Feti leki wán man na baka na marki foe libi
„Disi wani taki tégo libi, dati ala joeroe den teki sabi na ini den foe joe, na wń enkri troe Gado, èn foe en di joe ben seni kon, Jezus Kristus.” — JOHANNES 17:3.
1. (a) Na sortoe okasi Jezus ben taki foe a fositron foe „tégo libi”? (b) Soema kan doro a marki disi?
A WÁN kibrifasi a e kon, sondro dati wan sma si en, na ini a doengroe foe na neti. A de Nikodémus. Den marki di Jezus ben doe na ini a ten foe na Pascha na ini 30 G.T. na ini Jeruzalem ben wroko tapoe en. Na a Fariséman disi na Manpikin foe Gado ben taki „foe tégo libi” di skrifi foe a fositron na boekoe, èn a ben taki den wortoe di e kon now di e waran na ati: „Gado ben lobi na grontapoe sote dati a ben gi en wán enkri Manpikin, sodati ala sma di e sori bribi na ini en, no sa go pori, ma ben sa abi tégo libi” (Johannes 3:15, 16). Fa wan bigi okasi opo now gi a grontapoe foe libisma di ben kan bai kon fri! Ija, srefi wan bigimemre Fariséman, kan saka ensrefi foe doro a marki.
2. (a) Na ondro sortoe omstandigheid Jezus ben taki agen foe „tégo libi”? (b) Gi soema den e poti watra foe libi foe kan kisi?
2 Sjatoe na baka dati Jezus e waka foe Jeruzalem go na Galiléa. A e teki bro pikinso na wan fonten na ini Samaria, aladi en discipel e gwe foe bai njanjan. Wan oema e kon kisi watra. Jezus e taigi en: „Ala sma di e dringi foe a watra di mi sa gi en, noiti moro sa kisi dréwatra, ma na watra di mi sa gi en, sa tron na ini en wan fonten, di e koekoe kon a tapoe foe gi tégo libi” (Johannes 4:14). Foe san-ede Jezus e poti na a fesi foe a oema disi sowan diri howpoe, aladi den djoe e ferakti den Samaritaansma? Boiti foe dati, na oema disi soleki fa Jezus sabi ben libi nanga féfi man, èn e libi now makandra nanga wan man di no de en trow-man. Ma tokoe ete, soleki Jezus e taki dja dan waarheid watra di e gi libi sa de srefi foe ferakti sma foe na grontapoe foe libisma foe kisi, efoe den abi berow èn tjari den libi kon a krin. — Teki gersi nanga Kolosse 3:5-7.
3. (a) Sortoe „njanjan” Jezus e rekommanderi? (b) Fa Johannes 4:34-36 ben kontroe te na ini a ten disi?
3 „Tégo libi”! Jezus e go moro dipi na ini a thema disi moro fara te den discipel foe en e drai kon baka èn e aksi en tranga dati a moe njan wan sani. A e taigi den: „Mi njanjan de dati mi doe a wani foe en di ben seni mi kon èn foe klari en wroko.” San na a wroko dati? Jezus e taki: „Opo joe ai èn loekoe den gron, dati den weti foe koti njanjan. Now, kaba na sma di e koti njanjan e kisi pai èn e tjari froekoe konmakandra gi na tégo libi.” Sowan koti foe njanjan ben de a den fesi, srefi na mindri den sakafasi Samaritaansma, èn a tori e sori dati na koti disi foe njanjan ben tron wan prisiri sani troetroe (Johannes 4:34-36; Tori foe den Apostel 8:1, 14-17). A koti foe njanjan gi na tégo libi e go doro te na ini a ten disi, ma now na gron de na grontapoe. Den discipel foe Jezus Kristus ben abi ala ten foeroe foe doe na ini a wroko disi foe Masra. — Mattéus 13:37, 38; 1 Korinte 15:58.
„Na presenti foe libi”
4. Sortoe piki Jezus ben gi den djoe foe na hori foe na Sabbat?
4 Wan jari e psa. Na Pascha ten foe 31 G.T. doro now. Jezus de na ini Jeruzalem foe a fesa leki fa a gwenti. Ma den djoe e go ferfolgoe en foe di na tapoe na sabbat na wan lobifasi a e dresi sma. San Jezus e piki den? A e taki: „Mi Tata tan wroko te now ete, èn mi e tan wroko.” Foe dat’ede meki den e soekoe foe kiri en. — Johannes 5:17, 18.
5, 6. (a) Sortoe warti wanfasi Jezus e ferteri foe en now? (b) Na ini sortoe fasi Jezus „abi libi ini ensrefi”?
5 Ma Jezus e go moro fara foe ferteri foe wan toemsi diri wanfasi — na wanfasi di de a mindri en nanga a Tata. A e taigi den djoe dati: „Bika na Tata abi lobi gi na Manpikin èn ai meki a si ala sani di ensrefi e doe, èn a sa meki a si moro bigi wroko leki disi, sodati oenoe sa ferwondroe.” A e ferteri dati a Tata ben gi en kefarlek bigi makti, bika ai taki: „A sma di jere mi wortoe èn bribi En, di ben seni mi kon, abi tégo libi, èn a no e kon na ini a kroetoe, ma a komoto foe dede go abra na ini a libi.” — Johannes 5:20, 24.
6 Ija, srefi den sma di foe den sondoefasi ede di den ben kisi „de leki dede” na ini a ai foe Gado, kan „jere na sten foe na Manpikin foe Gado” èn kon a libi. Fa so dan? Jezus e tjari kon na krin: „Bika net soleki na Tata abi libi na ini ensrefi, na so a ben gi ooktoe na Manpikin foe abi libi na ini ensrefi.” Den wortoe dati „libi na ini ensrefi” kan vertaal ooktoe nanga den wortoe „na ini ensrefi na presenti foe libi” (Johannes 5:25, 26, Ingris NW-verwijsbijbel, voetnoot). Soboen, Jezus man foe gi libisma wan toemsi moi positsi na fesi foe Gado. Boiti foe dati, a abi na makti foe wiki den sma di e sribi na ini dede èn gi den libi. — Johannes 11:25; Openbaring 1:18.
7. (a) San Psalm 36:5, 9 e ferteri wi foe Gado? (b) Fa Jehovah ben pai en Manpikin di ben kibri en soifri retifasi?
7 Jehovah ben abi alaten libi na ini ensrefi. Na foe en den ben skrifi: „Na joe na fonten foe na libi de” (Psalm 36:5, 9). Ma na Tata ben wiki now komoto foe dede en Manpikin di ben kibri en soifriretifasi leki „na fosiwan foe den di ben go sribi”. Foe di Jezus abi en „ini ensrefi na presenti foe libi” meki a abi na makti foe pardon sondoe, foe kroetoe sani èn foe wiki den dedewan, nanga tégo libi na den fesi. — 1 Korinte 15:20-22; Johannes 5:27-29; Tori foe den Apostel 17:31.
Wan prisiri wanfasi
8, 9. (a) Fa wi kan hori na marki foe tégo libi na wi fesi? (b) Sortoe seti Jehovah ben sreka ini a tori foe tégo libi? (c) Soema sa kisi foe den blesi disi, èn fa?
8 Jezus discipel Judas e fermane wi foe dat’ede foe „kibri wisrefi na ini a lobi foe Gado, aladi wi e wakti na sar’ati foe wi Masra Jezus Kristus, nanga tégo libi na wi fesi” (Judas 21). Fa disi de wan marki di warti — tégo libi! Èn disi sa de libi na ini volmaaktifasi, akroederi na wani foe wi volmaakti Mekiman èn na seti di a ben seti sani nanga jepi foe en Manpikin. Na ini a libi dati presi no sa de gi wroko di kiri joe jeje, di e marki so foeroe tron na stré foe na libi na ini a disiten seti foe sani. Na ini a seti foe sani di e kon sari, siki, kroektoedoe, porifasi èn srefi dede no sa de moro! — Micha 4:3, 4; 1 Korinte 15:26.
9 Soema sa teki prati na ini a kontroe foe na pramisi disi èn pe? Den sma di e sori bribi na ini Jezus srakti-ofrandi èn di e meki a libi dati go makandra nanga wroko di e sori a gi foe densrefi na ini a dini foe Gado. Den e tjari kon makandra na ini wanfasi nanga kompe-kristen na a heri grontpoe na ini wanfasi foe na bribi. Jakobus 2:24; Efese 4:16.
10. (a) San e kon na a fosi presi ini na „tiri” foe Gado? (b) Na „tiri” e go moro fara foe doe san?
10 Akroederi na prisiri foe en, dan Gado ben abi na prakseri „foe abi wan tiri . . . foe tjari ala sani kon baka makandra na ini na Kristus, den sani di de na ini den hemel èn den sani di de a grontapoe” (Efese 1:8-10). Disi de a seti foe Gado leki wan osofamiri, di e bigin nanga na tjari konmakandra foe den 144.000 mede-erfgenaam foe Kristus. Den sma disi „den ben bai poeroe foe a mindri foe den libisma leki fosiwan gi Gado èn gi a Lam [Jezus Kristus].” Den abi wan prati na „a fosi [hemel] opobaka”, sodati den kan dini doesoen jari langa makandra nanga Kristus leki kownoe èn priester. Moro fara na tiri foe Gado e go doro „foe tjari den sani kon makandra di de a grontapoe” foe bigin nanga wan „bigi ipi foe ala naatsi nanga lo nanga folkoe nanga tongo” di joe no kan teri. Den dienstknegti disi foe Gado sa komoto foe na „bigi benawtoe” nanga ferwakti foe kisi tégo libi na ini „wan njoen grontapoe”. — Openbaring 14:1, 4; 20:4, 6; 7:4, 9-17; 21:1, 4.
11. (a) Efese 1:11 e sori tapoe sortoe „diri wanfasi”? (b) Fa Johannes 15:4, 5 abi foe doe nanga na „wanfasi” disi?
11 Den salfoe manpikin foe Gado „den sani na ini den hemel” e prisiri na ini wan boen krosbé matifasi nanga Jezus èn nanga a Tata. Den ’poti den leki erfgenaam’ foe na kownoekondre ini wanfasi nanga Jezus (Efese 1:11). Jezus ben gi den tranga foe tan na ini wanfasi nanga en, netleki fa taki moe tan na wan droifibon foe kan meki foeroe froktoe. Efoe na diri wanfasi disi nanga Kristus Jezus no tan kibri, dan den taki „no kan doe noti kwetkweti”. — Johannes 14:10, 11, 20; 15:4, 5; 1 Johannes 2:27.
„Tra skapoe” abi na ini dati now prati
12. (a) Na ini sortoe matifasi den „tra skapoe” de nanga na „bigi ipi”? (b) Fa 1 Johannes 2:1-6 abi foe doe nanga ibriwan foe den groepoe disi?
12 Ma fa a de nanga den miljoenmiljoen tra sma di joe kan teki gersi nanga skapoe, èn di na ini a pisten foe den jari féfitenti di psa kaba den ben prati foe den grontapoe „bokoboko”? (Mattéus 25:31-40). Den no de wan pisi foe Jezus „pikin ipi” di den e gi a kownoekondre, ma den e moksi densrefi nanga den „tra skapoe”, di de wan pisi foe wan moro bigi ipi di e doe dienst ini wanfasi nanga na Tata èn na Manpikin (Lukas 12:32; Johannes 10:16). Na apostel Johannes e gi na djaranti dati Jezus Kristus „de wan zoenofrandi gi wi sondoe [dati wani taki di foe na „pikin ipi”], ma no wawan gi di foe wi, ma ooktoe foe di foe a heri grontapoe”. Na so fasi den „tra skapoe” di tjari konmakandra foe na libisma grontapoe kan prisiri ooktoe na ini wan diri wanfasi nanga Gado èn Kristus. Disi e kroederi nanga san Johannes e taki moro fara: „A sma di e hori en wortoe, na ini a sma dati troetroe a lobi foe Gado tjari kon de volmaakti. Nanga disi wi abi na sabi dati wi de ini wanfasi nanga en.” Ini na fosi presi „na bigi ipi” èn moro fara den „tra skapoe” ben kisi na ferprekti foe waka net so leki Jezus. — 1 Johannes 2:1-6.
13. (a) Foe sortoe sani Jezus e begi foe en na ini Johannes 17:20, 21? (b) Sortoe sani e tjari kon a krin dati a begi disi no de wawan gi den mede-erfgenaam foe Kristus?
13 Now soboen ala toe groepoe, na hemel èn na grontapoe groepoe, de ’ini wanfasi nanga na Tata èn nanga na Manpikin’ — krinkrin ini harmonie nanga den na ini a wroko foe Gado. Jezus ben begi ofoe den „alamala kan de wán, net so leki joe, Tata, de ini wanfasi nanga mi èn mi ini wanfasi nanga joe dati den ooktoe kan de ini wanfasi nanga wi”. ’Na de wán disi’ no skotoe wawan gi na mede-erfgenaamschap, bika den discipel foe Jezus a de krin dati den no de nowan pisi foe wan ’skin foe Jehovah’ ofoe „mede-erfgenaam nanga Jehovah”. Den de „ini wanfasi” foe di den sori dati den e wroko ini wanfasi nanga makandra èn „den de wán ini ati èn denki” na Jehovah èn Kristus te den e gi kotoigi na a grontapoe foe libisma. — Johannes 17:20, 21.
14. Na tapoe sortoe spesroetoefasi na hemel klasse de ini wanfasi nanga Kristus, èn san e meki den sabi disi boenboen?
14 Den memre foe na salfoe hemel klasse e prisiri nownow kaba tapoe wan spesroetoe fasi ini na wanfasi dati, foe di ini a tori foe na libi den ferklari den regtvaardiki foe di na verdienste foe Kristus srakti-ofrandi ben tjari kon wroko tapoe den. Foe-dat’ede meki na jeje kan wiki den nanga a ferwakti foe tron mede-erfgenaam nanga Kristus Jezus. Den e èrkèn taki den teki den leki manpikin nanga den wortoe: „Na jeje srefi [a wroko krakti foe Gado di e wiki deb] e kotoigi nanga wi jeje [na jeje firi foe den di e kon moro a fesi] taki wi d epikin foe Gado.” — Romeini 3:23, 24; 5:1; 8:15-18.
15. San a ten foe now èn a ten di e kon e pristeri den sma di abi den froewakti foe libi na grontapoe?
15 Den sma di abi ferwakti foe libi na tapoe grontaapoe, den e ferklari den regtvaardiki now leki mati foe Gado, net soleki disi ben de nanga Abraham, Rachab, nanga trawan foe owroeten. Na ini a ten foe a doesoen jari tiri foe Kristus safrisafri den sa opo go doro libisma volmaaktifasi, sodati baka wan laste tesi, „na meki-wroko srefi sa poti kon fri foe na katibo foe porifasi èn sa abi na glori fri foe den manpikin foe Gado” (Romeini 8:19-21; Jakobus 2:21-26). Na a fasi disi dan sma di e gi jesi den ben sa ferklari den regtfaardiki foe kisi tégo libi na grontapoe. — Teki gersi nanga Johannes 10:10; Jesaja 9:7; 11:1-9; 35:1-6; 65:17-25.
16. (a) Na ini sortoe fasi na „pikin ipi” èn den „tra skapoe” e sori taki den de „ini wanfasi” nanga makandra? (b) Ma foe san-ede Johannes 3:3-5 abi foe doe wawan nanga na „pikin ipi”?
16 Den memre foe na „pikin ipi” èn foe na ipi foe „tra skapoe” di de foe hipihipi sma e sori ibriwan aparti na srefi prisiri faja di den abi gi na dienst foe Gado (Lukas 12:32; Johannes 10:16; Titus 2:13, 14). A moro bigi pisi foe den salfoewan di tan abra kande sa kon de moro owroe ini jari èn abi moro kristen ondrofeni, ma alatoe groepoe e sori na kristen sma di den de èn na froktoe foe na jeje (Efese 4:24; Galacia 5:22, 23). Ma wan difrenti de, soleki Jezus ben sori bifo a ben taki ete foe tégo libi. A ben taki: „Efoe wan sma no kon gebore njoen baka, a no kan si a kownoekondre foe Gado” (Johannes 3:3-5). Den dopoe kristen di Gado e kari foe de mede-erfgenaam nanga Jezus foe de na ini en kownoekondre, soboen e ondrofeni wan kon gebore njoen baka na jejefasi (1 Korinte 1:9, 26-30). Den „tra skapoe” no abi sowan kon gebore njoen baka fanowdoe, bika a marki foe den de tégo libi leki sma di e saka densrefi na ondro na kownoekondre ini a grontapoe paradijs di sa kon baka. — Mattéus 25:34, 46b; Lukas 23:42, 43.
Na Memrefesa — èn na njoen ferbontoe
17. (a) Foe san-ede ala sma di e feti na baka libi leki wan marki, moe kon makandra tapoe 24 maart nanga na pipel foe Gado? (b) San de aparti gi wi na ini na Memrefesa di ben hori na ini 1985?
17 Tapoe 24 maart 1986, baka te son dongo, dan a ten sa doro gi Jehovah Kotoigi na a heri grontapoe foe hori na Memrefesa foe a dede foe Jezus. A prakseri sa poti spresroetoe a tapoe a sani san Jezus ben doe foe di a ben offer en volmaakti libisma-libi èn libi-broedoe foe regtvaardiki a nen nanga prakseri foe en Tata èn foe na boen foe na libismafamiri (1 Korinte 11:23-26). Ala sma di e feti na baka libi leki wan marki (efoe a de now na ini hemel ofoe na tapoe grontapoe) sa wani kon makandra soboen nanga a pipel foe Gado na a heri grontapoe foe na prisiri okasi disi. Na ini 1985 ala nanga ala 7.792.109 sma ben memre na a fasi disi a dede foe Jezus. Na nomroe foe sma di ben gebroiki na brede èn na win foe na Memrefesa, sani di e agersi a libisma skin èn a broedoe foe Jezus, ben de soso 9051. Foe san ede so pikinso sma?
18, 19. (a) Jezus e sori na tapoe sortoe ferbontoe na ini Lukas kapitel 22? (b) Sortoe marki ibriwan foe den ferbontoe e dini? (c) Fa Jezus e dini, soleki fa Mozes ben agersi leki na „wán mindriman”?
18 We, san Jezus ben taki na a neti dati di a ben poti na Memrefesa foe ben memre a dede foe en? Baka di a ben langa na brede gi en discipel, a ben pristeri moro fara na asrefi fasi na win, nanga den wortoe: „Na beker disi wani taki na njoen ferbontoe na ini a krakti foe mi broedoe, di sa lon foe na boen foe oenoe.” Bakaten a ben go moro finifini tapoe a réde foe san-ede a ben teki den na ini a njoen ferbontoe, foe di a ben taki: „Oenoe ben de den sma di ala joeroe ben tan na mi na ini mi tesi; èn mi e sroto wan ferbontoe nanga oenoe, netleki mi Tata ben meki wan ferbontoe nanga mi gi wan kownoekondre, sodati oenoe mag njan èn dringi na ini mi kownoekondre na mi tafra, èn mag sidon tapoe troon foe kroetoe den twarfoe lo foe Israël.” — Lukas 22:19, 20, 28-30.
19 Na proféti Jeremia ben taki a fesi foe na njoen ferbontoe foe di a ben ferteri dati Jehovah nanga jepi foe na ferbontoe dati ben sa gi pardon na den fowtoe doe nanga sondoe foe en pipel, sodati den ben sa „sabi Jehovah na ini wan spesroetoe krosbé matifasi” (Jeremia 31:31, 34). Net soleki Mozes ben de na „mindriman” foe na Wet-ferbontoe di ben meki nanga Israël na skinfasi, na so Jezus e tron na ’mindriman foe na moro betre ferbontoe’, di Gado e meki nanga na jeje „Israël foe Gado”. A marki foe disi de foe bai den sma kon fri, di den ben kari foe tron kownoekondre-erfgenaam nanga Kristus. Na so fasi den e kisi „na pramisi foe na tégo goedoe” (Galacia 3:19, 20; 6:16; Hebrewsma 8:6; 9:15; 12:24). Spesroetoe na ini na bijbel betekenis disi Kristus Jezus e doe dienst leki na ’wán mindriman a mindri Gado èn libisma’. — 1 Timotéus 2:5, 6.
20. (a) Soema nanga reti e gebroiki foe den symbool? (b) Foe san-ede disi de so?
20 Soboen soema nanga reti kan gebroiki den symbool foe na Memrefesa — na brede èn na win? Soso na groepoe di teki poti na ini na njoen ferbontoe, di ben sroto tapoe na fondamenti foe Jezus srakti-ofrandi (Psalm 50:5). Na ferbontoe disi abi leki marki foe regtvaardiki den 144.000 mede-erfgenaam foe Kristus fosi foe abi libisma libi, sodati den kan offer na reti disi tapoe libi èn kan teki poti na ini a hemel Kownoekondre (Romeini 4:25; 2 Timotéus 2:10, 12). Ma fa a de nanga den „tra skapoe”?
21. (a) Fa den „tra skapoe” e njan boen foe na Memrefesa foe di den de drape leki sma di e loekoe? (b) Tapoe san a Memrefesa e poti na prakseri spesroetoe, èn sortoe aksi e kon na fesi?
21 Den memre foe na klasse foe den „tra skapoe” den no teki poti na ini na njoen ferbontoe èn foe dat’ede den no e gebroiki den symbool. Ma alamala abi winimarki srefsrefi dati den de na a Memrefesa leki respeki sma di e loekoe. Na warderi foe den gi jeje sani e kon moro dipi èn disi de ini akroederi nanga a begi foe Jezus na en Tata: „Disi wani taki tégo libi, dati alaten den e teki na ini den sabi foe joe, a wan enkri troe Gado èn foe en di joe ben seni kon, Jezus Kristus” (Johannes 17:3). Prakseri dati na Memrefesa e poti spesroetoe prakseri a tapoe Jezus meti èn broedoe. Na meti èn broedoe foe Kristus di ben offer de toemsi prenspari gi ala sma di e feti baka a marki foe tégo libi. Fa disi de a geval na ini a tori foe den „tra skapoe” di den no teki poti na ini na njoen ferbontoe èn foe dat’ede no e gebrolki foe den symbool foe na Memrefesa? Meki wi go loekoe dati na ini na artikel di e kon.
San joe ben sa piki?
◻ Fa Jezus tapoe wan progressief fasi ben gi ferstan na ini na ferwakti foe tégo libi?
◻ Fa Jehovah ben meki en prakseri na ini a tori foe en „tiri” kontroe?
◻ Foe san-ede wi kan taki dati den „tra skapoe” de ini wanfasi nanga na Tata, na Manpikin èn den brada foe Kristus?
◻ Foe san-ede soso salfoe Kristen e gebroiki foe den symbool foe na Memrefesa?
[Prenki na tapoe bladzijde 4]
Na „pikin ipi”, nanga den „tra skapoe” de „ini wanfasi” nanga makandra — net leki Jezus den e doe a wroko foe Gado