’Soekoe na den mindri kapabel man di e frede Gado’
„Ma joesrefi moe soekoe na mindri na heri pipel man, di frede Gado, eerlek èn man di no bedrigi, èn poti den tapoe na pipel.” — EXODUS 18:21, The New English Bible.
1. Foe san-ede Jehovah Kotoigi feni taki den wortoe „opziener” nanga „owroeman” de foe spesroetoe boen?
„FOE sensi a ten foe Homerus [na ini na di foe négi jarhondro foe wi Gewoon Teri] te go miti a ten foe wi dan foeroe wortoe dede gwe; foeroe trawan ben kon gebore. Episkopos [opziener] èn presbuteros [owroe man] ben tan libi doro.” Na kommentaar disi foe wan disiten sabiman foe na Grikitongo e poti krakti na tapoe bigi libi-krakti foe san den Griki wortoe foe „opziener” èn „owroe man” wani taki. Doesoendoesoen jari langa den wortoe disi ben tai hori nanga wan heri pisi foe Jehovah organisatoris seti foe en pipel. Efoe joe ben sroiti joesrefi na Jehovah Kotoigi, dan a takmakandra di e kon now foe fa den wortoe disi ben feni den pasi na ini na kristen gemeente, joe sa gridi foe sabi spesroetoe.
2, 3. Soema ben de den sma di Mozes ben moe overtoigi, sodati den ben sa èrken en leki na sma di Jehovah ben poti foe doe dienst leki tiriman foe den Israëlsma?
2 A no de foe taki taki na bijbel historia e teki wi go moro fara leki na Griki poewemaman Homerus. Na ini na di foe tinasiksi jarhondro bifo wi Gewoon Teri, Mozes ben kisi foe Jehovah na komando foe drai go baka na Egypte èn foe tjari den Israëlsma komoto foe katibo na ini na kondre dati. Foe di a ben gwe foe en égi pipel foe sowan fotenti jari, na soema a ben moe gi den bewijsi dati Gado ben seni en? „Go”, Gado ben taki, „èn joe moe tjari den owroe man [Griki gerousia, „rai foe owroe man”; loekoe Septuaginta-vertaling] foe Israël komakandra . . . èn den sa arki séker na joe sten, èn joe moe go, joe nanga den owroe man foe Israël, na a kownoe foe Egypte.” — Ex. 3:16, 18,
3 A de krin dati foe sensi na ten foe den famiri-edeman, den owroeman ben kisi bigi grani foe na ondrofeni, sabi, koni nanga gesontoe kroetoe foe den ede. A ben de den wan disi di Mozes ben moe overtoigi sodati den ben sa teki en leki na tiriman foe den di Gado ben poti foe fri den.
Den marki gi owroeman na ini Israël
4. Sortoe rai Jethro ben gi na Mozes èn sortoe bakapisi a ben abi?
4 Di den Israëlsma ben de kaba na ini na bigi sabana, fri foe den Egyptesma di ben hori den na ini katibo, dan den frantwortoe foe Mozes leki kroetoeman na fesi foe na naatsi ben kon de toemsi foeroe. En oema papa, Jethro, di ben kon fisiti èn ben si a sani disi so krin dati a ben pristeri wan praktis rai, di a ben de krin, dati Jehovah ben feni en boen. A ben taki: „A fasi fa joe e doe no boen. Joe sa kon weri séker psa marki, joe nanga na pipel disi di de nanga joe, bikasi na afersi disi de wan toemsi bigi lai gi joe. Joe no sa man foe doe en joe wawan. Arki now na mi sten. Mi sa gi joe rai, èn Gado sa bewijsi foe de nanga joe. Joe moe teki a presi foe a pipel a fesi foe na troe Gado . . . ma joe moe teki foe na heri pipel kapabel man, di e frede Gado, di warti foe joe fertrow, di no wani si onregtvaardiki wini na ai . . . èn den moe tjari na lai nanga joe.” (Ex. 18:17-23) Na njoen seti disi foe kroetoe sani na ini Israël ben dini foe prati na lai abra tra kapabel man. Na gemeente foe Israël now ben abi wan orga-skin foe owroe man di ben de bekwaam foe handri kroetoe afersi nanga kesekese.
5. Mozes ben moe teki so maar son man di ben de drape foe joe teki?
5 Fa disi de kontrari na disiten grontapoe sistema pe son pikinso sma troetroe e warderi hé gronprakseri — pe tjoekoe nangi bedrigifasi e njan den tiriman foe kondre nanga den sma di den e tiri na abra den na ondro! Na ini a ten dati na ini na Israël foe owroeten den ben soekoe den man soifri di ben sa moe dini nanga Mozes na ini a taki foe reti gi na naatsi. Soleki Jethro ben taki: „Joe srefi moe soekoe na mindri na heri pipel man di de kapabel, di e frede Gado, eerlek èn man di no e bedrigi èn poti den abra na pipel.” (Ex. 18-21, The New English Bible). A no ben de soso teki man di ben de owroe na ini jari. Mozes ben moe „soekoe” kapabel, bekwaam man di no e bedrigi. Fa disi de wan wondroe markitiki gi den sma di moe sorgoe gi den afersi foe Jehovah pipel ini a ten disi!
Owroe man di kisi makti foe Jehovah
6, 7. San Jehovah ben doe di a ben go abra foe poti owroeman na ini Israël?
6 Den Israëlsma wan pisiten na baka ben knoroe foe den toestand na ini na gran sabana. Mozes, di ben firi dati na tiri foe na naatsi ben kon de now wan toemsi bigi lai gi en, ben tjari na problema dati kon na fesi Jehovah. San ben de na loesoe foe Gado? Wi e lési: „Jehovah ben taki tapoe disi gi Mozes: „Tjari sébitenti man kon makandra gi mi foe den owroe man [Griki: presbuteroon, Septuaginta-vertaling], foe Israël di joe sabi troetroe taki den de owroe man [presbuteroi] èn skowtoe foe na pipel, . . . èn mi sa teki afoe foe na jeje di de na tapoe joe èn poti en na tapoe en èn den sa jepi joe na ini na tjari fee na lai.” — Num. 11:16, 17.
7 Mozes ben doe leki fa den ben gi en komando èn wi e lési: „Ne Jehovah saka na ini wan wolkoe èn taki nanga en èn teki afoe foe na jeje di ben de na tapoe en èn poti dati na tapoe ibriwan foe den sébitenti owroeman [presbuterous]. Now a psa dati sodra na jeje ben kon rostoe na tapoe den, den ben go bigin doe leki proféti” (Num. 11:24, 25). Disi ben de wan krin bewijsi foe na theocratis aanstelling foe den „owroe man” disi. Jehovah ben orga en pipel foe di den ben komoto foe katibo, èn now a ben gebroiki ’kapabel man di warti foe froetrow den èn di e frede Gado,’ foe tjari makandra nanga Mozes na frantwortoe foe teki fesi èn foe tiri afersi.
8. Sortoe rol den owroe man ben e doe di den Israëlsma ben kon libi na a Pramisi Kondre?
8 Baka wan pisiten den wakawaka Israëlsma ben wini na pramisikondre èn den go libi baka na ini dorpoe nanga foto na ini faste oso soleki den ben gwenti na ini Egypte na a ten dati. Disi ben wani taki dati den owroe man ben de now frantwortoe foe den sma di ben e libi na ini den gemeenschap, Den ben doe wroko leki wan skin foe owroe man di ben libi na ini aparti presi pe den ben libi èn den ben dini leki kroetoeman èn skowtoe na ini a taki foe reti èn a hori foe vréde, na boen orde èn na jeje gesontoe. — Deut. 16:18-20; 25:7-9; Ruth. 4:1-12.
Weti wiwiri de nofo?
9, 10. Boiti na lepi na skinfasi, sortoe marki de moro ete gi wan „owroe man”? Gi bewijsi foe na bijbel.
9 Wi moe ferstan na ini san wi taki dja na fesi, dati ibri owroe man na ini Israël de automatis wan „owroe man” na ini wan positsi foe kroetoeman ofoe wan wroko foe tiri sani? Wan bepaalde libimarki ben sa kenki wan Israëlsma na a fasi dati a tron wan „owroeman”? Nono, sowan froestan foe sani no ben sa de redelek. Elihu ben tjari na afersi kon krin na ondro wortoe di a ben taki: „A no soso den di abi foeroe dé di de koni, a no den wawan di owroe, di e froestan reti.” Èn na koni tjarikonmakandraman ben skrifi: „Weti wiwiri de wan kroon foe moi fasi te a de foe feni na tapoe na pasi foe regtvaardikifasi” (Job 32:6, 9; Odo 16:31; Prék. 12:9, 10). Den Hebrew boekoe e sori krin dati gi wan bekwaam „owroe man” jari nanga ondrofeni ben moe go makandra nanga koni èn wan regtvaardiki libifasi.
10 Ma jari nanga ondrofeni de foe bigi waarde toe. Foe den feni wan sma boen foe kisi den grani foe dini dan den owroe man moe teki na tiri foe na jeje foe Gado èn kisi froestan foe en Wortoe. A no de nofo foe man foe kari tekst. Ma foe sabi fa foe gebroiki den tekst na wan koni fasi de na prenspari sani gi wan „owroe man”. — Odo 4:7-9; Tit. 1:9.
Owroeman na ini na kristelek gemeente
11, 12. (a) Di Jezus ben de na grontapoe, owroe man ben de ete ini den djoe dorpoe èn foto? (b) Na ondro sortoe regeling owroe man ben poti na ini na kristeleke gemeente?
11 A ben kon na krin foe san wi ben loekoe, dati foe sensi owroe ten bekwaam „owroeman” ben gebroiki foe teki fesi na ini den afersi foe Jehovah pipel. Ma na ten di Jezus Kristus ben de na grontapoe, dan den djoe ben poti na ini Jeruzalem wan centraal skin foe priester nanga owroe man di den ben kari na Sanhedrin. A ben dini leki wan hé kroetoe foe den djoe. (Matt. 26:57-68) Ma ete bewijsi e sori taki groepoe foe owroe man ben e sorgoe ete gi den afersi foe a presi pe den ben de èn no soso den sorgoe wawan gi nationaal afersi. — Luk. 7:3-5.
12 Nanga na historia background disi na ini prakseri, dan wi kan si makriki fa den fosten kristen gemeente ben tan gebroiki wan theocratis regeling di ben akroederi nanga di san Jehovah ben feni boen na ini Mozes ten. Na ondro na tiri foe santa jeje dan den sma di ben poti na ini na kristen gemeente „owroe man”, ben de ’kapabel man, eerlek, sondro bidrigi fasi èn di e frede Gado’.
13. Foe san-ede actief bekwaam man ini na kristen gemeente ben de fanowdoe?
13 Foe sensi Pinksteren na ini na jari 33 G.T. na gemeente foe bribiwan ben gro esesi (Tori. 2:41; 4:4). Den no ben prati na ini aparti bijbelstudiegroepoe pe soso aparti sma ben kan go neleki den ben de wan sekte, soleki di foe den Essenen. A kristendom no ben de wan privé afersi. A ben de wan sani di na publiki ben moesoe taki dati de na ini èn ben moesoe meki bekenti na den naatsi (Matt. 5:14-16; 28:19, 20). Foe na réde disi meki faja nanga bekwaam man de fanowdoe foe teki fesi na ini na kristen organisaatsi. A ben de wan logis sani dati den ben sa de den „owroe man”.
Den marki di de gi „owroe man”
14. Na tapoe sortoe marki gi owroe man Petrus ben poti krakti?
14 Séker na a ten foe na di foe sébi decennium foe na gewoon teri, dan jeje marki ben poti kaba gi den owroe man di ben teki fesi na ini na kristen gemeente. Na ini den boekoe foe na apostel Petrus nanga Paulus wi e feni foeroe tori di abi foe doe nanga dati. Petrus ben skrifi foe eksempre: „
„Foe dat’ede mi e gi den owroe man na fermane. . . :Tjari na ipi foe Gado di de na a sorgoe foe oenoe go na sabana, no ondro a dwengi, ma foe di joe wani; no foe lobi gi wini na wan oneerlek fasi, ma di joe de klarklari; no leki sma di e basi abra den di de a goedoe foe Gado, ma leki eksempre foe na ipi” (1 Petrus 5:1-3).
Di Petrus ben poti krakti a tapoe dati den „owroe man” ben moe doe dienst no „foe lobi gi oneerlek wini, ma foe di den de klarklari, dan a wan logisfasi a ben taki so wan tron baka na rai di ben gi na Mozes foe teki ’kapabel man di e frede Gado, di warti froetrow, di no wani si onregtvaardiki wini na ai’. — Ex. 18:21.
15. Paulus ben ferteri foe sortoe marki foe wan „owroe man”?
15 Paulus ben skrifi en fertrow kompe wrokoman Titus di ben e doe wroko na a eilanti Kréta na ini na Middellandse se wan brifi di a ben gi en komando foe poti na ini den gemeente sanireti di mankeri wan sani” èn foe poti „na ini foto baka foto owroe man [presbuterous]”. A wan moi sani foe si dati na Griki wortoe di vertaal nanga „owroe man” abi foe doe nanga „lepi man di boen foe tiri en osofamiri ofoe pipel foe di a abi ondrofeni nanga koni” (Episcopos y Presbyteros, foe na anoe foe professor Manuel Guerra y Gomez). Na ferstan foe den sani disi e kon boen na fesi ini den marki di Paulus e tjari kon na fesi ini en brifi gi Titus gi den kristen di den ben feni boen foe doe wroko leki opziener. A ben skrifi:
„Efoe van man de di de fri foe fowtoe, na man foe wán wefi di abi bribi pikin, di den no e gi nen foe loesoe fasi foe libi noso trangajesi. Wan opziener [Grlk: episkopon] moe de leki wan beheerder foe Gado fri foe fowtoe, no nanga tranga-ede, no e lobi foe kisi ati-bron no wan droengoe trobiman, no wan sma di e naki, di lobi oneerlek wini, ma di lobi foe teki sma na oso, Wan sma di lobi boen sani, gesontoe foe ferstan, regtvaardiki, loyaal, di e dwengi ensrefi, di e hori stéfi na a getrow Wortoe na ini a tori foe na koni foe leri sma, sodati a sa man foe fermane nanga na gesontoe leri èn piri ai gi sma di e taki tegen” (Tit. 1:5-9).
Wan loekoe soifri foe den marki disi jepi wi foe froestan taki wan owroe man ini na kristen gemeente moe hori ensrefi na den hé markitiki tapoe na kontren foe libifasi èn jejefasi.
16. Fa wi sabi dati owroe man na ini na fosi jarhondro foe wi G.T. ooktoe ben de opziener?
16 A de ooktoe wan moi sani foe si fa Paulus e gebroiki den Griki wortoe presbuteros èn episkopos „owroe man” èn „opziener”. Wi kan leri foe disi dati den bekwaam owroe man e doe den wroko foe opziener na ini den gemeente. Tra tekst e sori dati wan nomroe foe den sortoe owroe man — opziener ben de na ini na gemeente. — Tori. 14:23; 20:28; Fil. 1:1.
17. (a) Foe sortoe marki foe wan opziener Paulus e taki na ini en brifi gi Timotéus? (b) Foe san-ede wan opziener moe de ooktoe wan faja prékiman na ini na prékiwroko?
17 Ooktoe na ini en brifi gi Timotéus Paulus e tjari kon na krin den marki gi wan opziener, ma na ini tra wortoe, pe kande a e poti prakseri na tapoe difrent omstandigheden (1 Tim. 3:1-7). Foe di den fosten kristen gemeente ben de troetroe wan evangeliserende organisaatsi, dan den ben taki en leki wan sani foe ensrefi dati den owroe man disi ben de ooktoe nanga faja na ini na meki bekenti foe na boen njoensoe. Presi no ben de foe mi-no-ke-fasi. — Luk. 24:46-48; 1 Kor. 9:16; teki gersi Mattéus 25:24-27.
A fadon komoto foe bribi ben meki roetoe na ini a gemeente
18. Sortoe kakti na fadon komoto foe bribi ben abi na tapoe den opziener?
18 Di na gemeente ben go na ini na di foe toe èn na ini na di foe dri jarhondro dan den sani ben bigin foe kenkl. Na fadon komoto a bribi di ben taki na fesi ben bigin meki roetoe (Tori. 20:29, 30; 2 Petr. 2:1). Na ini na mindri foe no wan sma moro leki den owroe man na ini den gemeente, man di lobi grani ben opo tanapoe. Pori prakseri den ben bigin foe si a wroko foe den leki wan positsi foe makti nanga nen. Bepaalde opziener fee gemeente ben tron srefi „bisschop” di ben tiri abra diocees ofoe groepoe foe kerki. Baka wan pisiten den bisschop disi ben poti na ini a wroko fne den tapoe na fundamenti foe wan verkiezing foe na sé foe den kerkisma, di sontron ben de tiriman di ben abi foeroe makti. Wan katholiek historia skrifiman ben skrifi foe dat-ede toe: „Disi ben tjari wan toe bigi kefar kon, spesroetoe foe sensi a momenti dati na bigi nen foe na episcopaat ben kon moro bigi èn den positsi disi ben kon makandra nanga wan bigi paiman èn goedoe . . . sodati politieksma ben poti abra den moro makti diocees [bisdom].”
19. San ben de na bakapisi te foe kaba foe na fadon komoto foe bribi?
19 Ija, ibri bisschop ben bigin leki wan makti kownoe foe tiri. Disi foe en sé ben tjari pratifasi nanga schisma na ini na kristenheid di langa ten kaba ben stop foe de na troe kristendom. Na theocratis regeling foe kapabel owroe man-opziener di ben de eerlek, èn di abi jejefasi ben brokosaka go te na wan hiërarchie foe kerkifesiman. A ben de so dati a friwani dienst gi na gemeente ben kenki kon tron wan wroko pe sma e kisi pai èn pe jari foe hé leri na ini theologie filosofie èn kerki reti ben de fanowdoe.
20. Sortoe aksi moesoe piki now?
20 Disi ben wani taki dati na troe kristendom nanga en fosfosi theocratis seti gi ibri gemeente noiti ben sa kon boen moro? Ofoe dati na gesontoe eenvoud foe dienst di den „owroe man” ofoe „opziener” ben e doe, ben lasi gwe foe alaten? Èn fa a de nanga na profétitori foe Jesaja pe e sori dati na tirimakti foe na theoratis organisaatsi ben sa ondrofeni wan moro betre fasi? Na ini disi tanapoe: „Na ini na presi foe na kopro mi sa tjari gowtoe kon èn na ini na presi foe na isri mi sa tjari solfroe kon, èn na ini a presi foe oedoe, kopro èn na ini a presi foe ston, isri, èn mi wani poti vréde leki oen opziener èn regtvaardikifasi leki den sma di e gi oen wroko” (Jes. 60:17). Den prenspari aksi disi ben sa piki na ini na tra artikel.
Joe kan piki den aksi disi?
□ Sortoe man den ben teki na ini na Israël foe owroeten foe tjari makandra nanga Mozes den frantwortoe foe owroe man?
□ Na ini sortoe hoedanigheid den „owroe man” ben doe dienst di den Israëlsma ben go libi na ini na Pramisi Kondre?
□ San ben de den égifasi di ben kon moro na fesi èn di den ben e froewakti foe kristen owroe man ofoe opziener?
□ Sortoe krakti na fadon komoto foe bribi di ben taki a fesi ben abi na tapoe a owroe man regeling?
[Prenki na tapoe bladzijde 4]
Den owroeman foe Israël ben doe dienst leki kroetoeman na den fotodoro