Dem sortoe foe froktoe di e gi Gado grani
1. Foe sainde na a fosi presi wan droifibon de, soleki Jehovah ben sori ini Ezechiël 15:1-5?
FOE sainde wan droifibon de? Langa tem pasa kaba na Praniman foe na fosi droifibon ben aksi hem profeeti Ezechiël foe disi nanga dem wortoe: „Libisoema pikin, na sortoe fasi na droifibon de tra fasi leki ibri tra bon, na taki, di ben gro kon ondro dem bon foe na boesi? Dem e teki wan postoe foe hem foe doe wroko? Ofoe dem e teki wan pen foe anga ala sortoe sani na hem? . . . Loekoe! Te a de boen doro doro, a no de gebroiki gi no wan sortoe wroko” (Ezech. 15:1-5). Foe datede a de krin dati na droifibon na a fosi presi e dini foe meki froktoe, dem switi droifi, di dem e meki win. — Recht. 9:13.
2. San Jezus ben habi ini prakseri di a ben teki dem apostel leki „taki” leki fa Johannes 15:16 e sori?
2 Di Jezus ben hori na laatste Pascha nanga hem apostel, dem ben dringi win drape. Baka na avondmaal dati a ben verteri hem eegi agersi-tori foe na „reti droifibon” nanga den „taki”. Nanga disi ini prakseri a ben kan taigi hem apostel: „A no oenoe ben verkisi mi, ma mi ben verkisi oenoe, en mi ben poti prani oenoe, foe oen go meki froktoe en foe na froktoe foe oen moe tan alatem; foe te oen sa begi mi Tata wansani na mi nem, hem moe gi oen (te joe loekoe dem froktoe di dem ben sa meki).” — Joh. 15:16.
3. Foe sainde dem e snoei ibri seizoen wan droifibon, en sortoe leri wan „Taki” foe na „reti droifibon” di habi waarderi kan kisi foe disi?
3 Foe wan droifibon kan meki someni froktoe leki a kan, dem e snoei hem ala seizoen. A de soleki Jezus leki na jeje „droifibon” ben taki: „Ibri taki na mi, di no e meki froktoe, hem sa koti poeroe . . . Na soema disi no tan na mi ini, hem sa poeroe trowe leki wan droifibon taki, disi ben kon dree; so sortoe taki dem piki makandra, trowe na ini faja, meki dem bron” (Joh. 15:2, 6). Sortoe leri wi kan kisi now foe disi? We, efoe soema foe wi toe, di de wan „taki” foe na jeje „droifibon”, e waarderi hem wroko, dan hem no sa wani dem koti hem poeroe. A fiti foe a meki froktoe — en foeroe froktoe toe!
DEM FROKTOE
4. Foe sortoe froktoe a de go, soleki Jesaja 5:7 e sori?
4 Ma foe sortoe froktoe a de go? Dem froktoe, dem droifi, no de wan agersi fasi foe dem discipel foe Kristus. Dem discipel di ben gebore njoen nanga geest dem „taki” e agersi dem. Na bijbel e sori krin san dem froktoe e agersi, di dem taki e meki. Di Jehovah ben agersi na Israël foe owroetem nanga wan droifipranasi, a ben verteri sortoe froktoe a ben soekoe. A ben taki: „Na droifipranasi foe Jehovah foe dem fetiman de na oso foe Israël, en den man foe Juda de dem pransoen di a habi hem prisiri nanga hem. En a ben tan verwakti reti, ma loekoe! kroetoedoe; regvaardiki fasi, ma loekoe! babari (leki na tranga babari di ben opo komoto foe Sodom).” — Jes. 5:7; Gen. 18:21; 19:13.
5. Ini Jezus tem, sortoe moro bigi sani foe na Wet dem kerki fesiman no ben ke foe dati, en san dem ben leri?
5 Na mindri dem froktoe foe na agersi „droifipranasi” Israël, di na Praniman Jehovah ben loekoe, ben de ooktoe reti (pe geregtigheid ben de na ini) en regvaardiki fasi, na tra see foe kroektoedoe nanga takroe libi nanga waka. Reti nanga regvaardiki fasi ini Jezus tem ben de moeilijk foe feni. Sjatoe bifo a ben dede ini Jeruzalem na wan pina-oedoe, a ben taki gi dem falsi fasi meester foe wet nanga Fariseeman: „Oen de gi procenti (tiende) nanga na dille nanga na komijn, ma dem moro bigi sani foe na Wet, da foe taki geregtigheid nanga foe sari soema nanga getrouw fasi, foe dati oen no ke” (Matt. 23:23). Foe na afersi foe na pasa foe na wet foe Gado, Jezus ben taki moro fara ete: „Na so nanga dem sani disi oen (Fariseeman nanga meester foe wet) ben poti, oen meki da wet foe Gado no habi waarti moro”. — Matt. 15:6, 9.
6, 7. (a) Sortoe froktoe wi moe feni soleki a ben de na a Israël na skin fasi, na dem „taki” foe na „reti droifibon”, en fa disi moe sori? (b) Fa Israël ini na tem foe Jeremia ben doe soetadoe tapoe toe fasi?
6 Reti en geregtigheid, sari-ati, getrouwfasi, regvaardiki fasi en na hori foe na wet foe Gado na presi foe drai hem poti leki fa joe wani, ben de wan pisi foe dem froktoe di Jehovah ben verwakti foe na agersi „droifipranasi” foe Israël. Akroederi nanga disi, wi kan verwakti dati hem sa hoopoe foe feni heri tra sortoe froktoe foe dem „taki” foe na „reti droifibon”? Kwet-kweti! Dem froktoe di a de winsi foe feni leki wan moi moi foe dem „taki”, de marki foe kristen eegifasi. Ma dem froktoe de moro leki wan inactief eegifasi.
7 Dem actief sori foe dem marki foe na eegifasi, a de winsi ooktoe. Na a tem foe na profeeti Jeremia foe eksempel Jehovah ben sori dati a ben mandi foe dem froktoe di na agersi „droifipranasi” ben pristeri hem. A ben taki: „Tapoe ibri heepresi en ondro ibri groen bon oen ben didon en oen foetoe bradi opo en oen gi oensrefi abra na hoeroedoe. En foe mi see, mi ben prani oenoe leki wan moi redi droifibon, wan troe troe boen siri. Fa oen kenki gi mi dan, tron watra-roetoe foe wan vreemde droifibon? . . . Fa oen kan taki: ’Mi no doti misrefi. Mi no ben waka baka dem Baäl’?” (Jer. 2:20-23). Soboen, na dem froktoe di Jehovah ben verwakti foe koti foe na agersi „droifibon” ben de ooktoe morele krinfasi nanga na dini foe hem wawan. Ma na presi foe Jehovah ben feni dem sortoe froktoe disi na dem taki foe na „droifibon” disi, a ben feni hoeroedoe nanga soetadoe mindri aparti Israëlsoema, so toe jeje soetadoe foe na see foe na heri naatsi, foedi dem ben habi switi matifasi nanga dem heiden naatsi di ben lontoe dem. — Loekoe Jakobus 4:4.
8. Fa dem libi foe dini Jehovah wawan?
8 En na presi dati na naatsi ben dini Jehovah wawan leki na Gado foe na Verbontoe, dem ben waka tapoe wan afkodree fasi baka dem Baäl popki foe aanbegi dem. Dem „droifi” foe na „droifibon” foe na agersi Israël ben de troe troe dem „droifi foe Sodom”, sodati dem „bosoe” ben bita. Dem froktoe foe na Israël „droifibon”, soboen, ben habi ooktoe na ini homoseksualiteit, soleki dem ben doe disi ini na Sodom foe owroetem (Deut. 32:32). Dem froktoe disi di Jehovah no wani de precies na tra see foe san Gado wani.
9. Fa dem „taki” foe na „reti droifibon” no hori demsrefi fri foe jeje soetadoe, srefi efoe dem sa kisi na ogri-ati foe na grontapoe?
9 Na Gado di no e kenki no wani ooktoe dem froktoe disi na dem „taki” foe hem „reti droifibon”, Jezus Kristus. Dem jeje Israël soema foe na kownoekondre-groepoe foe datede moe hori demsrefi moreel krin. Dem no moe go doe jeje soetadoe foe meki dem srefi tron mati foe na grontapoe disi. Jehovah Gado e verwakti foe dem noti moro leki foe dini hem wawan. Foe sainde dem sa bada demsrefi efoe grontapoe sa habi ogri-ati foe dem foe dem sortoe froktoe disi? „Foedi oen no de wan pisi foe grontapoe, ma mi ben poeroe oen foe grontapoe, foe datede grontapoe no wani si oen na ai.” Disi Jezus ben taki gi hem erfoe getrouw apostel tapoe na neti di Judas Iskariot ben tori hem. — Joh. 15:19.
10. (a) Sortoe tan aparti nanga tan sondro vlaka fasi dem „taki” foe na „reti droifibon” moe meki, en sortoe actie disi e aksi foe dem see? (b) Sortoe lasi na naatsi Israël ben ondrofeni foe di dem no ben meki na froktoe disi?
10 Dati dem no de wan pisi foe grontapoe, foedi dem de hori demsrefi farawe foe politiek nanga trobi, de kon foe na froktoe krinfasi nanga foe de sondro vlaka foe na grontapoe disi. Dem wan di de wan pisi foe Jehovah organisatie, soleki Jezus Kristus, hem Pikin, na „reti droifibon” e teki presi foe dati, moe habi na marki foe na froktoe disi. Dem moe sori sondro foe hori wan sani na baka dati dem habi fanowdoe foe na Kownoekondre foe Gado ini anoe foe Jezus Kristus. Foe disi a de fanowdoe, dati dem erken en teki na Pikin foe Gado na publiki leki na Messias ofoe Kristus di soema ben verwakti langa tem kaba. Na gersi „droifibon” foe na Israël na skin fasi no ben pristeri Jezus na Messias na froktoe disi. Na naatsi disi ben libi hem na wan see foe meki dem „froktoe” foe Gado kownoekondre. Disi ben meki dem ondrofeni wan bigi lasi, bikasi Gado kownoekondre ben teki poeroe foe dem, en a ben gi na wan naatsi di ben sa meki dem froktoe di Gado wani foe taki na jeje Israël (Matt. 21:43). Na njoen naatsi disi de foe „taki”, di e sori dati dem de wan nanga na „troe droifibon” foedi dem no e trowe Jezus na Messias — soleki na djoe naatsi ben doe disi — ma dem e teki hem publiki en waka ini hem foetoe stapoe.
11. (a) San de moro ini na profeeti-tori foe Matteus 24:14 dan leki na „tjari foe Jezus ini wi ati”? (b) Sortoe sani di habi foe doe nanga a „reti droifibon” e poti wan verplekti tapoe dem „taki” foe na droifibon?
11 Soboen, disi wani taki moro leki soso na teki foe na Messias ini wi ati foe „tjari Jezus ini wi ati”, soleki dem evangelie-preekiman foe na kristenheid e taki disi. Disi moe bewijs nanga wan doe ini publiki (Rom. 10:10). Wi moe teki prati wisrefi ini na kon troe foe na profeeti-tori foe Jezus Kristus: „Na boen njoensoe disi foe na kownoekondre sa preeki tapoe na heri grontapoe pe soema e libi, leki wan kotoigi gi ala naatsi” (Matt. 24:14). Efoe wan „taki” di ben salfoe nanga Gado geest ini na „droifibon” en di ben gi hemsrefi abra en doopoe, no ben habi wan actief pratie na a wroko di Kristus ben taki na fesi, fa a ben sa kan meki dem „froktoe” foe na kownoekondre? Na verplekti de ini disi, dati dem leki „taki” de wan pisi foe na wan di ben kisi salfoe nanga na geest foe na Rigeri Masra Jehovah foe preeki na boen njoensoe foe na kownoekondre (Jes. 61:1-3; Luk. 4:16-21). Soleki na mama-tiki foe na „droifibon” de, na so ooktoe dem „taki” di e soigi watra moe de!
12. Sensi na jari 1914, o bigi na kon troe foe Matteus 24:14 moe de, en tapoe soema na frantwortoe e kon foe sorgoe dati na „boen njoensoe disi” preeki so bigi?
12 Na profeeti-tori foe Matteus 24:14 ben kon afoe troe ini na fosi eeuw G.T., foe sensi na tem foe na opo go na hemel en kon na fesi foe Gado foe Jezus te leki na jari 70 G.T., di dem Romein soema ben pori Jeruzalem. Ma na kon troe foe na profeeti-tori dati ini na tem dati ben de wan agersi fasi foe na kon troe krin krin foe na profeeti-tori ini wi tem, sensi 1914. Na a kaba foe dem tem foe dem heiden ini na dreetem (herfst) foe na jari dati, Gado Messias kownoekondre ben gebore ini hemel. Now, moro leki 19 eeuwen baka di dem „taki” foe na „droifibon” ben bigin foe gro, soso wan pikin fika pisi foe dem „taki” dati de ete na libi en de actief ini na meki foe „froktoe” foe na kownoekondre foe Gado, foedi a moro foeroe 144000 foe dem sortoe „taki” disi sa de leki mede-erfgenaam nanga Jezus Kristus (Openb. 7:4-8; 14:1-3). Tapoe na fika pisi disi na frantwortoe e kon foe sorgoe dati na „boen njoensoe” disi foe na kownoekondre preeki tapoe na heri grontapoe, sodati ala naatsi kan jere hem.
13. Ini na meki foe sortoe froktoe, na fika pisi foe dem „taki” foe na droifibon ben meki Jezus Tata kisi bigi nem foe datede?
13 Na meki foe na froktoe foe gi jesi na a komando foe preeki, ben habi leki bakapisi, dati Gado ben kisi bigi nem. „Nanga disi mi Tata de kisi bigi nem, efoe oen tan meki foeroe froktoe en sori dati oen de mi discipel” (Joh. 15:8). Na fika pisi foe dem sortoe „taki” disi ini disi tem en di ini dèm, Matteus 24:14 e kon troe foe na laatste tron, ben meki foeroe froktoe? Efoe wi ondrosoekoe dem tori foe sensi na jari 1919 baka na oorlog, dan wi moe taki ja! Foedi tapoe so wan fasi froktoe ben meki, dan Jehovah de kisi bigi nem tapoe heri grontapoe.
INI WANFASI NANGA NA „DROIFIBON”
14. Fa Jezus ben sori ini Johannes 15:4-6 dati na fika pisi foe dem „taki” moe tan de wan nanga hem foe meki someni froktoe?
14 Foe meki someni froktoe ben kan meki ini dem broeja tem disi foe na Fosi Grontapoe Feti ini 1914, dan dem „taki” tan de wan nanga na „droifibon” Kristus sondro wan soema kan prati dem foe makandra. Na fika pisi foe dem „taki” di e meki froktoe ben doe troe troe leki dem wortoe foe Jezus ben taki: „Tan ini wanfasi nanga mi (na Reti Droifibon), en mi ini wanfasi nanga oenoe. Soleki na taki no kan meki froktoe foe hemsrefi, efoe a no tan na a droifibon, na so oenoe toe, efoe oenoe tan ini wanfasi nanga mi. Mi de na droifibon en oenoe de dem taki. Na soema di e tan ini wanfasi nanga mi en mi ini wanfasi nanga hem, hem e meki foeroe froktoe; bikasi aparti foe mi oen no kan doe noti kwet-kweti. Efoe wan soema no tan ini wanfasi nanga mi, a sa trowe na dorosee leki taki en a de dree; en dem de tjari dem taki dati kon makandra en iti dem ini faja en dem e bron dem.” — Joh. 15:4-6.
15. (a) Sortoe presi Jezus nooiti ben sa gi hem apostel makandra nanga hem efoe dem no ben de getrouw na hem? (b) Foe sainde na fika pisi no ben kan taki dati dem de na see foe na Volkenbond en na a srefi tem tan ini wanfasi nanga na „reti droifibon”?
15 Jezus Kristus ben sa poti dem „taki” disi makandra nanga hem ini hemel efoe dem ben tan getrouw na hem wans moeilijkheid ben kon (Luk. 22:28-30). Efoe dem ben wani hori na salfoe nanga na geest foe na Soverein Masra Jehovah, dan dem ben moesoe tan ini wanfasi nanga hem, na mama-bon foe na droifi-bon. Noso dem ben sa poeroe na presi foe dem ini na tem di e kon ini na hemel kownoekondre (Openb. 3:5, 11). San ben de gi na fika pisi foe salfoe „taki” foe doe foe datede, di dem tem foe dem heiden ben kon na wan kaba ini 1914 en di ben kon na krin dati Gado Messias kownoekondre ben gebore ini hemel? Dem ben moe taki odi na a glori Jezus Kristus loyaal leki na Messias kownoe di poti tapoe na troon! Foe ben kan de wanfasi nanga hem, dem no ben kan teki wan organisaatsi leki na volkenbond, wan wroko sani di libisoema meki foe na reti kownoekondre tapoe na heri grontapoe, na presi foe hem. Foedi dem ben de ini wanfasi nanga hem, a no broko na wanfasi nanga dem.
NA BIGI IPI FOE OPENBARING 7:9-17
16. (a) Sortoe krakti na Tweede Grontapoe Feti ben habi tapoe na matifasi di na „bigi ipi” ben de nanga dem „Taki” foe na droifibon? (b) Na a see foe soema na „bigi ipi” ben poti hemsrefi ini na tori foe na Verenigde Naties, en foe sainde?
16 Ini dem laatste fo jari di na Volkenbond ben de leki organisaatsi foe hori na vreede hee, na „bigi ipi” di ben taki na fesi ben bigin foe kon, en disi ben de foe man nanga oema di ben kon de prisiri nanga dem kownoekondre froktoe, di dem taki foe „na droifibon” ben meki. Dem takroe foeka nanga tesi di dem ben miti foedi dem ben habi demakandra nanga na salfoe fika pisi ini na Tweede Grontapoe Feti, no ben tjari dem so fara foe loesoe demsrefi foe dem soema disi di e meki kownoekondre „froktoe”. Dem ben sabi dati dem wawan ben kan de loyaal na a kownoe di ben poti tapoe na troon, di de na „reti droifibon”, te dem ben de loyaal na dem „taki” foe hem, dem jeje brada foe hem (Matt. 25:31-40). Makandra nanga dem brada foe Kristus dem ben weegri foe teki na organisaatsi di ben kon njoen na libi ini na vorm foe na organisatie foe na Verenigde Naties foe grontapoe vreede en veiligheid. Na presi foe dem ben jepi na wroko sani disi di ben kon njoen na libi foe teki presi foe Jehovah Messias kownoekondre, dem ben tan preeki makandra nanga na fika pisi foe kownoekondre-erfgenaam leki Jehovah Kotoigi.
17. (a) Ondro sortoe „droifibon” na „bigi ipi” verkisi foe sidon tapoe grontapoe? (b) Ondro sortoe „droifibon” dem ben sidon fositem?
17 San de memre foe na „bigi ipi” dati e feni moro boen te ai go na agersi fasi foe sidon veilig ondro dem eegi droifibon nanga figabon? Dem e feni hem moro boen foe tan ondro na „reti droifibon” nanga hem „taki”, foedi dem disi e teki presi foe Jehovah kownoekondre ini anoe foe Kristus (Micha 4:1-4). Bifo dem ben jere na boen njoensoe foe na njoen gebore kownoekondre foe Jehovah ini anoe foe Jezus Kristus, „na reti droifibon”, dem ben sidon ondro wan tra droifibon — „na droifibon foe grontapoe” (Openb. 14:19). Sortoe droifibon dati de? A de na grontapoe politiek organisaatsi di nanga jepi foe disi libisoema rigeriman tapoe wan oproeroe fasi e proberi foe hori ini dem anoe na tiri foe grontapoe foe kan stree tapoe na fasi disi nanga Jehovah Messias kownoekondre.
18. Foe sainde meki dem „taki” foe na „reti droifibon” ben gi tranga na dem memre foe na „bigi ipi” foe komoto ondro na „droifibon foe grontapoe”?
18 Dem „taki” foe na „droifibon” di e meki froktoe en di Jehovah ben prani, ben gi dem memre foe na „bigi ipi” tranga foe komoto ondro na „droifibon foe grontapoe”. Dem no moe gebroiki moro langa dem vergif droifi nanga wien di e tjari dede kon. Foe sainde? Foedi na „droifibon” sa pori, soleki ini Openbaring 14:18-20 ben taki na fesi:
„En wan tra engel agen komoto na da altari; dati na hem, disi habi makti na da faja tapoe; en nanga tranga stem a bari na trawan, disi habi na srapoe langa nefi, taki: hari joe srapoe langa nefi en koti dem droifi foe na droifibon foe grontapoe; bikasi dem droifi foe hem lepi! En na engel hari da langa nefi foe hem, naki grontapoe, a koti dem droifi na a droifibon foe grontapoe, hiti dem na ini na bigi wienpersbaki foe na hattibron foe Gado. En dem masi na wienpersbaki na dorosee foe na foto; en broedoe komoto na ini na wienspersbaki, a go te na dem hasi toom wan doesoen nanga siksihondro stadia fara.”
Djaso wi e si wan agersi droifibon e opo go na wan trawan, bikasi na glori Jezus Kristus, di de na „reti droifibon”, e masi na feejanti droifibon, „na droifibon foe grontapoe”. Dem hasi di dem e gebroiki foe waka masi na dipi langa persbaki foe 320 kilometer, de dem feti-asi foe Jezus Kristus nanga hem legre foe engel. — Openb. 19:11-15.
19. (a) Foe sainde Gado no e kibri na „hatibron” foe hem gi na jeje „droifipranasi”? (b) Foe sainde a ben sa tjari ogri gi dem memre foe na „bigi ipi” te dem sa tjari „maka-boesboesi nanga wiwiri” kon ini na droifipranasi dati?
19 Na „wienpersbaki” foe na „hattibron” foe Gado, Gado e kibri gi na „droifibon foe grontapoe” di de tegen Kristus. Sensi di Gado ben tjari na fika pisi foe dem jeje Israël soema kon baka ini hem boen-ati baka na jari baka na feti, na jari 1919, na a tra see a no habi hatibron nanga na agersi ofoe jeje „droifipranasi” disi. A ben loekoe na „droifibon-pranasi” disi foe jeje Israël foe meki hem meki froktoe foe gi hem bigi nem. Ini na „droifipranasi” disi nanga reti makaboesi nanga wiwiri no de, disi ben kan tapoe na meki foe froktoe foe na „droifipranasi” disi (Luk. 6:44). Foe datede meki na „bigi ipi”, di tai demsrefi nanga Jehovah „droifi-pranasi”, no mag tjari verkeerti sani kon leki maka-boesboesi nanga wiwiri kon ini na „droifipranasi” di e meki froktoe. Na „bigi ipi” ben sa ondrofeni ogri foe disi, bikasi Jehovah ini hem prakseri di no e kenki foe meki na jeje „droifipranasi” meki froktoe foeroe, ben sa feti nanga dem „makaboesboesi nanga wiwiri”. A ben sa waka na tapoe foe masi dem en a sa bron dem leki nanga faja. — Jes. 27:4.
20. Ini sortoe matifasi dem „bigi ipi” sa proberi foe kon nanga Jehovah, en ini sortoe singi di sma e singi gi na „droifipranasi” foe hem dem sa ben wani foe singi makandra?
20 Now na tem doro gi na „bigi ipi” foe meki vreede nanga Jehovah en foe graboe hori hem „fortresi” ofoe baki foe krakti, foe kan man foe doe san hem habi prisiri na ini. A fiti te dem hori dem wortoe ini prakseri foe na singi di dem e singi gi na „droifipranasi” foe na jeje Israël: „Singi gi hem tapoe na dee dati: ’Wan droifipranasi foe wien! Mi Jehovah e kibri hem. Wan momenti mi sa gi hem watra. Foe wan soema no moe poti prakseri tapoe hem, mi sa kibri hem srefi dee nanga neti. No wan hatibron mi habi. Soema sa gi mi maka-boesboesi nanga wiwiri ini na stree? Mi wani waka tapoe dati. Mi wani soetoe faja gi dati na a srefi tem. Na a tra see, meki a graboe hori mi fortresi, meki a meki vreede nanga mi.’ Ini dem dee di e kon Jakob sa meki roetoe, Israël sa meki bromki en troe troe sa sproiti; en dem sa foeroe troe na fatoe kondre nanga na njanjan foe dem.” — Jes. 27:2-6.
21. (a) O fara na fika pisi foe jeje Jakob ofoe Israël e sori dati dem e meki froktoe? (b) San e sori dati Jehovah ben meki na gron fatoe gi dem?
21 Now na dee doro gi na fika pisi foe jeje Jakob ofoe Israël, dati dem moe sori dem kan meki foeroe froktoe foe kan foeroe na grontapoe nanga froktoe di kan hori soema na libi. Jehovah meki na grontapoe na heri grontapoe de fatoe, bikasi hondro hondro doesoen soema ben teki boen na kownoekondre-kotoigi di na fika pisi ben gi en di ben „sproiti” ini moro leki 200 kondre foe meki wan „bigi ipi” di e bari odi gi Jehovah leki na Soeverein Masra en Jezus Kristus leki na soema di habi now na makti foe rigeri leki kownoe tapoe na heri grontapoe. — Openb. 7:9-17.
22. Fa na meki froktoe foe na fika pisi foe dem „taki” foe na „reti droifibon” ben habi wan boen krakti tapoe na tori foe Gado, en fa disi de ooktoe troe tapoe na meki froktoe foe na „bigi ipi”?
22 Dati dem „taki” foe na „reti droifibon” ben meki froktoe, ben de troe troe foe na glori foe Jehovah Gado, na Droifidjariman. Leki wan bakapisi foe na kristen moeiti di dem meki, meki dati na „bigi ipi” e gi grani na a Gado disi, di prani en kweki so wan bigi sani leki na kownoe „droifibon” nanga hem taki. Foe di dem memre foe na „bigi ipi” ben teki na leri na ati foe na „droifibon” di e meki froktoe nanga hem „taki”, dem toe e tan farawe foe ala sani di e tapoe dem foe meki froktoe en dem e proberi foe meki froktoe foe kweki ala eegifasi foe wan gadofrede fasi en sori dem actief, ala sani foe Jehovah kisi nem.