Na „naatsi” di e gi njanjan na miljoenmiljoen angri-beresma
1, 2. Den sma foe na grontapoe moe firi opregti na fanowdoe foe sortoe sani? (b) Na sortoe pipel wi kan loekoe foe dati na ini a tori disi?
TE JOE LOEKOE EN BOEN dan den miljardmiljard sma di e libi na grontapoe ben sa moe angri foe kisi „njanjan”, foe san den kan kisi a krakti foe libi foe tégo na tapoe na grontapoe disi, baka te a kenki kon tron wan paradijs na a heri grontapoe. Ma na soema ofoe na pe den sa go? Na republiek Israël no e doe no wan enkri moeiti foe sorgoe foe na kontroe foe na bijbel profétitori di skrifi na ini Jesaja 27:6 èn di e go foe na foeroe foe na grontapoe nanga njanjan foe na tégo boen foe na libismafamiri.
2 Na grani foe kan de foe doe boen gi na heri libismafamiri, ben teki poeroe foe na naatsi Israël na ini na fosi jarhondro foe wi gewoon teri. Foe dat’ede meki na Messias ben taki nanga soso wan pikin fikapisi foe den djoe na skinfasi den wortoe disi: „Ala makti na ini hemel èn na grontapoe mi ben kisi. Go foe dat’ede èn meki discipel foe sna foe ala naatsi, dopoe den na ini na nen foe na Tata èn foe na Manpikin èn foe na santa jeje . . . èn loekoe! Mi de nanga oenoe ala dé te na a bosroiti foe na seti foe sani” (Mattéus 28:18-20). Ma fa a de now nanga dati tinanégi hondro jari a baka? Soema e denki ini wi ten na a kontroe
3. Soema na ini wi jarhondro ben firi na „atibron” foe Gado di skrifi na ini Jesaja 27:4?
3 Aladi wi de tintin jari moro fara foe den spespoetoe sani di psa kaba tokoe a de boen foe wi go loekoe sjatoe bepaalde sani di ben feni presi na a ten foe na fosi Grontapoe Feti. Na a ten dati Jehovah Gado ben abi boen réde foe firi „atibron” gi den naatsi foe na kristenheid foe di den ben teki prati na a broedoe stré dati. (Teki gersi nanga Jesaja 27:4.) Dati den ben doe moro esi leki foe gi na nationaal soevereiniteit foe den abra na a Moro Hé Gado di na ini 1914 ben opo en Kownoekondre na ini hemel foe di a poti en glori Manpikin Jezus Kristus leki kownoe. Den ben meki en ati kon moro bron foe di den ferfolgoe na fikapisi foe na jeje Israël èn tapoe den kristen bijbel ondrosoekoeman disi foe espresi foe meki en kownoekondre di opo bekenti a wan frifasi. Ma foeroe foe den sma di ben de foe na fikapisi foe na jeje Israël ben broko kindi troetroe gi na grontapoe druk èn ben misi nanga disi foe doe na frantwortoe di ben de a tapoe den leki na pipel di ben teki poeroe foe na grontapoe seti foe sani disi. Na ini a ten dati den no ben ferstan ete taki den ben moesoe de strikt neutraal na ini den kesekese foe na grontapoe disi, soboen pikinso broedoe paiman ben kon de a tapoe den èn foe wan pisten den ben ferdini wan séker marki foe, na „atibron” foe Gado ooktoe.
4. Fa a „atibron” foe Gado ben kisi en kristen dienstknegti, èn sortoe les wi kan leri foe dati?
4 Efoe joe ben libi na a ten dati, fa joe denki dati joe ben sa doe na tapoe a druk di ben de a ini den dé dati foe a feti? Joe moe denki foe den sortoe sani dati bikasi dan joe kan tanapoe moro faste na ini joe bosroiti foe san joe sa doe efoe na ini a ten di e kon joe kon tanapoe na ondro wan ofoe tra vorm foe druk. Na ini a ten dati a ben kan gersi dati a ben de wan ten foe stop nanga a Kownoekondre prékiwroko èn foe tan pi. Foeroe soema ben e firi foe go na a sé dati èn ben prakseri dati den ben moesoe wakti gewoon foe kisi na biten glori foe den nanga Jezus Kristus di ben de a tapoe a troon (Lukas 22:28-30). Dati troe kristen na ini a ten dati ben kisi pikinso foe Jehovah en „Atibron” ben de wan ondrofeni foe tranga leri di den no ben lasi na prakseri èn di foe dat’ede no ben de foe soso. A ben tranga den gi na wroko foe a ten a den fesi di ben sa de na ini na meki bekenti foe na dé foe na atibron foe wi Gado gi a sma di na proféti na ini Jesaja 27:1 e kari „Levíathan”. Wi e lési drape:
5. Fa Jehovah na ini wi ten ben poti prakseri na tapoe na „Levíathan” di Jesaja 27:1 e kari?
5 „Na a dé dati Jehovah sa poti en prakseri na tapoe Levíathan nanga en tranga nanga bigi nanga tranga fet’owroe, na sneki di e grati gwe, ija, tapoe Levíathan, na sneki di e kron ensrefi, èn a sa kiri na bigi semeti di de ini se.”
Na a ten dati Jehovah ben poti en prakseri tapoe den sma di ben tjari en pipel go na ini katibo. Soleki wi ben si a fesi kaba, dan a mindri den joe ben abi na kownoekondre Babylon èn ooktoe Egypte nanga Assyria (Jesaja 27:1, 13). Joe kan si na disiten kontroe foe den agersi wortoe na ini Jesaja 27:1? Na ini a ten lontoe na fosi Grontapoe Feti a pipel foe Gado no ben de ini katibo na wan naatsi ofoe kownoekondre. Ma Jehovah ben moe poti en prakseri tapoe wan agersi Levíathan, namkoe Satan na Didibri. A e grati gwe tapoe wan koni fasi psa na libisma se èn a e meki gebroiki foe sani a grontapoe foe tjari den dienstknegti foe Gado kon ini kefar ofoe foe poti ston a den pasi. — Teki gersi nanga Openbaring 17:15.
6, 7. (a) San na ini a ten disi ben tron „maka boesboesi, nanga takroe wiwiri”? (b) San wi kan ferwakti sa psa nanga en na ini a ten di e kon?
6 Di na fikapisi foe na jeje Israël na ini 1919 na wan faja fasi ben teki na kownoekondre prékiwroko foe den baka, dan a ten ben doro gi Jehovah:
„No wan atibron mi abi. Soema sa gi mi makaboesboesi èn takroe wiwiri na ini a stré? Mi wani waka a tapoe dati. Mi wani soetoe faja gi dati na a srefi ten.” — Jesaja 27:4.
7 Na a kaba foe na Fosi Grontapoe Feti na Folkoebontoe ben opo leki wan trowe foe na kownoekondre foe Gado na ini anoe foe Kristus, Wi kan teki disi gersi nanga na „maka boesboesi nanga takroe wiwiri” di leki wan ston ofoe wan sani foe tapoe skreki ben poti a tapoe na pasi foe Jehovah Gado. Now den Verenigde Naatsi ben teki na presi foe na Folkoebontoe. Foe di den moksi densref’i na ini den Verenigde Naatsi, meki den difrenti memrekondre e ferteri taki den teki na faste bosroiti foe tan kakafoetoe gi na kownoekondre foe Kristus di e meki bekenti èn dati den no abi na prakseri foe libi a soevereiniteit di den abi na tapoe na kondre foe den. Na ini „na feti foe a bigi dè foe Gado na Almaktiwan” na Armageddon dan na agersi fasi a sa waka na tapoe ala „maka boesboesi nanga takroe wiwiri”, stampoe den kon fini èn te foe kaba soetoe den na ini faja, foe meki den tron asisi. Na so fasi a sa sori soema de troetroe na universele Soeverein. Joe kan si foe dat’ede taki awinsi joe no ben de a mindri den salfoe kristen foe a ten dati di ben e libi na grontapoe, lontoe na Fosi Gronatpoe feti, dan tokoe na kabapisi foe den sani di ben o psa akroederi Jesaja 27:1 ben sa abi krakti a tapoe joe foe boen ofoe foe ogri. — Openbaring 16:14-16; 17:1-4.
’Graboe hori Jehovah fortresi’
8. Tapoe san foeroe naatsi e poti den fertrow now?
8 Den kondre di de memre foe den Verenigde Naatsi e poti fertrow tapoe den égi tranga èn e fertrow tapoe den fortresi foe den di libisma bow. Tokoe a fertrow foe den na ini den no tranga nofo foe tapoe den foe meki den moro njoen wapen foe kiri, ja a moro takroe oorlogwapen di joe kan prakseri, na atoombom. A de krin dati den Verenigde Naatsi no e skreki den, ma na frede foe den sani di a tra sé o doe foe teki wraak efoe wan atoombom ben sa gebroiki, e skreki den.
9, 10. Foe san-ede wi e doe boen foe poti oen fertrow na tapoe wan tra fortresi?
9 Ma a sani di troetroe de wan kear gi na tan a libi foe den naatsi de soleki wi ben taki kaba „na feti foe na bigi dé foe Gado na Almaktiwan”. San den naatsi kan ferwakti foe bigin nanga Gado na Almaktiwan na Sma di ben poti na kefarlek bigi krakti na ini a kern foe ibri atoom materie? Kande joe abi na overtoigi dati na Mekiman di joe no kan teki gersi nanga nowan sortoe sma de foeroetron moro makti leki den naatsi nanga ala den fetisani foe den. Den sma di e ferstan disi — èn Jehovah Kotoigi e ferstan dati — abi soso wán sani foe kisi ferloesoe. Dati e tjari kon a krin na ini den tra wortoe foe Jehovah di e kon now:
„Na a tra sé meki a graboe hori mi fortresi, meki a meki vrède nanga mi; vréde a moe meki nanga mi” (Jesaja 27:5).
No wan enkri libisma instelling de na fortresi pe wan sma na grontapoe kan lon go foe feni sékerfasi ofoe foe meki feti no kon na grontapoe, èn séker a no de na fortresi pe ala famiri foe na grontapoe moe lon go foe kan tan sondro foe wan sani psa nanga den.
10 Séker kande joe sabi dati foeroe sma na ini a ten disi nanga den tiri de na ini den tak-go-tak-kon nanga boewégi di e hori densrefi bezig nanga kernfetisani èn foe poeroe fetisani. Ma a wan sari sani foe si dati disi e poeroe den prakseri foe na troetroe sani, dati na feti foe Gado na Almaktiwan di no kan tapoe ini Armageddon abi na kefar foe pori gi ala naatsi. Efoe joe e ferstan na troetroe sani dati, dan joe sa doe boen foe drai go na Jehovah. Na „fortresi” foe en de a sani di ala sma di e soekoe sékerfasi, moe graboe hori bika na a fasi disi den e lon go na a sma di abi krakti di no kan kaba. Na heri organisaatsi foe Satan Didibri no sa man foe wini na aparti kristen di „graboe” na fortresi disi hori.
11. Fa wi kan gebroiki Jezus wortoe na ini Lukas 14:31-33 ala di wi e graboe na fortresi foe Gado hori?
11 Jehovah nanga en legre ondro na Fesiman, Jezus Kristus, e hari now leki fa a de go na fesi. Aladi den de wan pisi ete e kon, dan na fasi foe doe di a gesontoe ferstan e sori, efoe a no de na troe koni, de dati wan sma foe taki en na agersifasi e seni go a fesi wan vréde-groepoe èn e begi foe vréde foe di a hori na prakseri na moro bigi makti di kan masi sani. Di na Fesiman foe na legre foe Jehovah di no wan sma kan wini ben de dja na grontapoe leki libisma, a ben gi a rai foe waka baka so wan fasi (Lukas 14:31-33). Èn efoe joe go ondrosoekoe soifri san Jezus ben taki, dan joe sa si dati a ben tjari a fasi fa wi e si wi goedoe kon ini akroederi nanga dati. Efoe wi e libi now na ini wan kondre di e go a fesi èn a abi ala sani ofoe na ini wan kondre foe na Derde Wereld pe a e kostoe wan heri feti foe kisi sékerheid na monisé, wi moesoe ondrosoekoe wi fasi foe si sani finifini. Aksi joesrefi: Mi e poti mi fertrow troetroe a tapoe na tranga foe Jehovah leki mi fortresi of mi e gi pasi dati goedoe teki a moro prenspari presi na ini mi libi? Lési na ini disi grantangi Lukas 12:15-21 pikinso.
12. Sortoe bewijsi wi abi dati foeroe sma na ini a ten disi e graboe Jehovah „fortresi” hori?
12 Na a heri grontapoe foeroe doesoendoesoen Kotoigi foe Jehovah ben drai gó na Jehovah sondro kondisi èn ben soekoe vréde nanga en. Foeroe e seti den afersi so, dati ibri moen den e gi tintin joeroe na a wroko di de na ini a meki foe discipel. Ibri sma di e span ensrefi troetroe tranga foe dini Jehovah, kan ondrofeni ensrefi na „pramisi” vréde foe Gado di e psa ibri libisma prakseri ofoe ibri libisma ferstan (Filippi 4:7). Solanga ten de ete, den e tan jepi trawan foe kon na ini a fasi disi pe den e ondrofeni na vréde di komoto foe Jehovah foe den legre. Sortoe presi na wroko disi di de de foe ferloesoe libi, e teki ini wi libi?
„Foeroe na fatoe kondre nanga njanjan”
13. San wi kan ferwakti ini wi ten soleki Jesaja 27:6 e sori?
13 Sortoe rol na jeje Israêl sa pré na grontapoe te a ben sa kon baka na ini na boen-ati foe Jehovah, baka na Fosi Grontapoe Feti? Disi wi e kon sabi na ini den dek’ati wortoe di e kon now èn di skrifi na ini Jesaja 27:6:
„Ini den dé di e kon Jakob sa meki roetoe, Israel sa meki bromki èn sproiti troetroe; èn den sa foeroe na fesi foe na fatoe kondre troetroe nanga njanjan.”
Ondrosoekoe o troe den wortoe dati de na ini wi ten. Te joe e doe disi, dan joe sa abi moro réde foe go moksi joesrefi nanga a pipel foe Gado, ofoe, efoe joe ben doe dati joe sa man, foe teki wan moro faste bosroiti foe tan wan foe den troe anbegiman, awinsi sortoe tesi ofoe moeilekheid mag kon ete.
14. Fa Jesaja 27:6 kontroe tapoe a pipel foe Gado?
14 Foe sensi 1919, na jari pe na fosi algemeen kongres foe Jehovah Kotoigi ben hori na ini Cedar Point (Ohio), dan a mindri den anbegiman foe Jehovah moro nanga moro kon a krin wan situwasi leki di foe san Jesaja ben taki foe en a fesi. No langa a baka dati foe eksempre na Wachttoren Genootschap ben bigin foe druk en njoen tijdschrift, na Gowtoe pisiten, di den e kari now Ontwaakt!. A ben de netleki na jeje Juda na ini a ten dati ben meki roetoe.
15. Sortoe span ferwakti den ben pristeri troe anbegiman foe a fositron na ini 1918?
15 Na so fasi den troe kristen ben bigin gro na ini den fosi jari foe na konfri èn kon boen baka foe den na ini Jehovah boen-ati leki „na prani foe Jehovah” (Jesaja 61:3). J.F. Rutherford ben hori na ini 1918. na laatste jari foe na fosi Grontapoe Feti, na froewondroe publikitaki: „Miljoenmiljoen sma di e libi now no sa dede noiti”. Disi no ben de wan sani pe den ben loekoe afersi hé psa marki, foe di soso wan pikin fikapisi foe den discipel di santa jeje ben wiki èn di de foe na Kownoe Kristus Jezus di ben e tiri ben tan abra na grontapoe foe teki doe na wroko di Gado ben sori èn di na a ten dati ben poti tapoe den skowroe?
16. (a) Fa na fikapisi ben doe nanga den ferwakti di den ben pristeri den? (b) Foe sortoe „njanjan” den e prisiri, èn nanga sortoe bakapisi?
16 Fa Jehovah ben sa gebroiki den kristen disi foe foeroe na „fatoe gron nanga njanjan”? Na fikapisi foe na jeje Israël ben teki fesi, ma san kan taki foe na „njanjan” di a fatoe gron ben sa foeroe nanga en? Na fikapisi ben feni na „njanjan”, èn ooktoe na boen njoensoe foe a Kownoekondre foe Jehovah di ben opo ini anoe foe Kristus so switi èn so nanga foeroe krakti, taki den ben wani meki tra sma njan boen foe en. Jehovah ben taki a fesi taki na pikinwan ben sa tron doesoen èn a mendri wan wan makti naatsi, èn disi ben sori taki a no ben de wan fowtoe teri foe a sé foe Gado (Jesaja 60:22). A no ben tan foe dat’ede langa ofoe na fikapisi foe na jeje Israël ben kisi leki mati „wan bigi ipi tra skapoe” foe na Toemsi Boen Herder, Jezus Kristus. — Openbaring 7:9-17; Johannes 10:16.
17, 18. Leki fa joe e loekoe en, dan a de troe dati ’na fesi foe na fatoe gron e foeroe nanga njanjan’?
17 Kande joe sabi fa a de now nanga a troe kristendom. Na Wachttorengenootschap abi now 94 bijkantoro na a heri grontapoe. Nownow joe abi sowan 48.000 aktief gemeente foe Jehovah Kotoigi na ini 203 kondre. Ala grani foe disi de gi na troe Gado èn den aparti sani disi di e psa na ini a ten dati na „kaba” di ben taki a fesi na ini Mattéus 24:14 no kon ete, e dini foe gi en Wortoe, di no e misi noiti, reti.
18 Ija, pikinmoro 3 miljoen kristen na a heri grontapoe e wroko makandra nanga na Wachttorengenootschap. Na ipi disi di abi miljoenmiljoen sma de moro foeroe foe den „tra skapoe” foe Kristus, di langa ten now kaba e doe a moro bigi pisi foe na grontapoe kotoigi wroko èn ’na prisiri foe Jehovah de a tranga ofoe fortresi foe den’ (Nehemia 8:10). Foe-dat’ede meki ibriwan foe wi de na ini na okasi foe gi wisrefi njanjan boen èn foe abi wan prati ’foe foeroe na fesi foe na fatoe gron nanga njanjan’.
19. Foe sortoe sani foe „na fatoe gron” joe kan prisiri, èn fa joe e denki foe dati?
19 Wi kan abi na overtoigi, dati Jehovah noiti sa gi pasi dati na disiten „njanjan” foe na „fatoe gron”, na wrokokontren pe en kotoigi e wroko, sa pori. A wroko foe den kotoigi foe en di e préki noiti sa doe foe soso! Den jeje froktoe ofoe „njanjan”, di troe kristen ben prani, ben dini leki njanjan gi ala sma di wani njan boen foe en. A mindri den disi joe sa abi ooktoe baka wan pisten den miljardmiljard sma di ben dede èn di sa wiki kon na libi na ondro na doesoen jari tiri foe Jezus Kristus. Go prakseri pikinso san disi kan wani taki na ini a ten di e kon gi joe! Te a ten doro drape dan ooktoe foeroe Israëlsma na skinfasi foe na ten di psa sa opo baka. Sonwan foe den kande sa de na ini na fosi kontroe foe na profétitori na ini Jesaja kapiter 27. Joe no ben sa feni en wan toemsi moi sani foe libi dan sodati joe kan leg uit fa joe ben abi wan prati na a moro bigi disiten activiteit foe ’foeroe na fatoe kondre nanga njanjan’? — Teki gersi nanga Openbaring 22:2, 3.
Meki wan kaba kon na a pasi di na “Levíathan” e waka
20. San e wakti na „Levíathan”, èn fa dati sa abi krakti na tapoe na Soevereiniteit foe Gado?
20 Dan na agersi Egypte, na disiten godelowsoe seti foe sani pe Satan Didibri e tiri a tapoe leki Gado, no sa de moro. Jehovah ben sa poti en prakseri na tapoe na agersi Levíathan, na sneki di e grati gwe èn e kron ensrefi, èn di de leti mindri na libisma se. En nanga den naatsi, srefi vereniging foe naatsi, sa poeroe a pasi. A no sa kan wroko sondro sani tapoe en foe pori na libismafamiri, foe soema Jezus ben dede gi (Jesaja 27:1). Ija, Satan Didibri sa sroto boen na ini a peti di no abi gron na ini a ten foe na heri doesoen jari foe Jezus Kristus, na manpikin foe David èn na reti erfgenaam foe a kownoekondre. Den 144.000 jeje Israëlsma sa tiri nanga Kristus, na agersi lew foe na lo foe Juda, leki mede-erfgenaam foe en na ini hemel (Romeini 8:16, 17; Openbaring 5:5, 9, 10; 7:1-4). Jehovah na Moro Héwan, sa kisi leti foe tégo leki na Soeverein Masra foe na Universum. Jehovah universele organisaatsi na ini hemel èn na grontapoe sa ondrofeni nanga foeroe prisiri na vréde nanga wánfasi di e tan. Te ten di no sa abi kaba, ija foe tégo, Jehovah sa prisiri foe en universele organisaatsi di tjari kon na wan.
Joe kan memre disi ete?
◻ Foe san-ede troe kristen a fesi kaba ini na jarhondro disi ben firi jehovah „atibron”, èn san wi kan leri foe na ondrofeni disi?
◻ Tra fasi leki den naatsi, fa wi kan graboe ’hori Jehovah leki wi fortresi’? (Jesaja 27:5)
◻ Fa na „fatoe kondre” na ini wi ten ben foeroe nanga „njanjan”? (Jesaja 27:6)
◻ Sortoe kontroe na ini a ten di e kon foe Jesaja 27:1 wi kan loekoe toe nanga foeroe fertrow?
[Prenki na tapoe bladzijde 8]
Son sma e howpoe dati libisma sa poeroe na gevaar foe wan kernfeti, ma koni sma foe ala naatsi ’e graboe hori stéfi Jehovah fortresi’
[Prenki na tapoe bladzijde 10]
Na gro ini nomroe foe kristensma di kisi jeje njanjan boen de foe si na ini den bijkantoro foe na Wachttorengenootschap di e kon moro bigi dé foe dé
Spanjorokondre
Brasion
Canada