Den bedinari foe Gado e bewijsi na bekwaamfasi foe den
„Èn soema de bekwaam nofo?” — 2 KORINTE 2:16.
1. Sortoe aksi kan poti na ini ala opregtifasi na ini a disiten, kerki grontapoe di prati?
NA INI a disiten, prati grontapoe foe kerki wi kan poti na ala opregtifasi na aksi di e kon now: Soema de troetroe wan bevoegtoe bedinari foe Gado? Na apostel Paulus ben poti sowan sortoe aksi: „Soema de bekwaam nofo foe den sani disi?” Di sma ben feti na bevoegtoe di Paulus nanga den kompe wrokoman foe en ben abi den ben kan taki: „Wi”! (2 Korinte 2:16, 17) Ma soema abi now wan boen fundamenti, na reti nanga na dek’ati foe piki so?
2. San na a edeprakseri foe Paulus wortoe na ini 2 Korinte 2:14-17?
2 Ma, bifo wi go piki na aksi dati, meki wi go loekoe pikinso den wortoe di e kon now foe Paulus gi den kristen ini Korinte: „Tangi foe Gado, di e meki na smeri foe na sabi foe [Kristus] e de foe smeri nanga jepi foe wi na ini ibri presi! Bika gi Gado wi de wan switi smeri foe Kristus a mindri den di e kisi ferloesoe èn a mindri den di e lasi libi, gi den laatstewan wan smeri di e komoto foe dede go na dede, gi den fosiwan wan smeri di e komoto foe libi go na libi. Èn soema de bekwaam nofo foe den sani disi? Wi, bika wi no de seriman foe na Wortoe foe Gado, soleki foeroe sma de ma leki foe opregtifasi, ija leki Gado ben seni wi, na ondro na ai foe Gado na ini kompani foe Kristus, wi e taki.” — 2 Korinte 2:14-17. Loekoe The Watchttower, 1 mei 1944, blz. 133, 134.
3. (a) Fa wi moesoe doe tapoe na prakseri foe waka seri na Wortoe foe Gado foe gridi wini ede? (b) San Paulus ben doe foe no de wan hebi na monisé gi den sma di a ben préki gi?
3 A waka seri foe a Wortoe foe Gado foe gridi wini ede — fa disi de wan tegoe prakseri! Paulus no ben e soekoe wini foe na préki foe na Wortoe dati foe kan abi wan makriki libi, èn te foe kaba go nanga pensioen leki bedinari èn a tra pisi foe en libi abi en makriki. A ben de klari leki wan krawerki foe meki tenti foe sorgoe ini den sani di a ben abi fanowdoe foe tan a libi èn foe jepi en kompe na ini a dienst foe Jehovah (Tori foe den Apostel 18:14), Paulus no ben de wan hebi na monisé gi den sma gi soema a préki a boen njoensoe gi. ’Foe dat’ede meki a ben kan aksi den sma na ini Korinte: „Mi ben doe wan sondoe foe di mi ben saka misrefi sodati oenoe ben kan kon hé, foe di mi ben meki na boen njoensoe foe Gado nanga ala prisiri bekenti sondro kostoe?” (2 Korinte 11:7). Na aksi dati ben moesoe piki nanga wan krakti nono!
4. Fa Jehovah Kotoigi e waka na baka na eksempre foe Paulus tapoe a kontren foe a Wortoe foe Gado?
4 Jehovah Kotoigi e waka na baka na toemsi moi eksempre foe na apostel now foe di den no e waka lontoe foe seri na Wortoe foe Gado, di de foe wan waarde di pasa ala sani, ma foe meki dati ibri sma kan kisi en. Den no e meki bisnis nanga wan sani di de santa. Foe dat’ede meki den no abi leriman di e kisi pai, èn den publiki takiman no e aksi moni foe den lezing di den hori, èn noiti wan kollekte-préti e waka lontoe a tapoe den komakandra foe den. Efoe wan sma wani gi moni foe a wroko, a kan poti iniwan sortoe bedrag na ini wan bijdrage-bus na ini na Kownoekondre zaal ofoe wan tra presi, awinsi a ben sa de soso den „toe pikin moni foe pikinso waarde” foe na weduwe (Lukas 21:1-4). Den sortoe fri-wani bijdrage disi e gebroiki foe tapoe den kostoe èn no foe goedoe sortoe sma toe. Srefi oso foe sma e de foe soso foe hori komakandra gi Jehovah Kotoigi. — Filémon 1, 2.
„Nofo bekwaam”
5. Soema ben meki Jehovah Kotoigi bekwaam gi santa dienst?
5 Ma soema meki Jehovah Kotoigi bekwaam na ini a ten disi foe wroko akroederi a bijbel eksempre disi, aladi den e ondrofeni alaten baka ala ferfolgoe nanga gensi? Nowan tra sma moro kan kisi na grani leki na Sma di ben meki Paulus nanga en kompe nofo bekwaam gi santa dienst. Teki na soifri fasi foe Paulus boewégi foe ati nanga di foe wan kerki sma di e waka lontoe foe seri. Paulus ben tak: „Leki foe opregtifasi, ija, leki Gado ben seni wi, na ondro na ai foe Gado, ini kompani foe Kristus, wi e taki” (2 Korinte 2:17). Na so Jehovah Kotoigi e taki na ini a ten disi. Ma wi e rikomanderi wisrefi leki bedinari? Wi moe meki sma si rikomanderi-brifi foe trawan?
6. (a) Foe san-ede den kerkileriman foe na kristenheid e feni dati den de nofo bekwaam? (b) A tapoe na gron foe san wan sma e de nofo bekwaam foe troe kristen diniwroko?
6 Paulus ben taki krin dati a no ensrefi ben meki na bekwaamheid foe en diniwroko kon. A ben taki: „Dati wi de bekwaam nofo, e kon foe Gado, di ben meki oen bekwaam nofo foe de dinari foe wan njoen ferbontoe” (2 Korinte 3:4-6). Kontrari foe san Paulus ben taki den kerkileriman foe na kristenheid e taki dati den „de bekwaam nofo foe di den studeer komoto foe wan theologis héskoró.” Foe dat’ede meki den e wégri foe erken sma leki bekwaam bedinari di abi leri bevoegtoe, ma di no ben psa no wan theologis skoro. Ma na spesroetoe leri foe Paulus na ini a djoe bribi no ben meki en bekwaam gi na kristendiniwroko ini a tori foe na njoen ferbontoe. Ooktoe Jezus no ben opo wan theologis héskoro gi den twarfoe apostel ofoe gi soema toe foe kan go a tapoe. Na so a de ooktoe now: Jehovah, na moro bigi Leriman, moe meki wan sma nofo bekwaam gi na troe kristen diniwroko. A no de foe taki dati so wan bedinari moesoe man foe gi bewijsi di no man foe skoifi poti a wan sé.
„Soema ben gi joe na makti dati?”
7. Fa den kerkileriman nanga Nikodemus ben kenki na ini a fasi fa den ben loekoe na makti foe Jezus?
7 Leki fa den kerki leriman ben taki dan a manpikin foe Gado no ben abi na leti foe préki èn foe doe wondroe. Na ini na tempel „den hépriester nanga den owroeman foe na naatsi ben kon na en aladi a ben de bezig foe gi leri, èn den ben taki: ’Akroederi sortoe makti joe e doe den sani disi? Èn soema ben gi joe na makti dati?’” (Matteus 21:23) Den ben wégri foe kon na a bosroiti di na djoe tiriman Nikodemus ben teki di a ben taigi Jezus: „Rabbi, wi sabi dati joe kon foe Gado leki leriman, bika no wan sma kan doe den marki dati di joe e doe, efoe Gado no de nanga en.” — Johannes 3:1, 2.
8. Fa den djoe tiriman ben doe baka di Jezus ben doe en diniwroko moro leki dri jari, tapoe den bewijsi foe soema a ben de nanga a makti foe en?
8 Jezus ben kan taigi den sma di ben tjalansi en bevoegtoe: ’Meki den wroko foe mi taki foe densrefi!’ Baka di Jezus moro leki dri jari ben doe en diniwroko na publiki, den hépriester nanga owroeman ben kisi foeroe marki tapoe san den ben kan kon tapoe na joisti bosroiti soema Jezus ben de èn en reti foe doe wondroe èn foe leri na waarheid foe na kownoekondre foe Gado. Den ben de soso nanga tranga-ede foe teki ala den bewijsi di Jehovah ben gi di ben bewijsi dati Jezus ben de na pramisi Messias.
9, 10. (a) Foe san-ede a no moe ferwondroe Jehovah Kotoigi dati sma e degedege now tapoe na bekwaamheid foe den leki bedinari? (b) Fa Jezus ben doe nanga den kerki tiriman di ben feti en makti, èn sortoe bakapisi disi ben abi?
9 Te oen loekoe san ben psa na ini a geval foe Jezus, dan a no e ferwondroe Jehovah Kotoigi dati den kerki leriman foe now e degedege ini na bekwaamheid foe den leki bevoegtoe bedinari foe Jezus Tata. Foe di den sma di ben tjalansi Jezus makti ben poti en foeroe wondroewroko a wan sé, meki a ben poti wan aksi di ben tjari den kon ini ferlégi. Èn en disiten discipel kan doe a srefi ini a geval foe den sma di foe espresi e loekoe psa den wroko foe den discipel dati.
10 Di den hépriester nanga owroeman di ben aksi Jezus: „Soema ben gi joe na makti dati?” A no ben aksi no wan abstract tra aksi, ma a ben taki: „Mi sa aksi oenoe ooktoe wán sani. Efoe oenoe taigi mi dati, dan mi sa taigi oenoe ooktoe akroederi sortoe makti mi e doe den sani disi: A dopoe foe Johannes, pe dati ben komoto? Foe hemel ofoe foe libisma?” Na tori e taki moro fara: „Den ben taki nanga makandra èn ben taki: ’Efoe wi taki: „Foe hemel”, dan a sa taigi oenoe taki: „foe san-ede oenoe no ben bribi en dan?”’ Ma efoe wi taki: „Foe libisma, dan wi moe frede na ipi sma, bika den alamala e ori Johannes leki wan proféti.” Den ben gi Jezus foe dat’ede na piki: ’Wi no sabi.’ Ne foe en sé a ben taigi den: „Dan mi no e taigi oenoe ooktoe akroederi sortoe makti mi e doe den sani disi”’” (Mattéus 21:23-27). Na ini a ten disi Jehovah Kotoigi kan poti bijbel aksi gi den kerkileriman na tapoe wan fasi di kan abi net so wan sortoe bakapisi.a
11. Sortoe wroko Jehovah pipel ben doe bifo 1914, èn fa na mofo foe den sma di ben si fowtoe a den ben tapoe?
11 Foe sensi 1876, Jeovah pipel ben meki bekenti gi na grontapoe, spesroetoe gi na kristenheid, dati den ten foe den heiden ben sa kon na wan kaba na ini na bakajari foe 1914 (Lukas 21:24, SV). Den kerkileriman no ben kan loekoe psa na wroko disi di ben e sreka sani a fesi èn di ben tan de so wan fotenti jari langa wan wroko di ben e kroederi nanga di foe Johannes na Dopoeman. Den kerki leriman dati ben e wakti srefsrefi foe poeroe a bere kon na doro foe den sma di e tjari na tijdschrift disi kon na doro efoe 1914 ben sa pasa sondro dati spesroetoe sani ben sa pasa di ben e kroederi nanga san a ben warskow. Ma o fa den mofo ben tapoe di tapoe 28 juni 1914 nanga tranga na vréde ben poeroe di na Fosi Grontapoefeti ben bigin!
12. Sortoe rampoe ben kon na tapoe na libismafamiri na ini a ten foe na Fosi Grontapoefeti èn baka dati?
12 Na pori di na feti ben tjari èn foe di foeroe man ben moe libi na gronwroko foe den, ben tjari mankeri foe njanjan kon. Gronseki ben kon na ini difrenti pisi foe na grontapoe èn ben tjari toe lasi nanga pina kon. Na ini 1915 29.970 sma ben lasi libi na ’ini wan aardbeving na ini Avezzona (Italië) ala di na ini 1920 200.000 sma ben feni dede na ini wan kefarlek bigi gronseki na ini na Snési distrikt Kansoe. Na ini 1923 moro leki 140.000 sma ben lasi libi na wan bigi aardbéfi na ini na Japan Kanton-kontren. Na Spanjoro agraboe ben waka leti na baka na feti, di ini wán jari ben aksi moro sma libi leki ini den fo jari foe na feti. San wi no mag loekoe psa ooktoe, de den ferfolgoe di den dienstknegti foe Jehovah ben kon na ondro na ini na Fosi Grontapoe feti dati, nanga leki hémarki na onregtvaardiki négi moen strafoe foe na president, nanga na sekretarsi penningmeester nanga siksi foe den kompe wrokoman foe den.
13. San Jehovah Kotoigi ben aksi den kerki leriman foe na kristenheid, èn san den sma disi ben sa moe piki na ini ala eerlekheid?
13 Sensi a kaba foe na Fosi Grontapoe feti Jehovah Kotoigi ben aksi den kerkileriman foe na kristenheid: ’Den rampoe di ben psa na tapoe wi grontapoe sensi 1914, de wan kontroe foe Jezus profétitori na ini Mattéus 24:3-14?’ Efoe den kerki leriman eerlek ben taki ja, dan den sa ben moesoe taki dati Jezus Kristus ben kon ini 1914 na ini en hemel kownoekondre. Foe di Jezus ben taki dati ’na grontapoe no ben sa si en moro’, èn foe di a de now wan jeje persoon di no e dede moro, dan a no de foe taki dati „en kon baka” ofoe „en denoja” no de wan sani di de foe si nanga ai (Johannes 14:19; Mattéus 24:3, Nieuwe Vertaling foe na Nederlands Bijbelgenootschap; 1 Petrus 3:18). Ma efoe den kerkileriman ben sa piki „ja” tapoe ala den sani disi, dan den no ben sa kan taki moro dati den sani di psa foe 1914 te nanga 1918 èn di ben seki grontapoe wan sma moe si leki soso wan foe den gewon feti di e kon a mindri naatsi na ini na waka foe na historia.
14. (a) Den kerkileriman ben sa moesoe teki prati na sortoe wroko te den ben sa erken den troe tori? (b) Sortoe falsi sani foe na kwonoekondre den ben sa moesoe trowe, ma fa den e doe te na a dé foe tide?
14 Efoe den kerkileriman foe na kristenheid ben sa piki taki den sani di ben psa foe sensi 1914-1918 e marki na bigin foe na kaba foe na owroe seti foe sani, dan den ben sa moesoe foe erken den tra pisi toe foe na „marki” foe Jezus denoja èn den ben sa moesoe teki prati na a kontroe foe en wortoe: „Na boen njoensoe disi foe na kownoekondre sa moe préki na a heri grontapoe pe libisma e libi leki wan kotoigi gi ala naatsi” (Mattéus 24:14). Disi sa ben wani taki dati na presi foe na evangelium, di den ben préki kaba someni jarhondro pasa, den ben sa moe préki na boen njoensoe foe na kownoekondre di ben opo na a kaba foe den ten foe den heiden na ini 1914 ini hemel. Den ben sa moesoe trowe na Folkoe Bontoe leki na „politiek nen foe na Kownoekondre foe Gado na grontapoe èn ben sa moe si na Bontoe disi èn ooktoe na wan di ben waka na en baka, na organisaatsi foe den Verenigde Naatsi, leki ’na tegoe’ sani foe pori, di tanapoe na ini na santa presi (Mattéus 24:15, SV). Ma te nanga a jari disi 1995 den kerkileriman foe na kristenheid e wégri foe kari na Folkoe Bontoe nanga den Verenigde Naatsi leki a „tergi sani” dati ofoe „tegoe sani” dati.
15. Sortoe tamara e wakti den kerki leriman, ma san Jehovah Kotoigi e doe te now ete?
15 Den kerkileriman foe na kristenheid soboen e wégri foe teki a sé foe Jehovah Kownoekondre na ini anoe foe Jezus Kristus. Foe di den e misi foe hori baka gi a kownoekondre, meki den sa kisi pori na ini na krosbé „bigi benawtoe” di e kon. Ma kontrari foe den, Jehovah Kotoigi ’ben libi Babylon a Bigiwan, na grontapoemakti foe falsi fasi foe anbegi, èn den e préki na kownoekondreboskopoe na ini 203 kondre. Na wroko disi di no abi en speri de wan spesroetoe pisi foe na „marki” di e sori dati Jezus ben poti a tapoe na troon leki Kownoe ini 1914 foe tiri a mindri foe en féjanti. — Mattéus 24:3, 14, 21; Psalm 110:1, 2; Openbaring 18:1-5.
Wi abi wan rikomanderi fanowdoe?
16. Sortoe aksi e kon na fesi tapoe na afersi foe rikomanderi, èn san Paulus ben abi foe taki foe dati?
16 Sondro wan enkri fundamenti wi e rikomanderi wisrefi leki Jehovah salfoe Kotoigi? Ofoe wi e proeberi na tapoe wan trikifasi foe drai den sani foe gi Jezus „tra skapoe” so wan rikomanderi? (Johannes 10:16) Paulus séker no ben doe dati; gi den Korintesma di leki wan bakapisi foe den moeiti foe Paulus sondro foe weri ben tron kristen a ben kan taki moro foeroe: „Wi e bigin foe rikomanderi wisrefi baka? Ofoe kande wi abi, soleki sonwan, rikomanderi brifi fanowdoe gi oenoe ofoe foe oenoe? Oensrefi de oen brifi, di skrifi na tapoe oenoe ati èn di ala sma sabi èn e lési, bikasi a de krin dati oenoe de wan brifi foe Kristus, di oenoe skrifi leki dinari, no nanga enki a ben skrifi, ma nanga jeje foe wan libi Gado, no na tapoe ston tafra, ma tapoe tafra foe meti, tapoe ati.” — 2 Korinte 3:1-3.
17. Foe san-ede wi kan taki dati Paulus ben de nofo bekwaam gi na diniwroko, èn san wi kan taki foe Jehovah Kotoigi ini a ten disi?
17 Nanga jepi foe Jehovah jeje Paulus ben skrifi wantoe bijbel boekoe èn ben drai foeroe sma kon ini na kristendom. Soboen a ben bewijsi séker dati a ben de nofo bekwaam gi na kristen diniwroko. Na ini wan disiten paralel spesroetoe sensi di na tijdschrift disi ben tjari kon na doro na ini 1877, den memre foe na salfoe fikapisi foe Kristus discipel ben meki foeroe bijbellektuur, aladi den no ben de soleki Paulus geïnspireerd. Sensi 1920 den ben tjari miljardmiljard boekoe, brochure, tijdschrift nanga traktaat kon a doro na ini foeroe tongo. Na lektuur disi den e prati foe wan boen lagi prijs, aladi foeroe foe den den e gi foe soso na pótisma. Na Wachttoren Genootschap ben seti sani ooktoe foe bijbellezing di e gi foe soso èn ben seni zendeling go na kontren na a heri grontapoe di no ben kisi na préki ete. Tindoesoendoesoen sma ben teki na boskopoe di ben druk ofoe ben taki nanga mofo na wan boen fasi èn ben gi densrefi abra a Jehovah èn ben sori disi foe di den ben teki dopoe, spesroetoe sensi 1935, di foe na fositron a ben kon na krin dati wan nomroe di no ben bepaal ete foe wan bigi ipi foe Jezus „tra skapoe” ben kan loekoe foe kisi na tégo libi na ini wan paradijs di kon boen baka. — Openbaring 7:9-17; Lukas 23:43.
18. Tapoe san den memre foe na salfoe fikapisi kan sori a tapoe te den e aksi foe den dati den sori na bekwaamheid foe den leki bedinari?
18 Soboen san wi kan piki efoe den kerkilerinan e aksi dati den memre foe na salfoe fikapisi sori den papira foe den leki doctor na ini a leri foe Gado? We, den dienstknegti disi foe Jehovah kan gi wan bewijsi di e taki moro foeroe! Den kan sori now na tapoe moro leki toe nanga afoe miljoen „tra skapoe” na a heri grontapoe èn kan taki: „Drape den rikomanderi brifi foe wi de!” Den kan teki den wortoe foe Paulus èn taki na fesi foe den memre foe na „bigi ipi”: oenoe de wi brifi, di skrifi tapoe oenoe ati èn di ala sma sabi èn e lési” (2 Korinte 3:2). Den kerki leriman foe na kristenheid ben sa doe boen foe lési den libi brifi dati di de foe dopoe kristen di gi densrefi abra èn di e dini Jehovah dé nanga neti na ini en tempel èn di e jepi foe préki ’a boen njoensoe disi foe na kownoekondre na a heri grontapoe leki wan kotoigi gi ala naatsi’ (Mattéus 24:14). Netleki na salfoe fikapisi den e sori dati den de nofo bekwaam gi na kristen diniwroko.
19, Sortoe rikomanderi-brifi di de na wan enkri wan foe en sortoe sa tan kibri psa Har-mágedon?
19 Na rikomanderi-brifi disi di de a enkri wan ini en sortoe no sa figi poeroe ini na „feti foe na bigi dé foe Gado na Almaktiwan” di e kon krosbé na tapoe na agersi presi di den e kari Har-mágedon (Openbaring 16:14-16). Na Almakti Gado sa kibri moro foeroe na rikomanderi-brifi disi foe kan sori en na ini na seti foe sani baka Har-mágedon, na ondro Kristus leki kownoe. Fa na „bigi ipi” dati sa de wan krakti bribi gi den miljardmiljard dedesma di Jehovah Gado sa wiki na a heri grontapoe komoto foe den memre-grebi nanga jepi foe Jezus Kristus! Tan foe dat’ede foe skrifi, oen salfoe fikapisi! Èn tan jepi den, oen „bigi ipi” „tra skapoe” foe na Boen Herder!
[Foetoewortoe]
a Loekoe leki wan eksempre den paragraaf di e kon baka disi, namkoe 13 nanga 14.
San joe e piki?
◻ Fa Jehovah Kotoigi e waka na baka Paulus foe di den no e waka lontoe foe seri a Wortoe foe Gado?
◻ Tapoe na gron foe san wan sma de nofo bekwaam gi na troe kristen diniwroko?
◻ Den kerki leriman ben sa moesoe teki prati na sortoe wroko efoe den ben sa erken eerlek den troe tori?
◻ Tapoe sortoe brifi di de na enkri wan na ini en sortoe den memre foe na salfoe fikapisi kan poti prakseri a tapoe foe sori dati den de nofo bekwaam bedinari?
[Prenki na tapoe bladzijde 7]
Jezus ben leri en discipel foe de bedinari, ma a no ben opo wan theologische skoro
[Prenki na tapoe bladzijde 8]
Jehovah Kotoigi e préki leki bekwaam bedinari na boen njoensoe foe a kownoekondre di opo. Joe e préki en toe?