Koti njanjan di fiti gi a kownoekondre foe Gado

1. Tapoe san Jehovah ben poti prakseri ini Jeremia 4:3, 4?

INI Jeremia 4:3, 4 Jehovah e taki: „Ploegoe boen gron gi joesrefi, èn no tan sai na mindri maka. Besnij oensrefi gi Jehovah èn oen koti den boeba foe oen ati, oen sma foe Juda nanga Jeruzalem; sodati mi ati no moe leti leki wan faja èn a tan bron troetroe sondro wan sma kan kiri en, foe den takroe ati foe oenoe ede.” Jehovah e poti prakseri tapoe den takroe ati toestand foe en verbontoe-volkoe.

2. Fa na agersitori foe na siri di ben fadon tapoe maka-gron e sori dati wi moe loekoe boen nanga na presi pe wi e doe wi jeje saiwroko?

² A sosrefi toe Jezus ben agersi den takroe bakapisi di a abi te wan sma sai a mindri maka. Ini Matteus 13:1-9 nanga Markus 4:1-9 a de agersi fa son siri di wan saiman ben stroi, ben fadon tapoe gron, pe ooktoe siri foe maka ben de. Foe den sortoe pisi gron dati a no ben kisi boen bakapisi, bikasi den maka ben gro kon èn ben stek na bon, sodati njanjan no ben kan koti (Luk. 8:4-8). Disi e sori dati wi moe loekoe boen ini sortoe presi ofoe ini sortoe birti wi e doe wi jeje sai-wroko.

3. San a siri ini na agersitori ini Markus 4:26-29 e agersi èn san kristensma moe doe foe meki den égi fasi gro, soleki fosten kristen foe a fosi eeuw ben moe doe?

³ Ini na agersitori foe na saiman nanga a siri, di e gi ini Markus 4:26-29, na siri e agersi égi fasi. Jezus ben taigi den djoe di poti a wan sé na agersitori foe na saiman èn den tra agersitori: „A kownoekondre sa teki poeroe foe oenoe èn gi na wan naatsi di e tjari den froktoe foe en kon” (Matt. 21:43, 45, 46). Leki fa den wortoe disi taki, dan „froktoe” foe a kownoekondre foe Gado de (Luk. 3:8). Den kownoekondre-froktoe dati e go makandra nanga san e kari „den froktoe foe na jeje”, da foe taki „lobi, prisiri, vrede, langa-pasensi, switifasi, boenfasi, bribi, safrifasi, dwengi joesrefi” (Gal. 5:22, 23). Ini a ten dati ini na fosi eeuw den kristensma di na apostel Paulus ben skrifi, ben moe doe saiwroko tapoe a tori foe kristen fasi di ben moe kweki, soleki kristensma ini disi ten moe doe nanga Gado kownoekondre. Den égi fasi disi moe kweki te leki den lepi dorodoro. — Zach. 8:12; Jak. 3:18.

4. San a siri foe égi kristen fasi abi fanowdoe leki fatoe?

⁴ Te den kon lepi dorodoro, dan na normaal ten o doro foe koti den. Ma pe a kristen saiman foe so wan „siri” moe bosroiti foe sai a „siri” disi ini a howpoe foe koti te foe kaba na froktoe di a wani? A wani dati Gado feni a froktoe foe en boen, sodati a kan de waarti dati den teki en ini Gado kownoekondre. Soleki troetroe siri abi gron fanowdoe, a so a siri foe égi kristen fasi abi fanowdoe foe wan sai-presi, „na froktoe foe na jeje”. — Spr. 18:1.

5. Efoe wan sma wani koti njanjan di a verwakti, dan foe san a moe loekoe boen, soleki Lukas 8:14 e poti krakti a tapoe?

⁵ Tjari ete wantron pikinso na agersitori foe Jezus kon ini joe prakseri foe den fo sortoe gron, pe na siri foe na saiman ben fadon (Mark. 4:3-20; Luk. 8:5-15). Na agersitori disi e sori fa nanga sorgoe wan joisti presi foe na siri moe teki, te wi wani foe koti na froktoe di wi e verwakti. Jezus ben tjari kon na krin foe datede foe na maka-maka presi foe a siri: „San fadon mindri den maka, de den sma di jere, ma di den sorgoe nanga goedoe nanga prisiri foe a libi disi ben kisi den krinkrin èn no e tjari noti kon volmaakti.” — Luk. 8:14.

6. Fa Paulus ini Galaten 5:7-9 e poti prakseri tapoe a (. . .)?

⁶ Akroederi nanga disi na apostel Paulus ben taki wan sani foe den kristensma ini Galacia, di a ben skrifi „foe den froktoe foe a jeje”, foe warskow dati den e meki wan takroe presi abi wan takroe krakti tapoe den. A ben taki: „Oenoe ben waka boen. Soema ben tapoe oen pasi foe tan gi jesi na a waarheid? Den sortoe prakseri no komoto foe na Sma di e kari oenoe. Wan pikinso sroedeki e meki na heri lalabrede kon swa” (Gal. 5:7-9; Matt. 13:33). Den kristensma ini Galacia ben kon ondro na krakti foe den Judaist-sma, di a ati foe den no ben teki na kristendom krin-krin, èn di jesi foe den ben sroto èn di a ai foe den tapoe (Matt. 13:14, 15; Gal. 5:10). Den ben moe tan farawe foe so wan demakandra di ben tapoe den.

7. Fa Paulus ben broko-ede tapoe a srefi fasi foe a krakti foe wan takroe presi tapoe den kristensma ini Korinte?

⁷ Na apostel Paulus ben e frede toe dati na gemeente foe Korinte kande no ben meki „na froktoe foe a jeje” gro, bikasi a de skrifi: „Mi e frede dati tapoe wan ofoe tra fasi, te mi ben sa kon, mi no sa miti oen leki mi ben sa wani, èn dati mi no sa bewijsi foe de gi oenoe soleki oenoe ben sa warti, ma dati ini a presi foe dati tapoe wan ofoe tra fasi trobi sa de, djaroesoe, atibron, trobi, gongosa, létori, bigimemre, nanga broeja” (2 Kor. 12:20). Baka di a taki foe den sma di e taki: „Meki wi njan èn dringi bikasi tamara wi e dede”, Paulus ben kan warskow nanga reti: „No kori oensrefi. Takroe demakandra e pori boen gwenti.” — 1 Kor. 15:32, 33.

8. Fa na gro foe den marki foe wi égifasi sa go, srefi te wan kristen e sribi èn foe sanede a no kan de seker foe na troe troe bakapisi, te na a bigin a de kroetoe a tori?

⁸ Soleki gron, pe siri e fadon a tapoe abi na krakti foe de leki fatoe gi alési, ma so srefi toe gi maka, na so a presi pe wan kristen wani foe meki kristen fasi gro, sa abi wan boen ofoe takroe krakti tapoe en. Srefi te a de sribi, aladi a nesi ensrefi ini so wan presi, dan na wet foe na krakti foe a presi sa wroko sondro pardon tapoe en, te leki a de so fara, dati a froktoe di meki kon lepi foe koti èn na grasinefi poti go na ini foedi na égi kotiten doro kaba. Jezus ben taki foe disi: „A gron safri-safri e meki froktoe, fosi a tiki, dan na sisibi, te foe kaba alési e kon bigi ini a sisibi” (Mark. 4:28). Ini na ai foe a saiman bijna a no e si a gro kande, èn dati de nanga wan makti di a no kan froestan. Na gro, na sortoe sé toe, de wan sani di e pasa safri-safri. Fosi e kon wan tiki, dan wan sisibi èn te foe kaba wan alési ini a sisibi.

9. Fa na agersitori foe na alési nanga na wiwiri e agersi na onsekerfasi foe a kabapisi foe a sai ini wan bepaalde presi?

⁹ Te na siri sproiti pas èn a meki a tiki, dan a saiman no de seker ete kande san a sa koti, we, efoe joe sa loekoe den dorosé sani. Ini a fosi bigin, kande a no de seker san o gro; a de memre soso sortoe siri a ben prani. Jezus ben taki foe eksempre ini en agersitori foe na alési nanga na wiwiri ini Matteus 13:26-30.

Di den tiki bigin gro èn bigin meki froktoe dan na wiwiri ben sori ensrefi toe. Foe datede den srafoe foe a masra foe na oso ben go na en èn ben taki: „Masra, joe no ben prani boen siri tapoe na gron? Fa a doe kon dan dati wiwiri de a tapoe?” A ben taki gi den: „Wan feanti, wan sma ben doe disi.” Den ben taki gi en: „Joe wani dati wi go èn tjari en konmakandra?” A ben taki: „Nono, sodati te joe e go tjari a wiwiri konmakandra kande joe no ari poeroe nanga dati na alési. Meki ala toe gro kon te a ten doro foe koti, èn ini a kotiten mi sa taigi den sma di e koti: Tjari fosi na wiwiri konmakandra, tai en ini bosoe foe bron en èn go baka dati foe tjari a alési kon ini mi maksin.”

10. Oten fosi wi sa kan si krin san de na bakapisi foe a sai ini wan bepaaldde presi?

¹⁰ Baka di wi sai den siri foe wi égifasi, dan wan tiki di e gro kon, kande joe no kan si krin ete san na gron o tjari kon. Bakaten fosi, te na bon kon lepi èn bigin meki froktoe, dan broeja no kan de san na gron ben meki gi na sma di ben sai.

11. San de ooktoe prenspari foe sabi de na kwaliteit foe san e prani tapoe so wan gron, boiti den fysische marki foe a gron?

¹¹ A gron de wan prenspari sani foe san sa de na froktoe te foe kaba. Jezus ben taki: „A gron (no Gado) safri safri e meki froktoe, fosi na tiki, dan na sisibi, te foe kaba alési e kon bigi ini a sisibi” (Mark. 4:28). Ini na agersi-tori foe den fo sortoe foe gron, Jezus ben ferteri soso foe den fysische marki foe den fo difrenti sortoe gron. Ma na chemische égifasi foe na gron de sosrefi toe prenspari foe sabi na kwaliteit foe san sa kon leki froktoe, soleki ofoe na gron swa ofoe sowtoe èn of a wroko nanga anorganische ofoe organisatie kunstmest.

12. San na gron ofoe doti e agersi foe datede?

¹² Foedi na gron ofoe doti, e pré so wan prenspari rol ini a tori foe gro nanga kwaliteit foe en, dan disi de wan agersifasi foe na maatschappelijk, moreel nanga kerki presi na mindri pe wi e meki gro den siri foe den marki foe wi égi fasi èn a no de foe taki dati soema de ini a tori disi.a Disi de wan sani pe selectiveit moe gebroiki.

NA ELEMENTI PE WI E MEKI DEN MARKI FOE WI GRO KON

13. Ini wan kristen gemeente srefi wan presi kande, di no de so boen foe joisti kristelek gro?

¹³ Srefi ini na kristen gemeente a kan dati na presi ofoe na demakandra no de boen nofo na jeje fasi. Foe taki foe son wan di komoto pas foe a grontapoe èn di ben gi den srefi abra na Gado èn sori disi nanga dopoe ini watra, na lostoe ben kan de, dati den tjari wan sani kon ini na gemeente di e plak na den ete — wan sortoe grontapoe fasi. Meki wi hori na prakseri dati na apostel Paulus ben skrifi gi wan kristen gemeente: „Ini mi brifi (a fesi) mi ben skrifi oen foe no de moro langa ini a mindri foe hoeroedoeman, . . . Ma now mi e skrifi, foe no de a mindri wan soema, di e kari ensrefi wan brada, èn di de wan hoeroedoeman ofoe gridiman ofoe afkodréman ofoe wan gongasaman ofoe droengoeman ofoe bidrigiman, èn no njan srefi nanga so wan soema.” — 1 Kor. 5:9-11.

14. Fa Paulus ben warskow kristensma ini Galaten 6:7, 8 foe no doe saiwroko di no boen?

¹⁴ Sosrefi toe na srefi apostel ben skrifi gi den gemeente ini a Romein distrikt Galacia, ini Pikin-Asia: „No kori oensrefi. Gado no e meki sma spotoe nanga en. Bikasi san wan sma e sai, dati a sa koti; bikasi efoe wan sma e sai nanga en skin na prakseri, a sa koti porifasi foe en skin, ma na soema di e sai nanga a jeje na prakseri, sa a sa koti tego libi foe a jeje” (Gal. 6:7, 8). Wan sma di taki dati a de wan kristen kan sai nanga en skin na prakseri te a meki den marki foe en égifasi kon gro ini wan grontapoe presi di e gi tranga na en fadon skin.

15. Sortoe aksi e kon foe datede foe a teki foe wi presi inisé foe a kristen gemeente?

¹⁵ Now ini na gemeente, wi e firi foe de moro nanga bepaalde sma ini na gemeente di te now ete abi marki foe grontapoefasi? Den e hori densrefi alaten ete nanga den sani disi èn den wani de a mindri tra memre foe a gemeente foe firi densrefi pikinso dati den abi reti foedi den e gi densrefi alaten na den sani disi abra. Wi e gi pasi dati wi sociaal presi ofoe wi demakandra inisé foe a gemeente tapoe wi foe waka boen ini a stré foe tego libi? Wi e gi pasi dati memre foe a gemeente di te now ete e go na a sé foe a grontapoe fasi e tjari wi so fara foe go a srefi pasi leki den, foedi a de . . . so switi gi wi fadon skin?

16. San wi moe loekoe foe a presi pe wi de na ini, te nanga winimarki wi wani kakafoetoe gi tesi di e wakti foe kon na wi tapoe?

¹⁶ Ini a bigin dan den bakapisi foe wi doe foe prisiri wi srefi kande no sa de so krin foe si sortoe kristen te foe kaba wi sa de. Disi e doe kon foedi na „gron” ofoe presi pe wi e taki wi wani de safri safri e meki froktoe. Na tiki de onnowsel gi wan sma di e loekoe, a no de doe ogri. Wi e sribi na neti èn e opo na dé èn na gro foe den marki foe wi égifasi e go doro sondro foe wi kan stop en, sondro foe wi sabi fa a de pasa. Foedi wi e go doro foe waka na fri nanga makriki pasi disi dan na bakapisi di wi no kan drai sa de, dati den marki foe wi égifasi e gro kon lepi doro doro leki wan bakapisi foe a presi, di de leki a gron di wi meki wisrefi gro na ini. Na sani di wi sa koti foe di wi poti na nefi na ini, sa man foe jepi wi foe kaka foetoe boen gi den tesi foe na dé foe pai?

17. San wi no moe frigiti foe na presi pe wi e sai den siri foe den marki foe wi égifasi?

¹⁷ Meki wi no frigiti dati — soleki na „gron” ofoe doti — na presi pe den siri foe den marki foe wi égifasi e prani èn e kisi fatoe, sa abi krakti tapoe na gro foe wi. A kan meki wi tron wan mofina sortoe foe san wi ben sa moe de, na sani di wi ben bedoel di wi ben sai.

18. (. . .)?

¹⁸ Wan historia eksempre foe na krakti foe takroe demakandra, ben gi srefi mindri Jehovah pipel ini Mozes ten ini na sabana foe Sinaï. Wi e memre ete na „bigi moksi groepoe” di ben hari makandra nanga den Israëlsma komoto foe Egypte èn di ben koti na Redi Se abra (Ex. 12:38). Na proféti Mozes e ferteri wi foe na elementi disi di no de Israëlsma:

Èn na moksi ipisma, di ben de ini den mindri (foe den Israëlsma), sori wan gridi lostoe, èn sosrefi toe den manpikin foe Israël ben go kré agen èn ben taki: „Soema sa gi wi meti foe njan? Wi e memre oensrefi heri boen ete na fisi, di foe noti wi ben njan alaten ini Egypte, den komkomro nanga den watra-moen nanga na prei nanga na ajoen nanga koenoefrokoe! Ma now wi sili kon dré. Wi ai no e si noti moro leki manna.” . . . A presi dati ben kisi na nen Kibroth-Taäva (san wani taki berpe foe na Gridi Lostoe). — Num. 11:4-34; loekoe toe 1 Korinte 10:1-6, 10, 11.

19. Fa na ondrofenitori foe den Israëlsma nanga „na bigi moksi groepoe” ini na sabana e sori dati wi no kan gi Gado na frantwortoe foe den takroe bakapisi foe na presi di wi ben wani teki?

¹⁹ Na so fasi na „bigi moksi groepoe” ben sorgoe dati bepaalde sani ben bigin gro na mindri den Israëlsma. Foedi den no ben de tevréde nanga na seti foe Jehovah foe brede ini hemel, den ben drai nanga den ati go baka na Egypte foedi den ben lostoe nanga gridifasi na den sani di den ben abi wantron ini na afkodrékondre dati (Fil. 3:19). Den ben vlaka den Israëlsma nanga so wan lostoe. Den ben de na a ten dati demakandra gi na pipel foe Jehovah Israël. A historia eksempre disi de wan boen warskow gi wi ini disi ten. Wi no kan gi Gado na frantwortoe foe den takroe bakapisi di wi e koti leki wan gevolg foe na takroe presi di wi ben verkisi.

20. Foe sanede Gado no de frantwortoe foe san e miti wi leki wan bakapisi foe wan fasi foe doe di wi wani teki? San de frantwortoe foe dati?

²⁰ Efoe wi no kan tjari Gado kon ini na prenki foe a tori foe den agersitori foe den fo sortoe foe gron èn foe na alési nanga na wiwiri, a de dan logisch noso consequent foe tjari Gado kon ini na kon troe foe Markus 4:26-29? „Na grontapoe e meki sproiti kon” èn „na djari e meki ala san di sai sproiti” (Jes. 61:11). Marihuana, hasjiesj, tabaka, nanga papaver di prani foe meki opjon, sa gro tapoe den gron net so boen leki alési sortoe. Foe datede a de krin dati na sani di sa koti san de san na saiman e prani èn na tapoe sortoe gron a de trowe na siri.

21. Sortoe eksempre e sori dati na presi pe na siri de, abi krakti tapoe na gro foe a siri?

²¹ Na presi pe a siri de, abi krakti tapoe na gro foe na siri. Meki wi no frigiti dati difrenti sortoe foe gron no abi alamala na srefi chemische égifasi. Na wan sortoe swa, na tra sortoe nanga foeroe sowtoe, nanga so moro fara. Di den Bakra ben wani diki gron poeroe foe na Zuiderse, den ben bow foe datede dan èn den ben tapoe na sowtoe watra lontoe. Baka dati den ben pompoe na sewatra komoto, sodati wan lagi pisi gron ben tan abra. Na dré pisi gron disi ben abi se-sowtoe na ini. Wantronwantron a gron no ben boen foe prani karoe sortoe di ben kan dini leki njanjan. Fosi den ben moe meki na gron kon boen foe datede foe sai ken na ini, di ben gro boen tapoe sowtoe gron. Disi ben abi leki bakapisi dati na gron ben kon soifri. Baka dati sani leki karoe ben kan prani na tapoe, di ben meki foeroe njanjan.

22. Pe wi sa sai den marki foe wi égifasi ini algemeen èn san de seker foe na bakapisi foe disi?

²² So a de toe nanga den siri foe den marki foe wi égifasi: wi moesoe foe sai en na wan presi, èn dati de na presi di wi verkisi. A no de foe taki dati wi e koti njanjan foe dati. Na sani di wi koti sa meki wi de boen foe kon ini wan boen matifasi nanga Gado kownoekondre? Na birti ofoe demakandra di wi e soekoe alaten, sa abi foeroe foe doe nanga dati. Srefi insé foe a kristen gemeente wi kan soekoe switi demakandra nanga dopoe sma di e anga te now ete na grontapoe sani, ma di no abi konsensi-fonfon dati den e tjari den sani disi kon ini na gemeente tapoe wan koni fasi. Wi kristen égifasi nanga wi kristen waka nanga libi foe troe sa kisi vlaka foe den sortoe sani disi.

23. Na kolokoe di wi sa abi te foe kaba sa de den sani di ben sori na a bigin ofoe san dan?

²³ Dati wan kristensma di a birti foe en vlaka en, e gro go na grontapoe sé, de wan sani di e psa safri safri, foedi na oekoe di a de drifi komoto foe na kristen pasi de so pikin ini a bigin dati joe no kan si disi na a bigin. A de leki na kon a doro foe na „tiki” di e gro komoto foe a siri. Ini a kotiten sa kon te foe kaba na krin sortoe sma wi ben gro kon de, bikasi dan wi sa moe tjari den bakapisi. Te te foe kaba soso a troe kristendom sa pasa a tesi, dan ibri wan foe wi sa moe poti a grasi-nefi ini na alési èn moe koti a sani di a gro kon de. Na sani di a de koti sa libi en na baka sondro verwakti, ja, sa sori dati a ben de wan sma di no ben libi akroederi san a ben taki èn ben libi leki kristen? Kolokoe na kristensma sa de di abi réden foe a bijbel foe de tevréde nanga san en grasinefi e koti. — Teki gersi Psalm 126:5, 6.

24. A égi santa fasi foe wi sa meki kon noti na krakti di na presi di wi de alaten ini kontakti nanga en?

²⁴ Safri safri wi e gro go na wan bepaalde sé, na grontapoe ofoe na jeje sé. Heloe foe wi efoe wi kori wisrefi ofoe gi pasi dati trawan kori wi foe denki dati wi kan prisiri wisrefi ini takroe demakandra sondro dati wi boen kristen gwenti pori nanga dati (1 Kor. 15:33). Wi no kan spotoe nanga Gado foe proberi foe ari wisrefi poeroe foe den bakapisi foe en wet di no kan kenki, dati efoe wan sani sai, a sa moe koti toe, èn dati na presi pe wi e sai, sa abi krakti tapoe den sani di wi sa koti. A de warskow wi, dati na égi santa fasi foe wi no sa go automatisch tapoe tra sma èn sa meki tra sma kon santa. Ma abi kontakti alaten sondro foe broko wi ede nanga grontapoe sma, moro foeroe sa abi leki bakapisi dati wi toe e kon de doti. — Hebr. 2:10-14.

25. Leki fa Galaten 5:19-24 e sori, dan san sa meki wi tan ini wan boen matifasi nanga Gado kownoekondre?

²⁵ Te wi go denki nanga a bijbel a fesi, dan wi kan si pe na waka nanga libi foe wi sa go. Wi e doe moeiti alaten foe tan ini wan vrédefasi nanga Gado Kownoekondre? Den „wroko foe a skin” no sa kisi wi go so fara! Ma na a tra sé, den „froktoe foe a jeje” de toe, èn te wi kweki na froktoe disi, wi no sa fadon gi takroe lostoe nanga den wroko foe a skin. Te wi e waka baka na voorzigti fasi foe doe disi, dan disi sa tjari na satisfaksi bakapisi dati wi sa koti froktoe di de boen gi Gado kownoekondre ini anoe foe Kristus. — Gal. 5:19-24.

26. Nanga sortoe fasi foe doe wi sa kisi pai nanga wan kotiten foe wan égifasi di Gado e feni boen?

²⁶ Gado kownoekondre, di Kristus discipel ben begi so langa foe en, de so kon feti nanga ala feanti rigeri foe meki en universeel soevereiniteit kon reti. Na a srefi ten, wi alamala abi a wi fesi wan égi kotiten nanga na kownoekondre dati. A moro bigi sorgoe wi moe gi na a gron ofoe a presi pe wi e sai den marki foe wi égifasi. Wi moe abi demakandra tapoe maatschappelijk, moreel nanga kerki gebied èn sosrefi toe ini prisiriten nanga sma di alaten de na a sé foe Gado kownoekondre ini anoe foe Kristus. Te wi go denki a fesi tranga foe sán wi e sai, èn pe wi e sai en, èn wi e doe disi alaten nanga Gado kownoekondre ini prakseri, dan disi sa kisi pai nanga wan koti pasa marki foe froktoe foe wan lepi èn actief kristelek égifasi. Fa Jehovah sa prisiri foe dati! A sa meki wi njan boen foe en boen-ati di a sa sori wi èn meki wi tesi ala den blesi di en boen-ati e tjari.

27. San sa meki na agersitori foe Markus 4:26-29 kon troe tapoe wan boen fasi tapoe wi?

²⁷ Soboen, te wi loekoe na gro foe na tranga fanowdoe, foe a ten, dan wi e doe boen foe poti prakseri tapoe vermane foe na joisti ten: „Meki wi poti prakseri tapoe makandra foe gi makandra tranga ini lobi nanga toemsi boen wroko, foe no libi na wan sé wi konmakandra, soleki de wan gwenti gi son sma, ma meki wi gi makandra dekati, èn doe dati moro foeroe te wi e si a dé e kon moro krosibé” (Hebr. 10:24, 25). Disi sa abi leki bakapisi, dati na krakti, èn sjatoe agersitori foe a saiman nanga a siri, ini Markus 4:26-29, sa abi wan boen kon troe tapoe wi. Wi sa ondrofeni dan na „prisiri ini na kotiten”. Nanga bigi prisiri na ati wi sa froestan dorodoro dati „na sma di e sai nanga na jeje a prakseri, sa koti foe a jeje tego libi”. — Gal. 6:8; Jes. 9:3.

[Foetoewortoe]