Na gebortoe foe na kownoe-naatsi tapoe wan njoen gebore kondre
„Wan kondre kan doe kon tapoe wán dé nanga pen? Ofoe wan naatsi sa kon gebore ini wan tron? Bikasi Sion ben kisi pen èn ben meki en manpikin.” — Jesaja 66:8.
1. San den Internationaal Bijbel-ondrosoekoeman ben doe tapoe 26 juli 1931 ini a congres foe den ini Columbus (Ohio, Amerkankondre), èn san ala gemeente foe den Internationaal Bijbelondrosoekoeman na a heri grontapoe ben doe moro fara?
MORO leki 50 jari pasa kaba — foe taki en soifri, tapoe sonde 26 juli 1931 — wan pipel ben poti foetoe tapoe na toneel foe actie foe na grontapoe foe feti gi wan nen. Tapoe na dé dati di wi no kan frigiti doesoen-doesoen Internationaal Bijbelondrosoekoeman, di ben miti makandra ini algemene konmakandra ini Columbus (Ohio, Amerkankondre), ben teki leki wán man na besroiti pe den ben verklari dati now den wani sma kari den nanga na nen di komoto foe na bijbel, „Jehovah Kotoigi” (Jes. 43:10-12). Sjatoe na baka ala gemeente foe den Internationaal Bijbelondrosoekoeman na a heri grontapoe ben waka baka na eksempre disi èn den ben teki formeel na aparti nen disi. Te now ete den e tjari na njoen nen.
2. (a) San den sma di ben tjari na nen disi di komoto foe bijbel ben ondrofeni foe sensi na ten dati? (b) Sortoe wortoe di e gi froetrow wi e feni ini Jesaja 66:5?
2 Foe na respeki nen disi ede, meki dati den kotoigi disi foe na Moro Hé Gado no ben kisi wawan na ogri-ati foe na grontapoe, ma ooktoe foe na kristenheid, di den memre foe en e taki dati den de brada foe bribi foe alasma di e taki dati den de discipel foe Jezus Kristus. Na ogri-ati disi foe na sé foe den bribi go so fara dati a de sori ensrefi ini ogri vervolgoe, san ben meki foeroe ben lasi den libi. Leki wan dekati gi den sma di e tjari na nen èn di e libi akroederi na wartifasi foe na nen disi, den wortoe de foe jere di ben taki moro leki 2500 jari pasa kaba èn di e gi froetrow èn soleki wan foe den proféti foe bijbel di e kon moro na fesi ben skrifi den gi wi: „Jere na wortoe foe Jehovah, oenoe di e béfi gi en wortoe: ’Oen brada di abi ogri-ati foe oenoe èn di e poti oenoe na doro foe mi nen ede, ben taki: „Dati Jehovah kan kisi glori!”, moe sori ensrefi nanga prisiri toe foe oenoe sé, èn den de den sma di sa kisi sjen.’” — Jesaja 66:5.
3. Fa Jehovah Kotoigi e sori dati den e béfi gi en Wortoe, èn san den de moro, boiti dati den de jereman foe a Wortoe disi?
3 Ini na ten disi Jehovah Kotoigi de den sma di e ’béfi gi en nen’. Den e frede foe handri kontrari na skrifi wortoe foe en. Foe datede meki den e stoeka alaten den Santa Boekoe di ben skrifi nanga jepi foe santa jeje. Den e erken na Auteur foe a bijbel leki na Gado èn Tata foe a Masra èn Ferloesoeman foe den, Jezus Kristus. Den e teki ala 39 boekoe foe den Hebrew Boekoe èn ala 27 boekoe foe den kristen Griki Boekoe leki na wortoe foe Jehovah, foe san den no de wawan jereman ma sosrefi toe doeman.
4. (a) San de na gron reden foe san-ede den bakaman foe na kristenheid abi ogri-ati foe den brada èn e poti den na doro? (b) Sortoe reden den e gi foe doe so?
4 Fa a doe kon dati na kristenheid abi ogri-ati foe Jehovah Kotoigi, dati sma di taki dati den de wan pisi foe na bradafasi foe Jezus Kristus abi ogri-ati foe den toe? Fa a doe kon dati na kristenheid e poti den a dorosé, foe a groepoe sma di a de erken leki kristen èn dati a no wani abi noti foe doe nanga den foe di a no abi noti gemeen nanga den? Jehovah srefi e sori tapoe na reden foe disi te a de taki: „Foe mi nen ede.” Èn tokoe den sma di abi na ogri-ati disi gi den èn e poti den na dorosé, e gi foe disi na moro hé reden foe di den e bari taki: „Dati Jehovah kan kisi glori!” Akroederi den bijbelvertaling di no wani gebroiki na nen foe Gado, den e taki: „Dati na Masra kan kisi glori!” Ma na Masra Gado no e si na ogri-ati foe den èn na wégri di den e wégri foe boemoei nanga en kotoigi leki wan sani di e meki a kisi glori.
5. (a) Soema e kon de nanga prisiri te Jehovah kon sori ensrefi tapoe wan ofoe tra fasi foe en sé? (b) San a wani taki gi den tra sma, dati den e kisi sjen?
5 Te a kon sori ensrefi, foe di tapoe wan ofoe tra fasi a de sori ensrefi foe tjari kon na krin den bepaalde sma di a de feni boen èn den tra sma di a de poti a wan sé, soema de dan den sma di na so wan sori ensrefi e kon de nanga prisiri? Èn soema de dan den sma di e kisi sjen? Jehovah e taki gi den sma di foe na troetroe respeki gi en nen ede meki den e abi ogri-ati foe den èn e poti den na dorosé: „A moe sori ensrefi nanga prisiri toe foe oenoe sé èn den de den sma di sa kisi sjen.” Disi wani taki kefarliki moeilijkheid gi den sma di ben gi densrefi abra na ogri-ati èn a poti foe trawan na dorosé. Den moeilijkheid di ben kon tapoe den ini owroeten, ben de wan agersi fasi foe na moro bigi moeilijkheid foe ala ten di sa kon djonsro tapoe ala sma di abi ogri-ati ini „disi ten foe a kaba” gi Jehovah Kotoigi èn e poti den na dorosé (Dan. 12:4). Ini den wortoe di e kon wantronwantron a baka, na proféti Jesaja e sori na tapoe nanga den wortoe: „Wan babari foe oproeroe de foe na foto, wan babari foe na tempel! A de na babari foe Jehovah, di e pai en feanti san den moe kisi.” — Jes. 66:6.
6. Foe sortoe foto na „babari foe oproeroe” ben sa kon, èn san ben de na reden foe so wan babari?
6 Na foto di no kari na nen, pe wan „babari foe oproeroe” ben sa komoto kon, a no de foe taki, na Jeruzalem, bikasi na dape na tempel foe anbegi foe Jehovah ben tanapoe. Na prakseri di e tjari kon dja abra de, dati Jehovah e kon na a tempel foe anbegi foe hori ondrosoekoe èn dati na fasi foe anbegi di a de miti dape no e plisi en. Na anbegi de soso wan sani foe dorosé, formeel, hoigri fasi. Disi e tjari sjen kon gi en santa nen. Na fasi fa a ben sa sori dati a no e feni disi boen ben sa kon ini wan „babari foe oproeroe” di ben doe kon foe na fadon kon feti foe den Babylon grontapoe-winiman, di ben sa gebroiki leki wrokosani foe Jehovah foe „pai na en feanti paiman di den moe kisi”, den anbegiman foe hoigri anbegi di e gi en tempel sjen. Den ben de feanti foe Jehovah, foe di den de ogri-ati feantiman foe den sma di „e béfi troetroe gi en wortoe” èn foe di, soleki a ben taki, den ben poti den na doro „foe mi nen ede”. — Jes. 66:2, 5.
7. Oten na profétitori foe Jesaja ben kon troe, san ben pasa nanga Jeremia, èn soema ben si dati Jehovah wortoe ben de troe?
7 Ini na tra eeuw, ini den dé foe den proféti Jeremia, Ezechiël, Daniël, Jehovah ben gebroiki foe datede den legre foe Babylon leki en wrokosani foe „pai den” (Israëlsma) di ben broko a ferbontoe, „na paiman foe den di den moe kisi”. Fa a ben de wan „babari foe oproeroe ini Jeruzalem, di na heri foto ben kisi pori, sodati na toemsi moi tempel di a koni Salomo ben bow no ben tan! Den djoe di ben tan na libi ben tjari go na Babylon. Den pikinso djoe di ben tan na baka ini na kondre, te foe kaba ben lowe gwe na Egypte, aladi den ben srepi na proféti Jeremia go nanga den. Na a fasi disi na sani di a ben taki na fesi foe na pori dorodoro èn kon légi foe a kondre foe libisma ben kon troe. Na gebied di wan dé wan naatsi ben libi na ini, na so fasi ben kaba foe de sosrefi toe wan oso foe wan libi naatsi nanga Jehovah Gado leki den hemel Kownoe. Den getrow djoe, di „ben béfi gi na wortoe foe Gado”, ben si dati en wortoe ben de troe.
8, 9. (a) San na Jeruzalem foe owroeten e agersi ini disi ten? (b) San sa pasa nanga en akroederi Jezus profétitori, èn foe san-ede?
8 Alasma di abi ogri-ati èn di e komoto na pasi gi Jehovah Kotoigi, di de sma ini disi ten di e béfi gi Jehovah wortoe, sa ondrofeni skreki sani di de moro ogri leki san ben pasa ini 607 bifo G.T. Ala sari sani di ben pasa ini na ten dati foe Jeremia, Ezechiël nanga Daniël, „ben tan kon den abra, leki eksempre (ofoe prenki) èn den ben skrifi leki wan warskow gi wi, di den kaba foe den seti foe sani e kon tapoe wi” (1 Kor. 10:11). Dan troetroe „wan babari foe oproeroe” sa kon „foe na foto”, na sani di gersi Jeruzalem èn di tanapoe ondro na kroetoe foe Gado, namkoe na kristenheid. Neleki na Israël foe owroeten, na so toe na kristenheid di taki dati a de ini wan ferbontoe nanga Gado èn nanga jepi foe Jezus Kristus leki mindriman, ben teki poti ini wan „njoen ferbontoe” (Hebr. 8:7-9). Ma a no ben libi akroederi na ferbontoe-fasi di a taki a de nanga Gado. Akroederi Jezus égi profetitori wan „bigi benawtoe” e wakti foe datede na kristenheid, soleki na benawtoe di ben kon tapoe na Jeruzalem foe owroeten e agersi:
9 „Dan so wan bigi benawtoe sa de soleki sensi na bigin foe na grontapoe te leki now no ben kon, èn no sa kon moro toe. Foe troe, efoe den dé dati no ben kon sjatoe, no wan skin ben sa kisi ferloesoe; ma foe den sma di den ben verkisi, meki den dé dati sa koti sjatoe.” — Matt. 24:21, 22; Mark. 13:19, 20.
10. San, boiti na kristenheid, na benawtoe dati sa sori, èn soema sa de na skin di sa tan a libi?
10 Na bigi benawtoe disi sondro en speri de na mofodoro. Na Gado foe „den sma di den ben verkisi” e tjari disi kon. No wawan a sa pori na agersi Jeruzalem, ma sosrefi toe na seti foe sani di na kristenheid ben de boen mati foe en, na heri seti foe sani (Jak. 4:4). Den dopoe kristen di gi densrefi abra èn di ini disi ten e béfi gi Jehovah Wortoe, sa de na „skin” di sa tan na libi.
Wan gebortoe di no ben kan stop èn di kon moro esi
11. (a) Sortoe ten e waka na fesi na gebortoe foe wan libisma bébi, ma so wan sani ben sa pasa ini na tori foe wan Jeruzalem di ben sa bow njoen baka? (b) Akroederi na komando foe soema wan tra Jeruzalem ben sa bow tapoe na srefi presi? (c) Jesaja ben taki na fesi o langa na presi pe na owroe Jeruzalem ben de, ben sa de wan légi presi?
11 Meki wi go baka na a span profétitori foe Jesaja! Na sari froewakti di a ben ferteri foe en di djonsro na ondro krakti foe santa jeje, e meki now presi gi wan prisiri sani di ben taki na fesi dati a ben sa psa. Na gebortoe foe wan wettig bakapikin de wan sani di den papa nanga mama di trow e loekoe na fesi nanga bigi lostoe èn span froewakti. Ini na tori foe libisma mekisani na gebortoe moe waka baka na ten di Gado ben poti foe na bakapikin di den winsi gro dorodoro. Ma ini na tori disi na Bigi Man di ben seti fa wan gebortoe moe waka ben taki wan sani a fesi di no de gewoon, ma di ben sa pasa akroederi en égi regeling. En proféti Jesaja ben taki na fesi foe na pori foe na foto Jeruzalem di no ben krin moro, èn na fosi foto di ben bow tapoe na bergi Sion ben sa stop foe de. Ma tapoe na komando foe na Persia winiman, Cyrus na Bigiwan, na dienstknekti foe Jehovah, di ben sa trowe na kownoekondre foe Babylon na gron, ben sa meki tapoe a srefi bergi Sion wan tra foto doe kon (Jes. 44:28; 45:1). Ma Jesaja no ben taki na fesi o langa na owroe Jeruzalem no ben sa de, èn na so fasi ben sa de sondro „pikin” ofoe borgroe. Sosrefi toe a no ben taki na fesi o langa na bergi Sion èn ala na kondre di ben de drape ben sa de wan légi presi pe sma no e libi na ini.
12. Fa wan njoen kondre ben sa kon tapoe na kondre-karta foe a owroeten grontapoe, èn foe san na kondre disi ben de na mamakondre?
12 Tokoe joe ben sa abi ini den dé foe Cyrus na Bigiwan wan tra Jeruzalem di ben sa opo tanapoe èn di ben sa tron na mama foe foeroe „manpikin”, dati wani taki foeroe borgroe èn sma na en ondro di ben sa libi tapoe na gebied di a ben kisi. Disi wani taki dati tapoe na kondre-karta foe na owroeten grontapoe „wan kondre” ben sa kon na tapoe di ben sa dini leki na mamakondre foe wan pipel di wan dé no ben de wan „naatsi”? Na proféti piki foe Jehovah Gado tapoe na aksi disi, ben de Ja!
13, 14. (a) Den djoe katiboman ben sa tjari go baka ini den kondre na a ten foe a kon foe a tra normaal prisiri-jari baka di den ben tjari gowe? (b) Jeruzalem ben sa tron baka wan mama foe „manpikin” foe na bigi moeiti foe a sé foe den katiboman, èn san Jesaja 66:6, 7 ben taki foe dati?
13 Na aksi ben de foe datede: Oten èn fa? Na a mofo foe en proféti Jeremia Jehovah ben taki na fesi dati na kondre foe na fosten „naatsi” ben sa didon 70 jari légi, wan pisi ten di ben sa de 20 jari moro langa leki na pisi ten foe na prisiri-jari foe 50 jari. Di na normaal prisiri-jari ben doro ini 573 bifo G.T., joe no ben sa abi foe datede wan prisiri-jari-fesa ini na fosten gebortoe-kondre, èn sosrefi toe nowan Jeruzalem, ofoe Sion, ben sa doe kon foe sorgoe leki wan mama gi wan groepoe borgroe di ben de leki en „manpikin” ofoe „pikin”. Pas ini na jari 537 bifo G.T. wantoe djoe di ben de ete na libi ben sa drai kon baka ini den fosten gebortoekondre. Disi ben sa doe kon sondro dati den djoe katiboman ini Babylon ben sa doe foe den sé wan toemsi, tranga moeiti. A ben sa de wan doe foe Gado, akroederi en proféti pramisi. Fa a ben kan gersi toe leki wan sani di no kan, tokoe wan „naatsi” ben sa doe kon baka na katibo tapoe wan kondre di Jehovah Gado ben hori aparti gi na „naatsi” disi. Jehovah, di ben loekoe moro fara leki na nationale rampoe ini na jari 607 bifo G.T., ben sori indirect dati so wan sani di ben gersi dati a no kan ben sa pasa, di a ben meki Jesaja taki moro fara:
14 „Bifo a ben kisi pen (dati wan taki wan tra Jeruzalem), a ben meki. Bifo pen foe meki ben kan kon en abra, a ben kon ferloesoe foe wan manpikin. Soema ben jere so wan sani? Soema ben si den sortoe sani disi? Wan kondre kan doe kon tapoe wán dé nanga pen? Ofoe wan naatsi sa kon gebore ini wan tron? Bikasi Sion ben kisi pen èn a ben meki en manpikin.” — Jes. 66:7, 8.
15. Fa wi kan teki na fasi fa a gebortoe disi ben waka gersi nanga na gebortoe ini Openbaring 12:1-7?
15 Na fasi fa so wan spesroetoe gebortoe ben sa waka de precies tra fasi leki fa skrifi foe a gebortoe foe wan manpikin ini na laatste boekoe foe a bijbel. Dape, ini Openbaring 12:1-17, wi e lési: „Wan bigi marki ben si ini na hemel, wan oema di weri na son, èn moenkenki ben de na ondro en foetoe, èn tapoe en ede wan kroon foe twarfoe stari ben de, èn a ben de nanga bere. Èn a ben e bari ini den pen foe en èn ini a nowtoe foe meki. Èn wan tra marki ben de foe si ini hemel, èn loekoe! wan bigi faja-kloroe kaiman, nanga sébi ede èn tin toetoe èn tapoe en ede sébi kroon; èn en tere ben srepi a di foe dri pisi foe den stari foe hemel go nanga en, èn a fringi den go na grontapoe. Èn na kaiman tan tanapoe na fesi na oema, di ben de foe meki, foe, so esi leki a ben meki, swari en pikin. Èn a ben meki wan manpikin, di sa tjari ala naatsi nanga wan isri tiki. Èn en pikin ben hari poeroe go na Gado èn na en troon . . . Èn na kaiman ati ben bron nanga na oema èn a go feti nanga den wan di ben tan abra foe en siri, èn di e hori den komando foe Gado èn di abi na wroko foe gi kotoigi foe Jezus.”
16. Leki san ofoe soema wi moe kon sabi na „marki”-oema nanga en „manpikin”?
16 Foe di nowan oema na grontapoe abi moenkenki ondro en foetoe èn wan krans foe twarfoe stari leki wan kroon tapoe en ede, meki na oema di den skrifi foe en dja na tapoesé èn di den ben si leki wan „marki”, moe de na agersi fasi. Èn foe di Gado ben teki èn erken en pikin, dan En moe de na soema di ben meki a kisi bere. Soboen, leki a de so troe, a ben trow nanga en. Te wi loekoe ala sani boen, dan na „marki”-oema ini na hemel moe de na oema foe Gado di joe kan teki gersi nanga wan organisaatsi foe hemel jeje mekisani, di en wan enkri gebore Manpikin, Jezus Kristus, de na moro prenspari wan. Na pikin foe na oema moe agersi sosrefi toe wan sani, èn a de agersi Gado kownoekondre, foe di na manpikin ben hari poeroe go na a troon foe Gado. Efoe na kownoekondre wani de moro leki wan sani di no de troetroe, wan theoretisch sani, dan wan libi persoon moe de di e doe wroko leki na kownoe-tiriman. Na troetroe persoon dati moe de na sma di Jehovah Gado ben sroto wan ferbontoe foe na kownoekondre nanga en.
17. Fa na wan enkri gebore Manpikin foe Gado foe datede ben tron na sma di ben sa sidon tapoe na troon leki a tiriman di abi reti foe a sé foe en Tata?
17 Ja, na persoon dati ben de en wan enkri gebore Manpikin, Jezus Kristus, di, foe na reden foe en wondroe libisma gebortoe ini Bethlehem èn ini na famiri-lin foe kownoe David foe Israël, ben de a natuurlijke erfgenaam foe na kownoekondre (Jes. 9:6, 7; Luk. 22:29, 30; Matt. 1:17-25). Ini na tori foe na hemel „oema” foe datede nanga reti krakti ben poti dati a ben meki wan manpikin, foedi na kownoekondre positsi ben opo soso gi bakapikin di ben de mansma ini na kownoekondre famirilin foe David.
18. Fa den omstandigheden foe a meki foe na agersi manpikin dati e meki joe gersi en nanga di foe Jesaja 66:7, 8 ini Willibrordvertaling?
18 Ala den omstandigheden dati ini na tori foe na gebortoe foe wan „manpikin” foe na hemel „oema” e kenki nanga den di e kon na krin ini Jesaja profétitori, spesroetoe tapoe na tori foe na afersi foe de nanga bere èn pen foe meki. Foe datede meki prenspari reden de foe taki dati na „manpikin” foe Jesaja 66:7 na proféti fasi abi foe doe nanga wan tra situwasi leki na „manpikin” ini Openbaring 12:5. Na „manpikin” ini Jesaja, a de krin, abi foe doe nanga na „naatsi” di e kon gebore ini na „kondre” di a profétitori e kari. Di den Israëlsma di ben kon boen baka ben go libi baka ini Jeruzalem ini 537 bifo G.T., a no ben go boiti dati someni foe na kownoekondre, ofoe tirimakti. Wan kownoe ini na famirilin foe kownoe David no ben poti baka tapoe na troon. Foe di Judéa ben de wan distrikt foe Persia, den ben tanapoe ondro na tirimakti foe kownoe Cyrus, di ben gi na komando dati na tempel ben moe bow baka èn na troe anbegi ini Jeruzalem ben moe kon boen baka. Ma ete na kon-boen-baka ben kon wantronso, onfroewakti. Akroederi na Willibrordvertaling Jesaja 66:7, 8 e taki: „Bifo a kisi pen ete, a moe meki, bifo pen ben kon tapoe en, a de kisi ferloesoe foe wan manpikin. Soema ben jere oiti so wan sani, si so wan sani oiti? Wan kondre oiti ben gebore tapoe wan dé, wan pipel (”naatsi”, NW) ben meki ini (. . .)
22. Sortoe aksi Jehovah ben aksi foe a makti foe en foe tron Tata foe wan naatsi, èn fa a ben doe leki wan piki tapoe disi ini na tori foe na disiten agersi prenki?
22 Jehovah Gado, na Almaktiwan ben de frantwortoe foe na aparti gebortoe dati èn a ben poti na ede dati noti ben sa tapoe na gebortoe disi. Ini Jesaja 66:9 a ben taki: „’Foe mi sé, mi sa meki a broko opo (foe na amnion ofoe a fini boeba foe a froktoe) èn no meki kon gebore?’ Jehovah e taki. ’Ofoe mi e meki kon gebore èn meki troetroe wan tapoe kon (foe na moeroebere)?’ joe Gado ben taki.” Leki na fosi sani di a doe tapoe den tjalansi aksi dati a ben fri en pipel ini 537 bifo G.T. komopo foe Babylon èn a ben meki moro fara dati Jeruzalem ben bow njoen baka èn ben monjo foe djoe di ben libi dape èn pikinnengre. Ini na disiten agersi prenki Gado ben doe sani tapoe en égi aksi, foe di a meki na agersi prenki foe Jeruzalem, en hemel organisaatsi meki pikin, di leki wan bakapisi foe dati wan jeje „naatsi” ben doe kon na grontapoe. Disi ben pasa ondro na tiri foe na Moro Bigi Cyrus, na Kownoe ini hemel di ben poti njoen tapoe a troon. Na gebortoe disi ben pasa ini na jari 1919 baka na feti èn a ben meki wan pipel doe kon, den „manpikin” foe Sion, di nanga den heri ati ben de afersi foe Gado kownoekondre di ben opo èn di ben de strikt neutraal na fesi foe den politiek tiri foe disi grontapoe. Na Almakti Gado ben sorgoe dati noti ben sa tapoe na kontroe dorodoro foe en prakseri foe sensi 1914 te ini wi ten.
Joe kan piki den aksi di e kon baka di joe stoeka Jesaja 66:5-8?
Vers 5: Fa „brada” abi ogri-ati foe troe anbegiman èn den e poti den na dorosé? Fa den „brada” disi e kisi sjen?
Vers 6: Na sortoe fasi ini owroeten „wan babari foe oproeroe ben komoto foe a foto”? Ini disi ten?
Vers 7: San de na „manpikin” di sondro „pen foe meki” wan „oema” e meki kon gebore? A de a srefi „manpikin” di e kari ini Openbaring 12:5?
Vers 8: Na sortoe fasi ini 557 bifo G.T. wantronso èn onfroewakti wan „naatsi” èn wan „kondre” e kon gebore?
[Prenki na tapoe bladzijde 228]
Neleki na a gebortoe foe wan bébi, na so Gado „oema” ben meki na Kownoekondre ini 1914
Ini 1919 na jeje Israël ben kon gebore wantronwantron ini en kondre