Jezus libi nanga diniwroko

Na fosi wondroe foe Jezus

JEZUS nanga den njoen discipel di a ben kisi, ben go didjonsrode na a lagi presi foe na Jordaan. A ben de soso wan dé ofoe toe psa kaba dati Andréas. Petrus nanga Johannes nanga kande Jakobus, Filippus nanga Nathanaël ben tron Jezus en fosi discipel.

Den de now na pasi e go na oso na a distrikt Galiléa, pe den alamala komoto. Na presi pe den e go na Kana, na libipe foe Nathanaël, na den hépresi no fara foe Nazareth pe Jezus srefi ben gro kon bigi. Den kisi a kari foe de tapoe wan trow-oso na ini Kana.

Jezus en mama ooktoe ben kon na a trow-oso. A gersi leki Maria, leki na mati foe na famiri foe na trowpaar ben jepi foe sorgoe gi den foeroe sma di ben de drape. Soboen a e si wantewante dati mankeri de foe wan sani, èn dati a e ferteri na Jezus: „Den no abi win moro.”

Te Maria, te joe loekoe en boen e aksi dati Jezus doe wan sani na a mankeri foe win, dan Jezus no e firi foeroe foe dati na a fosi presi. „San mi abi foe doe nanga joe?” ai aksi. Leki na kownoe di Gado poti a no abi foe meki famiri ofoe mati feteri en san a moesoe doe. Foe dat’ede meki Maria de so koni foe libi na afersi gi en manpikin èn a e taki wawan gi den dienstknegti: „San a e taigi joe toe doe dati.”

We, siksi ston watrakan de drape, di ibriwan kan hori sowan fotenti liter. Jezus e komanderi den dienstknegti: „Foeroe den watrakan nanga watra.” Èn den jepiman e foeroe den te na a lanki. Dan Jezus e taki: „Teki now pikinso èn tjari en go na a tiriman foe a fesa.”

Na tiriman foe a fesa e ferwondroe foe na toemsi boen kwaliteit foe a win èn no e ferstan dati disi den meki nanga jepi foe wan wondroe. A e kari na trowmasra èn a e taki: „Ibri tra sma e poti fosi na moro boen win, èn te den sma droengoe, na wan di no de so boen. Joe ben kibri na moro boen win foe now.”

Disi de a fosi wondroe di Jezus e doe, èn te en njoen discipel ben si en, dan den bribi e kon tranga. Bakaten den e reis makandra nanga en mama nanga en brada go na a foto Kapernaüm, krosbé foe a se foe Galiléa. Johannes 2:1-12.

◆ Oten na trow-oso na ini Kana e feni presi?

◆ Foe san-ede Jezus e kakafoetoe gi na aksi foe en mama?

◆ Sortoe wondroe Jezus e doe, èn sortoe krakti dati abi tapoe tra sma?