Na disiten bron foe na bijbel e misi hen marki
„A priti moro fara nanga na nefi foe na sekretarsi na lolo pisi-pisi, trowe hen ooktoe go ini na faja di ben de ini na krofajabeki, te leki te foe kaba na heri lolo ben kon ini na faja di ben de ini na krofajabeki.” — Jer. 36:23.
1. Foe san ede na bron foe na heri bijbel ofoe pisi foe hen, no de wan njoen sani?
NA BRON foe na heri bijbel ofoe wan pisi foe hen no de wan njoen sani. Na fosi tron dati na bijbel e verteri foe so wan sani ben de moro leki 2600 jari pasa kaba. Disi ben de ini den dé foe na di foe toe laatste kownoe foe na naatsi, di Gado ben gi na a bigin na bijbel.
2. Fa a doe kon dati na skrifi profétitori foe Jeremia ben bron?
2 Na kowroeten (winter) ben doro, en kownoe Jojakim ben sidon ini Jeruzalem na sé wan krofajabeki pe faja ben de na ini foe gi waran na a troonkamra. Fa a ben doe kon dati wan toemoesi prenspari pisi foe na bijbel ben go ini na faja ini na krofajabeki wi e kisi foe jere ini na waarheidgetrouw tori di ben skrifi foe dati. Foe na tori dati wi e poti dja na pisi disi:
„Now a ben pasa ini na di foe fo jari foe Jojakim, na manpikin foe Josia, na kownoe foe Juda, dati na wortoe disi foe na sé foe Jehovah ben kon na Jeremia, taki: ’Teki gi joesrefi wan boekoelolo, en joe moe skrifi na ini ala den wortoe di mi ben taki gi joe, foe Israël nanga foe Juda nanga foe ala naatsi, foe sensi na dé di mi ben taki nanga joe, sensi den dé foe Josia, te go doro na den dé disi. Kande den soema foe na oso foe Juda sa arki na ala den rampoe di mi denki foe doe nanga den, foe den kan drai baka, ibriwan foe den foe na takroe pasi foe hen, en mi kan gi pardon na den ogridoe nanga sondoe foe den troe troe.’” (Jer. 36:1-3).
Efoe wi lési den fosi dri-tenti-na-féfi kapitel foe na boekoe Jeremia, dan wi kan verstan fa na skrifi boskopoe foe hen no ben de popu.
3. Foe san ede Jeremia no ben poti na prakseri foe trobi tra soema, en omeni ten den soema ben abi ete foe doe wan sani na a situatie?
3 Na boskopoe di e akroederi now nanga san Jeremia ben moe skrifi tapoe „boekoelolo” no abi na prakseri foe tergi soema, foe drégi den en foe pina den nanga profétitori di o tjari ongolokoe kon. Den kristen ini disi ten di de leki na proféti Jeremia, no poti ini prakseri foe trobi tra soema. Nono, den e doe wan publiki diniwroko foedi den e verteri ala soema foe na internationaal rampoe di e kon. Disi e tjari den soema kande go so fara foe abi berouw en tjari kenki kon ini na ten di Jehovah e sori boen-ati ete gi na libisoema-famiri. Nanga so wan fasi foe doe, dan den sortoe soema dati ben kan kibri den libi ini na ten foe na grontapoerampoe di e kon. Ini na ten dati ini den dé foe Jeremia, dan na naatsi Juda ben abi soso tin-na-ati jari na hen fesi te na a ten dati den Babylonsoema ben sa pori na santa foto Jeruzalem. Now di na Jeremia-klasse ini disi ten de moro leki siksi-tenti jari actief kaba, o langa a sa de ini na ten disi ete bifo na ongolokoe pori foe Jeruzalem model, na Kristenheid, sa de na bigin foe na „bigi benawtoe” gi na heri grontapoe? — Matt. 24:21, 22.
WAN PUBLIKI BEKENTI FOE NA ONGOLOKOEBOSKOPOE
4. Baka di Jeremia ben kon klari foe skrifi hen profétitori foe sensi na begin, fa na boskopoe foe hen ben pristeri na Jeruzalem, sainde?
4 Gehoorzaam Jeremia ben verteri hen sekretarsi Baruch, na manpikin foe Neria, na boskopoe foe skrifi. Na boekoe di ben kon ben abi ala wortoe di Jehovah, ben taki gi Jeremia sensi na di foe tina-dri jari foe na rigeri foe Josia, na jari di Jehovah ben meki na jongoe priester Jeremia tron proféti. Di na boekoe ben kon klari, dan Jeremia ben firi, dati a no man foe go na Jeruzalem, di ben de so wan féfi kilometer foe hen levitisch tanpresi Anathoth, foe lési na boekoe tranga foe ala soema jere ini na tempeldjari. Foe dat’ede a ben seni hen sekretarsi Baruch go en a ben taki moro fara: „Kande na begi foe den foe den foe dekati sa kon na fesi Jehovah en den sa drai baka ibriwan foe hen takroe pasi, bikasi bigi na atibron nanga hebi atibron de di Jehovah ben taki gi na pipel disi.” — Jer. 35:4-7.
5. San ben de leki wan boen ten foe lesi den profétitori foe Jeremia ini Jeruzalem?
5 Fa wi ben sa feni hen, efoe wi ben sa moe lési wan boskopoe tranga meki ala sma jere tapoe wan publiki presi pe foeroe sma e kon? Baruch ben moe abi foe troe dekati fanowdoe. Tog a ben doe disi ini na krakti foe hen Gado! Ma wi moe prakseri dati Baruch ben abi ten fanowdoe foe skrifi ala sani san Jeremia ben verteri hen foe skrifi (Jer. 36:17, 18). Foedi na boekoe ben abi na tranga boskopoe foe Jehovah gi ala naatsi, Israël nanga Juda ooktoe na ini, dan wan publiki sani di pasa sa de wan boen ten foe lési! Kon wi teki wan nationaal vastendé! Dan den soema di e vaste, ben sa de boen foeroe ini Jeruzalem. Soboen den ben moe wakti te leki so wan boen okasi ben kon!
6. Fa a ben kon krin ini na jari di Jeremia ben skrifi hen profétitori, soema ben sa gebroiki foe meki kon troe na fadon foe Jeruzalem?
6 Baruch no ben lési na publiki na boekoe di ben kon klari soboen ini na di foe fo jari foe na rigeri foe kownoe Jojakim, na jari di kownoe Nebukadnezar ben wini den sroedati makti foe Farao Necho foe Egypte en ben tron na njoen grontapoe-tiriman. Na Nebukadnezar disi ben de na heidentiriman, di Jeremia ben taki foe hen na fesi, dati hen ben sa de na soema di ben sa meki Juda nanga Jeruzalem fadon en dati baka dati, dati na kondre ben tan légi sébi-tenti jari langa sondro libisoema ofoe oso-meti. — Jer. 36:6; 25:1-11.
7. Ini sortoe jari en na sortoe okasi Baruch ben lesi na boekoe foe Jeremia ini na tempel foe Jeruzalem?
7 Now na di foe féfi jari foe kownoe Jojakim foe Juda doro. Disi e fadon makandra nanga na di foe toe jari foe Nebukadnezar leki grontapoe-rigeriman. Na tori ini Jeremia 36:9, 10 e meki disi krin. Wi lési drape:
„Now a ben pasa ini na di foe féfi jari foe Jojakim, na manpikin foe Josia, na kownoe foe Juda, ini na di foe négi moen (Kislev, ofoe november-december), dati wan vasten ben bari na Jehovah fesi gi ala na pipel ini Jeruzalem en ala na pipel foe den foto foe Juda di ben kon ini Jeruzalem. Dan Baruch ben lési foe na boekoe ala den wortoe foe Jeremia ini na oso foe Jehovah, ini na njanjankamra foe Gemarja, na manpikin foe na skrifiman Safan, ini na tapoesé fesidjari, na a doromofo foe na njoen portoe foe na oso foe Jehovah, meki na heri pipel jere.”
8. Ini sortoe ten foe na jari Baruch ben begin foe doe a komando di a ben kisi foe Jeremia?
8 Den ben bigin teri den rigeri foe Juda foe bigin nanga na mofojarimoen Abib, ofoe Nisan. Na moen di meki négi foe na moenkenkimoen foe den, di ben kisi na nen kislev, ben fadon soboen ini na kowroeten (winterten). Ini disi ben de wan pisi foe san wi e kari december (di de na Latijn moen di wani taki tini moen). Ini na ten foe den Maccabeeën na „Wijnfesa” ben hori na a okasi foe Jeruzalem tapoe 25 Kislev, wan fesa di ben fadon ini na „winter” (Joh. 10:22). Aladi na kowroe weer foe na moen kislev ben bigin, tog Baruch na sekretarsi foe Jeremia ben bigin foe doe na komando di a ben kisi foe Jeremia.
9. Fa den granman foe Juda ben teki san ben tanapoe ini na boekoe di ben lési gi den en san den ben gi Baruch en ooktoe Jeremia leki rai?
9 Den wortoe foe Jeremia di Baruch ben lési nanga tranga sten gi na pipel ini na tempel, ben de gi na heri naatsi prenspari. Foe datede meki den granman foe Juda ben meki Baruch kon na den foe lési na proféti boskopoe gi den (Jer. 36:11-15). Efoe wi kan memre san den kapitel na fesi ben abi foe taki foe na profétitori foe Jeremia di bon go foe na fadon foe na kownoekondre foe Juda, dan wi kan tjari kon ini wi prakseri foe san ede den granman ben frede toemoesi di den ben jere san Baruch ben lési. Foedi den ben lobi na kondre foe den sote, den ben firi na verplegti foe verteri kownoe Jojakim san den ben jere. Den ben teki na boekoelolo di Baruch ben skrifi nanga hen anoe, ma foedi den ben sori boen-ati gi na skrifiman, den ben gi Baruch na rai foe taki nanga Jeremia. Disi ben abi wan toemoesi boen bakapisi. — Jer. 36:16-20.
NA FOSI TRON DI BIJBEL BEN BRON INI NA HISTORIA
10. San kownoe Jojakim ben doe di Jehudi ben lesi na boekoe gi hen, en sortoe firi den ben sori nanga disi?
10 Den granman ben go na a winter-oso foe kownoe Jojakim foe verteri hen san pasa. A ben wani foe kisi na lolo foe na proféti-tori foe Jeremia ini anoe. Foe datede meki a ben seni en knegti foe na palési Jehudi go teki a boekoe foe na tempel, pe a ben kibri. San ben pasa now di Jehudi ben opo na lolo en ben lési nanga tranga sten kolom foe kolom? „Dan a ben pasa dati so esi leki di Jehudi ben lési dri ofoe fo bladzijde-kolom, a (kownoe Jojakim) priti moro fara nanga na nefi foe na sekretarsi na lolo pisi-pisi, trowe hen ooktoe go ini na faja di ben de ini na krofajabeki, te leki te foe kaba na heri lolo ben kon ini na faja di ben de ini na krofajabeki. En den no ben firi no wan frede. en ooktoe na kownoe nanga ala hen dinari, di ben arki na ala den wortoe disi, no ben priti den krosi.” — Jer. 36:21-24.
11. Fa na fasi foe doe foe Jojakim ben kenki nanga di foe hen tata Josia di disi ben jere den lési Deuteronomium, en Jojakim ben gi jesi na Deuteronomium 17:18-20?
11 Fa disi no ben de wan sori foe respeki foe na wortoe foe Gado di ben skrifi ondro krakti foe na santa jeje! Fa na fasi foe doe disi foe kownoe Jojakim ben kenki nanga na fasi foe doe foe hen tata Josia! Di na lolo foe na boekoe Deuteronomium di na proféti Mozes ben skrifi, ben feni ini na doti tempel di den ben krin. Josia ben meki wan soema foe den priester lési na boekoe disi foe na wet gi hen, (Jeremia ben de ooktoe foe na priesterwroko). Josia ben teki na ati na boskopoe di ben de na ini en a ben priti hen krosi. Dan a ben teki fesi foe na pipel foe sroto wan verbontoe nanga Jehovah foe gi Jesi na hen en foe doe na soifri aanbegi foe hen. (2 Kron. 34:14-33). Boiti dati, ini na srefi wet dati ben tanapoe, dati ibri kownoe foe Israel ben moe meki wan soifri boekoe foe na wet, di a ben moe lési alaten en a ben moe libi nanga dati (Deut. 17:18-20). Sortoe marki de dati kownoe Jojakim ben doe so wan sani foe frede Gado? Dati no ben de! Na eksempel foe hen ben takroe!
12. Sortoe toe sani di ben pasa e kari dja foe sori dati now soema de leki kownoe Jojakim?
12 Joe abi disiten Jojakim? Ja, foe troe te a de kon ini na bron foe boekoe foe den Santa Boekoe. En joe e feni den ete ini den kondre foe na kristenheid! Kande joe kan memre ete, dati ini 1961 wan lomsoe priester ini Ejutla, Oaxaca (Mexico), ben gi ogri soema tranga foe go ini na oso pe alaten cultureel komakandra e hori. Di den ondrosoekoe na oso, den teki ala bijbel di den ben kan feni en bron den tapoe na publiki plen. Na koranti foe na presi verteri dati den ben abi wan „sori foe bribi”. Ini februari 1962 ben meki ooktoe bekenti ini Portugal dati soema no ben abi pasi foe seni boekoe foe Jehovah Kotoigi nanga jepi foe post. Aladi na regeri foe Portugal no ben meki officiëel bekenti dati na wroko foe Jehovah Kotoigi tapoe, tog boen foeroe foe den kerki boekoe foe den en ooktoe bijbel den ben teki en bron den.
13, 14. (a) San ben pasa wan toe jari pasa kaba ini Argentinia? (b) Sortoe aksi na afersi disi e meki kon, en san de na troe troe reden foe san ede den kerki fesiman e proberi foe tapoe Jehovah Kotoigi foe doe na kristen activiteit foe den?
13 Wan toe jari pasa kaba, den ben tapoe na wroko foe Jehovah Kotoigi ini Argentinia, en a no kisi toe jari pasa kaba den ben teki boen foeroe boekoe foe den tapoe na edekantoro foe den ini Buenos Aires en ooktoe 250 Nieuwe Wereldvertaling foe den Santa Boekoe ini Spanjoro tongo. Ala disi ben seri gi papirafabriek en ben priti ini pisi pisi en bori kon tron wan papa foe kisi Cellulose. Moro fara a ben pasa dati Jehovah Kotoigi ben waka foe Uraguay go na Argentinia en na a grens den ben kon sabi dati den ben kon sabi kon sabi dati den de Jehovah Kotoigi, den ben teki bijbel foe den en bron den. Wi ben sa kan kari gi wi lésiman moro eksempel di e sori dati te now ete na bron foe Bijbel e feni presi, ma ala disi e meki wan aksi kon na fesi.
14 San e meki a de leki na Bijbel de wan gevaarliki wrokosani ini na anoe foe Jehovah Kotoigi, sodati srefi kondre di taki den de kristen kondre den sortoe onregtvaardiki sani disi e pasa leki na teki en pori foe bijbel? Disi doe kon foedi nationalist e si Jehovah Kotoigi leki fa kownoe Jojakim ben si Jeremia nanga Baruch — leki soema di den wan gevaar na politiek sé foe activiteit, de disi: Den e dini na srefi Gado leki foe den Hebrew Boekoe na srefi boskopoe foe Gado leki di foe na proféti Jeremia. En leki Jeremia den e gi jesi na a komando foe Gado di tanapoe ini den Boekoe dati di ben skrifi ondro na krakti foe santa jeje en den e meki na boskopoe foe hen bekenti, di de kontrari na kristenheid nanga ala grontapoe elementi di a abi wan krosibé matifasi nanga den foe kisi na aktief ondersteuning foe den. Soboen, Jehovah Kotoigi moe komoto na pasi, di e poeroe na kristenheid bere na doro!
15, 16. (a) Sortoe sani di ben pasa ini na di foe sébi eeuw bifo G.T. e sori ofoe ala lagi lantiman ben agri dati Jehovah Kotoigi kisi gens? (b) San Jehovah ben doe gi den dienstknekti foe hen?
15 Alaten joe ben abi wan toe lagi rigeriman di no de na a sé foe den basi foe den ini na takroe-ati vervolgoe foe Jehovah Kotoigi. Den ben protesteer, foe na firi foe opregtifasi en foe respeki gi na Gado di den kristen disi de kotoigi — ma ala sani foe soso! A de precies leki na geval disi di e kon na fesi foe na di e kon na fesi foe na di foe sébi eeuw bifo G.T. „Srefi Elnathan nanga Delaja en Gemarja srefi e begi na kownoe tranga foe no bron na olo, ma a no arki den. Moro fara na kownoe gi komando na Jerachmeël, na manpikin foe na kownoe, en Seraja, na manpikin foe Azriël, foe go taki na sekretarsi Baruch, en na proféti Jeremia. Ma Jehovah ben hori den kibri.” — Jer. 36:25, 26.
16 Kownoe Jojakim no ben seni Jojachin, na kownoe erfgenaam, ma na „manpikin” foe hen, Jerachmeël nanga toe tra lantiman foe soekoe Jeremia nanga hen sekretarsi Baruch. Na kownoe ben abi takroe prakseri nanga den. Ma Jehovah no ben gi pasi dati na kibripresi foe den ben kon de bekenti, efoe den ben de ini Jeruzalem ofoe ini na krosbé Anathot ofoe wan tra presi. Te na a begin foe hen proféti wroko Jeremia ben kisi na djaranti disi foe Jehovah: „Foe troe den sa feti nanga joe, ma den no sa wini joe, bikasi ’mi de nanga joe’, so Jehovah taki, ’foe verloesoe joe’.” — Jer. 1:19.
17, 18. (a) Sortoe winimarki Jojakim ben sa abi nanga na bron foe na bijbel, soleki na profetitori foe Jesaja 40:8, di ben gi na fesi, ben taki? (b) Sortoe boskopoe di ben de kontrari Jojakim Jeremia ben moe skrifi tapoe wan tra lolo?
17 Ini na eeuw bifo na ten foe Jeremia, na proféti Jesaja ben skrifi: „Foe taki foe na wortoe foe na Gado foe wi, a sa tan te ten di no abi marki” (Jes. 40:8; 1 Petr. 1:25). Dati kownoe Jojakim ben bron na olo foe Jeremia di ben skrifi nanga anoe, soboen Gado ben sa sorgoe. A ben teki moro leki toe nanga afoe doesoen jari, ben sa abi na heri profétitori foe Jeremia. Fa disi ben pasa? Jeremia e verteri wi san ben pasa ini na ten di Jehovah ben hori hen nanga Baruch kibri.
18 „Na wortoe foe Jehovah ben kon moro fara na Jeremia, baka di na kownoe ben bron na lolo nanga den wortoe di Baruch ben skrifi foe na mofo foe Jeremia, taki: ’Teki agen wan lolo, wan trawan en skrifi tapoe dati, ala den fosi wortoe di ben tanapoe tapoe den fosi wan, di Jojakim, na kownoe foe Juda, ben bron. En gi Jojakim, na kownoe foe Juda, joe moe taki: „Disi Jehovah ben taki: ’Joesrefi ben bron na lolo disi, taki: „Foe sainde joe ben skrifi na tapoe, taki: ’Na kownoe foe Babylon sondro mankeri sa kon en sa pori na kondre disi foe troe en meki libisoema nanga meti komoto na ini’?” Foe datede, disi Jehovah ben taki gi Jojakim, na kownoe foe Juda: „A no sa abi no wan soema, di sa sidon tapoe na troon foe David, en hen égi dede skin sa tron wan sani di sa de didon didon ini na faja foe déten en ini na kowroe foe netiten. En mi wani aksi hen nanga hen dinari frantwortoe foe na sondoe foe den en mi wani tjari ala den rampoe kon tapoe den en tapoe den soema di e libi ini Jeruzalem en tapoe den man foe Juda, ala den rampoe di mi ben taki gi den en di den no ben arki.”’”’” — Jer. 36:27-31.
19. Fa Jeremia nanga Baruch ben moe wroko foe jere na komando foe Gado, en o moro bigi na tra boekoe ben de?
19 Foe gi jesi na a komando foe Gado, ben wani taki gi na proféti nanga hen sekretarsi dati den ben moe wroko na kibrifasi, ma Jeremia ben gi jesi? „En Jeremia srefi ben teki wan tra lolo en ben gi dati na Baruch, na manpikin foe Neria, na sekretarsi, di ben bigin foe skrifi foe na mofo foe Jeremia ala den wortoe foe na boekoe di Jojakim, na kownoe foe Juda, ben bron ini na faja; en foeroe foe den sortoe wortoe disi ben poti na tapoe.” — Jer. 36:32.
20. Sortoe beri Jojakim kisi di a dede en wàn pikin ooktoe foe hen manpikin Jojachin ben go tapoe na troon ini Jeruzalem?
20 Jojakim te foe kaba ben feni wan sjen dede en den no ben beri hen ini den grebi foe den kownoe ini Jeruzalem, soleki ooktoe wan boeriki no ben poti ini so wan grebi (Jer. 22:18, 19). Na manpikin foe hen, Jojachin (ofoe Chonja) ben rigeri soso dri moen nanga tin dé ini Jeruzalem; baka dati a ben gi hen srefi abra na den Babylonsoema en den ben tjari hen go poti ini Babylon, foe no drai go baka (Jer. 22:24-30; 37:1). Te leki na a ten di Romein soema ben pori na foto Jeruzalem, di ben bow baka, ini 70 G.T., no wan bakapikin foe Jojakim, na kownoe foe Juda, ben sidon tapoe na kownoe troon ini Jeruzalem. Den proféti wortoe di Jeremia ben skrifi ini hen kibripresi, soboen, sondro mankeri ben kon tron troe!
21. (. . .)?
21 Ini na ten disi, Jehova Kotoigi e kisi dwengi foe doe den wroko na kibrifasi ini foeroe kondre. San den e doe te den bijbel di den abi en gebroiki, sma teki den en bron den? Den srefi e druk moro bijbel ofoe den e teki tra bijbelvertaling foe gebroiki. Den e tan efoe o de fanowdoe srefi foe go doro na kibrifasi, akroederi na srefi sani di Jeremia ben taki, foe meki bekenti na boskopoe foe pori gi na grontapoe di e tergi Gado. Na bron foe na bijbel foe tapoe na mofo foe Jehovah Kotoigi ini disi ten, e misi hen marki. Disi no e tapoe den foe panja boekoe foe na bijbel en disi no sa tapoe ooktoe dati na Wortoe ini ala hen krakti in na ten di de na wi fesi! Gensman e sori dati den verdini foe pori foe tége ini na ten dati