Trowstoe gi sma di e kibri den soifri-retifasi
„Foe mi soifri retifasi ede joe ben hori baka gi mi.” — PSALM 41:12.
1. Foe san-ede Jehovah pipel abi trowstoe fanowdoe?
DEN kotoigi foe Jehovah di e kibri don soifri-retifasi abi trowstoe fanowdoe foe di den de a sani di sma poti prakseri a tapoe foe ferfolgoe. A no de foe taki dati den moe ferwakti den sortoe tesi disi, bika Jezus Kristus ben taigi en bakaman: „Wan srafoe no de moro bigi leki en méstri. Efoe den ben forfolgoe mi, dan den sa ferfolgoe oenoe toe” (Joh. 15:20). Jehovah pipel abi spesroetoe now trowstoe fanowdoe. Foe san-ede now? Foe di na sma di biginbigin ben broko a soifti-reltifasi foe sma, Satan Didibri, ben iti go na a birti foe na grontapoe èn abi soso wan sjatoe pisten ete. Foe dat’meki ai sreka ensrefi now leki wan fetiman tege Gado nanga en dienstknegti, foe na laste aanval foe en. — Openb. 12:7-9,
2. Fa kristensma de nanga na pina foe kompe-bribiman?
2 Leki dienstknegti foe Jehovah wi e begi fajafaja gi wi brada nanga sisa di moe wroko na ini kondre pe den tapoe a wroko ofoe pe ferfolgoeman e tapoe skreki gi den èn e mishandel den (Tori. 12:1; 2 Thes. 1:4). Wi e prijse kristensma di ferdrage getrow den koskosi foe na sé foe sma di komoto na bribi èn foe tra sma (Matt. 5:11). Wi e firi lobi brok’ede gi kompebribiman di ondrofeni gens foe famiriman oefoe di de ini wan osofamiri di prati na ini a tori foe bribi (Matt. 10:34-36). Èn na tranga firi di wi abi gi trawan e go na sma di e kibri den soifri-retifasi, di abi foe di nanga hebi siki èn siki di den abi boen langa. Ma foe san-ede ala na pina disi? Èn sortoe trowstoe de gi man nanga oema di e kibri den soifri-retifasi?
Denki na a réde èn na a kibripresi
3. San Satan e proeberi foe doe foe di a e tjari ferfolgoe kon tapoe wi?
3 Awinsi sortoe wrokosani di Didibri sa moe gebroiki gi disi, efoe a de now libisma wan ofoe ogrijeje wan, na marki foe en de foe „swari kristensma” (1 Petr. 5:8). Ija, Satan e tjari ferfolgoe nanga tra moeilekheid kon tapoe wi na ini wan moeiti foe ruïneer wi matifasi nanga Jehovah Gado èn foe meki wi de deloyaal sma di broko den soifri-retifasi. Ma ini ala den sani disi wi de sondro verdédiging? Nono, kwetkweti!
4. Sortoe djaranti sma di e kibri den soifri-retifasi abi èn di abi foe doe nanga ferfolgoe èn trafasi foe ongolokoe?
4 Jehovah sa de wi kibripresi efoe wi soekoe en jepi ini begi. Te wi abi foe doe nanga ferfolgoe èn tra fasi foe ongolokoe, dan wi kan begi en netleki a psalmsingiman David: „Sori mi boenati, o Gado, sori mi boenati, bika na joe mi sili ben teki en kibripresi; èn na ini na skaduw foe joe fré mi e soekoe wan kibripresi te leki den ongolokoe harl psa gwe” (Psalm 57:1). Leki sma di e kibri den soifri-retifasi wi kan abi na djaranti dati te na ten doro, drape wi sa kisi ferlekti foe na sé foe Jehovah, oen Kibripresi. Èn wi kan abi na srefi fertrow leki David, di ben taki na ini begi na Gado: „Foe mi soifri-retifasi ede joe ben hori baka gi mi, èn foe ten di no abi marki joe sa poti mi na joe fesi.” — Psalm 41:12.
5. Sortoe fasi kristensma di e kisi ferfolgoe abi fanowdoe èn sortoe howpoe wi abi?
5 Ma foe di tesi kan tan go doro wan pisten, meki wi moe kweki hori-doro. Na apostel Paulus ben gi den Hebrew kristen na dek’ati ’foe tan denki na den dé foe fosten, pe den ben ferdrage wan hebi stré ondro foeroe pina’. A ben skrifi moro fara: „Oenoe abi horidoro fanowdoe, foe kisi na kon troe foe na pramisi, baka te oenoe ben doe a wani foe Gado” (Hebrewsma 10:32-36). Gi salfoe kristen na kontroe foe na pramisi foe Gado sa wani taki libi na ini hemel sondro foe dede moro. Ma na „bigi ipi” abi na ferwakti tapoe tégo libi ini wan grontapoe paradijs (Openbaring 7:9; Lukas 23:43). Ija, ferloesoe foe kisi tégo libi de wan sani di kan gi ala sma di e hori-doro te na a kaba leki sma di e kibri soifri-retifasi. — Markus 13:13.
6. Foe san-ede wan lo foe kotoigi foe Jehovah abi speroetoe horidoro fanowdoe èn sortoe jepi den abi?
6 Tintin jari baka makandra Jehovah Kotoigi na ini son kondre ’ben abi hori-doro spesroetoe fanowdoe’. Foe san-ede? Foe di den ben moe doe den santa dienst na ini moeilek gebied ofoe ala di difrenti moeilek omstandigheid ben de, pe joe ben abi na ini ooktoe a tapoe foe a wroko foe a sé foe lanti. Kande joesrefi de na ini a situwasi dati joe moe hori-doro aladi joe abi wan takroe gosontoe ofoe aladi joe e ondrofeni gens foe joe osofamiri ofoe famiri foe joe kristen activiteit ede. Den sortoe tesi disi ben kan meki sma, di e fertrow soso tapoe libisma krakti, foe stop nanga a wroko, ma Jehovah Kotoigi no e stop, foe di a jepi ’foe den e kon foe Jehovah, a Mekiman foe hemel nanga grontapoe’. — Psalm 121:1-3.
7. (a) Sortoe okasi tesi di e tan go doro e gi wi? (b) Foe san-ede wi kan bribi san Paulus e taki ini Filippi 4:13?
7 Wi moe ferdrage son situwasi kande te na a kaba foe a seti foe sani disi. Ma a tesi di e tan hori-doro e gi wi a okasi foe bewijsi wi soifri-retifasi na Gado èn foe prisiri en ati (Odo 27:11). Na a srefi ten Jehovah e gi na krakti di de fanowdoe foe hori doro ini getrowfasi. Na apostel Paulus ben skrifi: „Gi ala sani mi abi na tranga foe en di e gi mi krakti” (Filippi 4:13). Joe kan bribi den wortoe dati di e gi joe wan korostoe ati, bika den sori taki den de troe alaten na ini a geval foe „na heri gemeenschap foe wi brada na grontapoe”. — 1 Petrus 5:9, 10
Sma di e kibri den soifri-retifasi e gi wi dek’ati
8. Sori nanga wan eksempre fa sma di e kibri den soifri-retifasi na ini wan osofamiri kan kisi blesi.
8 A de wan fonten foe bigi dek’ati foe si ’na heri gemeenschap foe brada na grontapoe’ e tan de soifri èn reti. Di foe eksempre wan bijbelstudie ben opo na wan katholiek oema na ini Ierland, dan na man foe en ben sori ensrefi taki a de wan bigi gensman èn ben taki dati a boo go broko a trow. Tokoe a frow ben go doro nanga a studie, èn tapoe wan boen dé a ben gi a man foe en wan eksemplaar foe na boekoe Joe kan libi foe tégo na ini wan paradijs a grontapoe. Na tekst di skrifi krin èn di e taki sani sondro draidrai èn den moi prenki ben taki nanga en. A no ben teki langa ofoe na man ben studeri na bijbel nanga jepi foe a boekoe disi. A ben stop nanga smoko, èn sjatoe baka dati a trowpaar ben poeroe den nen leki memre foe a katholiek kerki èn den ben pori den so kari prenki foe den santa sma. Heri esi kaba na oema ben teki dopoe èn ben teki prati na a jepi pionierwroko aladi a man foe en e go boen a fesi na ini a diniwroko. Den sortoe ondrofeni disi troetroe kan de wan dek’ati gi den sma di e horidoro leki sma di e kibri den soifri-retifasi na ini wan prati osofamiri. — 1 Korinte 7:12-16.
9. Fa sma di e kibri den soifri-retifasi èn di malengri na skinfasi kan jepi trawan?
9 Tra sma di e kibri den soifri-retifasi ben bewijsi den getrowfasi aladi den ben abi wan swaki gosontoe ofoe ben de malengri. Na ini Ingrisi-kondre wan malengri kristen di e anga foe wan lolostoeroe tokoe ete abi prisiri na ini en diniwroko. A ben skrifi: „Aladi foe sensi 1949 den ben taki dati mi no boen moro foe wroko, a ben prisiri Jehovah foe gebroiki mi ala a ten dati. Foe dat’ede den jari ben hari psa esesi toe. Mi ben leri dati srefi wan sma di malengri srefsrefi kan jepi heri boen tra sma. Mi oema nanga mi de gi difrenti memre foe na gemeente wan sortoe ankra. Nanga na omstandigheid foe wi meki wi e de alaten, alaten dati trawan kan gebroiki wi.” No meki no wan enkri malengri kristen na skinfasi firi broko skin, bika efoe a de wan man ofoe oema, a kande wan fonten foe dek’ati gi trawan.
10. Fa sma di e kibri den soifri-retifasi kan jepi kompe-bribiman foe di den no e broko kindi gi ferfolgoe?
10 Sma di e hori den soifri-retifasi no e broko kindi na ondro ferfolgoe. Wán brada di ben de na ini doengroe-oso foe di a ben hori en kristen neutraliteit, ben taki: „Fonfon ben de wan faste pisi foe a libi foe mi èn den fonfon ben kon moro foeroe na ini nomroe èn moro hebi. Dé foe dé mi ben kon moro swaki foe di nofotron mi no ben kisi njanjan. Doronomo mi ben e begi na Jehovah èn mi kan taki dati a no ben libi mi. Omoro den ben e naki mi, omoro mendri mi ben e firi en.” Aladi na kotoigi disi foe Jehovah Moro leki toe jari ben kisi straf’oso-strafoe tokoe a ben kibri en neutraliteit (Jesaja 2:2-4; Johannes 15:19). Foeroe tra sma di ben kibri den soifri retifasi ben teki sowan sortoe bosroiti. Foe di na a fasi dati den ben kibri den soifri-retifasi meki den de séker wan dek’ati eksempre di kan gi tranga na kompe-bribiman foe de getrow.
Trowstoe di noiti e misi
11. Kristensma abi sortoe djaranti foe a bijbel foe kisi trowstoe?
11 Den eksempre di wi kari dja a tapsé de soso wan toe foe den foeroe eksempre di e sori dati Jehovah de nanga en getrow pipel. Jehovah „de na Tata foe den safoe sar’ati èn na Gado foe ala trowstoe, di e trowstoe wi na ini ala wi benawtoe” (2 Korinte 1:3, 4). Ija, „Gado de gi wi wan kibripresi nanga wan tranga, wan jepi di de makriki foe feni na ini benawtoe” (Psalm 46:1-3). Fa a de wan trowstoe foe sabi dati a e hori baka gi wi nanga wi kompe-bribiman na ini ala wi benawtoe!
12. Sortoe krakti na soifri-retilibifasi foe Paulus ben abi tapoe kompe-kristen?
12 A de gi wi dek’ati te wi e si dati kompe-anbegiman foe Jehovah e hori doro aladi difrenti pina e miti den leki loyaal kristen. Dati ben de so di trawan ben si a getrowfasi foe na apostel Paulus. A ben skrifi: „Den afersi foe mi ben jepi foe na boen njoensoe go na fesi, sodati den straf’oso boei foe mi ben kon de bekènti na ala pe èn a Moro bigi pisi foe den brada na ini Masra e sori moro dek’ati foe taki na Wortoe foe Gado sondro frede, foe di foe mi straf’oso boei ede den ben kisi fertrow.” — Filippi 1:12-14.
13. Sortoe krakti a kan abi te wi srefi e kibri wi soifri-retifasi?
13 Ija, efoe joe sabi dati tra kotoigi foe Jehovah e hori den soifri-retifasi aladi ferfolgoe e miti den, dan wi e kisi tranga foe tan getrow. Èn te wi srefi e hori wi soifri-retifasi ondro tesi, dan wi e gi trawan dek’ati foe taki a Wortoe foe Gado sondro frede. Ija, a de gi wi séker satisfaksi foe sabi dati wi getrowfasi de wan fonten foe dek’ati nanga blesi gi den.
14. San de toe fasi tapoe fa Jehovah e trowstoe wi?
14 Jehovah e hori baka gi wi nanga jepi foe en santa jeje. Te joe loekoe en boen, dan wi de soleki Petrus ben skrifi, ’kolokoe efoe wi e kisi sjen foe a nen foe Kristus ede, foe di a jeje foe glori, ija na jeje foe Gado de tapoe wi’ (1 Petrus 4:12-16). Gado e trowstoe wi èn den kompe-bribiman foe wi di e kisi pina ooktoe, foe di Gado e jere den begi foe wi. „No broko ede foe noti”, Paulus ben skrifi, „ma meki na ini ala sani nanga begi èn tranga begi makandra nanga taki tangi den begi foe joe kon de bekènti na Gado, èn na vréde foe Gado, di e psa ala prakseri, sa kibri joe ati nanga joe jeje koni nanga jepi foe Kristus Jezus” (Filippi 4:6, 7). Joe abi ooktoe sowan fertrow na ini „na Jeriman foe begi”? — Psalm 65:2.
Kisi trowstoe foe a Wortoe foe Gado
15. Fa joe ben sa kan gersi na waarheidgetrowfasi foe Romeini 15:4?
15 Ooktoe na santa Wortoe foe Gado de wan fonten foe foeroe trowstoe. Na apostel Paulus ben taki foe disi: „Ala sani di ben skrifi granwe, ben skrifi foe leri wi, sodati nanga jepi foe wi hori-doro nanga jepi foe na trowstoe foe den Boekoe wi ben sa abi howpoe” (Romeini 15:4). Te foe eksempre wi e lési foe na wondroe fri foe Israël komoto foe Egypte ofoe foe na fasi fa den djoe ben tan na libi na ini den dé foe koningin Esther, dan dati no e tranga wi fertrow dan na ini Jehovah leki wan Ferloesoeman di no abi en speri? Èn fa a de nanga a tori foe a fasi fa Job ben tan hori soifri-retifasi aladi bigi ongolokoe ben miti en? Disi e sori séker fa Jehovah disiten dienstknegti kan ferdrage pina na ini a krakti di Jehovah e gi. „Trowstoe foe den Boekoe” séker kan foeroe sma di e kibri den soifri-retifasi nanga howpoe èn dek’ati.
16. Sortoe korostoe di e gi trowstoe wi e feni na ini 1 Petrus 5?
16 Ma san wi kan doe efoe den problema foe wi e meki wi firi brokosaka? Sékerfasi foe den Boekoe di e gi trowstoe séker kan meki dati wi firi oensrefi boen sondro kefar leki wan bakapisi foe Jehovah sorgoe èn kan meki dati wi feni ferlekti na ini wi broko-saka. Na apostel Petrus ben skrifi: „Saka joesrefi na ondro na makti anoe foe Gado, sodati a kan hé joe te a ten doro drape, aladi joe kan poti ala joe brok’ede tapoe en, bika a e sorgoe gi joe” (1 Petrus 5:6, 7). Ija, Jehovah „e sorgoe gi joe”. Fa disi de wan prakseri di e gi joe trowstoe! Noti kan psa san en no e si ofoe no kan abi ini en makti. Boiti foe dati, Paulus e gi na djaranti di e kon now: „Gado de getrow èn a no sa gi pasi dati joe kisi tesi moro san joe kan tjari, bika nanga na tesi a sa sorgoe ooktoe foe wan pasi foe komoto, sodati joe kan tjari en” (1 Korinte 10:13). Joe kan reken na tapoe dati leki wan sma di teki faste bosroiti foe kibri en soifri retifasi!
17. Sortoe tra sani di seti de, di e gi wi trowstoe?
17 Wan studie foe na Wortoe foe Gado na ondro begi èn foe den kristen publikatie di na „getrow èn koni srafoe” ben gi, kan trowstoe na ini a ten foe druk (Mattéus 24:45-47; Psalm 119:105). Èn disi de ooktoe so na ini na gosontoe bijbel rai foe owroeman na ini na gemeente. Den e aksi foe den dati den ’taki nanga den sili di broko saka foe gi den dek’ati, foe hori baka gi den swakiwan èn foe de nanga pasensi nanga ala sma’. — 1 Thessalonika 5:14.
18. Sortoe trowstoe de gi wi efoe wi no abi foeroe sani tapoe a kontren foe goedoe?
18 Ma sortoe fertrowstoe de efoe wi abi pikinso sani a tapoe a kontren foe goedoe? A de foetroe wan trowstoe foe sabi dati na ini a Njoen Seti foe Gado boen oso, njanjan pasamarki èn tra blesi na skin sé sa de. (Psalm 72:16; 2 Petrus 3:13; teki gersi nanga Jesaja 65:17-25.) Ma srefi now nanga jepi foe wan kristen libifasi wi kan sorgoe dati moni no fermorsoe na a takroe smoko gwenti, na a gebroiki foe sopi pasamarki, dobel nanga so moro fara. A moni di wan sma e kibri na a fasi disi, a foe a geboiki foe na boen foe en osofamiri. Te wi e teki a rai foe a Wortoe foe Gado, dan wi kan kisi jepi ooktoe foe de tevréde nanga mendri sani tapoe a kontren foe goedoe. Paulus ben abi na tevréde fasi disi, bika a ben taki: „Sondro degedege a de wan sani foe bigi wini na gi di wan sma e gi ensrefi disi na a dini foe Gado makandra nanga a de tevréde nanga san wan sma abi. Bika wi no ben tjari noti kon na ini a grontapoe èn wi no kan teki noti ooktoe gwe foe en. Efoe wi abi foe dat’ede njanjan nanga krosi, wi moe de tevréde nanga dati” (1 Timotéus 6:6-8; Filippi 4:11, 12). Efoe wi e poti wi prakseri soso. a tapoe wi grani di wi abi na ini Jehovah dienst, dan disi e tjari foeroe blesi kon di e goedoe wi foe troe. — Odo 10:22.
19. Fa wi kan tjari siki di e tan langa?
19 Dan san foe doe efoe wi kisi foe doe nanga wan siki di e tan langa? Wi kan tjari disi nanga a jepi foe Jehovah èn na trowstoe foe en Wortoe. Na psalmsingiman David ben taki: „Kolokoe ibriwan sma de di e sori taki ai firi gi den mofinawan . . . Jehovah srefi sa hori baka gi en tapoe wan bedi foe siki” (Psalm 41:1-3). Wi no e libi now na ini wan ten foe dresi wan sma na wan wondroefasi. Ma Jehovah e gi kristensma nanga wan swaki gosontoe na koni èn krakti di de fanowdoe foe kakafoetoe gi den siki foe den aladi den e poti den kownoekondre afersi na a fosi presi ini den libi. — Mattéus 6:33; 2 Korinte 12:7-10.
20. Fa wi kan kakafoetoe gi sari efoe wan sma di wi lobi dede?
20 Fa wi kan kakafoetoe gi na sari di wan sma e ondrofeni te wan lobiwan foe en dede? Wi kan kisi trowstoe foe na bijbel howpoe foe wan opobaka (Johannes 5:28, 29; Tori foe den Apostel 24:15). Soboen awinsi wi e sari foe di wan sma, di wi ben lobi, dede, tokoe ’wi no e sari leki den tra sma di no abi howpoe’ (1 Thessalonika 4:13). Fa na howpoe tapoe wan opobaka de wan kefarlek trowstoe gi sma di kibri den soifri-retifasi!
Tan poti fertrow na ini na Gado foe trowstoe
21. San hori-doro ondro benawtoe e tjari kon foeroetron?
21 De séker dati Jehovah, „na Gado foe ala trowstoe”, no sa libi noiti en loyaal pipel di gi densrefi abra na en (2 Korinte 1:3; Psalm 94:14). A de ooktoe boen foe hori na prakseri dati wan sma kan gi grani ofoe klori na Gado efi leki kristen a hori-doro ondro ferfolgoe. Sowan sortoe behandeling e poti na prakseri tapoe en pipel èn tapoe na kownoekondreprékiwroko foe den, èn disi foeroetron ben abi wan moro bigi gro na ini a nomroe foe prijseman foe Jehovah leki bakapisi. — Teki gersi nanga Tori foe den Apostel 8:4-8; 11:19-21.
22. San moesoe de na faste bosroiti foe wi na ini a tori foe soifri-retifasi?
22 Soboen, meki nanga na jepi foe Gado wi de nanga na faste bosroiti foe no broko kindi gi den triki foe Satan foe broko wi soifri-retifasi. Meki wi handri na ini bribi èn tan poti fertrow na ini Jehovah. No meki wi loekoe noiti psa den foeroe fasi fa a e blesi, e ori baka èn e trowstoe wi leki en dienstknegti. Meki wi bewijsi a gi di wi e gi wisrefi na ini a dini foe en èn na a gi di wi e gi wisrefi na en regtvaardiki gronprakseri èn hori en soevereiniteit hé. Hori ooktoe na ini prakseri dati disi de wan toemsi persoonlek afersi. Go doro foe doe na wani foe Gado, aladi joe e wroko makandra nanga Jehovah organisaatsi na ini a ten disi di wani taki foeroe. De nanga prisiri foe na grani di joe abi foe kan prisiri Jehovah ati foe di joe e tan de getrow na en èn no fergiti noiti dati a e gi sondro mankeri trowstoe na ala sma di e kibri den soifri-retifasi.
Fa na piki foe joe de?
◻ Foe san-ede Jehovah dienstknegti abi speciaal trowstoe fanowdoe?
◻ Foe san-ede Satan e tjari ferfolgoe kon tapoe kristensma?
◻ Fa sma di e kibri den soifri-retifasi kan gi wi dek’ati?
◻ Fa wi kan kisi trowstoe foe a Wortoe foe Gado?
◻ Sortoe djaranti wi e kisi na ini 1 Petrus 5:6, 7 èn 1 Korinte 10:13?
[Prenki na tapoe bladzijde 6]
Satan poti en prakseri a tapoe foe swari Jehovah dienstknegti, ma wi séker no de sondro verdediging
[Prenki na tapoe bladzijde 8]
Jehovah e jere a begi foe sma di kibri den soifri-retifasi. Joe e begi alaten?