Njan boen foe wan mindriman mindri Gado nanga libisoema
1. (a) Foe sainde meki den djoe di e libi now no abi belangstelling gi wan njoen verbontoe? (b) Soema wawan ben kan meki na njoen verbontoe kon na libi en soekoe wan mindriman gi hen?
NO WAN foe den 152 naatsi di de wan pisi foe na Verenigde Naties abi now belangstelling foe sroto wan verbontoe nanga Jehovah, na Gado foe Abraham, Isaak nanga Jakob. Nono, srefi den 15.000.000 djoe di ben panja tapoe na heri grontapoe no abi belangstelling foe disi tapoe na momenti disi. Aladi na profétitori foe Jeremia 31:31-34 de ini bijbel, tog den wani bribi moro foeroe, dati den tanapoe ondro na owroe Wetverbontoe, di Mozes ben de na mindriman. „Foedi dem no ben sabi na regtvaardikifasi foe Gado, ma e proeberi foe poti den égi regtvaardikifasi (Foedi den e proeberi foe hori na Wetverbontoe), den no ben saka densrefi ondro na regtvaardikifasi foe Gado” di nanga jepi foe na njoen verbontoe de gi den (Rom. 10:13). Jehovah, na Gado foe troe regtvaardikifasi, ben meki na njoen verbontoe kon. Hen wawan ben kan poti hen en soekoe na mindriman di ben boen foe na wroko dati.
2. Leki fa Jehovah taki, dan nanga soema a ben sa sroto wan njoen verbontoe en san a ben sa doe nanga jepi foe na verbontoe dati tapoe na tori foe ogridoe nanga sondoe en na sabi foe den foe hen?
2 „’Loekoe! Dé e kon’, so Jehovah taki, ’en seker mi sa sroto wan njoen verbontoe nanga na oso foe Israël en nanga na oso foe Juda . . . Bikasi disi de na verbontoe di mi sa sroto baka den dé dati nanga na oso foe Israël’, so Jehovah taki. ’Mi wani poti mi wet ini na inisé foe den, en ini na ati foe den mi wani skrifi den. Mi wani tron na Gado foe den en den sa tron mi pipel. En den no sa leri moro ibriwan foe den na brada foe hen taki: „Sabi Jehovah!” bikasi den alamala sa sabi mi foe na moro pikin wan na den mindri te go miti srefi na moro bigi wan srefi na den mindri’, so Jehovah taki. ’Bikasi mi sa pardon na ogridoe foe den en na sondoe foe den mi no sa memre moro.’” — Jer. 31:31-34.
3. Foe na kon foe soema a ben didon oten na njoen verbontoe ben sa sroto, en Mozes ben de ini disi?
3 Oten Jehovah ben sroto na verbontoe disi nanga „na oso foe Israël en nanga na oso foe Juda”? Na ten foe disi ben sa kon foe na mindriman di Jehovah ben teki foe na verbontoe disi. Mozes no ben sa wiki komoto foe dede foe ben doe wroko leki mindriman foe na njoen verbontoe. A no ben sa jepi den soema di ben teki poti ini na njoen verbontoe moro betre leki a ben kan jepi Israël.
4. Soema de na mindriman foe Gado foe na njoen verbontoe soleki wan Hebrésoema ben taki di ben kisi leri foe Gamaliël?
4 Wi no e tan ini degedege soema ben sa de na mindriman di ben boen. Nanga disi ini prakseri wi e go na a brifi di ben skrifi na den Hebré-soema en dati ben de wan Hebré-soema en dati ben de na soema di ben kisi leri foe wan barinen kerki-leriman foe na fosi eeuw foe wi gewoon teri, na Fariséman Gamaliël. Aladi a de meki wi si na difrenti mindri Mozes nanga na njoen mindriman, a de go moro fara foe taki: „Leki Mozes, di a ben de tapoe na punt foe meki na tenti kon boen doro, ben kisi na komando foe Gado: Bikasi, so a de taki: ’Loekoe dati joe meki ala sani leki na model, di den ben sori joe tapoe na bergi (Sinaï)’. Ma now Jezus ben kisi wan moro boen publiki diniwroko, sodati a de ooktoe na mindriman foe wan moro betre verbontoe, di sidon wettelijk tapoe moro betre pramisi” (Hebr. 8:5, 6). „En Jezus, na mindriman foe wan njoen verbontoe, en na broedoe foe froktoe (besprenkeling), di e taki tapoe wan moro boen fasi leki na broedoe foe Abel.” — Hebr. 12:24.
5. Fa Jezus ben sori bifo hen dede, dati a ben ferstan, dati na ten ben doro dati na njoen verbontoe ben sa teki na presi foe na Wetverbontoe?
5 Jezus ben verstan dati na ten ben kon gi Jehovah foe ben poti na njoen verbontoe ini na presi foe na owroe verbontoe. Tapoe na paschaneti bifo na dede foe hen tapoe fréda 14 Nisan 33 G.T., a ben poti na foe dat-ede na Memre-fesa foe memre na ofrandi dede foe hen. Di na fesa disi ben hori a ben teki na beker en a ben taki gi hen erfoe discipel: „Oen alamala dringi foe disi; bikasi disi de mi ’broedoe foe na verbontoe’, di sa fadon foe na boen foe foeroe soema foe pardon sondoe” (Matt. 26:27, 28). Ofoe, soleki na apostel Paulus ben taki den wortoe foe Jezus: „Na beker disi wani taki na njoen verbontoe nanga krakti foe mi broedoe. Tan doe disi, so foeroe tron leki joe e dringi hen, foe memre mi” (1 Kor. 11:25). Ini na pisi ten foe dri dé a ben de dededede ini wan memre-grebi en a no ben kan bigin leki mindriman foe na njoen verbontoe foe wroko.
6. San ben de fanowdoe te den wortoe foe Gado ben kan kon troe troe foe na pardon foe ogridoe en a no memre foe sondoe moro?
6 Aladi Jeremia 31:31-34 no ben taki foe hen, tog wan slagti-ofrandi ben de fanowdoe foe meki na njoen verbontoe ben kisi krakti. Wan slagti-ofrandi ben de fanowdoe, bikasi di Gado ben taki foe wan njoen verbontoe a ben taki: „Mi sa pardon na ogridoe foe den en na sondoe foe den mi no sa memre moro” (Jer. 31:34). Na broedoe foe slagti-ofrandi foe meti ben gebroiki foe ben wije na owroe Wetverbontoe foe Mozes en foe meki sani kon krin. Akroederi nanga dati, meki Mozes ben foktoe „na tenti nanga ala patoe foe na publiki diniwroko . . . so toe nanga na broedoe. Ja, bijna ala sani, leki fa na Wet taki, e kon krin nanga broedoe, en efoe broedoe no trowe, dan pardon no e kon” (Hebr. 9:21, 22). Di Jezus ben opo komoto foe dede tapoe sondoe 16 Nisan G.T., a ben abi ete na waarde foe hen libibroedoe. Disi Hebreer 13:20 e sori, pe tanapoe: „Na Gado foe vréde ben meki opo komoto na dede na bigi herder foe den skapoe nanga na broedoe foe wan tégo verbontoe, wi Masra Jezus.” — Joh. 10:11.
7. San na broedoe foe Kristus e doe tapoe na tori foe na konsensi en ooktoe gi na boen foe den „wan di Gado ben kari”, foedi foe na njoen verbontoe ede a ben offer wan moro betre ofrandi?
7 Foedi na njoen verbontoe ben bigin foe wroko nanga jepi foe wan betre slagti-ofrandi, na aksi ben poti gi den Hebré soema di ben teki na kristendom: „Omeni moro na broedoe foe na Kristus, di nanga wan tégo geest sondro vlaka ben offer hensrefi na Gado, sa krin wi konsensi foe dede wroko, sodati wi kan doe santa diniwroko gi na libi Gado?” Foedi na broedoe foe Kristus ben abi troe troe na makti foe krin wi foe na sondoe di e kroetoe wi, wi e lési moro fara: „Foe datede a de soboen na mindriman foe wan njoen verbontoe, dati den di Gado ben kari, ben sa kisi na pramisi foe na tégo paiman, foedi wan dede ben feni presi foe verloesoe den nanga jepi foe wan verloesoepaiman foe den ogridoe foe den ondro na fositen verbontoe” (Hebr. 9:14, 15). Ma oten Kristus broedoe ben bigin foe krin na konsensi foe den Hebré kristen di ben de ini na „fositen verbontoe”, na Wetverbontoe, di Mozes ben doe wroko gi na a bergi Sinaï leki mindriman?
8. Oten na broedoe foe Kristus ben bigin foe krin na konsensi foe Hebré kristen di ben de ondro na fositen Wetverbontoe?
8 No tapoe na dé foe na opobaka foe Kristus, ma tapoe na di foe féfi-tenti dé baka dati. Dati wani taki, tapoe na dé foe na pinksterfesa, baka di a ben opo go na hemel en a ben go na „ini hemel (na a de noja foe Gado), foe kon now na a fesi foe na persoon foe Gado foe na boen foe wi”. — Hebr. 9:24.
9. Nanga san Petrus ben taki tapoe na pinksterfesa gi den djoe di konsensi ben trobi den, da foe taki, dati na na dopoe foe den ini na nen foe Jezus Kristus ben sa tjari pardon foe sondoe, san disi ben bewijsi tapoe na tori foe verbontoe?
9 Tapoe na dé dati foe na pinksterfesa na apostel Petrus ben hori wan lezing gi den djoe nanga djoe proselietsoema di ben besnij en disi ben abi leki bakapisi dati na konsensi foe den ben bigin foe trobi den. „San wi sa doe?” den ben aksi. Petrus ben piki: „Abi berouw en meki ibriwan foe oenoe dopoe ini na nen foe Jezus Kristus foe kisi pardon foe oen sondoe, en oen sa kisi na fri presenti, na santa jeje” (Tori foe den Apostel 2:37, 38). Na pramisi disi foe pardon foe den sondoe foe den, di den ben abi berouw foe hen, ben sori wan sani. San dan? Dati na njoen verbontoe foe Gado nanga hen seti foe pardon foe sondoe, tapoe na spesroetoe dé dati ben kisi krakti foedi na owroe Wetverbontoe foe Mozes ben spikri na a pina-oedoe foe Jezus Kristus! — Ef. 2:15, 16; Kol. 2:14; Hebr. 8:8-13; Jer. 31:34.
10. Fa Petrus ben poti krakti tapoe na tori foe verbontoe, di a ben taki wan toe dé a baka ini na tempel foe Jeruzalem nanga den djoe di ben poti broedoe-fowtoe na den tapoe?
10 Wan toe dé na baka na srefi sani disi ben kisi krakti. Petrus dan ben taki gi wan groepoe djoe di ben konmakandra ini na tempel en di ben poti broedoe-fowtoe na den tapoe: „Abi berouw en drai oensrefi, foe den sondoe foe oen kan figi poeroe, sodati ten foe kowroe-ati kan kon foe na persoon foe Jehovah en a kan seni gi oen na Kristus di a ben poti, Jezus di moe tan srefi ini na hemel te leki den ten foe ala sani kon boen baka en di Gado ben taki foe hen nanga mofo foe hen santa proféti foe sensi owroeten.” Te foe kaba Petrus ben tjari na lezing foe hen kon na wan kaba nanga den wortoe: „Gado ben seni foe na fosi tron hen Dienstknegti, baka di a ben opo hen na dede, foe blesi oenoe fosi te ibriwan foe oenoe moe drai hensrefi foe den ogridoe foe oen”. — Tori foe den Apostel 3:19-21, 26.
MINDRIMAN FOE OMENI?
11. San e sori ofoe Gado ben sroto na njoen verbontoe nanga den djoe foe Israël nanga Juda na skinfasi?
11 Gado ben sroto na njoen verbontoe nanga na „oso foe Israël” na skinfasi en na „oso foe Juda” na skinfasi? Fa dati ben sa kan, foedi den djoe na skinfasi foe den toe oso dati ben trowe tapoe wan tranga fasi na mindriman foe na ten di e kon foe na njoen verbontoe en ben konmakandra ini na tempel ini Jeruzalem foe hori na pinksterfesa tapoe na ten di ben poti foe dati? Gado no ben kan sroto na verbontoe dati nanga den. A ben abi na prakseri foe ben sroto na njoen verbontoe nanga na njoen gebore kristen Israël, na jeje Israël. Tapoe na spesroetoe dé dati foe pinkster na Israël dati ben gebore, di „na santa jeje ben fadon” tapoe so wan wán hondro nanga twenti dopoe discipel foe Jezus Kristus (Tori foe den Apostel 11:15). Den disi no ben wakti ini na tempel, ma ini wan tapoe-sodro-kamra ini Jeruzalem. Drape den discipel dati, di ben saka kaba go ondro watra, ben kon njoen gebore nanga jepi foe Gado jeje leki jeje pikin, „na Israël foe Gado”. Na so fasi den ben teki poti ini na njoen verbontoe nanga jepi foe na hemel Mindriman, Jezus Kristus. na Proféti di de moro bigi leki Mozes. — Tori foe den Apostel 2:1-36; Joël 2:28, 29; Joh. 3:3, 5; Gal. 6:16.
12. Akroederi nanga na volgorde nanga san Gado e wroko fa na mindrimanwroko foe Jezus Kristus bradi hensrefi ini na jari baka na pinksterfesa?
12 Jezus Kristus ini hemel de soboen na mindriman mindri Gado nanga na jeje Israël, aladi den disi de ete leki mansoema en oema-soema ini skinfasi. Na mindrimanwroko foe Jezus Kristus ben bradi hensrefi go srefi inisé foe den skotoe foe na pikin „santa naatsi” di foedi Gado ben hori wan bepaalde volgorde foe groepoe foe soema poti ini na njoen verbontoe. Na so Jezus ben de so wan jari foe sensi na pinksterdé foe na jari 33 G.T. na mindriman foe soso den jeje Israëlsoema di ben de djoe na skinfasi ofoe djoe proselietsoema di ben besnij. Tapoe na pinksterdé dati ini 33 G.T. so wan 3000 foe den ben kon moksi nanga na jeje Israël (Tori foe den Apostel 2:10, 37-41). Moro fara — kande ini na jari baka dati (34 G.T.) leki wan bakapisi foe na vervolgoe di Saulus foe Tarsus ben tjari kon — na boen njoensoe foe na Kristus ini Samaria ben préki en na santa jeje „ben saka kon” tapoe den santawan di ben de drape (Tori foe den Apostel 8:15-17). Foe sensi na ten dati na mindrimanwroko foe Jezus ben bigin bradi hensrefi go moro fara, foe ben kan tjari boen gi jeje Israëlsoema, di ben de mansoema nanga oemasoema foe Samaria, Samariasoema.
13. Fa Jezus ben tron mindriman foe wan derde groepoe foe jeje Israëlsoema toe jari baka di den Samariasoema ben kisi pasi, en fa den djoe di ben teki na Kristendom na Jeruzalem ben erken na sani disi?
13 Toe jari e pasa now. Te foe kaba, ini na herfst foe 36 G.T. ofoe dri nanga afoe jari baka na dede foe Jezus nanga hen opobaka, a e bigin foe wroko leki mindriman gi wan di foe dri groepoe foe jeje Israëlsoema, den soema di ben teki poeroe foe den heiden di no ben besnij, foe bigin nanga na Italiaans centurio Cornelius. Di na apostel Petrus ben verteri den djoe di ben teki na kristendom ini Jeruzalem foe na froewondroe kenki ini afersi, den ben taki: „Na so Gado ben gi ooktoe na den soema (den di no ben besnij) foe den naatsi na okasi foe kisi berouw, di e tjari go na libi.” — Tori foe den Apostel 8:1 te nanga 11:18.
14. San Paulus ben taki gi den owroeman foe Efese foe na préki foe hen foe berouw na Gado en gi na boen foe sortoe verbontoe, a ben doe now diniwroko leki wan dinari?
14 Moro leki twenti jari na baka, dan Paulus ben de ete e doe wroko leki wan apostel foe den naatsi en na prékiwaka foe hen, na di foe dri, bijna ben kon na wan kaba. Di a ben drai baka go na Jeruzalem, a tapoe ini Miléte en a ben taki nanga den owroeman foe den gemeente ini Efese Klein Azië. A ben verteri den fa a ben wroko en a ben taki: „Mi ben gi kotoigi finifini na den djoe en na den Griki omtrenti berouw na Gado en bribi ini wi Masra Jezus. En loekoe! now mi de, leki na jeje tai mi, na pasi foe go na Jeruzalem” (Tori foe den Apostel 20:21, 22). A no ben dini moro langa leki wan Farisésoema den afersi foe na owroe Wetverbontoe foe Mozes. Soleki a de skrifi ini 2 Korinte 3:5, 6, dan „dati wi de bekwaam nofo, . . . e komoto foe Gado, di ben meki oen de nofo bekwaam foe de dinari foe wan njoen verbontoe, no foe wan skrifi wet, ma foe jeje; bikasi na skrifi wet e kroetoe foe dede, ma na jeje e meki libi”.
15. Di Paulus ben taki foe „dinari foe wan njoen verbontoe”, sortoe soema ben de dan ini na wortoe „Wi”, en den ben de wan pisi foe wan bemiddelingsraad mindri Gado nanga libisoema?
15 Soema na apostel Paulus e bedoel nanga na wortoe „wi”? Ini na bigin foe hen brifi a de sori tapoe den soema di de ini „wi” di a ben taki: „Paulus, di de nanga na wani foe Gado wan apostel foe Kristus Jezus, en Timoteus, wi brada, na a gemeente foe Gado, di de na Korinte” (2 Kor. 1:1). En Paulus en Timoteüs ben de soboen „dinari foe wan njoen verbontoe . . . foe jeje”. Paulus no ben bedoel nanga den wortoe disi, dati hen nanga Timoteüs ben de wan bemiddelingsraad en ben teki prati ini na mindrimanwroko nanga Jezus. Nono, bikasi den ben de soso jeje Israëlsoema, di Jezus ben doe diniwroko gi leki na Mindriman foe Gado. Soso Jezus de na „mindriman foe wan njoen verbontoe”. — Hebr. 12:24.
16, 17. Sortoe prakseri Paulus e tjari kon na fesi ini 1 Timoteüs 1:20 te nanga 2:7 foe kon tapoe Kristus Jezus leki mindriman?
16 Ini na brifi di Paulus ben skrifi gi Timoteüs, a ben tjari na mindrimanwroko foe Jezus kon so na fesi: „Na mindri den joe abi Hymeneüs nanga Alexander, en mi ben gi den abra na Satan, dati nanga tranga leri den kan leri foe no gongosa. Foe datede mi e vermane dati djeme, begi, tangi seni go gi na boen foe ala soema (ma no gi den gongosaman Hymeneüs nanga Alexander), omtrenti kownoe nanga ala soema di de ini wan hé wroko, foe wi kan abi wan tiri en rostoe libi nanga na dini foe Gado dorodoro nanga ernst.
17 Disi de toemsi boen en switi ini na ai foe wi Jepiman, Gado, di na wani foe hen de, dati ala sortoe soema kisi jepi en kon kisi wan soifri sabi foe na waarheid. Bikasi wan Gado nomo de en wan mindriman mindri Gado nanga libisoema, wan libisoema, Kristus Jezus, di ben gi hen srefi leki wan srefi verloesoe-prijs gi ala soema (ofoe, gi ala sortoe soema, voetnoot ini na herziene Ingrisitongo uitgave foe na NW foe 1971) — foe disi kotoigi moe gi tapoe den spesroetoe ten di ben poti na fesi. Nanga na kotoigi disi na prakseri den ben poti mi leki wan prékiman nanga wan apostel — mi e taki waarheid, mi no e lé — leki wan leriman gi den naatsi tapoe na tori foe bribi nanga waarheid.” — 1 Tim. 1:20 te nanga 2:7.
18. (a) Nanga disi Paulus ben gi Timoteüs tranga foe doe wroko leki wan mindriman mindri Gado nanga den hé-lantiman? (b) Soema ben sa njan boen foe den djeme-begi di ben seni go na Gado?
18 Paulus ben gi tranga soboen, „dati djeme, begi, tangi seni go omtrenti kownoe nanga ala soema di abi wan hé wroko”. Ma a no ben gi Timoteüs tranga foe doe wroko leki wan mindriman mindri Gado nanga den hé-lantiman dati. Den „djeme, begi” dati no ben moe doe nanga na bewégi foe ati foe meki den hé-lantiman dati drai teki na kristendom. Soema ben sa njan boen troe troe foe den sortoe djeme-begi dati di ben seni go na Gado? Sortoe prakseri ben de baka den sortoe begi disi di ben seni go na Gado? „Foe wi (kristen leki Paulus nanga Timoteüs) kan abi wan tiri en rostoe libi nanga na dini foe Gado dorodoro nanga ernst.” — 1 Tim. 2:2.
19. San so wan libi foe dini Gado wawan ben sa tjari kon, en ini soema ai disi ben de ”toemsi boen en switi”?
19 Te kristensoema di seni den djeme-begi disi omtrenti politiek tiriman, abi so wan tiri ernstig libi nanga na dini foe Gado wawan, dan disi ben sa wani taki jepi gi den. Na jepi foe sortoe onschuldig kristensoema di no e doe ogri ben de „toemsi boen nanga switi ini na ai foe Gado, wi Jepiman”. Foe sainde? Bikasi a de na wani foe Gado „dati ala sortoe soema kisi jepi en kon kisi wan soifri sabi foe na waarheid”. Akroederi nanga disi, meki a de so dati na soema di e kari dja „wi Jepiman” no de Jezus Kristus, ma „Gado”.
20. Leki fa 1 Timoteüs 2:5, 6 taki, san de na rol foe Kristus Jezus ini na programma foe jepi?
20 San de na rol foe Kristus ini na programma disi foe jepi? Paulus e go moro fara: „Wàn Gado nomo de en wàn mindriman mindri Gado nanga den libisoema (no ala libisoema), wan libisoema, Kristus Jezus, di ben gi hensrefi abra leki wan srefi verloesoeprijs gi ala soema.” — 1 Tim. 2:5, 6.
21. (a) Leki sortoe dinari en gi sortoe tra dinari Paulus ben skrifi hen brifi gi Timoteüs? (b) O langa na verbontoe dati e tan, en o prenspari disi de tapoe na tori foe na „srefi verloesoeprijs gi ala soema”?
21 Paulus e skrifi akroederi nanga fa na situatie ben de ini na fosi eeuw foe na kristendom, ini na ten dati na njoen verbontoe ben bigin foe wroko. Joe ben abi soema foe ala nationaliteit — djoe, Samariasoema, heiden soema di no ben besnij — di ben teki poti ini na verbontoe disi, baka di den ben tron wan pisi foe na jeje Israël. Kristus Jezus ben de na mindriman foe na njoen verbontoe dati. Dati Paulus taki foe na punt disi ini wan brifi gi Timoteüs ben de wan afersi foe wan „dinari foe na njoen verbontoe” di ben skrifi gi wan tra „dinari foe na njoen verbontoe”. Na njoen verbontoe dati mindri „wi Jepiman, Gado”, nanga jeje Israël e tan go doro solanga jeje Israëlsoema de leki „libisoema” dja na grontapoe ini skinfasi. Soboen na verbontoe de now en abi krakti. „Na srefi verloesoeprijs foe (Jezus) gi ala soema e poti gi ala sortoe foe mansoema nanga oemasoema na fundamenti foe tron jeje Israëlsoema en foe teki poti ini na njoen verbontoe, di Jezus Kristus de na „wán mindriman”.
22. (a) San e sori dati na njoen verbontoe e doro hen kaba, en oten na mindrimanwroko foe Kristus sa kon na wan kaba? (b) Foe sainde den glori jeje Israëlsoema no sa abi wan mindriman fanowdoe, en ini sortoe positie den sa dini dan?
22 Joe abi te now ete moro leki 9000 soema di e taki, dati den de jeje Israëlsoema, di teki poti ini na njoen verbontoe. Leki Paulus nanga Timoteüs den de „dinari foe wan njoen verbontoe” (2 Kor. 3:6; 1:1). A de krin dati, djonsro wan kaba sa kon na a njoen verbontoe, foedi na prakseri foe na verbontoe disi foe meki 144.000 jeje Israëlsoema kon, di Gado e feni boen, bijna doro hen kaba. Ala den soema disi sa kon moksi de wàn nanga Jezus Kristus ini na hemel kownoekondre, na toemsi boen rigeri gi na libisoema-famiri. Te den laatste wan foe den jeje Israëlsoema disi di Gado e feni boen kaba foe de „libisoema”, foedi den dede dja na grontapoe, en e kisi wan opobaka foe abi wan prati ini na hemel kownoekondre foe Jezus Kristus, dan ooktoe na mindrimanwroko foe Jezus Kristus sa kon na wan kaba. Den sa libi na den baka den sondoe libisoema toestand di den ben kisi abra (foe Adam), sodati a no sa de fanowdoe moro, dati wan mindriman mindri den nanga na Gado foe santafasi sa de foe doe wroko. Soleki den santa engel ini hemel, na so den glori jeje Israëlsoema disi no sa abi no wan soema fanowdoe, di e doe wroko mindri den nanga Jehovah Gado leki mindriman (Openb. 22:3, 4). Ondro Jezus Kristus den sa doe diniwroko gi na heri libisoema-famiri leki kownoe, priester nanga kompe-kroetoebakra. — Openb. 7:4-8; 14:1-9; 20:4, 6; Luk. 22:28-30.
WAN „BIGI IPI” SOEMA DI ABI BOEN EDE
23, 24. (a) Sortoe soema e wroko now actief makandra nanga na fikapisi foe den jeje Israëlsoema, en sortoe kari den ben kisi tapoe na tori foe na Avondmaal foe Masra? (b) San den e ferstan foe densrefi, en fa tog den e njan boen foe na wroko foe na njoen verbontoe?
23 Ini na ten disi troe troe skrifitori e sori, dati wan „bigi ipi” kristensoema de di gi den srefi abra en dopoe en di alamala de actief e wroko makandra nanga na pikin fika-pisi foe jeje Israëlsoema. Sensi na bigin foe na jari 1938 den ben kisi na kari foe de tapoe na ala jari Memrefesa foe memre na dede foe Kristus, no foe gebroiki den symbolen — na brede sondro swa nanga na redi win, — ma leki soema di e sidon loekoe nanga respeki. Den e teki Jezus Kristus leki na soema di e tiri leki na hemel kownoe foe den, sensi den „ten foe den heiden” ben kon na wan kaba ini 1914. Nanga faja den e moksi densrefi na a fikapisi foe jeje Israëlsoema foe préki na „boen njoensoe disi foe na kownoekondre” tapoe na heri grontapoe pe libisoema e libi leki wan „kotoigi gi ala naatsi”, bifo na seti foe sani disi kon na wan kaba ini na „bigi benawtoe” di e kon (Matt. 24:14, 21). Den e verstan dati den no de jeje Israëlsoema di teki poti ini na njoen verbontoe, di Kristus Jezus, de na mindriman, aladi den e verstan ooktoe, dati den no de wan pisi foe na „geslacht di ben verkisi, wan kownoe priesterwroko, wan santa naatsi”. — 1 Petr. 2:9.
24 Tog den e njan boen foe na wroko foe na njoen verbontoe. Den e njan boen foe hen leki den „vreemde soema” di ben libi ini na mindri foe Israël foe owroeten ben njan boen foe na libi di den ben libi mindri den Israëlsoema, aladi den no ben teki noti ini na Wetverbontoe. — Ex. 20:10; Lev. 19:10, 33, 34; Openb. 7:9-15.
25. Nanga sortoe groepoe soema na „bigi ipi” moe tan moksi de wán foe kan tan ini wan boen matifasi nanga Jehovah Gado, en foe san-ede?
25 Foe kan de ini wan boen matifasi nanga „wi Jepiman, Gado”, dan na „bigi ipi” tan moksi de wan nanga na fikapisi foe den jeje Israëlsoema. Foe sainde? Foedi den jeje Israël soema disi de na „santa naatsi” di wi e lési foe hen ini Jeremia 31:35, 36, direct baka na pramisi foe Gado foe wan njoen verbontoe: „Disi Jehovah ben taki, na Soema di e gi son leki wan leti na déten, den wet foe na moenkenki nanga den stari leki wan leti na netiten, na Soema di e meki na se opo go na tapoe, sodati den skwala foe hen kan de bigi (tegen den Egyptesoema di ben lon baka den Israëlsoema), Na Soema di hen nen de Jehovah foe den fetiman: ’„Efoe den wet disi ben kan komoto foe mi fesi”, so Jehovah taki, „dan a ben sa kan ooktoe, dati den di de na siri foe Israël, no ben sa de moro langa foe alaten wan naatsi na mi fesi.”’
26. O langa na presi foe na jeje Israël sa de ini Gado universele organisatie en pe Jezus Kristus sa tiri tapoe den soema di e libi tapoe na grontapoeparadijs?
26 Na a srefi fasi Jehovah no ben kan meki na jeje Israël komoto gwe foe hen universele organisatie leki den son, moen, stari foe hemel di e gi leti, no ben sa de moro. Ini hemel na jeje Israël sa de na Njoen Jeruzalem, pe Jezus Kristus sa rigeri leki kownoe tapoe na bigi ipi di tan na libi nanga ala dedesoema di ben kisi wan opobaka foe libi tapoe wan paradijsgrontapoe. — Openb. 21:2-24.