Prati a Wortoe foe Gado ini wan grontapoe di foeroe nanga frede
1. Sortoe frede na ini na heri grontapoe na moro bigi proféti na ini na libisma historia ben taki na fesi?
A MORO BIGI proféti na ini na heri libisma historia, Jezus Kristus, ben taki na fesi nanga na pisiten na ini prakseri, di na Fosi Grontapoefeti ben bigin na ini 1914 èn pe na heri grontapoe ben kenki krinkrin, taki alape na grontapoe na heri situwasi di e kon now ben sa de: „Den sma [sa] kon weri foe frede èn ferwakti foe sani di sa kon abra na grontapoe bikasi den krakti foe hemel sa seki.” — Lukas 21:26, 27.
2. Soema frede no e teki abra, èn foe san-ede?
2 Ma o vreemd disi kan de toe, tog sma de di no e frede èn di no e meki wan firi foe mi de sondro jepi teki den abra. Den disi na den Kotoigi foe Jehovah di now e wroko na ini difrenti kondre, Den e doe a sani di Jezus ben gi en bakaman tranga foe doe: „Te now ala den sani disi e bigin foe psa, opo tanapoe dan let’opoe, èn opo joe ede kon na tapoe bikasi joe ferloesoe de krosbé.” — Lukas 21:28.
3. Foe san-ede na Messiaans kownoekondre no ben opo na ini Jeruzalem (Israël), èn foe san-ede na Folkoe bontoe nanga na Organisaatsi di waka na en baka no ben kan meki taki na atoomten ben bigin?
3 A de moro krin leki oiti taki „den faste ten foe den naatsi”, „den ten foe den heiden”, kon na wan kaba na ini na tweede pisi foe 1914 èn taki na pramisi kownoekonore foe Jehovah Gado na ini anoe foe Jezus Kristus ben opo na ini hemel foe tiri na mindri foe den féjanti di de kontrari en (Lukas 21:24, NW, Statenvertaling). Soboen te na a dé foe tide na Messiaans kownoekondre no opo na ini na grontapoe Jeruzalem. A de wan logis sani sosrefi toe taki na Folkoe bontoe no sori taki a de „na politiek nen foe a kownoekondre foe Gado na grontapoe.” Na organisaatsi di waka na baka a Folkoe Bontoe namkoe den Verenigde Naatsi no ben man foe meki den begi foe den kristenheid kon troe. Baka moro leki 35 jari di a wroko, a no ben man tapoe taki a atoomten bigin.
4. Foe sortoe sani na Folkoebontoe te joe loekoe en fini ben de wan ferbontoe?
4 Foe sensi na momenti den ben taki foe opo wan folkoebontoe, Jehovah Kotoigi sondro frede ben ferteri taki sowan sortoe falsi sani foe na troetroe sani — Jehovah kownoe tiri na ini anoe foe Jezus Kristus — ben sa misi en marki. Den ben meki na profétitori na ini Jesaja 8:12 tjari den na ini disi: „Oenoe no sa kari ala sani ferbontoe di a pipel disi e kari ferbontoe; èn no frede soleki fa den e doe, èn no skreki” (Luther-vertaling). Na plan di libisma meki de foetroe wan „ferbontoe”, ija, wan ferbontoe kontrari den hé belang foe Gado kownoekondre na ini anoe foe Kristus (NW, Nieuwe Vertaling foe na Nederlands Bijbelgenootschap). Fa oiti a ben sa kan abi na blesi nanga jepi foe na kownoe foe den kownoe, Jehovah Gado?
5. (a) Fa na „boekoelolo” ben tesi gi Ezechiël di a ben njan disi, èn disi awansi fa na boskopoe di a lolo dati ben abi ben de? (b) Sortoe ondrofeni a de te a Wortoe foe Gado poti na ini wi a mofo, sodati den kan doe dienst leki En kotoigi?
5 Na kownoekondre boskopoe di Jehovah Kotoigi e préki te now ete, joe kan kari troetroe wan tjalansi na ini wan grontapoe di prakseri so tra fasi. Den ben ondrofeni sowan sortoe sani leki na proféti Ezechiël, di a ben de wan straf’man na ini a kondre Babylon, wan toe jari bifo Jeruzalem ben kisi pori ini 607 bifo G.T. foe na anoe foe den Babylonsma. Neleki bakaten a ben de nanga na apostel Johannes na tapoe na eilanti Patmos na so Ezechiël ben kisi wan „boekoelolo”. Na proféti e ferteri wi: „Den ben skrifi a tapoe en na fesi èn na baka; èn kragisingi nanga soktoe nanga kré ben skrifi a tapoe” (Ezechiël 2:9, 10). Bakadi a ben gi jesi na a komando foe Gado foe njan a „boekoelolo disi”, Ezechiël ben tjari kon na fesi: „A ben tron na ini mi mofo leki oni so switi” (Ezechiël 3:1-3). Te na ini a ten disi a Wortoe foe Gado e poti go na ini a mofo foe doe dienst leki en boskopoeman, dan disi de so wan switi grani, awinsi ala san a Wortoe dati abi na ini en, awinsi a abi kragi singi, soktoe nanga kré na ini. (Teki gersi Psalm 19:7-10.) Now di Jehovah Kotoigi sensi na jari 1919 baka na feti ben njan na Wortoe foe Gado di ben tjari kon na krin, dan na warderi foe den gi disi ben gro kon moro tranga. A Wortoe foe Gado ben gi den moro tranga neleki letterlek oni ben gi Jonathan tranga. — 1 Samuël 1:26, 27.
6. Foe san-ede meki Jehovah Kotoigi abi dek’ati fanowdoe now di a dé foe na refensi foe Gado e kon krosbé, ma foe sortoe sani den kan de séker?
6 Now, „na dé foe refensi foe na sé foe wi Gado” e kon es’esi moro krosbé. Jehovah Kotoigi abi dek’ati fanowdoe foe sori a tapoe taki na heri libisma maatschappij na ini na krosbé ten di e kon „kragisingi nanga soktoe nanga kré” e wakti den (Jesaja 61:1, 2). Libisma di e soekoe ferlekti na ini a grontapoe disi di de ini kefar no abi a firi foe arki na den sortoe bodoi disi foe na mofo foe Jehovah Kotoigi, ma foe di Gado e seni en Kotoigi go foe panja en Wortoe meki den kan de séker foe en taki a sa jepi den te na a dé foe en refensi.
7. Fa Jehovah ben sa sorgoe taki Ezechiël ben sreka boen gi na wroko foe en?
7 A no de wan switi sani te wan sma e wégri foe arki, ma meki wi poti wi prakseri tapoe san Gado ben taki gi Ezechiël: „Foe taki foe na oso foe Israël, den no sa wani arki na joe, bikasi den no wani arki na mi, bikasi alamala foe na oso foe Israël ede tranga èn ati tranga. Loekoe! Mi meki a fesi foe joe precies so tranga leki a fesi foe den èn joe fesi-ede netso tranga leki a di foe den. Leki wan djamanti, moro tranga leki fajaston, mi e meki joe fesi-ede, joe no moe frede foe den èn joe no meki frede giden èn joe no moe meki skreki teki joe abar a fesi foe den, bikasi den de wan oproeroe oso . . . Èn go, go na mindri den katiboman, na mindri den manpikin foe joe pipel, èn joe moe taki gi den èn ferteri den: ’Disi na Masra Jehovah ben taki’, awinsi den jere ofoe libi en na wan sé.” — Ezechiël 3:7-11.
8. Fa na Ezechiëlklasse ben waka go miti na skreki situwasi baka na Fosi Grontapoefeti, èn san ben sa psa efoe den ben arki na den kerki fesiman?
8 Wan srefi skreki situwasi e wakti na fikapisi foe den kristen di Gado ben meki tron jeje manpikin nanga jepi foe en jeje èn di ben kisi salfoe nanga en jeje foe de den kotoigi di a ben poti. Den e tron na di foe twenti jarhondro Ezechiël-klasse èn neleki Ezechiël foe dat’ede den no e drai baka gi na tranga fesi foe den kerkifesiman foe na kristenheid di de ini k’falek krosi di e meki indruk na tapoe sma, di kande e taki taki den de jeje Israëlsma. Efoe den sortoe kerki tiriman disi ben meki a fesi foe den kon safoe èn ben gi wan jere jesi na a kownoekondre boskopoe, soleki na salfoe fikapisi ben préki dati sensi 1919, dan na kristenheid no ben sa trowe ensrefi go na ini na di foe toe Grontapoefeti, wan feti di ben kon moro bigi èn di ben doe moro ogri na a heri grontapoe leki na Fosi Grontapoefeti.
9. Fa a doe kon taki den memre foe na fikapisi nanga den mati foe den di gi densrefi abra de srekasreka ini a wroko foe den?
9 Srefi na k’far foe wan kernfeti di e kon moro bigi — awinsi na Organisaatsi foe den Verenigde Naatsi de — no ben kenki a fesi foe den kerki tiriman na ini a fasi fa den tanapoe nanga den kownoekondre prékiman. Nanga na kerki gens di e kon moro tranga na ini prakseri, meki den memre foe a salfoe fikapisi di e doe wroko leki kownoekondre ambassadeur, nanga den dopoe kompe foe den di gi densrefi abra èn di komoto foe ala naatsi den moe meki den égi fesi foe dat’ede so tranga leki djamanti. Den e tan taki a Wortoe foe Gado stanfastig èn sondro frede.
10. Foe san-ede meki den kerkifesiman nanga den kerkisma foe den ben moe arki na Jehovah Kotoigi, èn san den sortoe kerkiman disi sa moe erken ete?
10 Spesroetoe den kerkifesiman foe na kristenheid nanga den memre foe den gemeente foe den ben moe ferstan a boskopoe nanga na rai foe Jehovah Kotoigi. Den kotoigi e feni den sani di den abi foe taki precies foe na srefi bijbel di den kerkiman foe na sokari kristen grontapoe e taki den teki èn di den bijbelgenootschap foe den e panja na ini foeroe tongo a wan bigi fasi. Na situwasi e kroederi soifri nanga san Jehovah Gado ben taki gi Ezechiël leki fa na Njoen Grontapoevertaling e taki en: „Èn den manpikin di de sondro sjen na fesi èn di ati tranga — mi e seni joe go na den èn joe moe taigi den taki: ’Na disi na Masra Jehovah ben taki.’ Èn foe taki foe den, efoe den sa jere ofoe sa libi en na wan sé, bikasi den de wan oproeroe oso — séker den sa sabi toe taki wan proféti ben de a den mindri.” — Ezechiël 2:4, 5.
11. Sortoe fasi na kristenheid ben sori gi na fikapisi foe Jehovah Kotoigi, èn fa Jehovah ben meki na fikapisi doe na gebod disi di ben de wan tjalansi?
11 Den sma di e taki taki den de wan pisi foe na jeje Israël den memre foe na kristenheid, ben tjari densrefi na wan fasi sondro sjen èn ben sori taki den ati ben tranga na a fasi fa den ben de nanga na salfoe fikapisi, di ben kisi foe na Soeverein Masra Jehovah na gebod foe préki en laatste boskopoe na ini a ten foe a „Bosroiti foe a seti foe sani disi” (Mattéus 24:3, 14). Na Almakti Gado ben sabi dati En ben kan gi na disiten model foe Ezechiël a sondro frede fasi di ben sa meki na salfoe fikapisi disi teki èn doe na gebod disi di de wan tjalansi.
12. Foe sortoe falsi pori nen Jehovah e meki ensrefi kon fri na a fasi disi, èn sortoe sani di ben psa nanga dati sa meki en nen kon soifri foe ibri flaka?
12 Na Gado di de sondro fowtoe ben poti na prakseri foe poeroe ala takroe nen na en tapoe taki a ben de nalatig èn a ben sa misi foe warskow nofo foe den sma di de ini k’far. Na situwasi e kon moro na wan hémarki èn djonsro na joeroe foe na waarheid sa doro gi wi. Dan den mi-no-ke-sma den sa dwengi foe erken taki wan proféti foe Jehovah ben de a den mindri. Disi sa psa te Babylon a Bigiwan, na grontapoe makti foe falsi anbegi, sa pori foe tégo nanga anoe foe den politiek makti di a ben gwenti foe doe hoeroedoe na wan sjenfasi. Na boen nen foe na Gado foe na soifri anbegi sa kon krin nanga dati foe ibri flaka.
13. Sortoe pramisi di Jehovah ben gi na salfoe fikapisi, a ben doe, èn fa na fikapisi ben de nanga dati wan toemsi moi eksempre gi den „tra skapoe”?
13 Taki na salfoe fikapisi ben kan taki te nanga na dé foe tide na sowan fasi sondro frede, de foe taki tangi taki Jehovah ben hori ensrefi na en pramisi: „Loekoe! Mi ben meki joe fesi net so tranga leki a fesi foe den èn joe fesi-ede net so tranga leki a fesi-ede foe den. Leki wan djamanti, moro tranga leki fajaston, mi e meki joe fesi-ede. Joe no moe frede foe den èn joe no moe meki skreki teki joe abra na den fesi, bikasi den de wan oproeroe oso” (Ezechiël 3:8, 9). Na fikapisi di ben kisi tranga na sowan fasi ben dini leki wan dek’ati eksempre gi na „bigi ipi” „tra skapoe” di e kon moro foeroe, di Jezus Kristus ben tjari kon makandra leki na Toemsi Boen Herder akroederi en pramisi na a sé foe en salfoe fikapisi (Johannes 10:16; Openbaring 7:9-17). Leki Jehovah Kotoigi den „tra skapoe” disi ben kon de nanga dek’ati neleki wan lew.
14, 15. (a) Foe san-ede meki foeroe Kotoigi foe Jehovah inisé èn dorosé foe na kristenheid de na ini straf’oso? (b) Fa so wan sortoe strafoe e wroko tra fasi leki fa sma ben sa ferwakti na tapoe kotoigi di de fri?
14 Jehovah Kotolgi no e waka baka Babylon na Bigiwan. Foe dat’ede a mindri den, inisé èn dorosé den kondre foe na kristenheid, joe abi brada nanga sisa na ini na kristen bribi di abi wan hebi ten na ini straf’oso foe di den hori strikt na den neutraliteit. Disi no ben frede den kotoigi di de fri ete èn di no de na ini straf’oso, sodati den e ondrofeni now a srefi leki den kristen brada foe na apostel Paulus a ini Rome. Di wan kroetoebangi ben aksi Paulus sani, dan foe kisi reti a ben aksi a jepi foe na caesar foe Rome, èn na kroetoeman ben teki a bosroiti: „Joe ben aksi a jepi foe caesar, na caesar joe sa go” (Tori foe den apostel 25:10-12). Foe dat’ede na ini boei Paulus ben tjari go na Rome èn poti drape na ini straf’oso, ala di a ben wakti a kroetoe foe en. Na ondro den omstandigheden dati a ben skrifi en lobi kompe kristen na ini na foto Filippi (Grikikondre):
15 „Èn moro foeroe foe den brada na ini Masra e sori, foe di den ben kisi fertrow foe mi straf’osoboei ede moro dek’ati foe taki a Wortoe foe Gado sondro frede.” — Filippisma 1:14.
16. Sortoe fasi den fri kotoigi foe Jehovah ben sori wantewante baka na Fosi Grontapoefeti — ala di straf’oso ben de gi den kristen brada, èn foe san-ede na srefi fasi disi de now fanowdoe?
16 Na a kaba foe na Fosi Grontapoefeti na ini 1918 so wan sani ben psa di den tiriman nanga memre foe na edekantoro foe na Watch Tower Bible and Tract Society ben kon na ini straf’oso nanga na falsi nen di den ben kisi. Foe di a ben de vréde now meki den brada na dorosé wantewante ben doe sani foe meki den kon fri. Na ini 1919 den ben kon fri foe na straf’oso èn na afersi foe den kroetoe ben taki den no ben feni fowtoe na ini. Na so fasi ala falsi pori nen ben poeroe na den tapoe. Na préki foe na boen njoensoe foe na kownoekondre foe Gado ini anoe Jezus Kristus di ben opo ben teki foe doe nanga moro dek’ati leki oiti a fesi, sondro dati Kotoigi ben broko den ede nanga Babylon na Bigiwan nanga en fréri. Foe di now moro foeroe kotoigi foe Jehovah sidon na doengr’oso leki a ten dati na ini a ten foe na Fosi Grontapoefeti, meki a de wan sani gi den brada foe den di de fri foe „taki na Wortoe foe Gado sondro frede”.
Den sma di e meki na kristenheid kisi sjen foe di den e arki
17. (a) San Jehovah ben taigi Ezechiël foe den sma di ben abi na firi foe den sa arki moro? (b) Tapoe soema na fikapisi ben poti den moeiti foe den fosi, bifosi na a reti ten den poti prakseri na den sma di moro foeroe ben sa wani arki, èn fa?
17 Wan moi aksi ben de: soema ben sa de den sma di ben sa arki kande? Jehovah ben taki foe disi gi Ezechiël: „Bika mi no e seni joe go na wan pipel di no e ferstan wan tongo ofoe di tongo hebi foe taki . . . di den wortoe foe den joe no kan ferstan. Efoe na den dari mi ben seni joe go, den joisti ben sa arki na joe” (Ezechiël 3:5, 6). Na proféti ben de ferprekti foe tan taki na Wortoe foe Gado gi en égi pipel, den tin lo foe Israël di ben de na ini srafoe na ini na kondre Babylon, na a srefi fasi den salfoe fikapisi foe na jeje Israël te nanga afoe pasi foe na di foe fo decennium foe wi jarhondro di e meki twenti ben poti alaten moeiti foe tjari kon makandra foe den laatste memre foe na jeje Israël na ini na „koi” foe na „bigi ipi”, di Jehovah ben feni boen foe gi den na kownoekondre, sodati den ben sa tiri nanga en Manpikin leki wan blesi gi na libismafamiri di ben bai kon fri (Lukas 12:32). Baka dati na a joisti ten prakseri ben poti na den wortoe foe en Manpikin na ini Johannes 10:16 èn na verband pe den wortoe disi tanapoe na ini Openbaring 7:9-17.
18, 19. Foe san-ede na ini 1935 wan fasi foe de sondro frede ben de fanowdoe foe si na „bigi ipi” a srefi fasi leki den „tra skapoe” di ben sa tron „wan ipi” nanga na salfoe fikapisi?
18 Na ini Johannes 10:16 Jezus, na Manpikin foe Gado, ben taki: „Mi abi tra skapoe ete di no de foe disi koi; den dati mi toe moe tjari èn den sa arki na mi sten, èn den sa tron wan ipi wan herder.”
19 Den sma di na a ten dati ben sa kon na fesi leki „tra skapoe” ben moe de sondro frede efoe den ben moe wani arki na a sten foe na „wan Herder”. Den nationalist krakti na ondro Adolf Hitler, nanga na jepi foe den kerkifesiman foe na Lomsoekerki pe na naatsi fesiman Hitler ben de wan memre foe en ben ferfolgoe Jehovah Kotoigi srefsrefi. Nanga disi a ini prakseri, dan wan bigi bribi nanga wan bigi overtoigi nanga wan fasi foe no frede ben de fanowdoe foe na sé foe na president foe na Wachttoren Genootschap foe tjari kon na krin na ini 1935 taki na „bigi ipi” di Openbaring 7:9-17 e kari ben sa de den „tra skapoe” di ben o kon èn taki den ben sa tron „wan ipi” nanga na salfoe fikapisi di ben kisi ferfolgoe èn di de na ini a „koi” disi. Tokoe a ben moesoe „taki a wortoe foe Gado sondro frede” èn dati a ben doe toe.
20. Fa den sma di ben tron „tra skapoe” ben teki disi èn o bigi na „ipi” dati de now kaba?
20 Foe sensi na fosi bigin foeroe hondrohondro sma ben teki na wan boenfasi a sani disi foe di nanga jepi foe Jehovah ’wan herder’ den ben gi densrefi abra na Jehovah Gado, sondro foe poti wan kondisi èn den ben agersi a gi di den gi densrefi abra na ini publiki foedi den ben meki den dopoe den. Èn ala di wan stop ben kon foe wan pisiten na ini na di foe Toe Grontapoefeti dan den „tra skapoe” dati ben gro now kon tron wan ipi foe toe nanga afoe miljoen ofoe moro sma na ini 205 kondre. Foeroe foe den kondre disi didon dorosé foe na kontren di den e kari na kristenheid, soleki Japan pe na ini na jari di psa gemiddeld moro leki 70.000 prékiman foe na kownoekondre ben gi densrefi abra, Korea nanga moro leki 30.000 prékiman èn Nigeria nanga moro leki 100.000 prékiman.
21. A teki boen foe sortoe kari foe na ’wan herder’ e meki na kristenheid e kisi sjen?
21 A de troe taki na kristenheid, di fesi tranga èn di ati tranga, e kisi sjen nanga sowan sortoe fasi pe na kari foe na ’wan herder’ e teki na wan boen fasi na ini den kondre dati pe na taki nanga mofo — spesroetoe kerki tongo foe den kerki sistema drape — kande de moeilek ofoe srefi no de foe ferstan gi den sma di de na ini na kristenheid. Den sma di e tron Kristus „tra skapoe”, e sori wan dek’ati di de foe prijse, foe di den no e broko den ede foe san a grontapoe ben sa kan denki foe den, èn den lon go na a ’wan herder’ leki na Tiriman nanga Loesoeman di Gado ben gi den. Neleki na Herder foe den den e taki na Wortoe foe Gado sondro frede.
22. Nanga sortoe jejefasi Jehovah Kotoigi — te den teki na grontapoe situwasi na prakseri — moe meki a Wortoe foe Gado bekenti?
22 Na fasi toe frede foe na grontapoe e kon moro ogri. Na ondro na krakti foe den ogri-jeje den naatsi e waka go na na strégron foe Armageddon, na laatste feti. Jehovah Kotoigi sa de boen na dorosé foe a fetigron disi èn e loekoe foe te na Gado foe den sa wini. Baka te den psa a feti foe ala feti den sa sroiti densrefi na a hemel ipi di e prisiri foe di den sa ferteri foe na prijse foe na Gado Jehovah di no wan sma kan wini nanga en makti Komanderiman Jezus Kristus (Openbaring 16:13-16). A de now a ten foe hari ensrefi poeroe! Soboen, go na fesi, oen ipi di bondroe kon na wan foe Jehovah Kotoigi, ’taki a Wortoe foe Gado sondro frede’ te leki na grontapoe kon foeroe nanga na sabi foe na glori foe Jehovah soleki den watra e tapoe na se. — Jesaja 11:9; Ezechiël 47:1-5.
Joe ben ferstan den sani di e kon now?
◻ San Ezechiël ben ondrofeni na ini Babylon, èn san de na disiten model?
◻ Foe san-ede meki den dienstknegti foe Gado, te joe e loekoe a fasi foe den kerkifesiman moe de sondro frede te den e panja a Wortoe foe Gado?
◻ Fa Jehovah dienstknegti di ben gi densrefi abra e meki a boskopoe foe den bekenti na wan „pipel di no e ferstan tongo ofoe di de hebi foe tongo”?
◻ Sortoe fasi joe moe abi now èn na ini a ten di e kon?
[Prenki na tapoe bladzijde 7]
Jehovah Kotoigi de sondro frede na fesi foe kerki fesiman di no lobi den èn di e gens den tranga