A „toemsi boen herder” èn en „tra skapoe”
„Èn mi abi tra skapoe ete, di no de foe disi koi; den dati toe mi moe tjari.” — Joh. 10:16.
1. Fa wan „toemsi boen herder” kenki foe wan man di joeroe?
WAN TOEMSI-BOEN herder kenki foe wan man di den joeroe foe wroko èn di abi soso a moni a prakseri di a sa kisi. Jezus ben taki: „Mi de a toemsi boen herder; a toemsi boen herder e gi en sili abra foe a boen foe den skapoe. A man di joeroe, di no de wan herder, èn di den skapoe no de foe en, e si a wolf e kon èn a de libi den skapoe èn e lon gwe, èn a wolf e hari den gwe èn e panja den — bikasi a de wan man di den joeroe èn a no de broko-ede nanga den skapoe.” — Joh. 10:11-17.
2. (a) Tapoe san Jezus ben poti prakseri ini a geval foe en foedi a taki dati a „toemsi boen herder” gi en sili abra foe a boen foe den skapoe? (b) Gi a boen foe san, Jezus ben gi en sili abra ini het algemeen?
2 Ini a ten dati ini a Midden-Oosten herder di ben tjari den skapoe tapoe wégron, ben kon a fesi gevaar. Wi e memre wi fa a herderboi David ben moe kiri wan dé wan beer èn wan lew foe verloesoe a libi foe den skapoe foe en tata Isaï (1 Sam. 17:34-36). Jezus ben taki foe wolf di ben e waka foe njan skapoe. Te wan herder ben jagi wan wolf gwe, dan a gevaar ben de dati a kisi mankeri na en skin. Wan toemsi boen herder no ben sa lon gwe foe noti pasa nanga en, soleki wan man di ben joeroe ben sa doe, ma a ben sa kibri den skapoe gi krasi boesimeti. Wan „toemsi boen herder” ben sa de klari srefi „foe gi en sili abra foe a boen foe den skapoe”, sodati no wan foe den ben sa go lasi. Nanga a poti foe wi prakseri tapoe disi, Jezus ben taki a fesi dati a ben sa dede leki wan libisma sili foe a boen foe Jehovah „skapoe”. Jezus ben de klari foe doro na aparti marki foe wan „toemsi boen herder”. En hemel Tata, Jehovah Gado, di de na Éginari foe den grontapoe „skapoe”, ben gi pasi dati en Manpikin ben gi en libisma sili foe a boen foe den „skapoe”, di en Tata lobi sote. A libisma sili foe Jezus ben offer leki wan verloesoe-ofrandi foe verloesoe libisma foe a dede, di den ben kisi foe a sondoe Adam.
3. (a) Nanga san Jezus ben agersi ensrefi ini Johannes 10:14, 15? (b) Jezus ben de klari foe doe san foe prati a pramisi foe Abraham nanga a „pikin ipi”?
3 Wan „toemsi boen herder” e kon leri sabi ala skapoe foe a ipi èn e gi ibriwan wan égi nen, di a kan kari en kon na nen èn pré nanga en ofoe kan sorgoe foe en fanowdoe. Nanga a marki disi ini prakseri foe wan herder ini a Midden-Oosten, Jezus ben taki moro fara: „Mi de a toemsi boen herder, èn mi sabi mi skapoe èn mi skapoe sabi mi, soleki a Tata sabi mi èn mi sabi a Tata; èn mi e gi mi sili abra foe a boen foe den skapoe” (Joh. 10:14, 15). Jezus ben si ensrefi leki wan agersi skapoe. A ben de a „Lam foe Gado, di e poeroe a sondoe foe a grontapoe gowe” (Joh. 1:29). Ini a laatste boekoe foe a bijbel, Openbaring, 12 tron a de kari a „Lam”. Jezus ben si ensrefi leki a offer, di a manskapoe ben agersi, di a famiri-edeman Abraham ben offer ini a presi foe en manpikin Isaäk, di Abraham na a bigin ben de klari foe wani offer tapoe a komando foe Jehovah (Gen. 22:1-13). Isaäk ben kisi a pramisi foe Abraham èn a ben gi disi na Jakob. Soleki Isaäk, a so Jezus ben kisi a pramisi foe Abraham èn a ben de klari foe a ben offer foe a ben prati a pramisi nanga a a „pikin ipi”.
4. Jezus ben hari poeroe foe na anoe foe en Tata a „pikin ipi”, èn fa Jezus ben si a „ipi” dati?
4 Foe datede a de krin dati Jezus ben abi opregti belangstelling foe a verloesoe foe a „pikin ipi” ini a „skapoekoi” foe a Verbontoe-seti foe Abraham. A ben waarderi den leki wan toemsi warti presenti foe en Tata. Disi e kon a krin ini en wortoe: „San mi Tata ben gi mi, de moro bigi leki ala tra sani, èn no wan sma kan hari den poeroe foe na anoe foe a Tata.” — Joh. 10:29.
„MI ABI TRA SKAPOE ETE”
5. San e sori dati a belangstelling foe Jezus no ben de wawan foe a verloesoe foe sma di ben gersi skapoe foe go na ini hemel libi?
5 Awansi den kerki foe a kristenheid no e denki èn leri disi kande, tog a belangstelling foe Jezus no e go wawan na a verloesoe foe libisma foe go ini hemel libi. Jezus ben taki: „Mi abi tra skapoe ete, di no de foe disi koi; den dati toe mi moe tjari, èn den sa jere mi sten, èn den sa tron wàn ipi, wàn herder” (Joh. 10:16). Soema de now den tra skapoe dati?
6. (a) San den kerki foe a kristenheid e leri foe a „koi disi” nanga den „tra skapoe”? (b) San a de sori dati Jezus ben taki foe a Paradijs ini Lukas 23:43 nanga foe en agersitori foe den skapoe nanga den bokoboko?
6 Den kerki foe a kristenheid e taki dati a „koi” di Jezus ben taki drape foe en, ben sa abi soso djoe kristen, aladi den „tra skapoe” de sma di no de djoe ofoe heidensma, di tron kristen; èn dati èn bribi djoe èn bribi heiden „e tron wàn ipi” ondro na „wàn herder” ini a wan jeje koi. A leri disi no e akroederi nanga tra tekst di e handri foe a tori. Aladi Johannes no e ferteri foe dati ini en evangelietori, tog Jezus ben taki troetroe foe wan grontapoe Paradijs ondro en kownoekondre èn a ben taki foe tra sma boiti a „pikin ipi” foe en hemel medeërfgenaam leki skapoe. Di Jezus ben gi en profétitori foe a „marki” foe en de-noja nanga a bosroiti foe a seti foe sani di ben sa kon ete, dan a ben tjari disi kon a wan kaba leki fa a tori foe Matteus e taki nanga na agersitori foe den skapoe nanga bokoboko. Den „skapoe” dati ben sa de difrenti foe Kristus jeje „brada”, di den sma disi di gersi skapoe e doe boen gi den. — Luk. 23:43; Matt. 24:3; 25:31-46.
7. Foe sanede Johannes ben kan memre heri boen Jezus agersitori foe den skapoe nanga bokoboko èn ben froestan sortoe nomroe ben de ini a „koi” disi?
7 Na apostel Johannes ben sabi na agersitori dati, bikasi en nanga en brada Jakobus nanga Petrus èn Andreas toe ben de den sma di ben meki Jezus taki foe en profétitori foedi den ben aksi en foe a „marki”, di den ben de den wawan nanga en, èn Johannes ben jere na heri profétitori (Mark. 13:3, 4. Di a ben skrifi Jezus wortoe foe den „tra skapoe”, soboen a ben kan memre Jezus agersitori foe den skapoe nanga bokoboko. En ben de a owroe apostel di ben kisi na Openbaring, di ben tjari kon a krin dati den twarfoe foe a jeje Israël ben sa de soso 144000 memre. A ben sabi soboen, dati a „skapoe koi” di ben abi a „pikin ipi”, ben sa abi soso wan aparti nomroe foe ala sma di ben sa kisi verloesoe.
8. Nanga san ini na agersitori foe wan bon, na apostel Paulus e agersi den 12 lo foe a jeje Israël, èn san den difrenti pisi foe a bon e agersi?
8 Ini Romeini kapitel 11 na apostel Paulus e agersi den twarfoe lo dati foe a jeje Israël nanga den taki foe wan kweki olijfbon. Den roetoe foe na agersi olijfbon dati ben agersi na famiri edeman Abraham, fositen papa foe a naatsi lsraël na skinfasi. A bonfoetoe ben agersi foe datede den famiri-edeman di ben kon baka en: Isaäk, Jakob nanga den 12 famiri-edeman foe den 12 lo foe a Israël na skinfasi (Tori foe den Apostel 7:8). Den taki di ben gro komoto foe a bonfoetoe disi, ben agersi den djoe memre foe den 12 lo foe a Israël na skinfasi, di ben besnij. Na skinfasi den ben de erfgenaam foe a pramisi foe Abraham tapoe a tori foe a „siri” di nanga jepi foe en ala famiri nanga naatsi foe a grontapoe ben sa blesi densrefi foe kisi tego libi. Foe a réden dati meki den djoe a skinfasi di ben besnij, ben de den fosi wan di ben kisi na okasi foe meki a „siri dati foe Abraham”.
9. San de a fasi foe den agersi „taki” dati èn soema ben de foe datede na troetroe „roetoe” èn soema ben de a bonfoetoe foe a bon?
9 Ma wi sabi dati a „siri” dati de wan jeje siri, wan siri di Jehovah Gado meki kon gebore njoen foe de en jeje manpikin. A ben de a troetroe „roetoe” foe a jeje olijfbon dati. En Manpikin, Jezus Kristus ben de a moro prenspari èn fosi memre foe a „siri” foe a Moro Bigi Abraham, Jehovah Gado, èn foe datede meki a bonfoetoe foe na agersi olijfbon e agersi Jezus Kristus. Akroederi nanga dati, dan den „taki” na a bon dati e agersi den getrouw discipel di leki ondergeschikte memre foe a jeje „siri foe Abraham” e tron medeërfgenaam nanga en. We, den „taki” ben de sondro marki a ini nomroe?
10. Fa Paulus e sori ini Romeini 11:11-32 dati soso wan beperkt nomroe foe „taki” ben sa de na na agersi olijfbon?
10 Na apostel Paulus e sori dati soso wan beperkte nomroe foe „taki” ben sa de na na jeje olijfbon dati. Fa so? Foedi a de tjari kon a krin, dati efoe wan foe den taki na skinfasi ben broko poeroe, dan wan taki na skin fasi no ben sa gro agen na a bon. Na presi foe dati dan ini a presi foe a taki di ben broko poeroe wan wilde olijfbon taki ben sa kon na en presi. A nomroe foe taki no ben sa kon de moro soboen nanga den taki disi foe wan wilde olijfbon. A nomroe foe taki na a bonfoetoe foe a bon dati ben sa tan a srefi. Di djoe na skinfasi, di ben besnij foe datede ben broko poeroe foe a jeje bon dati, foedi ini a bribi foe den den ben trowe Jezus Kristus leki a Moro Prenspari Siri foe a Moro Bigi Abraham dan tapoe den presi pe den „taki” dati a skinfasi ben koti poeroe, sma di no ben de djoe ofoe heiden ben enter. — Rom. 11:11-32.
11. Fa Paulus e sori ini Galaten 3:26-29 dati den sma di de ini a koi foe a jeje Israël no ben moe poti ini groepoe foe djoe nanga heiden?
11 Den taki foe a Verbontoe-bon dati foe Abraham, dan nanga reti no moe si leki djoe a skinfasi èn dorosé heidensma. Wi moe si den alamala leki jeje Israëlsma. Na apostel Paulus e tjari disi kon boen krin na fesi. Baka di a taki foe a pramisi foe Abraham nanga a siri foe Abraham, a de go doro foe taki: „A de troe dati oenoe alamala de manpikin foe Gado nanga jepi foe bribi ini Kristus Jezus. Bikasi oenoe alamala di ben dopoe ini Kristus, ben weri Kristus. No djoe, no Griki, no srafoe, no friman, no man no oema no de, bikasi oenoe alamala de wan soema ini wanfasi nanga Kristus Jezus. Boiti dati, efoe joe de foe Kristus, dan joe de troetroe foe Abraham, erfgenaam tapoe a tori foe wan pramisi.” — Gal. 3:8, 16, 26-29.
12-14. (a) Soema ben de a jeje mama foe den kristen ini Galacia, soleki Paulus e tjari kon a den prakseri ini Galaten 4:21-31? (b) Paulus e poti krakti a tapoe foe datede, dati a „pikin ipi” ini a „koi disi” ben abi wan djoe elementi?
12 Na apostel ben skrifi a brifi gi den soema foe Galaten ini den jari 50-52 G.T. Disi ben de moro pikinso 17 jari baka di Jehovah ben spikri a Wetverbontoe na a postoe pe en Manpikin ben anga na en. Tog joe ben abi ini den gemeente foe Galatia wan toe kristen di ben wani go ini katibo na a Wet foe a Wetverbontoe di ben sroto na a bergi Sinaï ini Arabia nanga jepi foe Mozes. Ini disi den ben wani waka baka den prakseri foe den kontra-kristen djoe di ben tan hori faste na a grontapoe Jeruzalem nanga a tempel di a Bigi Herodes ben bow drape, a man di ben proeberi foe kiri a jongoe pikin Jezus. Hagar, a oema-srafoe foe Abraham ben de wan agersifasi foe a Jeruzalem dati, èn a ben de leki wan mama foe den djoe di alaten ben wani tan ete ini katibo foe a Wet foe Mozes na presi dati den ben teki Jezus Kristus leki a Moro Bigi Mozes. Foe datede meki Paulus ben skrifi foe disi:
13 „Ma a Jeruzalem di de a tapoe, de fri, èn dati de wi mama . . . Wi now, brada, de pikin di de foe a pramisi, soleki Isaäk . . . Datede brada, wi no de pikin foe wan oema-srafoe, ma foe wan fri oema. Foe so wan fri Kristus ben meki wi kon fri. Tanapoe foe datede faste èn no meki den poti agen wan srafoe-tjatjari tapoe joe.” — Gal. 4:21 te nanga 5:1.
14 Isaäk, a manpikin foe Abraham, no ben de wan djoe ofoe IsraëIsma. A ben de a manpikin foe Abraham fri oema Sara èn a ben de a papa foe Jakob, di ben kisi a nen Israël èn di ben tron a papa foe Juda. Kristensma di de foe a „pikin ipi” ini a „koi disi” foe a toemsi Boen Herder Jezus Kristus, de leki lsaäk, foedi den de erfgenaam foe a pramisi foe Abraham. A hemel Jeruzalem de a jeje mama foe den, di Sara a mama foe Isaäk, di ben de wan Hebrésma, no wan djoe, ben agersi.
15, 16. Jezus e taki ini Johannes 10:16-18 dati a moe tjari den „tra skapoe” ini wàn „koi” sodati „wàn herder” kan de?
15 Baka di a taki foe a „skapoekoi” di abi na ini, den memre foe a samengestelde „siri” foe Abraham, dan Jezus e go a wan tra sé te a de taki moro fara: „Mi abi tra skapoe ete, di no de foe disi koi; den dati toe mi moe tjari, èn den sa jere mi sten, èn den sa tron wàn ipi, wàn herder. Foe datede a Tata lobi mi, foedi mi e gi mi sili abra, sodati mi kan kisi en baka. No wan sma ben teki en foe mi, ma foe misrefi mi e gi en abra. Mi abi makti foe gi en abra èn mi abi makti foe kisi en baka. A komando foe disi mi ben kisi foe mi Tata.” — Joh. 10:16-18.
16 Wi e si dati Jezus no e taki dati a „moe tjari den tra skapoe” ini „disi koi”. A de taki moro foeroe dati „den sa tron wàn ipi” foedi soso „wàn herder” de.
17. Sortoe prakseri wan sma ben kan abi, foedi Jezus e go so soepel èn sondro foe stop foe loekoe „disi koi” èn e go abra foe taki foe „tra skapoe”, ma so wan prakseri abi foe de joisti?
17 We, foedi Jezus e go so soepel abra foe loekoe a „koi disi” foe go taki foe den „tra skapoe”, dan den lésiman ben sa kan denki dati den toe sani e waka sjatoe baka makandra, sondro dati wan bigi pisi ten de a den mindri, seker no foeroe hondro hondro jari. Sosrefi toe dati Jezus foe a réden disi, èn akroederi nanga a historia foe a kon moro bigi foe a kristen gemeente ini den dé foe den apostel, ben moe sori dati a ben sa tjari den volkoe di no ben de djoe, den heidensma kon ini „disi koi”. Foe datede meki wan sma ben sa kan kon na a prakseri dati Jezus no e taki dja wan profétitori foe wan sani di ben didon farawe ini a ten di ben de na fesi. So wan prakseri no abi foe de joisti. A no de hori ini prakseri a difrenti di de mindri „disi koi” nanga „wàn ipi”. — Teki gersi Openbaring 7:8, 9.
18. Jezus ben kan taki wan profétitori di ben sa kon troe ini a fara ten di e kon, èn san ben moe go a fesi a blesi foe ala famiri foe a grontapoe?
18 Jezus ben abi a makti foe si sani a proféti fasi, èn foe datede a ben kan taki en agersitori foe den skapoe nanga bokoboko, aladi disi ben sa kon troe pasa 1900 a baka. En ben de a fosi wan foe a pramisi „siri foe Abraham” èn a ben abi foe datede bigi belangstelling foe a verloesoe foe ala famiri nanga naatsi foe libisma, foedi foe tego den ben sa kan blesi densrefi nanga jepi foe a siri dati. A blesi disi ben kan kon pas te a samengestelde „siri foe Abraham”, di ben de 144000 memre ondro en, ben doro a nomroe. Dati ben sa teki 1900 jari, soleki a historia e sori. Den sma di ben sa blesi densrefi, ben sa de foe troe sma di ben gersi skapoe foe ala famiri nanga naatsi, foedi den no ben sa de wan pisi foe „disi koi” foe erfgenaam foe a pramisi foe Abraham. Soboen, den no ben kan de jeje Israëlsma, ma ben de ini betrekkelijk zin, heidensma.
19. Soema de ini a „bigi ipi” di skrifi foe den ini Openbaring 7:9-17, te wi loekoe san ben taki a fesi ini Openbaring kapitel 7?
19 Disi e akroederi boen, dati na apostel Johannes, baka di a ben si a poti foe ségelmarki a den 12 lo foe a jeje Israël, soleki skrifi ini Openbaring 7:1-8, ben si a visioen foe a „bigi ipi” sma di no wan sma kan teri èn di no de jeje Israëlsma èn di de foe datede „tra skapoe”. Ini a visioen joe e si den a fesi a troon foe Gado, aladi den e taki: „Verloesoe wi abi foe taki tangi na wi Gado di sidon tapoe a troon, èn na a Lam.” Foe den a bijbel e taki dati den e pasa libilibi a „bigi benawtoe”, aladi den e doe dé nanga neti santa diniwroko gi Jehovah ini en tempel. A „toemsi Boen Herder” e gi den „tra skapoe” disi lobi sorgoe, bikasi wi e lési: „A Lam . . . sa loekoe den èn tjari den go na fonten foe watra foe libi.” — Openb. 7:9-17.
20. Oten èn pe ben bigin foe kon troe a visioen foe a „bigi ipi”, èn fa disi ben sori krin?
20 Akroederi nanga a volgorde foe sani, soleki di e kon a krin ini Openbaring 7, dan so wan 20 jari baka a „bosroiti foe a seti foe sani” ben bigin ini 1914, wan verklari ben gi foe a visioen foe Openbaring foe a „bigi ipi”. Disi ben psa tapoe 31 mei 1935, tapoe wan congres ini na mamafoto foe Amerkankondre. Na a okasi dati, J.F. Rutherford, a presidenti foe a Watch Tower Bible and Tract Society ben hori en lezing foe a tori foe „A bigi ipi” èn a tjari kon a krin fa disi no de wan tweede klasse hemel groepoe, ma ben de wan grontapoe groepoe, di ben de den „tra skapoe” foe a „toemsi boen herder”. Den bodoi disi bakaten ben kon ini den kolom foe a tijdschrift A Wachttoren. Dan „a toemsi boen herder” ben bigin troetroe foe tjari en „tra skapoe” èn den ben bigin jere en sten èn foe waka na en baka, bikasi a dé baka a Verklari disi foe Openbaring 7:9-15, 840 sma ben sori nanga dopoe ini watra dati den ben gi den srefi abra na Gado nanga jepi foe Kristus. A moro bigi pisi foe den ben ferteri dati den de foe a „bigi ipi” foe Kristus „tra skapoe”.
21. (a) Gi soema, boiti gi a „pikin ipi” a „toemsi boen herder” ben gi en sili abra? (b) Fa a herder disi ben kisi en sili baka, èn leki wan sori foe a lobi foe soema?
21 A „toemsi boen herder” ben gi en libi abra toe gi den „tra skapoe” disi, di no de foe a „koi” foe den erfgenaam foe a pramisi foe Abraham. Na apostel Johannes di ben de foe a klasse foe a „siri” foe Abraham, ben skrifi: „A (Jezus Kristus) de wan zoen-ofrandi gi wi sondoe, ma no wawan foe di foe wi, ma sosrefi toe foe a di foe a heri grontapoe” (1 Joh. 2:1, 2). Jehovah Gado, a hemel Tata, ben lobi en Manpikin foe datede. Nanga dipi waarderi foe disi, Jezus, a „toemsi boen herder” ben taki a fesi den sma di no ben wani si en na ai: „Foe datede a Tata lobi mi, foedi mi e gi mi sili abra, sodati mi kan kisi en baka” (Joh. 10:17). A Tata ben sori en lobi gi a „toemsi boen herder” di ben offer ensrefi foedi a opo en baka foe dede na a di foe dri dé. Na a fasi disi a Manpikin foe Gado ben kisi en „sili” baka, ma ini wan libi ini hemel.
22. Foe sanede meki te na a momenti di Jezus ben taki den wortoe di skrifi ini Johannes 10:18, no wan sma ben kan poeroe en libisma sili foe en, aladi moeiti ben doe foe disi pasa?
22 Te nanga a momenti, di Jezus ben taki foe den „tra skapoe”, moeiti ben doe foe kiri a „toemsi boen herder” disi. Ma noiti a ben doe sani di ben meki a verdini foe sma kiri en. Disi e verklari foe sanede a ben taki: „No wan sma ben teki en foe mi, ma foe srefi mi e gi en abra. Mi abi makti foe gi en abra èn mi abi makti foe kisi en baka. A komando foe disi mi ben kisi foe mi Tata.” — Joh. 10:18.
23. Oten Jezus nanga en égi fri wani ben gi en sili abra, èn foe sanede?
23 Wan toe moen a baka a bewijsi foe a verklari disi ben gi. Na a neti di a ben tori ini a djari foe Gethsémane, di en discipel Petrus ben proeberi foe kibri en nanga jepi foe wan feti-owroe, Jezus ben taki: „Oen denki dati mi no kan aksi mi Tata foe gi mi tapoe a momenti disi moro leki 12 legioen engel? Fa den Santa Boekoe ben sa kon troe ini a geval disi, dati a ben moe pasa so fasi?” (Matt. 26:53, 54). Soboen, baka di Jezus ben meki en apostel ben lowe gwe foe en sé, a ben gi ensrefi nanga en égi wani abra na a ipi di ben kon kisi en èn di ben doe wan laatste moeiti foe kiri en. Foedi a handri na a fasi disi a no ben sori veragti gi en libi.
24. Sortoe volledig makti tapoe en sili Jezus ben kisi foe en Tata, èn fa a laatste moeiti foe stop en foe gebroiki a makti dati no ben abi winimarki?
24 Jezus ben kisi foe en hemel Tata a makti foe handri so, aladi a ben libi abra mi en égi fri wani foe doe disi troetroe. Na makti foe en foe kisi en sili baka nanga jepi foe wan opobaka, ben didon ini a de klari foe offer ensrefi. Foedi a ben gi en sili troetroe abra ini dede, meki en hemel Tata ben weri gi en a makti foe kisi en sili baka foe a wan enkri Sma di ben kan opo en baka foe dede. No wan makti ini hemel ofoe na grontapoe ben kan stop a makti disi foe Jezus foe kisi en „sili” ofoe libi baka. Foe dati meki a ségel foe a granman di ben poti tapoe a bigi ston di ben tapoe a doro foe go ini a grebi, pe den ben beri en baka di a ben dede na a oedoe, so toe den sroedati di ben poti leki waktiman na a grebi foe loekoe dati den discipel foe en no foefoeroe a dede skin, no ben kan tapoe Jezus foe bigin foe sori a makti di Gado ben gi en. — Matt. 27:62 te nanga 28:15.
25. Fa Jezus ben kisi, foedi a no ben lasi en libisma libi nanga trangajesi na Gado, na makti a tapoe foe gebroiki en foe a boen foe libisma?
25 Jezus ben kisi foe en Tata a komando foe doe ala disi. Na a di foe dri dé foe en dede, Jehovah Gado ben gi komando foe datede dati en gehoorzaam Manpikin ben moe opobaka na dede èn ben moe kisi libi baka ini a jejekondre na en hemel Tata. Foedi a no ben lasi en libisma libi nanga trangajesi na Gado, a ben kisi sosrefi toe a wettelijk éginari-reti tapoe volmaakti libisma libi, sodati a ben kan pristeri disi a Jehovah Gado ini en hemel tempel èn a ben kan doe verzoening foe den sondoe foe a heri grontapoe.
26. (a) A so fasi a pasi ben kon opo gi ala famiri foe grontapoe foe doe san? (b) Oten a ben de krin foe si dati a „bigi ipi” foe Jezus „tra skapoe” ben bigin foe blesi densrefi?
26 A so fasi a pasi ben kon opo gi ala famiri nanga naatsi foe a grontapoe foe blesi densrefi nanga jepi foe a Moro Prenspari Wan foe ’Abraham siri’ (Gen. 12:1-3; 22:15-18) A „bigi ipi” foe „tra skapoe” foe a Toemsi Boen Herder ben bigin foe blesi densrefi di den gi densrefi abra na Jehovah Gado nanga jepi foe en èn sori a gi ensrefi abra disi nanga dopoe ini watra. Dan den ben jere a sten foe a Toemsi Boen Herder èn waka na en baka, makandra nanga a salfoe fikapisi foe a siri foe Abraham. Ini 1935 tapoe a congres ini Washington (D.C.), a bigin disi ben de foe si krin. Sensi a ten dati den memre foe a salfoe fikapisi ben bari wan switikon gi ala „tra skapoe” èn soleki Jezus ben taki a fesi, dan „wàn ipi” doe kon ondro „wàn herder”.
27. Soema moro, boiti a „bigi ipi” di e pasa libilibi a „bigi benawtoe”, sa de wan pisi foe den „tra skapoe” foe a Toemsi Boen Herder èn foe sanede?
27 Ini a ten foe a 1000 jari tiri foe a „wàn herder”, a Jezus Kristus di ben poti tapoe a troon, dan ala dedesma foe a libisma famiri di bai fri sa opobaka foe a dedesribi èn sa kisi na okasi foe blesi densrefi foe go de wan pisi foe den „tra skapoe” foe a Toemsi Boen Herder. A mindri den disi sa de sosrefi toe a fositen „dorowaktiman” foe a „skapoekoi” di e agersi a Verbontoe-seti foe Abraham namkoe Johannes a Dopoeman (Joh. 10:1-3). Jezus sa tjari den gehoorzaam wan go na „fonten foe watra foe libi”. Den memre foe a „bigi ipi” di sa pasa libilibi a „bigi benawtoe”, sa de wan blesi gi den miljard miljard dedesma di opobaka foe dede, foedi den sa sorgoe dati den meki gebroiki foe den „fonten foe watra foe libi” (Openb. 7:9-17). Ala sma di gersi skapoe ben sa kan agri nanga a „bigi ipi” nanga foe taki: „Verloesoe wi abi foe taki tangi na wi Gado, di sidon tapoe a troon, èn na a Lam.” — Openb. 7:10; 20:11-14.
[Schema na tapoe bladzijde 12 di e tjari sani kon na krin]
(Efoe joe wani si pe den sani disi skrifi, loekoe a tijdschrift)
Jehovah peti gi en „skapoe”
(1) A toemsi boen herder”: Jezus Kristus, di e gi en sili abra gi den „skapoe”
(2) „A dorowaktiman”: Johannes a Dopoeman di e pristeri a „herder” a den „skapoe”
(3) „A skapoekoi”: A kownoekondrekoi foe a Verbontoe-seti foe Abraham
(4) Den „skapoe” ini disi koi: A „pikin ipi”, pe de na ini djoe nanga heidensma
(5) „A doro foe den skapoe”: Jezus
(6) A „vreemdesma”, a „foefoeroeman”, a „man di joeroe”: Sma di fadon komoto foe a troe bribi nanga falsi herder
(7) Den „tra skapoe”: A „bigi ipi” èn den tra sma di e kisi a grontapoe gebied foe a Kownoekondre