Waktitoren LIBRARY TAPU INTERNET
Waktitoren
LIBRARY TAPU INTERNET
Sranantongo
  • BIJBEL
  • BUKU
  • KONMAKANDRA
  • w85 15/10 blz. 1-5
  • Na „naatsi” di e foeroe na fesi foe grontapoe nanga froktoe

Felem no de na a pisi disi.

Sorry, wan sani no go bun di wi pruberi fu drai a felem.

  • Na „naatsi” di e foeroe na fesi foe grontapoe nanga froktoe
  • A Waktitoren—A e taki fu Yehovah Kownukondre 1985
  • Edeprakseri
  • A srefi sortu tori
  • Wan kontrari — „Na windroifibon na grontapoe”
  • Kon fri foe katibo
  • Dem sortoe foe froktoe di e gi Gado grani
    A Waktitoren—A e taki fu Yehovah Kownukondre 1979
  • Na droifibon di e prisiri Gado nanga libisma nanga na wien foe hem
    A Waktitoren—A e taki fu Yehovah Kownukondre 1979
  • Na Anu fu Yehovah E Kon Hei
    A Profeititori fu Yesaya — Leti gi a Heri Libisma Famiri I
  • ¡Helu fu a Droifidyari Di No De Getrow!
    A Profeititori fu Yesaya — Leti gi a Heri Libisma Famiri I
Moro sani
A Waktitoren—A e taki fu Yehovah Kownukondre 1985
w85 15/10 blz. 1-5

Na „naatsi” di e foeroe na fesi foe grontapoe nanga froktoe

„Na ini den dé di e kon Jakob sa meki roetoe, Israël sa tjari bromki èn sproiti foe troe; èn den sa foeroe na fesi foe na fatoe kondre nanga a froktoe foe den.” — JESAJA 27:6.

1. San na apostel Petrus ben taki foe na jeje Israël?

SJATOE bifo na pori foe Jeruzalem na ini 70 G.T. na apostel Petrus ben skrifi foe na gemeente foe Kristus discipel, di na ini 33 G.T. ben kon gebore „leki naatsi” na sani disi: „Ma oenoe de ’wan geslagti di den ferkisi, wan kownoe priesterschap, wan santa naatsi, wan pipel di de foe wan spesroetoe goedoe, sodati na ala presi oenoe ben sa meki bekenti den toemsi boen sani’ foe na sma di ben kari oenoe poeroe foe doengroe kon na en wondroe leti. Bikasi wan dé oenoe no ben de wan pipel, ma now oenoe de a pipel foe Gado; oenoe ben de den sma di den no ben sori sari-ati gi, ma now oenoe de den sma di den ben sori sari-ati gi” (1 Petrus 2:9, 10). Fa disi de wan boen-atifasi foe na sé foe Gado!

2, 3. Sortoe ferplekti de a tapoe na jeje Israël leki na spesroetoe goedoe foe Jehovah Gado, èn nanga san Jezus e teki den gersi na ini Johannes kapiter 15?

2 Now. tinanégi jarhondro baka di Petrus ben skrifi den wortoe dati, wan fikapisi foe na „naatsi” di Gado wiki nanga en jeje de ete na grontapoe. Leki fa na bericht e taki foe na nomroe foe sma di ben de na a ala jari fesa foe na Avondmaal foe Masra, dan joe abi now ete moro mendri leki tin doesoen foe den. Den de ’wan pipel foe wan spesroetoe goedoe gi Jehovah’ èn na ini a fasi dati den moesoe meki bekenti na ala presi den toemsi boen sani foe Jehovah Gado, di ben kari den foe na ’doengroe foe grontapoe kon na en wondroe leti’. Na „leti” disi ben go skijn spesroetoe foe sensi na kaba foe den „ten foe den heiden” ofoe den faste ten foe den naatsi na ini 1914a (Lukas 21:24, Njoen Vertaling foe na Bakrakondre bijbelgenootschap, NW). Leki „na spesroetoe goedoe” foe na Gado di ben gi den na wondroe leti dati, meki a e si den leki wan toemsi diri sani. Ini en ai den de leki wan jeje windroifidjari.

3 Djaso wi e memre san Jezus Kristus ben taki gi en apostel di leki groepoe e teki presi gi ala sma di ben sa tron den bakaman foe en di ben wiki nanga jeje: „Mi de a troe windroifibon èn mi Tata de na gronman. Ibri taki na mi di no e gi froktoe, a e poeroe, èn ibri taki di e gi wel froktoe, a e krin, sodati a kan gi moro froktoe, Oenoe de krin kaba foe na Wortoe ede, di mi ben taki gi oenoe. Tan na ini wanfasi nanga mi, èn mi na ini wanfasi nanga oenoe. Net soleki na taki no kan tjari froktoe foe ensrefi efoe a no tan na a droifibon, na so oenoe srefi toe, efoe oenoe no tan na iniwanfasi nanga mi. Mi de na windroifibon, èn oenoe de den taki. Na sma di e tan na ini wanfasi nanga mi, èn mi na ini wanfasi nanga en, en dati e meki foeroe froktoe, bika aparti foe mi oenoe no kan doe noti kwetkweti.” — Johannes 15:1-5.

4. (a) Na gersitori foe Jezus e meki wi go denki foe sortoe sani di ben skrifi na ini Jesaja 27? (b) Oten na profétitori disi e kontroe na ini disiten, èn na ini soema? (c) Sortoe firi Jehovah no abi moro langa gi en pipel?

4 Na sani di Jezus ben teki gersi ofoe na agersitori e meki wi prakseri Jehovah wortoe na ini Jesaja 27:2-4, pe wi e lési:

„Singi gi en a tapoe a dé dati: ’Wan windroifidjari foe win di e koekoe-skoema! Mi, Jehovah, e kibri en. Ibri momenti mi sa gi en watra. Foe no wan sma kan poti en prakseri tége en, meki mi sa kibri en dé nanga neti srefi. No wan atibron mi abi.’”

Na „windroifidjari foe win di e koekoe-skoema” di de na ini a ten disi na grontapoe wi kan teki gersi nanga na fikapisi foe den taki di de na a agersi „windroifibon” di den kristen di wiki nanga jeje foe na „santa naatsi” de memre di e meki froktoe. Foe dat’ede meki na ferplekti de a tapoe den foe meki foeroe froktoe (Johannes 15:5). Leki fa na profétitori foe Jesaja taki, dan na singi di e go foe na „windroifidjari foe win di e koekoeskoema” ben sa moe singi na ini a ten di Jehovah pipel ben sa kon baka na ini en boen-ati. (Teki gersi nanga Jesaja 27:13.) Nanga disi e kon na fesi dati na moi profétitori disi foe sensi na jari baka a feti 1919 ben bigin kontroe, èn den historia troetori e bewijsi dati a kontroe foe en e go doro te na a dé foe tide. Na ini a ten disi Jehovah no abi „atibron” nanga en pipel, èn ooktoe no nanga na fikapisi foe „en santa naatsi”, en „pipel foe wan spesroetoe goedoe”, ooktoe no nanga den loyaal kristen di abi na howpoe foe libi foe tégo na grontapoe. Nanga sari-ati a ben sori den en boen-ati èn disi e ferklari na jeje go na fesi nanga a meki froktoe foe den.

5. Sortoe njanjan foe na agersi windroifidjari disi ben prisiri sma, èn san den kan ferteri finifini foe en?

5 Na jeje „naatsi” disi de makandra nanga den kompe foe en di e wroko tranga leki wan windroifidjari di e meki froktoe èn di ben meki foeroe „win di e koekoe-skoema”. A de wan jeje win di e prisiri na ati foe Jehovah èn libisma (Kroetoeman 9:13). Foe na boen réde disi meki sma di nanga a dringi foe na jeje dranki disi ben kon bréti, kan singi nanga prisiri èn den kan ferteri finifini ala sani san na Gado Gronman foe na „windroifidjari” ben doe gi na agersi „windroifidjari”. Foe gi na „windroifidjari” disi alaten watra, meki, foe oenoe taki en na agersifasi, a ben ’gi en watra’ foe troe, sodati a ben meki switi froktoe di abi foeroe watra, nanga boen bakapisi di e gi prisiri.

Wan kontrari — „Na windroifibon na grontapoe”

6. Ma san sa psa nanga „na droifibon foe na grontapoe” leki fa Openbaring kapiter 14 e taki?

6 Disi no ben de so nanga na windroifibon di na laatste boekoe foe bijbel e kari leki „na windroifibon foe na grontapoe”. Djonsrode den hemel legre foe tjari strafoe kon sa kisi na komando foe Gado: „Naki joe srapoekronnefi na ini èn tjari den bosoe konmakandra foe na windroifibon foe na grontapoe, bika en droifi ben kon lepi.” Soleki na proféti Openbaring e meki wi si moro fara „[na engel] ben trowe en kronnefi go a grontapoe èn ben tjari na windroifibon foe grontapoe kon makandra èn a ben iti en go na ini na bigi winpersbaki foe na atibron foe Gado, èn na winpersbaki den ben trapoe en na dorosé foe na foto, èn broedoe ben komoto foe na winpersbaki te na den tom foe den asi, abra wan afstand foe wan doesoen siksi hondro stadia” (Openbaring 14:18-20). Na disi sa psa nanga na politik pisi foe na organisaatsi foe Didibri na grontapoe di wi kan si; en de na gronman foe en èn a de nanga féjantifasi nanga na „troe windroifibon” foe san Jehovah Gado de a Gronman. Na „windroifibon” na grontapoe noiti moro sa kon boen!

7-9. Na tapoe sortoe toe fasi Jesaja 27:7-13 e kontroe èn oten?

7 Ma na profétitori disi foe Jesaja kapiter 27 de foe troe wan profétitori foe sani di o kon boen baka, fosi ini a tori foe na naatsi foe na Israël na skinfasi èn moro fara ini a tori foe na jeje Israël na ini na di foe twenti jarhondro. Disi de krin foe si foe a sani di na profétitori e taki na ini vers 7 te nanga 13, den vers nanga san na kapiter e tapoe:

8 „Den moe naki en leki nanga na naki foe wan sma di ben naki en? Ofoe den moe kiri en leki nanga na srakti foe en dedewan? Nanga wan skreki babari joe sa meki trobi nanga en te joe e seni en gwe. A moe jagi en gwe nanga en winti, wan tranga wan na tapoe a dé foe na oostoewinti. Foe dat’ede meki nanga disi na sondoe foe Jakob sa verzoen, èn disi de na heri froktoe te a e poeroe en sondoe, te a e meki ala altari ston leki karki-ston di masi tron poeiri, sodati den s den santapostoe èn den wirooktafra no sa kon moro. Bikasi a tranga foto sa kon de en wawan, na wégron sa libi na en srefi abra èn de leki wan sabana pe nowan sma de. Drape na pikin kaw sa njan grasi èn drape a sa go didon; èn te joe loekoe en leti a sa njan en bigi taki poeroe. Te en pikin taki kon dré, dan oemasma di e kon, sa broko den poeroe, aladi den sa poti faja gi en, bika a no de wan pipel nanga wan srapoe ferstan. Foe dat’ede meki en Mekiman no sa sori en sari-ati, èn en ègi setiman no sa sori en boen-ati.

9 Èn a moe psa na tapoe a dé dati, dati Jehovah sa naki den froktoe poeroe, foe bigin na na watra di e lon es’esi foe na Liba te na a lagi libikontren foe na kriki foe Egypte, èn so joe sa tjari gi joesrefi konmakandra na wan baka na trawan o manpikin foe Israël. Èn a moe psa na tapoe na dé dati, dati den sa bro na tapoe wan bigi toetoe èn den sma di de na ini kefar foe dede na ini akondre Assyria èn den wan di den jagi gwe èn di de na ini a kondre Egypte séker sa kon èn boigi gi Jehovah na tapoe na santa bergi na Jeruzalem.”

10. Sortoe grontapoe makti di ben basi a grontapoe ben de na ini a ten di Jesaja ben taki disi a fesi, èn fa a ben waka nanga en di a ben wani go feti nanga na mamafoto foe na kownoekondre Juda?

10 Na ini a ten di Jesaja ben taki disi a fesi dan Assyria ben tron na grontapoe makti di ben basi ala sani, èn a ben poeroe na fosi wan foe na lo foe sébi grontapoemakti poti a wan sé, aladi Egypte ben e abi makti ete, awinsi a ben de na ondro Assyria. A tin lo kondre Israël ben loesoe ensrefi f’a kownoe oso foe David foe na lo foe Juda. Foe dat’ede meki na kownoe foe Assyria hari go tége na kownoe foe Jeruzalem foe aksi dati a gi ensrefi abra krinkrin. Efoe a no ben sa gi ensrefi abra a ben sa kisi pori. Ma Jehovah ben feti gi na kownoekondre Juda èn ben seni na hémemre Sanherib baka, wan sjen lasi tingatinga go baka na oso. — Jesaja kapiter 36 nanga 37.

11. Na tiriman foe sortoe grontapoemakti ben trowe na kownoekondre foe Juda na gron, èn fa Jesaja kapiter 27 ben sori tapoe na sani disi di boo psa?

11 Foe dat’ede meki wan tiriman foe na grontapoe makti disi di waka a baka (Assyria), na grontapoe makti foe Babylon, ben kisi na makti foe pori Jeruzalem nanga en tempel. Na bijbel e meki oen si dati disi ben psa na ini 607 bifo G.T. foe na anoe foe kownoe Nebukadnezar. A ben tjari sma di den ben kisi go na Babylonia foe sébitenti jari leki katiboman. „Nanga na pori di boo kon tapoe Jeruzalem èn a tjari foe katiboman go na ini na katibo foe Babylon di boo de sébitenti jari, meki nanga leti den aksi di e kon now ben poti:

”Den moe naki en [na naatsi] Israël leki nanga na naki foe wan sma di ben naki en?” (Jesaja 27:7)

Leki noiti na fesi na ini den nationaal historia foe sensi 1513 bifo G.T. na naatsi foe Gado ben kisi wan naki foe wan rampoe, wan naki di pikinmoro ben tjari a pori foe en kon. Foeroe sma dede na ini na foto Jeruzalem di den ben lontoe. Ija, Jehovah ben si dati a ben de toemsi prenspari foe handri so tranga, èn dati disi ben moesoe pasa. A ben si na sari fanowdoe foe meki trobi nanga den sma di ben moe tan en mati, den sma di a ben meki mati nanga den, nanga soema a ben go na ini wan Wetferbontoe nanga jepi foe wan mindriman Mozes,

12. Foe poti sortoe aksi na ini a tori foe san ben sa psa nanga Israël Jehovah ben kan gi na proféti Jesaja en jeje foe taki, èn san ben de foe dat’ede na krakti di a ben abi na tapoe a matifasi foe Israël nanga Jehovah?

12 Foe dat’ede Jehovah ben kan taki moro fara:

„Ofoe den moe kiri en [na naatsi Israël ofoe Jakcob] leki nanga na srakti foe en dedewan?” (Jesaja 27:7)

Ah, ija, bika now a ben de fanowdoe gi Jehovah foe meki trobi nanga en pipel di wan dé ben abi en boen-ati èn foe bari wan tranga babari, wan „skreki babari” nanga mofo foe den dek’ati sroedati makti foe na grontapoe makti foe Babylon, na di foe dri grontapoe makti na ini na bijbel historia. Foe dat’ede den Wortoe foe Gado di e kon now:

„Nanga wan skreki babari joe sa meki trobi nanga en te joe e seni en gwe. A moe jagi en poeroe nanga en winti, wan trangawan, tapoe na dé foe na oostoewinti [foe sori foe sortoe sé na skreki fetibabari ben sa komoto]” (Jesaja 27:8).

Baka so wan fosi opo doe sani a ben sa seni èn naatsi gwe, di no ben de getrow, èn di wan dé ben de gi en leki wan agersi trow-oema, en organisaatsi na grontapoe di joe kan si. Now a ben seni en gwe komoto foe na kondre pe a ben gebore èn di Gado ben gi en èn ben seni en gwe na wan farawe kondre nanga anoe foe den Babylon winiman leki wrokosani netleki a ben prati foe en foe wan pisten. — Teki gersi nanga Jesaja 50:1.

13. Fa na naatsi Israël leki fa Jesaja profétitori ben taki ben sa moe doe verzoening foe di den ben broko a ferbontoe foe Gado?

13 A ten ben doro now gi a naatsi Israël ofoe Jakob foe doe verzoening foe en „sondoe” nanga moro diri sani leki den meti srakti-ofrandi di ben e offer na tapoe na altari foe na tempel na ini Jeruzalem. Disi Jehovah ben bepaal foe na boen foe na organisaatsi foe en di joe kan teki gersi nanga wan oema:

„Foe dat’ede nanga disi na sondoe foe Jakob sa kon verzoen, èn disi de na heri froktoe te a e poeroe en sondoe, te a e meki ala altari ston leki poeiri karki ston, sodati den santa postoe nanga den wierooktafra no sa kon moro” (Jesaja 27:9).

Fa na kontroe foe na profétitori disi ben sa de wan sori foe na atibron ofoe faja-ati foe Gado èn nanga leti! Den santa paal di ben de gi kroektoe gado nanga den wierooktafra no ben sa opo kon moro na ini en naatsi di a ben strafoe.

14. Na kondre Israël ben sa tjari go na ondro sortoe toestand foe pori, èn fa sani ben sa doe ini a tori foe na gro foe Israël leki wan agersi bon?

14 Foe sori o bigi na pori ben sa de di ben sa kon tapoe na naatsi Israël foe owroeten di wi kan teki gersi nanga wan oema, Jehovah e taki moro fara:

„Bika den tranga foto sa de den wawan, na wégron sa libi abra na ensrefi èn de leki wan sabana pe nowan sma de.”

Na kondre di ben abi foeroe sma wan dé ben sa kon de légi èn sondro sma èn ben sa kenki kon voorlopig na ini soso wan wégron.

„Drape na pikin kaw sa njan grasi, èn drape a sa go didon; èn te joe loekoe en leti a [en, Ingrisi NW, disi wani taki Jehovah, nanga jepi foe en wrokosani] sa njan en bigi taki poeroe. Te en pikin taki kon dré, dan oemasma di e kon sa broko den poeroe aladl den sa soetoe faja gi en [foe bron en] (Jesaja 27:10, 11).

Na a fasi disi Jehovah naatsi di kan teki gersi nanga wan oema, ben sa tron soso leki oedoe gi na faja, bika oemasma sondro moeiti ben sa de tranga nofo foe ben teki san ben tan abra foe en. Fa na organisaatsi foe Israël di ben de leki wan oema ben sa tjari kon na ini wan sari toestand! Ma foe san-ede sowan Gado leki Jehovah di joe kan teki gersi leki wan trowman ben sa moe teki den sortoe tranga maatregel disi? Arki!

15. Te joe loekoe en boen dan sortoe sma ben moe de na ini na naatsi Israël, te joe loekoe na spesroetoe behandeling di den ben kisi foe Jehovah, ma foe san-ede den ben tron leki den naatsi di ben e anbegi kroektoe gado?

15 „Bika a no de wan pipel nanga wan srapoe ferstan. Foe dat’ede meki en Mekiman no sa sori en sari-ati. Èn en égi Setiman no sa sori en boen-ati” (Jesaja 27:11).

Nanga ala den sani di Jehovah ben sorgoe foe leri èn foe gi krin leti na en wondroe organisaatsi di a ben seti, dan den Israëlsma ben sa moe de wan pipel nanga bigi ferstan. Den ben moesoe sori wan srapoe ferstan èn en kroetoe sani boen nofo foe si a soso-fasi foe dini kroektoe gado, ija, kroetoe sani boen nofo foe si fa a de wan soso sani foe anbegi kroektoe gado soleki den naatsi ben doe di no sabi moro betre èn di no ben de na ini wan ferbontoefasi nanga na wan enkri èn troe libi Gado Jehovah. Ma foe di den hemel Mekiman nanga Setiman no ben de foe si nanga ai, den ben lasi den bribi èn den ben teki a bosroiti foe drai go na Gado di libisma anoe ben meki èn di ben de foe si, san ben tjari na gi pori foe den kon. Na foe dat’ede meki moro boen-ati nanga sari-ati foe na sé foe Gado ben hori a baka foe sowan tranga-ede pipel.

Kon fri foe katibo

16. Tapoe san Jehovah ben sa moe poti en prakseri foe na kon boen baka foe en pipel?

16 Efoe Jehovah ben wani tjari den go baka na den égi kondre sodati den ben kan dini en drape, dan a ben sa poti en prakseri soboen na tapoe na kondre Babylonia, pe na bigi „liba”, na Eufraat ben e lon psa. A ben sa moesoe poti en prakseri na zuidsé te na a kondre Egypte, bika na den sortoe presi dati a ben tjari en pipel go na ini katibo foe ben gi den tranga leri. Foe na boen foe disi meki Jehovah ben moesoe meki san a ben taki now foe en prakseri kon troe:

„Èn a moesoe psa na tapoe a dé dati, dati Jehovah sa naki den froktoe poeroe foe bigin na a watra di e lon es’esi foe na Liba [na Eufraat] te na a lagi libakontren foe Egypte [na wadi na a zuidwest grens foe na pramisikondre], èn so joe sa tjari konmakandra gi joesrefi na wan baka na trawan, o manpikin foe Israël.” — Jesaja 27:12; teki gersi nanga Numeri 34:2, 3.

17. Fa Jehovah ben broko en pipel poeroe foe na katibo foe den, èn nanga jepi foe san?

17 Efoe Jehovah ben wani tjari en pipel go baka a den égi kondre Juda, dan a pipel di ben de na ini katibo a ben moesoe naki poeroe leki froktoe foe a taki foe den ben èn fri den na a fasi dati. Disi a ben doe foe di a ben trowe na grontapoe makti Babylonia na gron èn meki na Medo-Persia kownoekondre kon na en presi, na di foe fo grontapoemakti na ini na histori foe na bijbel. Na wet di na tiriman foe Persia, Cyrus na Bigiwan, ben meki bekenti na a bigin foe en tiri ben abi leki marki foe fri a pipel foe Jehovah di ben de na ini katibo èn foe meki den drai go baka na a presi pe na owroe Jeruzalem ben de foe bow Jehovah tempel drape baka. Na drai baka disi ben feni presi na ini 537 bifo G.T., na a kaba foe den sébitenti jari foe djoe katibo. — Jesaja 45:1-7.

18. Fa den katiboman ben sa doe di na wet foe a kon fri foe den ben meki bekenti?

18 Den Israëlsma na ini Babylonia di ben kisi strafoe, èn ooktoe na ini Assyria nanga Egypte, ben de Jehovah goedoe èn a ben abi na reti foe seki den poeroe leki agersi froktoe foe na katibo nanga a panja di den panja go na tra kondre sondro a ben de den fri wani, èn sori den na a fasi dati sari-ati èn no-ferdini boenfasi. O, fa den Israëlsma foe owroeten ben moe prisiri foe na bosroiti dati foe Cyrus èn fa den ben moe sori densrefi dati den abi faja foe di den ben njan boen dorodoro foe na moi okasi di den ben kisi! San ben kan taki foe a „dé” dati di ben pramisi foeroe sani?

19. (a) Gi soema den Israëlsma di ben jagi go na Assyria nanga Egypte ben sa moe boigi densrefi leki fa na profétitori taki? (b) San disi ben sa wani taki gi na troe anbegi foe Jehovah tapoe a presi pe biginbigin a tempel ben de, èn tapoe sortoe disiten jeje naatsi disi ben abi krakti ooktoe a tapoe?

19 Èn a moe psa na a dé dati, dati den sa bro na tapoe wan bigi toetoe, èn den sma di de ini kefar foe lasi den libi na ini a kondre Assyria èn den sma di den jagi gwe èn di de na ini a kondre Egypte séker sa kon èn boigi gi Jehovah na tapoe na santa bergi foe Jeruzalem. (Jesaja 27:13),

San disi ben wani taki moro leki dati sma ben sa go libi baka na ini na Pramisi Kondre, èn na tempel ben sa bow baka na ini Jeruzalem, èn ben sa kon boen baka gi na anbegi foe na Setiman èn Mekiman foe na naatsi Israël di ben kon baka a libi? Disi ben moesoe feni presi akroederi den wortoe foe na proféti Jesaja di wi ben taki na fesi foe den na ini vers 6. Na kondre foe en pipel di ben drai go baka ben kon foeroe nanga libisma, di ben sa anbegi en leki wán pipel na ini en tempel, awinsi a presi disi di ben kon boen baka foe anbegi kande no ben abi na moifasi foe na glori tempel di kownoe Salomo ben bow. Na so fasi a ben sa de wan agersifasi foe na disiten jeje kontroe gi na tori foe na „Israël foe Gado”, di e foeroe na heri „fatoe kondre” nanga froktoe ofoe „njanjan” di e gi libi. — Galacia 6:6; Jesaja 27:6.

[Foetoewortoe]

a Wan sani di de moi de a kommentaar foe a Oxford NIV Scofield Study Bible (1984) tapoe Lukas 21:24: „Den ’ten foe den heiden’ ben bigin nanga na katibo foe Juda ondro Nebukadnezar (2 Kron. 36:1-21). Sensi a ten data, soleki fa Jezus ben taki, dan ’den heiden ben trapoe Jeruzalem.”

San joe ben sa piki?

◻ Oten èn fa na Israël na skinfasi ben kisi wan „naki”, soleki ben taki a fesi na ini Jesaja 27:7?

◻ Fa ’Israël ben meki roetoe’? (Jesaja 27:2, 6)

◻ Soema ini a ten disi de na ini a kontroe foe na profétitori na ini Jesaja kapiter 27?

◻ Fa den ben kon tron leki wan windroifidjari di e meki froktoe èn di e meki wi „di e koekoe skoema”?

[Prenki na tapoe bladzijde 4]

Nanga jepi foe den Babylonsma Jehovah ben tjari wan hebi naki kon ini 607 GT

    Sranantongo buku (1978-2025)
    Log Out
    Log In
    • Sranantongo
    • Seni en gi wan sma
    • Settings
    • Copyright © 2025 Watch Tower Bible and Tract Society of Pennsylvania
    • Gebruiksvoorwaarden
    • Privacybeleid
    • Privacyinstellingen
    • JW.ORG
    • Log In
    Seni en gi wan sma