Jezus en libi nanga diniwroko

Bigin nanga na uitgave disi foe Na Wachttoren wan njoen rubriek e kon now nanga na nen di de na tapoesé.

Ini den 5 jari di psa, foe sensi juni 1980, ben kon ini na Wachttoren wantron ini wan moen na rubriek „Gado Wortoe abi libi”, di ben teri toe bladzijde èn di ben abi prenki toe. Nanga jepi foe prenki, makandra nanga a skrifi di ben de makriki foe lési den ben taki foe bijbelleri nanga historia tori tapoe wan moi fasi di ben de makriki foe ferstan. Now wan njoen rubriek e kon ini na presi foe „Gado Wortoe abi libi” èn ini dati prakseri e poti tapoe na libi nanga diniwroko foe Jezus Kristus.

Tapoe bladzijde 6 nanga 7 joe e si na fosi pisi foe na njoen rubriek disi. Na ini den moen di e kon joe kan feni na ini ibri uitgave foe Na Wachttoren wan njoen tori. Den lo njoen artikel disi na a srefi fasi leki „Gado Wortoe abi libi” sa abi foeroe prenki èn sa de tapoe toe bladzijde.

A wan sani di fiti dati Na Wachttoren tapoe a fasi disi e poti prakseri tapoe Jezus Kristus, bikasi Jezus ben abi wan bigi krakti tapoe na historia foe na libisma-famiri leki iniwan tra libisma. Ma san de moro prenspari de, dati na libi foe miljoenmiljoen sma foe ala ras nanga nationaliteit kenki kon foe na boen foe den, di den go ferstan san Jezus libi nanga leri ben wani taki gi den.

Kande séker joe sabi boen foeroe kaba fne Jezus nanga en diniwroko. Ma na ten nanga presi foe den sani di ben psa e abi den boen ini joe ede, sodati joe kan tjari den kon miti nanga makandra èn na so fasi kan ferstan den moro boen? Oten foe eksempre Jezus ben teki den 12 apostel foe en — na ini na bigin foe en diniwroko ofoe pas baka-bakaten? A ben de bifosi a Samaria-oema ben si taki a ben de na Kristus ofoe baka dati? Èn pe a ben de di a ben teki den 12, ofoe ben gi njanjan na wan wondroe fasi na 5000, ofoe ben taki ba Bergipréki? Foedi na njoen rubriek disi sa ferteri na tori foe Jezus en libi nanga diniwroko baka makandra ini a ten di ben psa, èn sé den prenki o ferteri san na a tori, dan joe sa man moro boen foe poti den prenspari sani disi di psa go moro boen ini joe memre, sodati den no sa figi poeroe foe dape.

Ija, sorgoe dati joe meki boen gebroiki foe na njoen rubriek disi ini Na Wachttoren na ini a meki foe discipel.