Gado Wortoe abi libi
Fa wi kan ferstan a bijbel
JOE E lési a bijbel, ma e feni en wan moeilek sani foe ferstan? Foeroe sma e feni dati. Joe sabi foe san-ede? Wan sani di ben psa na ini na fosi jarhondro krosbé foe na disiten Gaza strook a ini Israël e meki wi si san de fanowdoe foe ferstan na bijbel.
Wan man di ben abi na frantwortoe foe den moni afersi foe na koningin foe Ethiopië ben leri foe a Gado foe den doe, Jehovah. Na so a ben reis langalanga go na Jeruzalem foe anbegi en. Joe kan si na Ethiopia ambtenaar di e drai go na en Afrikan kondre via na sabanapasi di e go na Gaza. Na boekoelolo di a hori de di foe Jesaja, èn a e lési tranga foe en te a e réis go moro fara.
A man disi na a kristen discipel Filipus di e lon a sé a wagi. A jeje foe Jehovah ben sori en taki: „Go krosbé bn go na a wagi disi.” Di Filipus kisi a wagi, a e jere na Ethiopiaman e lési foe san de bekenti now na ini bijbel leki Jesaja kapitel 53 vers 7, na foe taki: „Leki wan skapoe den ben tjari en go foe den srakti en èn leki wan pikin skapoe di no e opo en mofo na fesi den sma di e koti en wiwiri, na so a no e opo en mofo.” Now Filipus e aksi: „Joe sabi troetroe san joe e lési?”
Na Ethiopiaman de wan man nanga sakafasi, di wani foe leri moro foe na troe Gado nanga en prakseri. Na so a erken: „Foe troe, fa mi ben sa man foe sabi, efoe wan sma no ben sori mi?” Nanga den wortoe disi a dwengi Filipus foe kon na ini na wagi èn a aksi: „Mi e begi joe, foe soema na proféti e taki disi? Foe ensrefi noso foe wan tra sma?”
Filipus e leg uit dati den wortoe disi na ini Jesaja de wan profétitori di e go foe Jezus foe Nazareth. A no langa psa kaba den ben kiri Jezus leki wan lam di de leki wan ofrandi, Filipus e tjari kon na krin, ma a ben opo baka foe dede. En de na jepiman di Gado ben pramisi! Dan Filipus e gebroiki ooktoe tra tekst foe bewijsi na wan fasi foe overtoigi en dati Jezus de na pramisi jepiman. Now a de so dati den sani di a ben lési ben wani taki wan sani gi en. Foe dat’ede di den e reis go moro fara, a e taki: „Loekoe watra drape! San e tapoe mi foe teki dopoe?” Tapoe disi Filipus ben dopoe na njoen discipel disi foe Jezus. — Tori foe den Apostel 8:26-39.
A tori disi foe bijbel e sori fa joe ooktoe kan kisi jepi foe ferstan na bijbel. Filipus ben de ini krosbé kontakti nanga den apostel na ini Jeruzalem èn a ben de wan sma foe Jehovah organisaatsi di ai kan si. A no ben de soso wan lésiman di ben de foe ensrefi, di ben gi en prakseri tapoe den tekst, èn na sofasi a ben kan jepi na Ethiopiaman foe njan boen foe den leri di Jehovah Gado ben meki foe de nanga jepi foe en organisaatsi (Tori foe den Apostel 6:5, 6; 8:5, 14, 15). Foe ferstan a bijbel na ini disiten, dan joesrefi abi fanowdoe foe kisi tiri foe sma di e teki presi foe Gado troe gemeente.