„Wan Kristus di hanga na wan paal, na krakti foe Gado”
„Dem djoe de aksi foe marki en dem Grieki e soekoe koni, ma wi de preeki wan Kristus di hanga na wan paal gi dem djoe wan wroko foe naki foetoe, ma gi dem nati law sani”. — 1 Kor. 1:22, 23.
1. (a) Soortoe afersi ini na kristen gemeente ini Korinthe troesoe Paulus foe poti tranga prakseri tapoe na kristus di ben hanga na wan paal? (b) Soortoe tori di Paulus ben wani foe meki krin, wi sa loekoe na baka tem?
PAULUS ben skrivi dem woortoe di skrivi dja na loktoe foe wan „kristus di hanga na wan paal” gi na kristen gemeente foe Korinthe. Na Korinthe foe Paulus tem ben de wan foto pe diffrinti kondre gwinti en sabi ben de miti makandra, pe Romein soema, Grieki, Azia soema en djoe ben de libi. Ini na kristen gemeente drape wan soortoe prati libi ben e rigeeri bikasi spesroetoe groepoe ben teki prati na a see foe fornaamkoe soema. Foe dati hede Paulus ben taki: „na kristus prati” (1 Kor. 1:13). Som djoe ooktoe ben habi na wini foe hori bepaalde punt foe na wet, a srefi tem som wan foe dem di ben de foe dem tra ras, kan de ben verwondroe foe na mooi hee taki foe dem Griki filosofen. Na evangeli no moesoe ben foe preeki nanga mooi hee taki en a no ben moesoe vervalsi foe moksi makandra nanga na koni foe kerki gwenti foe na seti probeeri foe koni man. A winsi san di ben kan de drape ini Korinthe Paulus ben fini hem boen, foe poti tranga prakseri tapoe na fanoodoe foe preeki soso „wan kristus di ben hanga na paal”. Dem woortoe foe hem ini 1 Kor. 1:17-25 e sori disi en de meki na fundamenti foe na studi disi en san di e kom na hem baka. A skrivi:
„Kristus ben seni mi foe meki na boen njoensoe bekenti no nanga koni foe woortoe, sodati na pina oedoe foe kristus no tron foe soso.” Bikasi na preeki foe na pina oedoe de wan law sani gi dem wan di e go lasi. Ala di wi e go kisi jepi a de na krakti foe Gado. Bika boekoe ben skrivi: „Mi sa meki na koni foe dem koni wan go lasi, en na fini koni foe fini koniwan foe si dati foe noti. Pe dem koni wan de? Pe dem schriftgeleerde de? Pe dem wan di sabi kroetoe ini na seti foe sani disi de? Gado no meki na koni foe grontapoe disi tron law sani bika foe di na grontapoe, ini na koni foe Gado, na mindri foe hem koni, no kom foe leri sabi Gado, Gado ben fini hem boen foe na law di e preeki, foe jepi dem wan di e bribi”. Bika dem djoe e aksi marki en dem Greeki de soekoe koni, ma wi de preeki „wan kristus di e hanga na wan paal”, gi dem djoe wan wroko foe naki foetoe, ma gi dem nati law sani; gi dem di Gado kari „djoe soleki Greeki, kristus, na krakti foe Gado en na koni foe Gado”. Bika wani wan law sani foe Gado, moro koni leki libisoema, wan zwake sani foe Gado tranga moro libisoema.
2. San ben pasa nanga Jezus di a ben kisi salfoe en nanga soortoe wroko a ben habi prati?
2 Soleki na skrivi disi de sori, dem djoe ben de aksi marki. A de so dati Jezus ben sori foeroe marki? A ben kom na ini na jari 29 b.g.t. na a liba Jordaan en a ben gi hemsrefi drape abra foe dopoe. Di a ben opo komoto foe a watra, Gado jeje ini na fasi foe wan doifi saka na hem tapoe en Jehovah stem komoto foe na hemel ben taki: „Disi na mi manpikin na lobiwan, di mi ben finni boen”. Bika di Jezus pasa 40 dee na ini sabana en na joisti fasi kaka foetoe gi den tesi foe didibri, a ben bigin foe preeki na koonoekondre en foe doe wondroe wroko. Mattheus e verteri soortoe baka pisi dem wroko disi ben habi: „A ben waka dresi ala soortoe hebi en ala soortoe mankeri ondro na pipel. En a boskopoe foe hem gwe doro te na heri Syrië, en dem ben tjari ala soema gi hem di no ben de boen, di ben njam pina foe difrinti siki, di ogri jeje de trobi en soema di habi fadom siki en lam wan, a ben dresi dem. Foe dati hede bigi hipi ben go na hem baka, foe Galilea en Dekápolis en Jeruzalem en Judea en foe abra see foe Jordaan”. — Mat. 3:13-17; 4:23-25.
„WI WINSI FOE SI WAN MARKI”
3. Soortoe marki Jezus ben doe, ma san dem schriftgeleerde tokoe ben aksi?
3 Dem soema ben de so verwondroe foe dem wondroe wroko foe hem, dati dem ben si hem leki na Messias di ben pramisi: „Te na Kristus ben sa kom, so dem ben aksi, a sa doe moro wroko leki na man disi ben doe? Jezus ben kenki watra kom tron win, waka tapoe watra, meki winti tan pi, kouroe hebi winti tapoe dem zee, a ben gi doezoen doezoen soema na wan wondroe fasi njam njam foe wan toe brede en fisi, dresi dem siki wan, meki lam wan waka, opo dem ai foe dem breni wan, dresi dem gwasi wan en wiki srefi dem dede wan. Soema ben sa aksi foe moro marki? Dem kerki tiriman foe dem djoe nati ben kan doe disi en ben doe dati toe. Dem ben si foeroe foe dem marki disi foe Jezus nanga eegi ai en ben jere e verteri foe moro foeroe foe dem marki disi. Ma tokoe foe ala dem sani disi dem schriftgeleerde en Farizee soema kom na Jezus nanga san joe kan kari wan toemoesi verwondroe aksi: „Leri man, wi winsi foe si troe troe wan marki foe joe”. Joh. 7:31; Mat. 12:38.
4, 5. San dem schriftgeleerde disi en Farizee soema nanga na wroko di dem ben e doe ben moesoe foe sabi, san ben moesoe overtuige dem dati Jezus ben de na Messias?
4 Foe ala soema di ben sa wani foe aksi Jezus, leki Messias foe moro bewijsi, dem kerki fesiman disi ben moesoe de dem laatste wan. Dem schriftgeleerde ben studeeri dem Hebreeuw boekoe faja, dem heri libi. Dem ben de boen, soifri ini a studi foe dem boekoe disi en dem ben de kroetoe langa en fini nanga makandra foe feni dem joisti besroiti fa foe ben gebroiki dem leri foe dati. Dem ben habi wan bigi seti foe gwenti di ben gi nanga mofo, di ben sori foe verklari dem hebreeuw boekoe te ini dem moro pikin pisi en foe meki dem kom krin. En foe dem studi hede dem ben sa sabi troe troe foe dem profeti taki pe na kom foe na pramisi Messias ben taki na fesi.
5 Dem no ben sabi foe exempre dati na Messias ben sa komoto foe na lo foe Juda en foe na famiri foe David, dati a ben sa gebore ini Bethlehem, dati na kom foe hem ben sa meki bekenti foe wan soema di joe ben sa ageersi nanga Elia en dati a ben sa tjari dem siki en pina foe na djoe pipel? Moro leki 300 profeti taki foe na Hebreeuw boekoe foe na kom foe na Messias ben kisi vervulling ini Jezus — en foeroe foe dem ben kisi dem vervulling kaba di dem ben kom aksi Jezus foe wan marki. Jezus ben memre dem foe na studi foe dem boekoe hede, dem moesoe sabi hem: „Oen de ondrosoekoe dem boekoe, foe di oen ben denki dati foe dati hede oen sa libi foe teego; en dem disi de gi joisti kotoigi foe mi”. — Joh. 5:39.
6. Fa Jezus ben piki tapoe dem aksi, en foe san hede sondro verakti?
6 A manpikin foe Gado ben piki nanga wan pori fasi foe verakte soema, di dem ben taki „wi winsi troe troe foe si wan marki foe joe, meki wi loekoe foe wan momenti”. A bin gi dem leki piki: „Wan goddeloosoe soeta lo e tan soekoe wan marki, ma dem no sa gi hem wan marki dan na marki foe Jona, na profeti. Bikasi soleki Jona bin de 3 dee nanga 3 neti ini na bere foe na boen bigi fisi, so libi soema Pikin sa de 3 dee nanga 3 neti ini na ati foe na gron” (Mat. 12:38-40). Nono Jezus no bin verfeeri foe dem ini a piki foe hem, bika dem bin e soso dem wondroe marki di bin gi kaba ifoe foe dem profeti taki foe na Messias di ben go ini hem ini vervulling kaba, dati dem bin sa kisi overtuige. A bin verstan, dem lostoe foe dem, na verdwaal fasi foe dem, nanga na kaba pisi dati a piki dem ini na afeersi wantron, wantron.
A MARKI DI DEM BEN WANI FOE SI
7, 8. Soortoe marki dem djoe bin wani foe si, en san bin de na wan marki soso di dem bin sa kisi en foe san hede?
7 Jezus bin sabi soortoe marki dem bin wani foe si. A tanapoe ini Daniël 7:13, 14: „Mi bin tan loekoe ini dem neti visioen, en loekoe drape, nanga dem wolkoe foe hemel a sori leki wan soema di geersi wan libi soema Pikin e kom, en a kisi pasi foe go na Ouroe wan foe dee, en dem tjari hem krosibee, ja na fesi foe Disi. En dem bin gi hem makti foe tiri, waarti fasi nanga wan koonoekondre, sodati dem volkoe, nati, groepoe en tongo ala mala bin sa dini hem. Na tiri foe hem de wan tiri foe tem di no habi marki di no sa pasa gowe, en hem koonoekondre wan di no sa broko trowe”.
8 A bin habi te make nanga na tweede kom foe na Messias, te na Messias koonoekondre sa teki na presi foe ala libi soema rigeeri di e kwinsi soema en di sa tjari vrede nanga rostoe di sa tan doro go dem aanbigi man foe Jehovah. Dem bin verwakti dati na fosi kom foe na Messias, ini koonoekondre makti bin sa kom, poeroe en broko na kwinsi tjatjari foe Rome foe dem neki en bin sa gi dem glori ini politieki makti. Dem bin de waka na fesi Jehovah. Dem bin de kotoigi foe na fosi kom foe na Messias, ala di a bin moesoe njam skin ati en a bin moesoe dede leki verloesoe paiman en ala tem bin moesoe de ini pisi foe drie dee ini grebi. Na marki foe na fosi kom bin de ala sani di dem bin sa kisi.
9. San dem djoe ini Jezus tem no bin man si krin, en foe soortoe faja winsi foe dem see dem ben kom breni foe erkenni Jezus leki na Messias?
9 Prefoe dati dem djoe bin kisi na marki di dem bin wiensi foe na Messias, dem bin kisi joisti san di bin meki dem naki foetoe troe troe, wan Messias di bin hanga na wan paal. Paulus bin skrivi: „Dem djoe e aksi foe marki en dem Greeki e soekoe koni, ma wi de preeki wan Kristus di hanga na wan paal, gi dem djoe wan gron foe naki foetoe, ma gi dem nati law sani” (1 Kor. 1:22, 23). Na fadom foe dem djoe bin kom foe di dem no man foe si krin dati taki bin de foe toe kom foe na Messias. Den Hebreeuw Boekoe habi toe groepoe profeeti taki di e taki foe na Messias: wan groepoe foe na fosi kom, en a tra groepoe foe hem tweede kom. (Loekoe na tabel tapoe dem bladzijden 1148 foe na boekoe Aid toe bible Understanding foe profeeti taki foe na fosi kom en a vervulling foe dati; wan toe foe dem profeeti taki foe na tweede kom de Daniël 7:13, 14; 2:35, 44; Ps. 2:1-9; 110:1-6.) Dem djoe bin tan foe no kan verstan krin krin dati toe kom bin de. Dem bin de bribi ini soso wan kom. Foe di dem bin habi na faja winsi dati dem Messias bin sa kom ini makti en bin sa poeroe na Rome tjatjari foe dem neki en bin sa broko dati, dem bin breni dem srefi foe na kom leki wan njam pina, vervolgoe, wan di dem trowe en hanga na oedoe Messias. Foe taki troe dem bin broeja ini dem loekoe dem tapoe na Messias, dem no bin man foe si na a fasi dati. Som djoe no bin de bribi srefi ini wan soema di bin sa de Messias. Trawan tapoe gron foe dem eegi belang no bin sa wani foe a kom en foe soetoe Rome foe kaka foetoe (Joh. 11:47, 48). Foeroe bin de bari nanga tranga stem foe a kom foe hem leki wan sroedati foe fri dem foe Rome.
„WAN ZWAKKI SANI FOE GADO”
10. (a) Foe san hede dem djoe bin de si Jezus leki „wan zwakki sani foe Gado” en fa a bin de diffrinti foe valsi Messias ini a fosi eeuw dati G.T.? (b) Soortoe situati bin de ini Palestina ini na tem dati, soleki The Interpreter’s Bible de tja kom na krin, nanga na baka pisi foe san dem djoe no bin wani foe teki Jezus?
10 A Jezus disi bin zwakki na ini dem ai — toemoesi zwakki foe vervul na hopoe foe dem foe wan Messias di bin sa pori na Rigeeri foe Rome. A no bin taki mi koonoekondre no de foe disi grontapoe en dati dem dienari foe hem no bin sa feti? A bin weegri tranga na koonoekondre di dem bin gi hem. Hem de wan di bin finni hem boen foe draai a tra see fesi gi hem vijanti foe naki. Dem bin verwakti a tem dati dem Messias — ma no na Messias disi (Joh. 18:36; 6:15; Matth. 5:39; Luk. 3:15). The Book of Jewish Knowledge e taki foe „Messias” dati diffrinti soema ini na fosi eeuw G.T. bin verteri dati dem de na Messias en a verteeri moro fara: „A spesroetoe sani foe fosi eeuw, stree foe na positi foe Messias, bin de dati alamala leki leki wan punt foe moksi makandra, foe hopoe dem srefi leki djoe tegen na rigeeri foe Rome. Ini kontrari nanga Jezus ala dem tra Messiassen foe na tem dati sondro foe poeroe wan na dem miendri, bin de feti lostoe, soekoe trobi soema di bin lobi na kondre foe dem tata. Dati Jezus na dem okasi di wi bin kari dja na fesi bin sa sori dati a no de wan krakti Messias, bin de wan ogri sani ini ai kaba, ma di te foe kaba bin dede na wan sjem fasi a wan pina oedoe, meki a bin de wan soema di joe no kan teki kwiti kwiti. Ini 1 Kor. 1:25 na apostel Paulus bin sori foe dati hede dem djoe bin si wan Kristus di hanga na wan oedoe leki „wan zwakki sani foe Gado” en bin naki foetoe troe troe. Ini The Interpreter’s Bible, Deel 10, blz. 29, dem e gi dem commentaar disi:
”A hoopoe foe dem djoe fesi man ini dem dee foe Paulus bin de tapoe na gron foe apocalyptisch verwakti foe wan bari nem, wan bigi fri nanga pori baka pisi gi na Rome kwinsi: di bin verwakti wan di bin sa fri dem di bin sa meki dem leki na moro prinspari wan ondro ala volkoe foe na grontapoe. Dem diepi verlegi ini Jezus ini dem dee di a bin de ini skin tapoe grontapoe, de foe wan pisi foe di a weegri foe gi nati sroedati fesiman positi, leki di foe dem Makkabeeën. Ini Paulus dee, Palestina bin de leki wan safri faja di ben e bron. Dem rigeeri man foe Rome bin foe kaka foetoe gi dem pikin poroeroe babari na a see, ma na safri faja di bin de bron bin de wan tra affeersi. Na a hee momenti foe na popufasi foe Jezus, a bin moesoe foe gi soso wan kommando nomo dan doezoen feti ouroe bin sa komoto ini dem feti ouroe zakka nanga na baka pisi, dati kande a bin kostoe Rome foeroe moeiti foe bin kan dwingi dem kerki gwinti, fanatiek nationalisme foe dem djoe di bin sroto tapoe ini dem. Gi wan volkoe di bin kisi faja foe wan drem prakseri en wan geest foe apocalyptisch verwakti, na marki foe wan Kristus di hanga na wan oedoe bin de wan te no foe taki. Na woortoe foe wan oedoe bin de wan di bin teegoe dem no bin moesoe foe habi noti foe dati.
11. Ondro soortoe verkeerti prakseri srefi dem boen mati foe Jezus bin de wroko, en tapoe gron foe san meki joe e piki so?
11 Srefi dem boen mati foe Kristus Jezus bin verstan pas baka tem dati na Messias bin sa kom toe lesi en dati na fosi kom foe hem bin sa kaba nanga wan Kristus di sa hanga na wan oedoe”. Di Johannes na dopoe man bin jere ini doengroe oso foe Jezus wondroe wroko, a sori leki a bin verwakti moro, bika a bin seni aksi Jezus dem sani disi: „Joe de na wan di e kom; ifoe wi habi foe verwakti wan trawan?” Ala di Petrus bin marki Jezus leki na Messias, a no bin de verstan dem marki di bin de go ini vervulling foe na fosi kom (Mat. 16:16, 21-23). Srefi baka na opo baka foe Jezus, dem discipel foe hem bin de verwakti ala tem ete dati a tem foe na fosi kom disi wan grontapoe koonoekondre bin sa hopo. Dem bin aksi: „Masra, joe de opo ini na tem disi na koonoekondre gi Israël baka”. — Matth. 11:2, 3; Hand. 1:6.
NA PINA OEDOE NO KAN MEKI LEKI WAN SOSO SANI
12. Na soortoe fasi som djoe kerki fesiman te foe kaba probeeri foe tjari kom ini akroedeeri dem toe groepoe profeeti taki foe dem toe kom?
12 Na baka na poti foe santa jeje tapoe Pinksterdee, ini 33 G.T., Jezus discipel bin verstan dem kom ala di dem bin gi kotoigi foe „dem sani soleki fa dem Profeet en srefi Mozes bin verklari, bin sa pasa, foe taki dati na Kristus bin moesoe pina” (Hand. 26:22, 23). Dem bewijsi foe dem kristen na anoe foe dem Hebreeuw Boekoe en dem verwakti foe dem djoe di no bin kom troe tjari djoe koni man foe baka tem foe verklari ete wan tron dem Messiaanse profeeti taki. Ini Daniël 7:13 leki exempre bin taki dati na Messias bin sa kom tapoe dem wolkoe foe hemel, ala di leki Zacharia 9:9 na a tem foe hem kom bin sa rij na wan saka fasi tapoe hem boeriki. Wan foe dem prakseri, di wi de feni ini a Talmoed, dem bin de probeeri foe loesoe na problema disi, foe leri soso foe wan kom: Ifoe Israël bin waarti dan na Messias bin sa kom tapoe wolkoe, ma ifoe Israël bin tjari hemsrefi na wan fasi di no waarti, dan a bin sa kom tapoe wan boeriki (Babylonische talmoed, Sanhedren, 98 a). Wan tra prakseri dem bin erkenni dati toe groepoe foe profeti taki bin de — foe wan fosi kom en foe wan tweede kom en dem bin taki toe Messias bin sa kom, di wan, bin de na manpikin foe Jozef en a trawan na manpikin foe David ala di ala toe groepoe foe dem profeeti taki bin sa feni dem vervulling ini dem (Edersheims Life and Times of Jesus the Messiah, Deel II, blz. 434, 435). Ala toe Messias bin sa kom toch ini na srefi tem.
13. (a) Foe soortoe leri foe na djoe bribi dem bin moesoe kraboe ini dem ai foe Jezus leki Messias?
13 Dem bin hori doro dati Jezus no bin de wan foe dem Messias disi. Foe taki, Jezus no bin waka na dem leri en gwenti di mofo bin taki di dem schriftgeleerde bin habi, en no doe so sani, leki fa na talmoed de taki, joe de kisi moro strafoe leki ifoe joe no jere dem Hebreeuw skrivi. Srefi Jezus bin taki dati a bin sa vervul na wet foe Mozes en bin sa tjari foe dati hede kom na wan kaba. Dem djoe bin si na Wet disi moro fara leki foe teego, leki wan sani di nooiti bin sa poeroe gwe. Moro fara dem djoe bin de bribi dati foe dem jepi dem no bin habi wan Messias fanoodoe. Dem bin kan kisi na Koonoekondre na drie fasi foe doe dem wroko foe na Wet, foe gi moni na potiwan en foe habi Abraham leki dem tata (Matth. 3:7-10; Rom. 3:20; 4:2, 3; 9:31, 32). Na soortoe koni disi foe dem schriftgeleerde bin de meki na pina oedoe leki wan sani di de soso, leki wan sani di no de fanoodoe foe kisi jepi. Paulus bin habi na valsi koni disi na prakseeri di a bin ageersi na law foe hem nanga na krakti foe Gado, wan Kristus di bin hanga na oedoe, no bin de meki dem „koni foe woortoe leki ’boen njoensoe’ bekenti sodati na pina oedoe foe Kristus no bin sa meki leki wan soso sani. Bika na preeki foe na pina oedoe de law sani di dem wan di e go pori, ma gi wi, di e kisi redding, a de na krakti foe Gado”. — 1 Kor. 1:17, 18.
14. (a) Soema bin de spotoe Jezus na a pina oedoe en nanga soortoe woortoe? (b) San na dem sani di bin pasa ini na tem dati de sori troe troe?
14 San a bin moesoe foe taki, ifoe Jezus foe troe leki wan skapoe di bin de go na srakti, njam kwinsi, verakti, di dem no wani en di dem bin trowe? (Jes. 53:1-7). San bin moesoe foe taki dati a bin zwakki en bin sori leki a de sondro krakti di a bin hanga drape na a pina, ala di som wan bin spotoe hem: „Ha, joe de, di bin sa broko na tempel en ini drie dee tem bin sa bow hem, jepi joesrefi foe komoto foe na pina oedoe” (Mark. 15:29, 30). En na srefi dem overpriester nanga den schriftgeleerde bin de spotoe nanga hem en bin taki: „Trawan a bin redde, ma hemsrefi a no kan redde” (Matth. 27:41, 42). Prefoe dati dem sani disi di bin pasa, bin sori dati Jezus no waarti dem de bewijsi joisti dati a bin de na Messias. — Ps. 118:22; Jes. 8:14; 28:16; 1 Petr. 2:4-8.
15. Fa dem bin de si ini na tem dati „na Kristus di bin hanga na wan oedoe” na dem wan di bin sa go pori en dem wan bin kisi jepi en soortoe troe e tan doro srefi foe di dem spotoe man e spotoe?
15 Paulus hori vaste foe poti krakti tapoe na seti foe Jehovah foe na verloesoe paiman leki soso na wan fasi foe kisi jepi. Dem djoe mag foe wani si marki en dem Grieki mag foe habi faja foe soekoe koni, ma Paulus sa preeki na „Kristus de hanga na wan paal” a winsi a de meki dem djoe naki foetoe en a „sori law sani gi dem Greeki” na tra see gi dem di de soema di Gado kari djoe so toe Grieki, Kristus na krakti foe Gado en na koni foe Gado. Bika wan law sani foe Gado de moro koni leki libisoema (1 Kor. 1:22-25). Meki djoe nanga Grieki si na „Kristus di hanga na wan oedoe” leki zwaki en law; na koni disi foe Gado de te now ete moro tranga en koni dan djoe gwenti en Grieki filosofi. Moro gron foe disi de gi ini na tra artikel.