LES 15

Sori taki yu e bribi san yu e taki

1 Tesalonikasma 1:5

SAN YU MUSU DU: Sori taki yu e bribi taki den sani di yu e taki tru èn taki den de prenspari.

Sreka yusrefi bun. Studeri a tori bun, so taki yu frustan san na den prenspari penti èn fa Bijbel e sori taki den tru. Pruberi fu tyari den prenspari penti kon na krin na wan makelek fasi sondro fu taki tumusi furu. Prakseri fa a tori di yu e taki fu en o yepi den arkiman. Begi Gado fu gi yu en santa yeye.

Oefen a lezing fu yu nanga wan tranga sten, so taki yu kan sabi bun fu san yu o taki. Dati o yepi yu fu hori en na wan bun fasi.
Taki sani nanga yu eigi wortu. No taki langalanga san skrifi na ini den buku noso tijdschrift wi, ma taki sani nanga yu eigi wortu. Gebroiki wortu di e sori taki yu de seiker fu san yu e taki.
Meki sma si taki yu no e tweifri na san yu e taki. Taki tranga nofo so taki ala sma man yere yu. Te a fiti, luku den arkiman na ini den ai.

Awinsi yu de seiker taki san yu e taki tru, toku dati no wani taki dati yu musu taki sani di o hati sma. Yu no musu gi den arkiman a firi taki yu denki wawan bun èn yu no musu dwengi den fu bribi san yu e taki. Awinsi yu sabi taki san yu e taki tru, toku yu musu taki na wan switi fasi nanga den arkiman.