No drai baka go na den swaki èn póti sani

„Now di oenoe ben leri sabi Gado, . . . fa a doe kon dan dati oenoe ben drai go baka na den swaki èn póti elementair sani?” — GALACIASMA 4:9.

1, 2. (a) Sortoe krakti wan straal foe a dondroe di ben koti ben abi tapoe wan breni man? (b) Sortoe moro prenspari kenki ben feni presi na ini joe libi? (Tori. 26:18)

NA INI JUNI 1980 koranti ben ferteri foe wan ferwondroe sani di ben psa, pe na 62-jari Edwin Robinson ben de na ini èn di négi jari a fesi, leki wan bakapisi foe wan oto-ongolokoe, ben kon breni. Den koranti ben tagri kon na krin dati na a ten foe wan bigi alen èn dondroe, a ben go soekoe kibripresi ondro wan bon. Dondroe ben kisi na bon èn a ben fadon flaw. Di a ben kisi ensrefi baka, a ben kan si. Prakseri disi pikinso fa a ben firi ensrefi baka someni jari di a ben breni. Séker a no ben sa weni drai go baka na a doengroe.

² Efoe joe de wan troe Kotoigi foe Jehovah, dan ini joe wan wondroe kenki ben psa. Na apostel Petrus ben skrifi dati Kristen di den ben teki ’ben kari komo foe na doengroe kon na a wondroe leti foe Gado’ (1 Petr. 1:1; 2:9). Foe tron wan kotoigi foe Jehovah dan kande joe ben moe drai baka gi libifasi di ben doti èn di no ben boen èn di ben abi foe doe nanga a doengroe (Rom. 13:12, 13; Job 24:14-16). Foe san-ede? Foe di joe ben wani foe libi na ini na leti foe na waarheid èn ben wani foe abi na boen-ati foe Gado.

3. Fa joe ben kisi wan tra marki na ini joe libi di joe ben tron wan Kotoigi foe Jehovah? (Ef. 2:12).

³ Bifo joe ben tron wan kristen, joe ben abi ini joe libi wan marki di wani taki wan sani? (1 Petr. 4:15, 16) Efoe wan sma ben sa aksi joe foe den mari di joe ben poti na joe fesi a ten dati joe ben sa piki dan dati joe ben sa wani sorgoe foe den sani foe tan na libi, ben sa wani abi wan osofamiri, ben sa wani soekoe wan vorm foe ontspanning ofoe ben wani sreka sani foe na „winter” foe na owroedé? Den sani dati séker no de fowtoe. Ma na sortoe fasi sowan sortoe libi ben sa kenki foe di foe wan denge (eekhoorn) wan fowroe ofoe wan tra meti di e kon gebore, e njan, e sribi, e soekoe wan paar èn te foe kaba e dede (Prék. 3:18-20; Jak. 4:14; Jud. 10) Ma now di joe ben tron wan kristen joe libi ben kon taki wan sani; den marki foe joe e poti ede na tapoe na dini foe na Mekiman. — Prék. 12:13.

4. Sortoe krakti bijbelsabi ben abi tapoe joe? (Ps. 36:9; Odo 6:23)

⁴ Na kontrari na mindri joe disiten situwasi èn joe fosten toestand na ini na doengroe e kon spesroetoe na krin na ini joe sabi èn ferstan foe sani. Fosten joe no ben sabi foe san-ede takroedoe ben de, foe san-ede den sani di lontoe joe ben kon na baka na ini sortoe toestand dedesma de ofoe san na krosbé ten di ben de na joe fesi ben sa tjari kon. Now joe abi wan ferstan foe sani di abi den fundamenti ini a bijbel foe den afersi dati. O troe den wortoe foe na apostel Paulus de: „[Jehovah] ben skijn na tapoe wi ati foe gi leti na en nanga na glori sabi foe Gado”! — 2 Kor. 4:6.

No ala sma e tan na ini a leti

5. San e bewijsi dati a no ala sma e tan na ini na leti?

⁵ No ala sma di tron troe anbegi man foe Jehovah ben tan de disi. Wan makti jeje mekisani ben drai ensrefi poeroe foe Gado èn ben tron Satan. Adam nanga Eva ben gwe libi na leti. Te wi e loekoe ala sortoe libifasi foe na sé foe volmaakti mekilibisani, a no moe de wan ferwondroe sani dati son onvolmaakti sma soleki wi de disi — sosrefi toe ben drai go baka na a doengroe. Den Israëlsma ben komoto foe na katibo foe Egypte, ma bifo den ben doro na a Pramisi Kondre ete, den ben bigin knoroe nanga wan gridi lostoe: ’Wi e memre boen ete na fisi, di wi ben njan na ini Egypte, den komkomro, den watramoen, na prei, den ajoen èn na knofrokoe!’ (Num. 11:5) Aladi den ben e prisiri na ini leti nanga fri, tog den lostoe ben go na a doengroe foe Egypte èn na knofrokoe.

6. Foe san--ede wi moe broko wi ede dati son sma ben drai baka gi na leti?

⁶ Sosrefi toe kristen ben kon na ini na kefar dati den ben drai komotó foe na leti. Paulus ben warskow dati na ini na gemeente man ben sa opo tanapoe di ben sa hari discipel kon na den baka (Tori. 20:29, 30). Disi ben psa srefi kaba di a ben de ete na grontapge (Fil. 3:18; 2 Tim. 2:16-18). Foe taki a sani moro na wan zakelek fasi: Joe sabi wantoe sma na ini wi ten tapoe wan ofoe tra fasi ben drai baka gi na waarheid? Dati ben sa kan psa nanga wi?

7. Sortoe rai Paulus ben gi ini a tori disi na den Galaciasma?

⁷ Pikinso kristen na ini a ten disi nanga den friwani ben sa wani teki doengroe moro leki na leti. Sortoe sani ben sa kan tjari wan brada ofoe wan sisa, soema toe foe wi so fara foe drai baka gi na leti? Wi e kisi pikinso ferstan foe si na tori disi foe san Paulus ben skrifi ini Galaciasma 4:9: „Now di oenoe ben leri sabi Gado, ofoe foe taki en moro boen, now di Gado ben sabi oenoe, fa a doe kon dan dati oenoe drai go baka na den swaki èn póti elementair sani èn wani dini den baka leki srafoe?”

8. Foe san-ede na rai dati ben de fanowdoe, èn fa na rai ben abi foe doe nanga na wet?

⁸ A de krin dati son djoe kristen ben e taki dati den ben moe drai go baka na a hori foe a wet toe Mozes awinsi fa a no fa pisi foe en. Ma Paulus ben skrifi dati troe kristen kon fri foe na wet (Gal. 5:1-6). Foe di na wet no ben kan meki regtvaardikifasi kon, dan na séker marki a ben de swaki èn wan „moro betre howpoe” ofoe regeling ben moe teki en presi (Hebr. 7:18, 19). Foe dat’ede den ben kan taki dati den sma di ben o hori na wet njoen baka, ben ’drai go baka na wan sani di swaki’ èn ’ben go doe dienst baka leki srafoe’.

9, 10. Fa na warskow ini a tori foe „póti elementaire sani” kan gebroiki tapoe na Griki leri? (b) na wet foe Mozes?

⁹ A ben de foe dat’ede wan sani di fiti foe meki den jere wan warskow foe na drai go baka a den „póti elementaire sani”. Den Griki wortoe di gebroiki djaso ben abi na prakseri foe den letters foe na alfabet di poti baka makandra na ini wan rij, san soboen e sori tapoe na ABC foe wan afersi. Den heiden leri di na a ten dati ben abi alape makti, joe ben kan kari séker „póti elementaire sani”. Aladi den Griki sma ben gafa foe den filosofie, tokoe den disi ben abi den fundamenti na tapoe libisma prakseri, dwaalbegrip nanga anansitori. Na srefi te wan sma ben drai go baka na a wet foe Mozes dan a ben sa „drai go baka na den póti elementaire sani”. Fa so?

¹⁰ Aladi na wet ben komoto foe Gado, tokoe someni sani foe en ben handri foe sani na ini na libisma sfeer, soleki na tabernakel èn „wettelek vereisten di ben abi foe doe nanga na skin”. Ma na kristen anbegi ben poti ensrefi nn tapoe den jejesani di den sani dati di wi ben kan firi ben de „wan eksempre agersi prenki” (Hebr. 9:6-10, 23). Foe san-ede kristensma ben sa drai go baka foe dat’ede na den elementaire, rudimentaire sani dati? Efoe joe ben sa stoeka wiskunde èn joe ben sa tron wan sabiman ini algebra ofoe na meki foe wiskundige berekening, joe ben sa drai go baka neleki wan pikinnengre nanga jepi foe joe finga èn foetoefinga foe go teri sani? — Teki gersi 2 Petrus 2:20-22.

Swaki èn póti sani na ini disi ten

11. Na tapoe sortoe gefar na ini disi ten wi kan gebroiki Galaciasma 4:9?

¹¹ A de wan sani di de séker dati pikinso foe wi abi na firi dati den de ini gefar foe drai go baka na den „swaki èn póti elementaire sani” foe den Griki filosofie ofoe foe na Wet. Tokoe na rai dati de sosrefi toe foe na boen foe wi ini a bijbel. Na mogelekheid de gi wi foe eksempre foe drai go baka na den sani san Johannes 2:16 e skrifi foe den leki „na lostoe foe na skin èn na lostoe foe den ai èn a meki pranpran nanga den sani foe tan na libi di wan sma abi”,

12. Gi eksempre fa son kristen ben sa kan fadon gi wan gefar di 1 Johannes 2:16 e taki foe en?

¹² Son sma e denki dati „na meki pranpran nanga den sani san wan sma abi foe tan na libi” abi foe doe nanga na prodo nanga haute-couture krosi ofoe gowtoe sani psa marki, soleki a weri foe fo ofoe féfi linga na wan pasi (Jak. 2:2, 3). Èn tapoe dati a ben kan sori foe troe, bika na bijbel e gi na rai foe no poti ala wi prakseri na tapoe weri moi sani soleki „gowtoe sani” (1 Petr. 3:3) Ma wan sma na tapoe wan tra fasi toe ’kan meki pranpran nanga den sani di a abi foe tan na libi’. Wan kristen ben kan djaroesoe nanga na fasi foe libi foe sma di no abi howpoe èn foe dat’ede e libi soso gi goedoe na skinfasi. Na ini son kondre sma e poti en leki wan marki foe kon abi sani di drape de leki luxe, soleki wan kloroe televisie ofoe wan pikin oto èn dan prodo nanga en. Na wan tra presi sma e meki a de wan grani ofoe e poti na prakseri nanga jepi foe wan njoen video recorder ofoe wan lux oto foe meki indruk tapoe trawan. Wan kristen ’di ben libi ala sani èn waka baka Kristus’, ben sa abi belangstelling gi den sortoe sani disi foe prodo? Ibriwan foe wi sa aksi wisrefi: Goedoe na skinfasi e teki moro foe mi ten nanga prakseri?’ dan di mi ’ben jere a wortoe èn ben teki en nanga prisiri’ èn ben bigin foe poti en na ini mi libi? — Matt. 19:16-27; 13:20-22.

13. (a) Fa na rai foe Paulus ben kan gebroiki srefi na tapoe na kontren foe oso? (b) Foe sortoe sani wan kristen moe loekoe boen te a wani go libi moro bigi? (Lési Lukas 12:16-21.)

¹³ Wan kristen sosrefi toe na ini a tori foe oso ben sa kan drai go baka na den póti èn elementairi sani. Na ini son kontren, oso di joe moe bai diri toemsi. Foe dat’ede meki foeroe grontapoe sma e bai wan oso foe na image di den e bow gi densrefi nanga dati, srefi te disi e poti wan hebi lai na monisé a tapoe den di kan masi den kiri. Sma di lobi goedoe di no abi foe sorgoe wan osofamiri di e kon moro bigi, e froisi foe na wán oso kande di abi wan gemiddelde bigi go na wan moro bigi oso èn bakaten na wan moro bigiwan èn wan moro moi wan. (Loekoe Lukas 17:28.) Te wan kristen soboen e prakseri foe bai wan oso ofoe go libi na ini wan moro bigi oso, dan a moe ondrosoekoe en bewégi foe ati èn loekoe sortoe krakti disi kande kan abi na tapoe en jejefasi, foe sorgoe dati en no ben sa drai go baka na den elementaire sani leki wan bakapisi foe wan fowtoe bewégi foe ati. Séker wi moe kakafoetoe gi ibri kori foe kisi lostoe foe goedoe sodati wi ben sa kan meki indruk tapoe trawan nanga den „sani di mi abi foe ten na libi” (1 Joh. 2:16). Meki wi, sondro dati wi kroetoe trawan na ini na afersi disi, sorgoe dati wi dienst foe Gado teki na fosi presi na ini wi libi. Fa a de meki wi firi kolokoe foe si dati foeroe lepi kristen tapoe na wan ofoe tra fasi e gi okasi foe doe disi èn e gi moro mendri joeroe na grontapoe wroko foe meki nanga dati presi gi na foeroeten dienst — séker dati no de wan swaki ofoe póti sani! — Matt. 6:31-34; 7:1-3; 9:36-38.

14. Fa wan sma na ini a tori foe prominenti ben kan drai go baka na póti elementaire sani?

¹⁴ Sosrefi toe prominentie (kisi barinen) na ini na seti foe sani disi de wan sani di wan kristen ben sa kan ’drai go baka’ na en. A de séker joisti foe wani sote dati tra sma denki boen foe wi, kristen owroeman „moe abi wan toemsi boen kotoigi foe den sma na dorosé” (1 Tim. 3:7). Ma a Wortoe foe Gado e gi wi na rai f oe ’no go denki moro foe wisrefi leki a de fanowdoe’ (Rom. 12:3). Na krakti di e poti na ini na grontapoe dati wan sma de wan sani, kan meki a de wan moeilek sani gi wantoe sma foe tan feti na baka kristen safrifasi èn wan boen positsi na Gado.

15. Oten disi ben kan tron wan problema gi jongoesma ofoe papa nanga mama?

¹⁵ Jongoesma nofotron abi foe doe nanga disi, bika leriman èn skoromati e gi den tranga foe kisi barinen na ini sport èn skoro-vereniging ofoe ala sortoe tra clubs. Druk kan poti sosrefi na tapoe den na ini a tori foe go kisi wan moro hé opleiding foe kan kisi wan wroko nanga dati pe moro ben tai na en. Son papa nanga mama ben poti extra druk foe na bigi lostoe foe den foe gi nen nanga jepi foe den sani di den pikin man foe doe. Kande joe ben sa kan jere papa nanga mama e taki: ’Mi no wani dati mi manpikin en libi langa de wan gewoon wrokoman.’ — Agersi nanga Markus 6:3.

16. Foe san-ede prominentie ben kan tron wan gefar gi kristenman? Gi eksempre foe diis.

¹⁶ Foeroe man den ben kori na den wroko foe soekoe barinen. Te wan man ben sa go loekoe en inisé boewégi foe ati, den a ben sa kon na krin gi en dati na ini na fosi presi a wani de chef ofoe voorman foe na nen di tai na disi. A ben sa kan de kande dati son kristen di e njan boen foe moni sékerfasi èn di ben sa kan wroko moro mendri (ofoe den ben sa kan stop nanga wroko) foe pionier, den ben kori foe tan wroko na ini wan wroko di e gi den bigi nen ofoe makti na ini na wrokope? Fa Paulus ben gi wan toemsi moi eksempre. A ben abi ini na djoe seti foe sani wan moi positsi nanga sosrefi toe moni sékerfasi. Ma a ben si disi leki wan lasi ’soso foe a ben kan wini Kristus èn ben kan feni en ini wánfasi nanga en’. Foe di Paulus ben ferstan dati disi ben de na fasi foe kisi na boen-ati di ben sa tan abi waarde, meki moiti a ben drai go baka na den swaki elemantaire sani. — Fil. 3:4-11.

17. Sortoe gefar ini a tori foe ’draibaka’, amusement (Prisiriten) ben kan de?

¹⁷ Pikinso sma nomo sa taki dati a no de so dati foeroe foe na amusement di den e kisi now, ’de swaki èn póti’. A de troetroe fanowdoe foe soekoe san de boen. Ma srefi ini a tori foe amusement di no de krinkrin kontrari den gronprakseri foe Gado, wi moesoe loekoe boen foe na ten nanga den wrokosani di abi foe doe nanga den. Foeroe pré, soleki elektronise nanga trawan kan teki kefarlek foeroe ten nanga moni. Go persoonlek ofoe leki osofamiri pikinso go sidon èn bereken na wan troetroe fasi omeni ten nanga moni gemiddeld joe e poti na amusement. Teri na disi sosrefi toe televisie ten. Dati e tron moro nanga moro wan bigi problema, foe di den sma di e meki den programma e presenteri moro nanga moro seri film, srefi documentaire, historiafilm nanga reportage foe wega e kon na krin soema de kampioen — sodati den sma di e loekoe alaten baka moe drai na televisie opo. A de krin dati kristen moe doe moeiti foe abi kontrole tapoe na fasi fa den e gebroiki na ten nanga den sani san den abi èn di de beperkt, foe no drai go baka gi den swaki èn póti sani. — Ef. 2:2, 3.

18. Sortoe ferwondroe libifasi a moro bigipisi foe kristen e waka baka en?

¹⁸ Disi no wani taki dati a moro bigi pisi foe den sma foe Gado pipel e drai go baka na den sortoe sani disi. Doesoendoesoen, hondrohondro doesoen, ija miljoenmiljoen faja kotoigi foe Jehovah e hori tranga na a troe anbegi, èn a moro bigi pisi foe den e doe disi foeroe jari baka makandra. Sondro degedege joe sabi foeroe foe den — kristen di joe ben kan taki foe den nanga na wortoe foe Paulus: „Wi e taki Gado alaten tangi te wi e prakseri oenoe na ini wi begi . . . oenoe ben waka na baka . . . Masra, foe di oen ben teki na wortoe na ondro foeroe benawtoe nanga prisiri foe santa jeje, sodati oenoe ben tron wan eksempre gi ala bribiman” (1 Thess. 1:2, 6, 7). Ibriwan foe wi moe de net so èn teki na faste bosroiti foe no drai go baka na den swaki èn póti elementaire sani. Boiti foe dati, no wan enkri réde de foe san-ede wi ben sa drai go baka na den sani disi.

Go soekoe den jeje goedoe

19, 20. Sortoe krakti èn goedoe sani na troe kristendom ben gi joe?

¹⁹ Na troe kristendom e gi wi foeroe krakti nanga goedoesani, kontrari den swaki èn póti sani di wi taki djonsro de. Foe wi kan kisi wan bigi blesi, dan wan sabi foe den Boekoe de fanowdoe. Srefi grontapoe sabiman e kotoigi foe en dati na bijbel de foe na moro hé orde. Tokoe wi sabi dati a bijbel de foeroe moro; na bijbel de „na Wortoe foe Gado di e wroko na ini bribiman” (1 Thess. 2:13). Ija, wi sabi dati na bijbel kan kenki libi, kan gi wan boen howpoe èn kan sori wi san a ten di o kon sa tjari kon. Te wi e lési a bijbel, dan wi kan kisi boskopoe di a Mekiman ben gi èn wi kan leri ala sani san en Manpikin ben taki èn doe. — Joh. 21:24, 25.

²⁰ Nanga jepi foe Gado pipel joe ben leri foe na bijbel foe Jehovah èn joe kan agri nanga den wor toe: „O den dipi foe na goedoe foe Gado èn den koni foe en sabi! O fa den kroetoe foe en e dangra sma èn fa en pasi no de foe feni” (Rom. 11:33). Joe no abi sabi wawan ma wan sani di e go moro fera: joe abi na „patroon foe gesontoe wortoe” (2 Tim. 1:13). Someni sme e lési someni jari kaba na ini na bijbel, ma no e ferstan ete san a wani taki. Ma joe abi wan ferstan foe san na bijbel wani taki. Joe kan taki nanga a si di joe e si sani èn nanga wan djaranti di srefi theoloog no kan kon na en baka.

21, 22. Sortoe tra goedoe sani joe ben kisi foe di joe de wan Kotoigi foe Jehovah?

²¹ Joe e prisiri sosrefi toe ini na moro boen sortoe foe demakandra. O, joe brada nanga sisa de kande onvolmaakti èn wawantron kan meki ferferi sani kon. Ma ini algemeen a de wan troetroe blesi foe de na mindri sma di lobi Gado, di e feti foe poti bijbel gronprakseri na ini den libi èn di e doe moeiti foe „doe san boen gi alasma, spesroetoe gi den di ben abi a srefi bribi leki den”, pe joesrefi de na ini (Gal. 6:10). No langa psa kaba wan pikin-nengre datra di e wroko na ini na Mt. Sinai-at’oso na ini na foto New York (VS), ben ferteri foe en persoonlek ondrofeni. A ben ferteri na wan kotoigi foe Jehovah, di ben go fisiti en leki wan bedinari foe na evangelie: ’San oenoe e doe ook toe, tan doe en. Oenoe e meki wan wondroe sortoe foe sma kon leki froktoe foe oenoe wroko. Ibriwan sma di e kon na ini kontakti nanga den, e si o tra fasi den de, o bedari èn na wan switi fasi den de. Soboen san oenoe e doe ook toe, tan doe disi grantangi.’ Dati de a sortoe foe demakandra di joe abi.

²² Ete wan sani di de goedoe èn krakti, di joe kan prisiri, de na howpoe di joe abi èn di a bijbel de en fundamenti, ofoe wan libi ini a hemel sondro foe dede moro, ofoe tégo libi na tapoe wan paradijs grontapoe. Sortoe sma nanga boen kabesa ben sa wani trowe na howpoe disi na wan sé? Èn te foe kaba no loekoe psa na wroko di joe ben kisi foe Jehovah èn di a de sreka joe na wan krakti fasi na tapoe (2 Kor. 10:4; Fil. 4:13). Moeiti de fanowdoe foe meki discipel, ja, ma a de gi sosrefi toe wan bigi satisfaksi nanga prisiri, bika tra sma e kisi jepi nanga dati foe go na tapoe na pasi foe libi. Na wroko disi kan meki joe ferstan nanga ati abi foeroe sresrefi foe doe.

23. Te joe loekoe Galaciasma 4:9, dan san moe de na faste bosroiti

²³ Foe dat’ede meki a de wan sani di krin dorodoro dati na troe kristendom e gi wi foeroe krakti nanga goedoe. Meki wi go prakseri san wi abi èn warderi en èn teki na faste bosroiti foe no ’drai go baka noiti a swaki èn elementaire sani ini algemeen èn no doe ook toe wroko gi en leki srafoe.’

Joe kan memre disi ete?

□ Fa den Galaciasma ben de na ini gefar ’foe drai go baka na den swaki èn póti elementaire sani?’

□ Fa na kristendom ben gi joe krakti èn goedoe sani?

[Prenki na tapoe bladzijde 7]

Foeroe trowpatna, na ini a kibri foe densrefi gi „a prodo nanga sani di den abi foe tan na libi”, ben kisi jepi foe di den meki den kristen activiteit kon moro foeroe

[Prenki na tapoe bladzijde 9]

Omeni moni nanga ten joe e gi persoonlek na ontspanning?