Na anbegi foe na wan enkri troe Gado e poti kaba na hé
1, 2. Fa na anbegi foe na wan troe Gado ben go na baka ini na ten foe na Fosi Grontapoe, èn fa disi ben agersi ini Micha 3:12?
NA FOSI Grontapoefeti ben de wan ten foe doengroe soleki na libisma-lo no ben ondrofeni noiti ete. A ben de leki den makti foe doengroe ben e wini na ala sé. A ben gersi leki na „tiriman foe na grontapoe” ben abi victori (Joh. 14:3). Foedi na grontapoe makti foe falsi bribi foe en, nanga na kristenheid na ini toe, ben go abra foe hori baka gi den naatsi di ben law foe feti, dan wan bigi druk ben kon tapoe ala kerki sma. Srefi na anbegi foe na wan troe èn libi Gado ben go na baka. Den sma di ben tanapoe baka na troe anbegi ben kisi ferfolgoe, ben poti ondro kondisi, èn srefi ben poti ini strafoe-oso. Na toestand foe den ben kon de wan rampoe èn ben akroederi nanga na sani di Micha 3:12 ben skrifi:
2 „Sion sa proegoe leki soso wan gron, èn Jeruzalem srefi sa tron noti moro leki ipi brokoston, èn na bergi foe na oso (na tempel) sa de leki den hé presi foe wan boesi” — leki wan gron di sma libi gwe, di foedi foe someni ten ede di psa, bon ben teki abra.
3. Ini sortoe fasi foe loekoe sani den anbegiman foe na troe Gado e fertrow, ma leki fa na profétitori taki dan san den moe doe ete bifo na „kaba” kon?
3 A ben gersi leki na kaba ben kon — gi na heri seti foe sani na grontapoe. Den anbegiman foe a Gado foe na bijbel e fertrow ini a loekoe foe sani na a fasi dati, foedi „gi ala naatsi den tron sani foe ogri-ati” (Matt. 24:9). Ma den ben tanapoe pas na a bigin foe na „besroiti foe na seti foe sani”. Den ben sa moe doe ete foeroe wroko foe jepi sma libi, bifo den doro na kabapisi foe na „besroiti, dati foe sani”. Na makti Tiriman foe Bethlehem ben taki na fesi taki: „Na boen njoensoe disi foe na kownoekondre sa moe préki tapoe na heri grontapoe pe libisma e libi leki wan kotoigi gi ala naatsi, èn dan na kaba sa kon” (Matt. 24:3, 14). Na profétitori foe Micha ben akroederi nanga dati, wansi Micha ben skrifi en profétitori hondro hondro jari na fesi.
4. Sortoe kenki foe boen Micha 4:1-4 e taki a fesi foe Jehovah kisi grani, baka di a skrifi foe na pori di ben sa kon tapoe Jeruzalem nanga a kondre Juda?
4 Baka di Micha ben skrifi fa na kondre Juda nanga en mamafoto, Jeruzalem (ofoe Sion) ben sa kisi pori foe den Babylonsma, a ben taki moro fara: „Èn a moe pasa ini na laatste foe den dé, dati na bergi foe na oso (na tempel) foe Jehovah sa poti stéfi tapoe den ede foe den bergi, èn a sa poti hé tapoe na ede foe den bergi, èn troetroe a sa poti hé tapoe den pikin bergi; èn na drape volkoe moe lon go. Èn foeroe naatsi sa go foe troe èn taki: ’Kon meki wi go na a bergi foe Jehovah èn na a oso foe na Gado foe Jakob; èn a sa leri wi foe en pasi, èn wi sa waka troetroe en pasi.’ Bikasi komoto foe Sion na wet sa kon, èn na wortoe foe Jehovah foe Jeruzalem. Èn séker a sa hori kroetoe na mindri foeroe volkoe èn poti afersi reti foe farawe makti naatsi. Èn den sa moe smeti den fetowroe tron proegoe èn den lansri tron kron nefi. Den no sa opo fetowroe tapoe makandra, naatsi tége naatsi, èn den no sa leri feti moro. Èn troetroe ibriwan sa sidon ondro en droifibon èn ondro en figabon, èn nowan sma sa de di e meki den béfi; bikasi a de na mofo foe Jehovah foe den fetiman di ben taki dati.” — Micha 4:1-4.
5. Sortoe oso de now tapoe na bergi foe na oso foe Jehovah, èn disi de na kon troe foe Micha 4:1-4?
5 Ini na pisi ten foe na Fosi Grontapoefeti, den Brits legre ondro generaal Allenby ben wini na grontapoe Jeruzalem, èn leki wan èrkenning foe na sani dati, na volkoebontoe ben gi Bigi-Brittanië (Ingrisi Kondre) na loekoe tapoe na kontren. Di na makti disi ben kon na wan kaba ini 1948, dan feti ben bigin mindri den djoe nanga den Arabier, èn srefi ini na ten disi na naatsi Israël abi srefi na foto Jeruzalem di lontoe na nanga skoto. Ma wan tempel foe na anbegi foe Jehovah, de tapoe na ede foe na bergi pe te nanga na jari 70 G.T. na oso foe anbegi foe Jehovah ben tanapoe? Nono. Tapoe na presi dati joe abi na Rotskoepel, gi na anbegi foe na mohammedaan gado Allah, èn na santa presi disi de wan moi sani gi sma foe foeroe naatsi. Séker wi kan taki dati disi no de wan kontroe foe na profétitori foe Micha 4:1-4.
6. Foe san-ede Micha 4:1-4 e kon ete troe, èn foe san-ede na grontapoe Jeruzalem no e pré wan rol ini na kontroe?
6 Tokoe na profétitori dati ben kon troe sensi na jari baka na feti, 1919. Fa so? We, foedi wan moro hé Jeruzalem ben de ini na tori. Meki wi loekoe pikinso baka fa Jezus Kristus leki na Tiriman foe Bethlehem tapoe 9 Nisan foe na jari 33 G.T. ben hori en victori waka ini Jeruzalem, aladi den no ben teki en leki kownoe. Toe dé na baka, tapoe 11 Nisan, a ben tjari kon so fara foe kragi foe na grontapoe Jeruzalem nanga den wortoe: „Omeni tron mi ben wani tjari joe pikin kon makandra, soleki wan mama-fowroe e tjari en pikin kon na ondro en fré! Ma oen no ben wani. Loekoe! den e libi oen oso (oen tempel) gi oenoe na baka, légi” (Matt. 23:37, 38). Dri dé a baka, tapoe 14 Nisan, Jezus ben dede na Golgotha, dorosé foe Jeruzalem, na pinadede. Ne Jehovah foe en sé ben libi na tempel na baka, légi, aladi a tempel ben gi abra na en. Na tempel dati no ben do moro langa na presi foe en anbegi di a de feni boen. Na pori foe en ini 70 G.T. ben poti krakti a tapoe!
7. Oten na hemel Jeruzalem ben tron na mama foe den disicipel foe Jezus, èn omeni tron Paulus e sori tapoe dati?
7 Fotenti dé baka en opobaka Jezus ben drai go baka na hemel èn tin dé a baka, tapoe na dé foe na pinksterfesa, a ben kanti santa jeje tapoe en discipel, di ben e wakti ini na grontapoe Jeruzalem. Nanga na sani disi di psa, wan njoen Jeruzalem, wan hemel Jeruzalem, ben tron a mama foe den. Nanga disi ini prakseri na apostel Paulus ben skrifi ini en brifi gi den gemeente ini Galacia: „Na Jeruzalem foe tapoesé de fri èn dati de wi mama” (Gal. 4:26). Bakaten na srefi apostel ben skrifi gi den Hebrew kristen ini algemeen: „Ma oen ben kon na wan bergi Sion nanga wan foto foe na libi Gado, na hemel Jeruzalem, èn myriade èngel, ini algemene konmakandra, èn na gemeente foe den fosigebore-wan, di nen skrifi ini den hemel, èn Gado, na kroetoeman foe alamala” (Hebr. 12:22, 23). Na profétitori foe Micha 4:1-4 abi foe doe nanga na Njoen Jeruzalem disi, na jeje Jeruzalem, di didon tapoe wan jeje bergi Sion. Tapoe na jeje Jeruzalem disi na profétitori foe Micha e kon troe now!
8. O fara na anbegi foe na troe Gado ben poti na hé na grontapoe sensi 1914?
8 Sensi den jari 1914-1918 di na feti ben priti, na anbegi foe na Gado di sma ben e anbegi wan dé ini na „oso” (ofoe na tempel) di de tapoe wan foe den bergi foe na owroe Jeruzalem, ben poti na hé alaten. Na anbegi disi foe Jehovah „ben poti stéfi hé tapoe na ede foe den bergi” pe tempel foe den falsi gado foe na seti foe sani ben de ofoe de ete. Na so fasi na anbegi foe na wan libi èn troe Gado „ben poti hé tapoe den pikin bergi.
9. Fa baka na Fosi Grontapoefeti na okasi ben opo foe meki Jehovah anbegi go na loktoe, èn san Micha 2:12, 13 ben taki foe dati?
9 Spesroetoe baka na kaba foe na Fosi Grontapoefeti ini na herfst foe 1918 na anbegi foe Jehovah leki na Moro Hé Gado ben poti hé go na tapoe. Fa so? Foedi den anbegiman foe Jehovah pas baka na pisi ten foe na feti ben kan poeroe komoto foe na toestand foe kwinsi, panja go na ala sé, èn skoto foe den fri, di ben akroederi nanga na toestand pe den djoe katiboman ini Babylon ben de na ini foe 607-537 bifo G.T. Na profétitori foe Micha ben taki na fesi dati den jeje Israëlsma ben sa tjari kon makandra èn dati na pasi gi den ben sa opo foe ben lon komoto foe so wan katibo, nanga den wortoe: „’Foe troe mi sa tjari Jakob konmakandra, oen alamala; den wan di tan abra foe Israël mi sa tjari konmakandra sondro mankeri. Ini wanfasi mi sa poti den, leki skapoe ini na koi, leki wan ipi leti mindri en wé; a sa monjo foe libisma.’ En di e broko psa, séker sa kon a fesi foe den: troetroe den sa broko psa. Èn den sa hari psa ini wan doro èn foe disi den sa waka go na dorosé. Èn den kownoe sa waka a den fesi, nanga Jehovah leki na edeman foe den.” — Micha 2:12, 13.
10. Soema de na „kownoe” di na profétitori e taki foe en, èn fa èn oten èn gi soema a ben „broko psa”?
10 Di ini 537 bifo G.T. den Israëlsma ben gwe libi Babylon leki fa na bosroiti foe Cyrus na Bigiwan ben taki, dan nowan libisma kownoe foe na kownoe oso foe David di ben tjari den gwe. Zedekia, na laatste kownoe foe David famiri di ben tiri ini na owroe Jeruzalem, ben dede kaba èn ben beri ini Babylon. A de krin dati na profétitori foe Micha moe ferstan na jeje fasi. Soema de foe datede na „kownoe”? A de na Kownoe di ben sa poti tapoe na troon na Gado reti anoe sé ini hemel ini na herfst foe 1914 G.T. na a kaba foe den „ten foe den heiden” (ofoe „den faste ten foe den naatsi) (Luk. 21:24, Statenvertaling, Nieuwe Wereldvertaling; Ps. 110:1, 2). Na „kownoe” disi ben de moro bigi leki Cyrus, na winiman foe Babylon. A ben de na „Kownoe” di ben poti pas na wroko, Jezus Kristus. En ben de na sma di ben „broko psa” gi den jeje Israëlsma di ben kisi kwinsi, „den wan di tan abra” foe jeje Israël, ofoe Jakob. Ini na jari baka na feti, 1919, na glori Jezus Kristus ben meki foe datede wan „broko psa” gi en dopoe discipel di ben gi densrefi abra na a joerten foe na Fosi Grontapoefeti, foedi den ben tron „wan sani di ala naatsi abi ogri-ati foe den”. — Matt. 24:9.
11, 12. Soema ben de na fesi foe na fikapisi di den ben hari go ini fri, èn den ben gi jesi na sortoe komando di a ben gi?
11 Den discipel dati di ben kon fri ben de klari foe waka baka en leki na Kownoe di ben poti tapoe na troon na a reti anoe sé foe Jehovah. Moro fara a ben waka a den fesi psa na „doro” foe konfri di a ben meki klari. A ben tjari den go na a troetroe kristen fri. Disi ben psa „nanga Jehovah leki na edeman foe den”, bikasi den moe taki moro foeroe Jehovah tangi, dati den ben hari gwe, go ini fri. En ben de na Sma di ben meki den anbegiman foe en ini na kerki Babylon jere na kari:
12 „Komoto na en mindri, mi pipel, efoe joe no wani kisi afoe foe en sondoe, èn efoe joe no wani kisi afoe foe en tanteri.” — Openb. 18:4; Jer. 50:8, 9; Jes. 48:20.
NA PERSOONLEK NEN FOE NA TROE GADO E KON NA FESI
13. San na wan enkri troe Gado ben moe doe now gi ensrefi, èn fa na Watch Tower foe 15 november 1919 e tjari disi kon a fesi?
13 Dan Jehovah bigin foe meki wan nen gi ensrefi. En nen nanga reti ben bigin foe kon na fesi, foedi disi ben de moro hé leki na nen foe en glori Manpikin, Jezus Kristus. Ini Na Watch Tower and Herald of Christ’s Presence foe 15 november 1919 foe eksempre na fosi artikel ben kon na doro foe wan ipi artikel di ben nen „Jesaja rapsodie”. Ini Deel 1 ben tanapoe:
Ini den fosi erfoe vers foe kapitel 40 den e agersi Jehovah tapoe dri fasi: Na a fosi presi den e agersi en leki wan Trowstoeman baka wan langa ten foe pina; na a tweede presi den e agersi en leki na Troe (Gado), di en wortoe e tan wansi ala trawan e fadon; na a derde presi leki na Herder, di e tjari en pipel nanga a sorgoe foe wan tata.
Na di foe toe réde foe trowstoe de ini den wortoe „dati na ongeregtigheid foe en kisi pardon”. Gado ben si ini en koni dati den 70 jari foe nationaal sjen, di na djoe pipel ben ondrofeni, ben sa tjari na wegi foe na geregtigheid foe Gado kon baka ini balans foe gi verzoening foe na fasi di den ben sori hondro hondro jari foe gi densrefi abra na afkodré, ofoe na anbegi foe tra gado leki Jehovah.
. . . Ma wi sabi dati Jehovah noiti ben sa gi wan onregtvaardiki strafoe. A no kan poti ensrefi a wan sé. . . .
. . . Foe den rai (di ben gi foe wan nen foe wan tijdschrift foe na Genootschap) ben kon na krin dati na Jiddisch equivalent foe „na sten” ala djoesma ben sa ferstan wantronwantron leki wan nen foe wan spesroetoe boskopoe di komoto foe Jehovah.
Séker ibri klasse di Jehovah sa gebroiki foe so wan hé marki leki na mede-erfgenaamschap nanga Kristus, leki wan sreka ben moe ondrofeni fosi boen foeroe sani bifo a de boen foe kisi” na goedoe foe den santawan ini na leti”.
. . . Ma leki wan dobroe djaranti di kon njoen, dati den pramisi di taki dja sa kon troe, Jehovah e tai en nen baka nanga disi, a de poti en nen na ondro na cheque di ensrefi ben skrifi — „na wortoe foe Gado sa tan te foe tego”, wansi troetroe moeilijkheid ofoe moeilijkheid di sma prakseri sa de. — Blz. 343, paragraaf 5; blz. 344, paragraaf 5-7; blz. 345, paragraaf 4; blz. 346, paragraaf 4.
14. Fa ini na boekoe Na Harpoe foe Gado, di ben kon na doro ini 1921, Gado nen ben kon na fesi?
14 Èn ini na fosi boekoe di na Watch Tower Society ben tjari kon na doro baka na Fosi Grontapoefeti, namkoe Na Harpoe foe Gado (1921, Ingrisitongo), ben tanapoe ini paragraaf 2 foe na fosi pisi: „Bifo na fundamenti foe na grontapoe, Jehova ben meki wan bigi plan, di nowan sma ben sabi wan sani foe en. Ini den fosi 4000 jari foe na libisma historia a plan disi ben de wan kibritori.”
15. Sortoe resolutie 7 jari a baka ben teki tapoe na internationaal congres ini Detroit?
15 Tapoe na internationaal congres di ben hori ini Detroit (Michagan, Amerkankondre) foe 30 juli-6 augustus, den doesoen doesoen di ben de drape ben teki leki wán man na resolutie, di na presidenti foe a ten dati foe a Watch Tower Society ben poti na den fesi èn di ben nen „Verklari kontra Satan èn gi Jehovah”. — Loekoe Na Watch Tower foe 15 september 1928, blz. 278, 279.
16. Fa 3 jari a baka na sani ben psa na na internationaal congres ini Columbus, di ben de na hé marki?
16 Na sani di ben psa èn di ben abi en hé marki, ben feni presi ini 1931. Tapoe sonde 26 juli foe na jari dati, den doesoen doesoen sma di tapoe na internationaal congres ini Columbus (Ohio, Amerkankondre), ben teki wan resolutie di ben nen „Wan njoen nen”. Nanga na resolutie disi den dopoe anbegiman foe na Moro Hé Gado di ben gi densrefi abra, ben teki wan nen di ben abi en roetoe ini den Boekoe, namkoe „Jehovah Kotoigi”. — Jes. 43:10, 12.
17. San den sma di ben go na a congres ben doe di den ben teki na njoen nen dati, èn san baka ten den gemeente na heri grontapoe ben doe èn sortoe frantwortoe ben kon nanga dati tapoe den?
17 Tapoe a fasi dati den kristen disi ben poti ala takroe nen di den ben kari den a wan sé èn den ben teki na respeki nen di leki fa a bijbel taki fiti den. Baka na congres ini Columbus, dan na resolutie di ben teki drape, ben poti na fesi ala gemeente foe dopoe discipel foe Masra Jezus na a heri grontapoe, ini den difrenti tongo. Ala gemeente di ben teki na resolutie, ben ferteri disi na a edekantoro foe na Watch Tower Bible and Tract Society. Ala sma di ben agri nanga na resolutie, ben teki nanga dati wan hebi frantwortoe na fesi foe Jehovah Gado. Efoe den no ben sa libi akroederi na njoen nen, dan disi ben sa abi wan takroe bakapisi gi den. Te den ben sa gi grani na a nen dati, dan den ben sa gi glori na a nen foe Gado. — Na Watch Tower foe 15 september 1931, blz. 278, 279 (Bakratongo uitgave foe november 1951, blz. 172-174).
18. Na kristenheid nanga na djoebribi ben teki so wan sani foe doe, èn foe soema Gado ben meki foe datede gebroiki foe meki na profétitori kon troe foe Micha 4:1-4?
18 Wi e feni ini na historia foe grontapoe sensi na Fosi Grontapoefeti wan tori di e sori dati wan kerki groepoe foe a kristenheid ofoe foe na djoe-bribi ben teki doe wan sani leki san Jehovah Kotoigi ben teki doe? Nono! A de foe datede nanga jepi foe den Kotoigi dati Jehovah Gado ben meki na profétitori foe Micha 4:1-4 kon troe. Na so fasi na anbegi foe a wan libi èn troe Gado kon poti stéfi „hé, tapoe na ede foe den bergi”, bikasi a bewijsi gi dati a de moro hé leki ibri tra fasi foe anbegi. A „ben poti stéfi” èn foe datede noiti sa hari poeroe foe en hé presi. Jehovah Kotoigi e hori en hé foe datede, foe taki en na agersi fasi, „a poti hé tapoe den pikin bergi”.
19. Gi soema na anbegi foe Gado ben kon de foe si nanga ai, foedi a ben de „hé tapoe den pikin bergi” èn sortoe aparti lezing ben hari akroederi nanga disi ini 1918 ini Los Angeles (Californië, Amerkankondre)?
19 Na a fasi dati na anbegi foe na wan libi èn troe Gado ben poti na hé, sodati foe farawe a ben sa de foe si nanga ai èn sma foe ala naatsi nanga volkoe ben kan njan boen foe en. A ben de foe datede ondro na tiri foe Gado dati na presidenti foe a ten dati foe na Watch Tower Bible and Tract Society ben hori tapoe sonde 24 februari 1918 wan lezing di ben meki bekenti na ala sé ini Los Angeles (Californië, Amerkankondre), ini na ten foe na Fosi Grontapoefeti. Na tori foe na lezing disi ben de aparti, ma a ben de akroederi nanga na toemsi moeiliki ten te joe loekoe en foe na sé foe na bijbel. Na tori ben de „Miljoen miljoen sma di e libi now no sa dede noiti moro”. Na thema disi ben de tapoe na gron foe na bijbel leri dati libisma ben sa de, di ben sa tan na libi foe na „bigi benawtoe”, di sa tjari wan kaba kon na a seti foe sani di e go na pori (Openb. 7:9, 14). Den sma di tan na libi ben sa tjari go ini na millennium ondro Kristus Kownoekondre. Nanga jepi foe na tiri dati den ben kan kisi tego libi tapoe wan paradijsgrontapoe.
20. Sortoe agersitori foe Jezus ben tjari kon na krin ini 1923 tapoe na congres ini Los Angelos èn fa a ben gebroiki?
20 Féfi jari na baka foe 18-26 augustus 1923 ete wan congres ben hori ini na srefi foto Los Angeles, èn tapoe satra 25 augustus na presidenti foe na Genootschap ben taki foe na agersitori foe den agersi skapoe nanga bokoboko. Foedi na agersitori disi de wan pisi foe Jezus profétitori foe na „marki” meki a takiman tjari en kon tapoe den laatste dé, tapoe na ten di e waka a fesi foe a millennium. Soema de foe datede den „skapoe” di e doe boen na den jeje „brada” foe na kownoe akroederi na fanowdoe foe den? We, den de den sma di den e kari „sma foe boen wani” èn di leki wan paiman sa pasa libilibi na pori foe na disiten seti foe sani èn sa go ini na millennium seti foe sani ondro Kristus kownoekondre! (Loekoe Na Watch Tower foe 1 november 1923, blz. 326; ooktoe na uitgave foe 15 oktober 1923, blz. 307.) Den disiten agersi „skapoe” de den „volkoe” di e lon go na a jeje tempel foe Jehovah anbegi. A fikapisi foe Kristus „brada” e teki na presi foe na jeje tempel disi, den de jeje Israëlsma. — Micha 4:1; Matt. 24:3; 25:31-46.