Aksi foe den lésiman

● Soema de den „loyaalwan” ini Psalm 89:19 nanga soema Jehovah e taki ini wan visioen?

Te wan sma e lési Psalm 89, dan ai si taki na thema foe na psalm disi de na Kownoekondreferbontoe. Den vers 19, 20 nanga 29 e taki: „Ini a ten dati joe ben taki nanga joe loyaalwan ini wan visioen, èn ne joe ben taki: ’Mi ben poti jepi tapoe wan maktiwan; na mindri a pipel mi ben teki wan sma di mi ben verkisi poti na hé. Mi ben feni mi knekti David; nanga mi santa oli mi ben salfoe en . . . Èn séker mi sa poti en siri stéfi te foe tégo èn en troon leki den dé foe hemel.’”

Ini na tori foe 1 Kronieken 17 e kon na krin dati na pramisi foe wan lin foe kownoe ini na oso foe David di ben sa tan, ben tjari kon na krin gi na proféti Nathan ini wan visioen. Wan Kronieken 17:15 e ferteri wi: „Akroederi ala den wortoe disi èn akroederi heri na visioen disi, a so Nathan ben taki nanga David.” Dat-meki na David nanga Nathan de den „loyaalwan”, aladi David ben kisi na bodoi foe Gado nanga jepi foe Nathan.