemel èn sma fu ala sortu ras e prisiri

Den sma di e gi yesi na Gado o pasa libilibi go na ini wan nyun grontapu pe retidu sa de. Drape den no o frede moro, den o frutrow makandra, èn den o lobi makandra.