„Kownoekondrewánfasi”-districtcongres

„KOWNOEKONDREWÁNFASI”. Fa disi de wan heri moi thema di fiti gi wi district-congres foe 1983! Noiti ete sowan pratifasi ben de ini na grontapoe. Ini lomsoe nanga anitri kerki organisaatsi kesekese nanga pratifasi de. Den politik partij e feti nanga makandra. Noiti a fesi sowan broeja ben de ini a bisnis grontapoe. Noiti pratifasi ben tergi na osofamiri so te: Man nanga oema e meki trobi, e gwe libi makandra, èn e prati. Èn oten oiti sowan generatie olo ben de leki ini disi ten, pe papa nanga mama èn pikin e drifi libi makandra moro nanga moro?

A organisaatsi foe Jehovah di wi e si nanga ai de heri trafasi nanga ala den sani disi. Den kristen kotoigi di de ini na organisaatsi disi, de ini wánfasi. moro leki 2.400.000 sma den de, aladi den de na ini sowan 205 kondre nanga eilanti ini den grontapoe se. Den abi wan wánfasi di e wini ala nationaal skotoe, ala skotoe foe ras ofoe tongo, èn ala koeltoeroe èn ekonomia skotoe. San e tjari den konmakandra ini wánfasi? A de na soifri anbegi foe Jehovah Gado. — Zef. 3:9.

Na so a moe de na mindri troe kristen, bikasi san na apostel Paulus skrifi gi den Korintesma ini 1 Korinte 1:10? Dati ’prati-fasi no moe de na oen mindri, ma dati oen alamala moe taki ini akroederi nanga makandra èn dati oen moe de ini wánfasi nanga makandra ini na srefi geest èn na ini na srefi denki’. Ooktoe ini Filipi 3:15, 16 ai gi rai dati lepi sma moe abi na srefi jeje fasi. Èn wánfasi no moe de na marki foe Kristus troe bakaman, foe di a ben taki dati ala troe kristen sma moe sabi nanga a lobi di den abi gi makandra? Lobi séker e meki wánfasi kon. — Joh. 13:34, 35.

Na wánfasi disi ben taki na fesi ini Jesaja 52:8, ini den wortoe di e kon now: „Arki! Oen égi waktiman e opo den sten. Ini wánfasi den e tan bari nanga prisiri; bikasi fesi na fesi den sa si te Jehovah e tjari Sion kon baka.” Den troe tori di wi kan si nanga ai e sori dati na tjari kon baka foe Sion ben bigin ini 1919.

Foe troe a no de wan makriki sani foe hori na wánfasi disi. Disi moe kon foe di na Didibri abi bigi atibron, foe di a sabi dati a abi soso wan sjatoe pisi ten, èn ooktoe foe ala religieuze nanga libisma waarde ini wi ten no e gebroiki foeroe moro (Openb. 12:9, 12). Na jeje njanjan di a jari disi sa poti na den congres, sa tranga ala dienstknekti foe Jehovah séker ini den faste bosroiti foe meki libisma swakifasi, sani di den misi foe doe èn onvolmaakti-fasi kon moro pikinso foe na boen foe Jehovah nen nanga wroko. Na kefarlek congresprogramma disi sa bigin fodewroko bakadina èn sa go doro te go miti sondebakadina. A sa abi tori di abi foe doe nanga sani foe now èn a sa de opbouwend, èn sondro degedege, dan ala sma, baka te a ben de tapoe na congres disi, sa de srekasreka foe dini Jehovah ini wánfasi nanga den brada nanga sisa foe den nanga wan faste bosroiti.

DISTRICTCONGRES 1983

25 - 28 augustus: District Suriname; Tweede Rijweg 30 (ini Bakratongo)

1 - 4 september: Latour; Koninkrijkszaal, Latourweg 59 (ini Sranantongo)

8 - 11 september: Latour; Koninkrijkszaal, Latourweg 59 (ini Ingrisitongo)